لوگوں کے عقائد و نظریات کی حفاظت کرنے والی عاشقانِ رسول کی تحریک دعوتِ اسلامی کے تحت میٹنگ ہوئی جس میں جامعۃالمدینہ گرلز پاکستان مشاورت  کی ذمہ دار اسلامی بہنوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے بعد صاحبزادیِ عطار سلمہاالغفارنے اسلامی بہنوں کی تربیت و رہنمائی کرتے ہوئے فرمایا:کہ دینِ متین کی خدمت کرنا ہم پر اللہ پاک کا کرم ہے، اللہ عزوجل کی خفیہ تدبیر سے ڈرتے ہوئے عاجزی کے ساتھ دین کا کام کرتے رہنا چاہیئے۔

مزید صاحبزادیِ عطار سلمہاالغفار کا کہنا تھا کہ ہمیں درسِ قراٰن میں مزید بہتری لانے کی کوشش کرنے اور جامعۃالمدینہ گرلز کے متعلق نظام میں بہتری لانے نیز جامعۃالمدینہ میں مدرسۃالمدینہ بالغات لگانے کے بارے میں کوشش کرنی چاہیئے۔

اس موقع پر نگرانِ عالمی مجلسِ مشاورت و اراکینِ مشاورت کی ذمہ دار اسلامی بہنیں موجود تھیں۔

پچھلے دنوں دعوتِ اسلامی کے عالمی مدنی مرکز فیضانِ مدینہ میں تربیتی اجتماع منعقد ہوا جس میں جامعۃالمدینہ گرلز کراچی سطح کی تمام معلمات، ناظمات اور ذمہ دار اسلامی بہنوں نے شرکت کی۔

تفصیلات کے مطابق اس اجتماعِ پاک میں نگرانِ عالمی مجلسِ مشاورت اسلامی بہن نے ”استاد کو کیسا ہونا چاہیئے؟“  کے موضوع پر سنتوں بھرا بیان کیااور وہاں موجود اسلامی بہنوں کو دعوتِ اسلامی کے دینی کاموں میں عملی طور پر حصہ لینے کی ترغیب دلائی۔

اس موقع پر صاحبزادیِ عطار سلمہا الغفار نے اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازاجبکہ اختتامی دعا بھی کروائی۔بعدازاں اجتماع میں شریک اسلامی بہنوں نے صاحبزادیِ عطار سلمہا الغفار اور نگرانِ عالمی مجلسِ مشاورت سے ملاقات کی۔ 

شعبہ فیضان آن لائن اکیڈمی گرلز دعوتِ اسلامی کے تحت پچھلے دنوں لاہور اور قصور ڈویژن مدرسات کی سالانہ ورکشاپ کا انعقاد کیا گیا جس میں دونوں ڈویژنز کی تمام مدرسات ، تمام ایڈمن اسٹاف اور مجلس ذمہ دار اسلامی بہن سمیت صوبائی ذمہ داران نے شرکت کی۔

تفصیلات کے مطابق اس دوران ا راکینِ مجلس تعلیمی امور ، معاونِ نگران ِ مجلس اور دیگر ذمہ دار اسلامی بہنوں کے لئے چند سیشنز ہوئے جس میں مختلف اہم موضوعات(اسلام کی روشن تعلیمات،علم نور ہے وغیرہ) پر تربیت کرنے کے ساتھ ساتھ تدریسی معیار کو مضبوط اور پروفیشنل کرنے کے حوالے سے کلام کیا گیا۔

اس موقع پر دعوتِ اسلامی کی مرکزی مجلسِ شوریٰ کے رکن حاجی محمد علی عطاری اور مبلغِ دعوتِ اسلامی ابو منصور عطاری نے بھی اس سیشن میں اسلامی بہنوں کو اپنے قیمتی مدنی پھولوں سے نوازا اور اصلاحی موضوعات پر اُن کی تربیت کی۔

21 دسمبر 2022ء بروز بدھ ناظم آباد کراچی میں قائم دعوتِ اسلامی کے جامعۃالمدینہ گرلز فیضانِ انبیاء میں ہفتہ وار سنتوں بھرے اجتماع کا انعقاد کیا گیا جس میں طالبات سمیت دیگر اسلامی بہنوں نے شرکت کی۔

اس اجتماعِ پاک میں صاحبزادیِ عطار سلمھا الغفار نے سنتوں بھرا بیان کرتے ہوئے مختلف امو رپر حاضرین کی تربیت و رہنمائی کی نیز وہاں موجود طالبات کو اپنی صحت کا خیال رکھنے اور بھرپور انداز میں علمِ دین حاصل کرنے کا ذہن دیا۔

اجتماع کے اختتام پر صاحبزادیِ عطار سلمھا الغفار اور نگرانِ عالمی مجلسِ مشاورت نے شرکائے اجتماع پر انفرادی کوشش کی اور انہیں دعوتِ اسلامی کے دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔

پچھلے دنوں محمود آباد میں واقع دعوتِ اسلامی کے جامعۃالمدینہ گرلز میں سیکھنے سکھانے کا حلقہ لگایا گیا جس میں طالبات سمیت دیگر ذمہ دار اسلامی بہنوں نے شرکت کی۔

دورانِ حلقہ صاحبزادیِ عطار سلمھا الغفار اور نگرانِ عالمی مجلسِ مشاورت اسلامی بہن کی آمد ہوئی نیز صاحبزادیِ عطار سلمھا الغفار نے ”تحمل مزاجی“ کے موضوع پر سنتوں بھرا بیان کرتے ہوئے طالبات کی تربیت و رہنمائی کی اور انہیں مدنی پھولوں سے نوازا۔

اس موقع پر صاحبزادیِ عطار سلمھا الغفار نے حلقے میں موجود طالبات سے ملاقات کی جبکہ نگرانِ عالمی مجلسِ مشاورت نے اسلامی بہنوں پر انفرادی کوشش کی۔

بعدازاں صاحبزادیِ عطار سلمھا الغفار اور نگرانِ عالمی مجلسِ مشاورت اسلامی بہن نے جامعۃالمدینہ گرلز کا وزٹ کیا۔

لوگوں کے دین و ایمان کی حفاظت کرنے والی عاشقانِ رسول کی دینی تحریک دعوتِ اسلامی کے تحت شعبہ جامعۃالمدینہ گرلز کی عالمی سطح کی شعبہ ذمہ دار اسلامی بہنوں کا بذریعہ انٹرنیٹ مدنی مشورہ منعقد ہوا۔

دورانِ مدنی مشورہ نگرانِ پاکستان اسلامی بہن نے راولپنڈی شہر سے انٹرنیٹ کے ذریعے اسلامی بہنوں کی تربیت و رہنمائی کی نیز درسِ قراٰن کرنے والی اسلامی بہنوں کے متعلق چند اہم امور پر تبادلۂ خیال کیا۔

12 نومبر2022 ء کو   دعوتِ اسلامی کے شعبہ جامعۃُ المدینہ گرلز کی تمام اسلامی بہنوں کا بذریعہ آڈیو لنک مدنی مشورہ ہوا جس میں مرکزی مجلس ِ شوریٰ کے رکن حاجی محمد امین عطاری نے سنتوں بھرا بیان کیا۔

دورانِ بیان رکنِ شوریٰ نے جامعۃُ المدینہ گرلز کے مدنی عملے کو دعوتِ اسلامی ٹرسٹ کے جملہ دینی کاموں کے لئے ہونے والی ٹیلی تھون مہم میں چندہ کرنے کی ترغیب دلائی اور اسی کے ساتھ ساتھ شعبے کے اخراجات کو خودکفیل کرنے کے سلسلے میں اہداف بھی دئیے۔( کانٹینٹ: رمضان رضا عطاری)

دعوتِ اسلامی کی جانب سے 12 نومبر 2022ء  کو لاہور کے علاقہ مزنگ میں قائم اسلامی بہنوں کی بلڈنگ فیضانِ صحابیات میں ٹریننگ سیشن ہوا جس میں جامعۃُ المدینہ گرلز کے مدنی عملے کی اسلامی بہنوں نے پردے کی حالت میں رہتے ہوئے بیان سنا۔

مرکزی مجلسِ شوری کے رکن حاجی یعفور رضا عطاری نے جامعۃُ المدینہ گرلز کے مدنی عملے میں’’ نرمی اور لالچ‘‘ کے موضوعات پر سنتوں بھرا بیان فرمایا۔ بعدازاں انہیں دعوتِ اسلامی کے لئے ٹیلی تھون کی مد میں مدنی عطیات کے ذریعے شعبے کے اخراجات کو خودکفیل کرنے کے سلسلے میں اہداف بھی دئیے۔( کانٹینٹ: رمضان رضا عطاری)

دعوتِ اسلامی  کی جانب سے پچھلے دنوں جامعۃ المدینہ گرلز کو خود کفیل کرنے کے سے متعلق بذریعہ انٹر نیٹ مدنی مشورہ ہوا جس میں عالمی سطح جامعۃ المدینہ ذمہ دار ، پاکستان و پنجاب کی نگران اور فیصل آباد کی ڈویژن و ڈسٹرکٹ نگران اسلامی بہنوں نے شرکت کی۔

نگران عالمی مجلس مشاورت اسلامی بہن نے اس مشورے میں جامعات المدینہ کو خود کفیل کرنے کے سلسلے میں اسلامی بہنوں کو مدنی پھول دیئے نیز جامعۃ المدینہ فیصل آباد کو ڈیکوریٹ کرنے اور اس کے انتظامات کے حوالے سے تفصیلی گفتگو ہوئی نیز اس کے لئے کیا کیا اقدامات کئے جائیں جائے گئے اس پر مشاورت ہوئی ۔

دعوت اسلامی کے تحت دھوراجی کالونی  میں قائم جامعۃ المدینہ حبیبیہ میں لگنے والے تخصص فی الفقہ کے درجے میں تربیتی سیشن کا انعقاد ہوا جس میں صاحبزادیِ عطار سلمھا الغفار و نگران عالمی مجلس مشاورت اسلامی بہن نے تربیت کی۔

دوران تربیت نگران عالمی مجلس مشاورت اسلامی بہن نے ’’استقامت‘‘ کے موضوع پر سنتوں بھرابیان کیا اور طالبات کو پڑھائی کے ساتھ ساتھ 8 دینی کاموں میں حصہ لینے اور مدنی مذاکرہ دیکھنے کا ذہن دیا ۔بعدازاں صاحبزادیِ عطار سلمھا الغفار نے دعا کروائی۔ سیشن کے اختتام پر طالبات سے ملاقات بھی فرمائی۔ 

دعوتِ اسلامی کےتحت    14ستمبر2022ء بروز بدھ راولپنڈی ڈسٹرکٹ اور اسلام آباد سٹی کے 4 جامعات المدینہ کی درس ِ نظامی اور فیضان شریعت کورس کی فار غ التحصیل 129 طالبات کی ردا پوشی ہوئی۔ان اجتماعات میں شعبہ جامعۃ المدینہ گرلز کی ذمہ داران، ناظمات، معلمات، مفتشات اور سرپرست اسلامی بہنوں نے شرکت کی ۔

نگران پاکستان اسلامی بہن نے یوم عرس اُم عطار اور ردا پوشی اجتماع کے موقع پر جامعۃ المدینہ فار گرلز فیضان عطار راولپنڈی کی اسلامی بہنوں کی ردا پوشی کی جبکہ دیگر مقامات پر مبلغات دعوتِ اسلامی نے فارغ التحصیل طالبات کی ردا پوشی کرتے ہوئے ان کی حوصلہ افزائی کی اور انہیں دینی کاموں میں مشغول رہنے کا ذہن دیا نیز اُم عطار کو ایصال ثواب کیا اور سیلاب زدگان کے حوالے سے خصوصی دعا کا اہتمام بھی کیا گیا ۔

دعوتِ اسلامی کے تحت  14 ستمبر 2022ء کو کراچی ا ور حیدرآباد میں 28مقامات پر ردا پوشی اجتماعات کا سلسلہ ہوا جن میں 7000اسلامی بہنوں نے شرکت کی۔

2 مقامات پر صاحبزادی عطار سلمہا الغفار کی خصوصیت کے ساتھ شرکت ہوئی جبکہ دیگر مقامات پر عالمی مجلس مشاورت کی اراکین اسلامی بہنوں کی شرکت ہوئی۔