پاکستان کے دارالحکومت اسلام آباد کے  نیسپاک ہاؤس(National Engineering Services Pakistan) میں گزشتہ روز استقبالِ ماہِ رمضان اجتماع کا انعقاد کیا گیا جس میں مختلف شعبہ ہائے زندگی سے تعلق رکھنے والے اسلامی بھائیوں کی شرکت ہوئی۔

تفصیلات کے مطابق اس اجتماعِ پاک میں نگرانِ پروفیشنلز ڈیپارٹمنٹ ثوبان عطاری نےسنتوں بھرا بیان کیا اور ماہِ رمضان کی آمد پر خوشی کا اظہار کرنے نیزماہِ مبارک میں زیادہ سے زیادہ نیک اعمال کرنے کی ترغیب دلائی۔

اس کے علاوہ نگرانِ پروفیشنلز ڈیپارٹمنٹ نے شرکا کو ماہِ رمضانُ المبارک کی برکتیں حاصل کرتے ہوئے دعوتِ اسلامی کے شعبہ جات کے لئے ڈونیشن دینے کا ذہن دیا۔ (کانٹینٹ:غیاث الدین عطاری)

پچھلے دنوں بیرونِ ملک اسپین کے شہر بارسلونا بادالونا میں قائم دعوتِ اسلامی کے مدنی مرکز فیضانِ مدینہ میں تقسیمِ اسناد کے سلسلے میں عظیم الشان اجتماعِ ذکر و نعت کا  انعقاد کیا گیا جس میں کثیر اسلامی بھائیوں سمیت بچوں نے بھی شرکت کی۔

اس اجتماعِ پاک کا آغاز تلاوتِ قراٰن و نعتِ رسولِ مقبول صلی اللہ علیہ و سلم سے ہوا جبکہ نگرانِ یورپ مولانا اسید رضا عطاری مدنی نے سنتوں بھرا بیان کرتے ہوئے شرکا کی دینی و اخلاقی تربیت کی۔

وفاقی دارالحکومت اسلام آباد کے علاقے سواں گارڈن میں سوسائٹی کے سابق صدر انصر گوندل اور موجودہ صدر رضا گوندل کے والدِ مرحوم کے لئے  دعوتِ اسلامی کے تحت ایصالِ ثواب اجتماع کا انعقاد کیاگیا۔

ابتداءً تلاوتِ قراٰن اور نعتِ رسولِ مقبول صلی اللہ علیہ و سلم پڑھی گئی جبکہ مبلغِ دعوتِ اسلامی نے سنتوں بھرا بیان کرتے ہوئے حاضرین کی دینی و اخلاقی اعتبار سے تربیت کی۔

دورانِ بیان مبلغِ دعوتِ اسلامی نے اجتماع میں شریک اسلامی بھائیوں کو دعوتِ اسلامی کے دینی ماحول سے منسلک ہونے اور دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔آخر میں مرحوم کے لئے دعا کروائی گئی۔(کانٹینٹ:غیاث الدین عطاری)

12 مارچ  2023ء بروز بدھ تحصیل دیپالپورکے شہر شیر گڑھ میں واقع حضرت سید ابراہیم داؤد بندگی سرکار رحمۃ اللہ علیہ کے عرس کے موقع پر مزار شریف پر قرآن خوانی کا انعقاد کیا گیا۔

قراٰن خوانی میں مدرسۃ المدینہ کے بچوں نے مزار شریف پر قراٰن پاک کا ختم کیا ۔بعدازاں مبلغ دعوت اسلامی نے دربار شریف سے منسلک مسجد میں سنتوں بھرا بیان کیا،فاتحہ خوانی کی اور صاحب مزار سمیت تمام اُمّت مسلمہ کے لئے دعائے مغفرت کروائی ۔

بیان کے بعد مزار کےمتولی سے ملاقات کی اور ان کو دعوت اسلامی کا تعارف پیش کرتے ہوئے مدنی مرکز فیضان مدینہ آنے کی دعوت پیش کی جس پر انہوں نے فیضانِ مدینہ آنے کی نیت کا اظہار کیا۔(رپورٹ: انعام عطاری مزارات پنجاب ،کانٹینٹ:رمضان رضا عطاری)

بروز منگل 14 مارچ 2023ء  کو دعوت اسلامی کے شعبہ مزارات اولیا کی جانب سے ملتان موسیٰ پاک ٹاؤن میں واقع حضرت موسٰی پاک شہید علیہ الرحمہ کے سالانہ عرس شریف کے موقع پر محفل نعت کا سلسلہ کیا گیا۔

اس موقع پر نعت خواں اسلامی بھائی نے نبی کریم صلی اللہ علیہ وسلم کی شان اقدس میں گلہائے عقیدت پیش کی۔ بعدازاں مبلغ دعوت اسلامی نے سنتوں بھرا بیان کیا جس میں زائرین کو بزرگان دین کے ارشادات کی روشنی میں اپنی زندگی کے شب و روز گزارنے کی ترغیب دلائی اور دعوت اسلامی کے ہفتہ وار سنتوں بھرے اجتماع میں آنے کی دعوت دی ۔

آخر میں سجادہ ٔنشین سید ابو الحسن جمال الدین شاہ صاحب سے شعبہ مزارات اولیا کےڈویژن ذمہ دار سید احمد کمال عطاری نے ملاقات کی اور شعبے کا تعارف کروایا نیز دعوتِ اسلامی کے دینی اور فلاحی کاموں کے بارے میں آگاہی دی جس پر انھوں نے کافی محبت کا اظہار کیا اور دعوت اسلامی کے دینی اور فلاحی کاموں کو سراہا۔(رپورٹ: انعام عطاری مزارات پنجاب ،کانٹینٹ:رمضان رضا عطاری)

لوگوں کی اصلاح کرنے اور انہیں نمازوں کی پابندی کا ذہن  دینے والی عاشقانِ رسول کی دینی تحریک دعوتِ اسلامی کے تحت گزشتہ روز نگرانِ شعبہ اصلاح برائے قیدیان نے دیگر ذمہ داران کے ہمراہ سینٹرل جیل میرپور کشمیر کا دورہ کیا جہاں انہوں نے جیل سپریٹنڈنٹ سیّد یاسر کاظمی، اسسٹنٹ سپریٹنڈنٹ راجہ سعید ظفر اور اسسٹنٹ سپریٹنڈنٹ راجہ حسیب تاج سے ملاقات کی۔

اس موقع پر ذمہ دار اسلامی بھائیوں نے افسران سے اہم امور پر گفتگو کرتے ہوئے انہیں دعوتِ اسلامی کے مختلف شعبہ جات بالخصوص شعبہ اصلاح برائے قیدیان کے تحت جیلوں میں ہونے والے دینی و فلاحی کاموں پر بریفنگ دی جبکہ افسران کو عالمی مدنی مرکز فیضانِ مدینہ کراچی کا وزٹ کرنے کی دعوت بھی پیش کی جس پر سپریٹنڈنٹ نے دعوتِ اسلامی کی کاوشوں کو سراہا اور مدنی چینل کو اپنے تأثرات دیئے۔

عاشقان رسول کی دینی تحریک دعوتِ اسلامی کےشعبہ مدرسۃُ المدینہ بالغان کے تحت فیصل آباد ڈویژن میں قائم الرحیم ریسٹورنٹ 18 ہزاری میں عظیم الشان ختم قرآن اجتماع منعقد ہوا۔

اس میں مذہبی ،سیاسی، سماجی شخصیات اور بزنس کمیونٹی سے وابستہ افراد نے شرکت کی۔ ا جتماع کا آغاز تلاوت قراٰن و نعت رسول مقبول صلی اللہ علیہ وسلم سے کیا گیا ۔بعدازاں مبلغ دعوت اسلامی ڈاکٹر محمد سلیم عطاری نے’’قرآنِ مجید کی شان و عظمت‘‘ کے موضوع پر سنتوں بھرا بیان کیااور شرکائے اجتماع کو قرآن و سنت کی تعلیمات پر عمل کرنے کا ذہن دیا ۔

اجتماع کے اختتام پر بڑی عمر کے عاشقان رسول جنہوں نے مدرسۃُ المدینہ بالغان سے ناظرہ قرآن مجید مکمل کرنے کی سعادت حاصل کی ان کی سرپر عمامہ سجایا گیا اور ان میں اسناد تقسیم کی گئیں جس پر شرکائے اجتماع نے دعوتِ اسلامی کے کاموں کو خوب سراہا اور ذمہ داران دعوتِ اسلامی کا شکریہ ادا کیا۔(رپورٹ:محمد ابوبکر عطاری، کانٹینٹ:رمضان عطاری )

دعوتِ اسلامی کے شعبہ مدنی کورسز کی جانب سے 15  مارچ 2023ء کو جامع مسجد رحمت آباد اڈا والی ڈسٹرکٹ لیہ پنجاب میں جاری 63دن کے مدنی تربیتی کورس میں سیکھنے سکھانے کا حلقہ لگایا گیا جس میں مختلف علاقوں سے آئے ہوئے عاشقان رسول نے شرکت کی۔

معلم شعبہ مدنی کورسز اظہر حسین عطاری نے ’’ عقائد‘‘کے موضوع پر سنتوں بھرا بیان کیا جس میں شرکائے کورس کو اللہ تعالیٰ کے بارے میں عقیدہ سے متعلق معلومات فراہم کرتے ہوئےانبیائے کرام ،صحابہ کرام،اولیا ئے کرام اور تقدیرکےبارے میں اسلامی عقائد سمجھائے۔ (رپورٹ:محمد ابوبکر عطاری، کانٹینٹ:رمضان عطاری )

عاشقانِ رسول کی دینی تحریک دعوتِ اسلامی کے زیرِا ہتمام گزشتہ روز مرکزی مجلسِ شوریٰ کے رکن حاجی محمد منصور عطاری کی رہائش گاہ پر محفلِ نعت کا انعقاد کیا گیا جس میں کثیر اسلامی بھائیوں نے شرکت کی۔

معلومات کے مطابق محفلِ نعت کا آغاز تلاوتِ قراٰن اور نعتِ رسولِ مقبول صلی اللہ علیہ وسلم سے کیا گیا جبکہ رکنِ شوریٰ حاجی محمد منصور عطاری نے سنتوں بھرا بیان کیااور اسلامی بھائیوں کی دینی و اخلاقی اعتبار سے تربیت کی۔

دورانِ بیان رکنِ شوریٰ نے وہاں موجود تمام اسلامی بھائیوں کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔بعدازاں رکنِ شوریٰ نے رقت انگیز دعا کروائی۔(کانٹینٹ:غیاث الدین عطاری)

دعوتِ اسلامی کے تحت پچھلے دنوں ماہرِ امورِ تجارت مفتی علی اصغر عطاری مدظلہ العالی اسلام آباد کے شیڈول پر تھے جہاں انہوں نے فیڈرل شریعت کورٹ کے چیف جسٹس ڈاکٹر سیّد محمد انور صاحب سے اُن کے آفس میں ملاقات کی۔

دورانِ ملاقات مفتی علی اصغر عطاری مدظلہ العالی نے ڈاکٹر سیّد محمد انور صاحب سے گفتگو کرتے ہوئے غیر بینکنگ سیکٹر میں پائے جانے والے سود اور فراڈ پر مشتمل اسکیموں کی وجہ سے لوگوں کو جن مشکلات کا سامنا ہے اس پر کلام کیا۔

مفتی علی اصغر عطاری مدظلہ العالی نے ڈاکٹر سیّد محمد انور صاحب کو بتایاکہ ان کے کورٹ نے پاکستان میں سود کے عملی خاتمے پر جو فیصلہ دیا ہے دارالافتاء اہلسنت نے اس کا اردو میں خلاصہ کرکے اپنے تمام مفتیان کرام کو تفصیل سے آگاہ کردیا ہےجس پر ڈاکٹر سیّد محمد انور صاحب نے خوشی کا اظہار کیا۔

آخر میں مفتی علی اصغر عطاری مدظلہ العالی نے ڈاکٹر سیّد محمد انور صاحب کو مکتبۃالمدینہ سے شائع ہونے والی اپنی کتاب ”27 واجباتِ حج“ تحفے میں پیش کی۔(کانٹینٹ:غیاث الدین عطاری)

پچھلے دنوں ماہرِ امورِ تجارت مفتی علی اصغر عطاری مدظلہ العالی کی راولپنڈی چیمبر آف کامرس(Rawalpindi Chamber of Commerce) کے صدر ثاقب رفیق صاحب سے اُن کے آفس میں ملاقات ہوئی۔

اس دوران مفتی علی اصغر عطاری مدظلہ العالی نے صدر ثاقب رفیق صاحب سے سودی تجارت کے بارے میں گفتگو کرتے ہوئے سود کے خاتمے نیز دیگر اہم موضوعات پر کلام کیا۔

علاوہ ازیں مفتی علی اصغر عطاری مدظلہ العالی نے دعوتِ اسلامی کے دینی و فلاحی خدمات کے حوالے سے صدر ثاقب رفیق صاحب کو بتایا جس پر انہوں نے دعوتِ اسلامی کی کاوشوں کو سراہا۔(کانٹینٹ:غیاث الدین عطاری)

صوبۂ پنجاب پاکستان کے شہر سیالکوٹ میں دعوتِ اسلامی کے زیرِا ہتمام زکوٰۃ کے مسائل پر ایک پروگرام ہوا جوکہ مدنی چینل پر براہِ راست نشر کیا گیا جبکہ مختلف شعبہ ہائے زندگی سے تعلق رکھنے والے کثیر عاشقانِ رسول نے اس پروگرام میں شرکت کی۔

تفصیلات کے مطابق اس پروگرام میں ماہرِ امورِ تجارت مفتی علی اصغر عطاری مدظلہ العالی نےسنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی اور انہیں زکوٰۃ کےچند ضروری مسائل کے بارے میں بتایا۔

بعدازاں پروگرام میں شریک اسلامی بھائیوں اور مدنی چینل کے ناظرین نے مفتی علی اصغر عطاری مدظلہ العالی سے زکوٰۃ کے متعلق سوالات کئے جس کے مفتی صاحب نے علم و حکمت بھرے جوابات دیئے۔(کانٹینٹ:غیاث الدین عطاری)