اسلامی سال کا نواں مہینا  رمضانُ المبارک ہے، یہ بڑی عظمت و شان والا مہینا ہے، اس کی ہرگھڑی رَحمت بھری ہے،اس میں نیکیوں کا ثواب بڑھا دیا جاتا ہے،گناہ معاف ہوتےہیں۔حدیث ِ پاک میں ہے:اگرلوگوں کو معلوم ہوتا کہ رمضان کیاہےتومیری امت تمناکرتی کہ کاش!پورا سال رَمضان ہی ہو۔ (ابنِ خُزَیمہ ،3/190،حدیث:1886)

اس مہینےکی خصوصیت ہےکہ مہینوں میں سے صرف رمضان المبارک کانام قرآنِ کریم میں ذکر کیا گیا ہے۔اسی طرح اس مہینےکی عظمت و شان کا اندازہ اس بات سے بھی لگایا جا سکتاہےکہ قرآنِ کریم بھی اسی مہینے میں نازِل ہوا۔

اَلحمدُلِلّٰہ! عاشقانِ رسول کی دینی تحریک دعوتِ اسلامی میں پورا مہینا ہی مختلف سلسلوں کے ذریعے ماہ رمضان کی اہمیت و فضیلت کا چرچا کیا جاتاہے۔ اس موقع پر ”ماہنامہ فیضانِ مدینہ“ بھی اپنا حصہ ملاتاہے اور ہر سال رمضان المبارک کے شمارے میں کئی مضامین قراٰن کریم، روزوں کے فضائل و شرعی احکامات، اعتکاف اور دیگر اہم موضوعات پر شامل کئے جاتے ہیں۔

اس رمضان المبارک 1443ھ کے موقع پر قارئین کے لئے ایک خصوصی تحفہ”رمضان المبارک کے106مضامین“ پیش کیا جارہا ہے، یہ گزشتہ شماروں میں رمضان المبارک کی مناسبت سے شائع ہونے والے مضامین کا مجموعہ ہے جس میں آپ جان سکیں گے ٭فضائلِ قراٰن ٭نیکیاں کمانے کا مہینا ٭رمضان المبارک کے فضائل و برکات ٭رمضان المبارک اور شرعی احکام ٭اسلامی بہنوں کے لئے شرعی احکامات ٭زکوۃ اور صدقات و خیرات ٭معتکف اور آداب مسجد ٭فتح مکہ و غزوہ بدر ٭شبِ قدر کے فضائل ٭روزہ اور میڈیکل مع غذائیں اور احتیاطیں٭بچوں کا رمضان ،جیسےعنوانات کے متعلق دلچسپ اور اہم معلومات

اس مجموعہ کا خود بھی مطالعہ کیجئے اور دوسروں کو بھی شیئر کیجئے نیز اسی طرح ہر ماہ بچوں، بڑوں، خواتین، تاجروں اور مختلف طبقہ زندگی سے تعلق رکھنے والے افراد کے لئے مفید اور اہم مضامین پڑھنے کےلئے ماہنامہ فیضان مدینہ کی سالانہ بکنگ کروا لیجئے۔

تو جلدی کیجئے اورآج ہی 40 سے زائد علمی، دینی، دنیاوی، معاشرتی، اخلاقی اور اصلاحی موضوعات پر مشتمل اور 6 زبانوں (اردو، انگلش، عربی، ہندی، گجراتی اور بنگلہ) میں شائع ہونے والے تحقیقی میگزین ”ماہنامہ فیضانِ مدینہ“ کی سالانہ بکنگ کروالیجئے۔

”ماہنامہ فیضانِ مدینہ“ہر مہینے گھر پر حاصل کرنے کے لئے آج ہی اس نمبر پر واٹس اپ یا کال کیجئے۔

0313-1139278

دعوتِ اسلامی کے زیرِ اہتمام 30 مارچ 2022ء بروز بدھ عالمی مدنی مرکز فیضانِ مدینہ کراچی سے بذریعہ انٹر نیٹ مدنی مشورہ ہوا جس میں یوکے کے ائمہ کرام، ائمہ مساجد ذمہ دار اور ناظمِ اعلیٰ بیرونِ ملک کے اسلامی بھائی شریک ہوئے۔

اس مدنی مشورے میں مرکزی مجلسِ شوریٰ کے رکن حاجی محمد عقیل عطاری مدنی نے’’رمضان کی تیاری کیسے کریں‘‘ کے موضوع پر سنتوں بھرا بیان کرتے ہوئے شعبے کے دینی کاموں کے حوالے سے گفتگو کی۔(رپورٹ:محمدشعبان عطاری مدنی، کانٹینٹ:غیاث الدین عطاری)

دعوتِ اسلامی کے شعبہ حج و عمرہ کے تحت ذمہ دار اسلامی بھائیوں نے فتح جنگ میں ایک تاجر اسلامی بھائی (جو کچھ دنوں بعد عمرے کے لئے مکہ مکرمہ جائیں گے) سے ملاقات کی۔

اس موقع پر ذمہ داران نے انہیں مکے ومدینے کی حاضری کے آداب بیان کرتے دعوتِ اسلامی کی ایپ حج و عمرہ کا تعارف پیش کیا۔بعدازاں ذمہ داران نے اسلامی بھائی کو عمرہ کرنے کے چند ضروری مسائل سکھاتے ہوئے احرام باندھنے کا عملی طریقہ بتایا جس پر انہوں نے خوشی کا اظہار کیا۔(رپورٹ:مبشر حسن عطاری شعبہ حج و عمرہ ڈسٹرکٹ اٹک، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ دعوتِ اسلامی کے صوبۂ سندھ کے ذمہ دار عابد حسین عطاری نے دینی کاموں کے سلسلے میں حیدر آباد کا دورہ کیاجہاں انہوں نے حیدر آباد ڈویژن ذمہ دار وقار عطاری اور اسپیشل ایجوکیشن ذمہ دار ولید عطاری سے ملاقات کی۔

اس دوران ذمہ داراسلامی بھائیوں نے جی او آر کالونی حیدر آباد میں قائم ریجنل ڈائریکٹر آفس میں ریجنل ڈائریکٹر آفیسر محمد امین میمن سے ملاقات کی اور انہیں اسپیشل پرسنز ڈیپارٹمنٹ دعوتِ اسلامی کاتعارف پیش کیا جس پر انہوں نے دعوتِ اسلامی کی دینی و فلاحی خدمات کو سراہا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

29 مارچ 2022ء بروز منگل دعوت اسلامی کی مرکزی مجلسِ شوریٰ کے رکن و نگران پاکستان مشاورت حاجی محمد شاہد عطاری کی دیگر ذمہ داران و شخصیات کے ہمرہ حاجی محمد اسد عطاری اور حاجی عبد اللہ عطاری کے گھر (پیرا ڈائز ویلی میں) آمد ہوئی۔

تفصیلات کے مطابق پچھلے دنوں حاجی محمد اسد عطاری اور حاجی عبدللہ عطاری کے والد کا انتقال ہوا گیا تھا جس پر نگران پاکستان مشاورت اور دیگر اسلامی بھائیوں نے حاجی محمد اسد عطاری اور حاجی عبد اللہ عطاری کے گھر پر جاکر ان سے تعزیت کی۔

نگرانِ پاکستان مشاورت حاجی محمد شاہد عطاری نے اہل خانہ کو صبر کی تلقین کرتے ہوئے مرحوم کے لئے فاتحہ خوانی کی اور حاضرین میں ’’فکر آخرت‘‘ کے موضوع پر مدنی پھول ارشاد فرمائے جبکہ اعلیٰ حضرت رحمۃُ اللہِ علیہ کا لکھا ہوا کلام بھی پڑھا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوتِ اسلامی کے شعبہ مدرسۃ المدینہ گرلزکے تحت 27 مارچ2022ء  بروز اتوار پاکستان بھرمیں ڈویژن/ڈسٹرکٹ اور بڑے مدارس المدینہ گرلز تقسیم اسناد اجتماعات کا سلسلہ ہوا جس میں مدرسۃ المدینہ گرلزکے اسٹاف، طالبات، شخصیات خواتین اور تنظیمی ذمہ داران وسرپرست اسلامی بہنوں نے شرکت کی۔

تقسیم اسناد اجتماعات کا آغاز تلاوت قراٰن پاک و نعت رسول مقبول سے ہوا جس میں طالبات نے حصہ لیا۔بعدازاں طالبات نے نمازکے فضائل و والدین کی اطاعت کے موضوعات پر سنتوں بھرئے بیانات کئے اور ساتھ ساتھ منقبت غوث الاعظم بھی پڑھیں ۔

اس موقع پر نگران پاکستان مشاورت و رکن شوریٰ حاجی محمد شاہد عطاری کا خصوصی بیان براہ راست مدنی چینل سے نشر ہوا اورآخرمیں حفظ و ناظرہ مکمل کرنے والی طالبات میں اسناد و تحائف تقسیم کئے گئے۔

تفصیلات کے مطابق بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہ آج 31 مارچ 2022ء کی شب کراچی پاکستان پہنچ گئے ہیں، ایئرپورٹ سے اپنے گھر کی جانب آتے ہوئے انہوں نے اپنی گاڑی سے ایک ویڈیو پیغام اپنے چاہنے والوں کے لئے جاری کرتے ہوئے کہا ہے کہ”الحمد للہ میں آج 27 شعبان المعظم 1443سن ہجری کو کراچی ایئرپورٹ پر اُتر کر اب گھر کی طرف جارہا ہوں، ان شاء اللہ عنقریب ماہِ رمضان کا چاند نظر آجائے گاا ور اللہ نے زندہ سلامت رکھا تو نیت ہے کہ عالمی مدنی مرکز فیضانِ مدینہ کراچی میں معتکفین کی برکتیں حاصل کروں گا، ان شاء اللہ رمضان کے پورے مہینے اعتکاف کی دھوم دھام ہوگی جبکہ روزانہ دو مدنی مذاکرے ((01) بعد عصر (02) بعد تراویح) ہوا کریں گے۔ “

امیرِ اہلِ سنت نے اپنے ویڈیو میں اللہ پاک کے آخری نبی حضرت محمد ﷺ کا فرمان سناتے ہوئے حدیثِ مبارک بیان کی: فرمانِ مصطفیٰ ﷺ : ”اللہ پاک ماہِ رمضان میں روزانہ افطار کے وقت دس لاکھ ایسے گناہ گاروں کو جہنم سے آزاد فرماتا ہے جن پر گناہوں کی وجہ سے جہنم واجب ہوچکا تھا۔ نیز شبِ جمعہ اور روزِ جمعہ یعنی جمعرات کو غروبِ آفتاب سے لے کر جمعہ کو غروبِ آفتاب تک کی ہر ہر گھڑی میں ایسے دس دس لاکھ گناہ گاروں کو جہنم سے آزاد کیا جاتا ہے جو عذاب کے حقدار قرار دیئے جاچکے ہوتے ہیں۔ “(کنزالعمال)

واضح رہے کہ کراچی میں ملاقات کرنے والوں اور دیگر مصروفیات کے سبب تحریری کاموں میں خلل واقع ہوتا ہے اس لئے امیر اہل سنت دامت بَرَکَاتُہمُ العالیہ اپنے تحریری کاموں یعنی کتابیں اور رسائل وغیرہ لکھنے کی غرض سے بیرونِ ملک تشریف لے جاتے ہیں جہاں یکسوئی کے ساتھ تحریر ی کام کرتےہیں اور امت کو بہترین رسالہ یا کتاب عطا فرماتے ہیں۔

26 مارچ 2022ء کو دعوت اسلامی کے زیر اہتمام سٹی ٹاور لاہور میں مختلف شخصیات کے درمیان نیکی کی دعوت کا سلسلہ ہوا۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے شخصیت کی رہائش جاکر ان سے ملاقات کی اور نیکی کی دعوت دیتے ہوئے دعوت اسلامی کے دینی و فلاحی کاموں پر بریفنگ دی۔ نگران شوریٰ نے انہیں دعوت اسلامی کے جملہ کاموں میں تعاون کرنے کی ترغیب بھی دلائی جس پر شخصیات نے اپنی نیتیں پیش کیں۔

اس موقع پر نگران پاکستان مشاورت حاجی محمد شاہد عطاری اور رکن شوریٰ حاجی یعفور رضا عطاری بھی موجود تھے۔ 

26 مارچ 2022ء کو دعوت اسلامی کے تحت گلشن راوی لاہور میں ایک شخصیت کی رہائش گاہ پر دینی حلقے کا انعقاد کیا گیا  جس میں اہل خانہ اور مختلف شعبے سے وابستہ شخصیات نے شرکت کی۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو نیکی کی دعوت پیش کرتے ہوئے انہیں اپنا قیمتی وقت دنیا کاموں کے ساتھ ساتھ دینی کاموں میں بھی صرف کرنے کی ترغیب دلائی۔نگران شوریٰ نے دینی و فلاحی کاموں کی منفرد عالمی تنظیم دعوت اسلامی کے ساتھ مالی تعاون کرنے کی بھی ترغیب دلائی۔

اس موقع پر نگران پاکستان مشاورت حاجی محمد شاہد عطاری اور رکن شوریٰ حاجی یعفور رضا عطاری بھی موجود تھے۔ 

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے25 مارچ 2022ء کو فیصل آباد میں ایک شخصیت کے والد کے انتقال پر ان سے ملاقات کی۔

نگران شوریٰ نے ان سے تعزیت کرتے ہوئےمرحوم کے لئے فاتحہ خوانی اور دعائے مغفرت کی۔نگران شوریٰ نے انہیں دعوت اسلامی کے دینی و فلاحی کاموں کے بارےمیں بریفنگ دی اور اپنے والد مرحوم کے ایصالِ ثواب کے لئے جانی و مالی تعاون کرنے کا ذہن دیا۔

اس موقع پر نگران پاکستان مشاورت حاجی محمد شاہد عطاری اور اراکین شوریٰ حاجی محمد اسلم عطاری اور حاجی یعفور رضا عطاری بھی موجود تھے۔ 

پچھلے دنوں دعوت اسلامی کے زیر اہتمام لاہور میں ایک بزنس مین کی رہائش گاہ پر دینی حلقے کا انعقاد کیا گیا جس میں اہل خانہ اور دیگر شخصیات نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے انہیں نیکی کی دعوت پیش کی اور شرکا کو دعوت اسلامی کے جملہ کاموں کے بارے میں بریفنگ دی۔ نگران شوریٰ نے انہیں دعوت اسلامی کے ساتھ جانی و مالی تعاون کرنے کا ذہن دیا اور دینی تعلیم حاصل کرنے کی ترغیب دلائی۔

اس موقع پر نگران پاکستان مشاورت حاجی محمد شاہد عطاری اور رکن شوریٰ حاجی یعفور رضا عطاری بھی موجود تھے۔ 

پچھلے دنوں دعوت اسلامی کے تحت 26 مارچ 2022ء کو فیصل آباد میں ملز اونر کی رہائش گاہ پر دینی حلقے کا انعقاد کیا گیا جس میں اہل خانہ اور دیگر شخصیات نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے انہیں نیکی کی دعوت پیش کی اور شرکا کو دعوت اسلامی کے تحت ہونے والے دینی و فلاحی کاموں کے بارے میں بریفنگ دی۔ نگران شوریٰ نے انہیں دعوت اسلامی کے ساتھ جانی و مالی تعاون کرنے کا ذہن دیا اور انہیں خود بھی دینی تعلیم حاصل اور اپنے ورکرز کو بھی اس کے لئے آسانیاں فراہم کرنے کی ترغیب دلائی۔

اس موقع پر نگران پاکستان مشاورت حاجی محمد شاہد عطاری اور رکن شوریٰ حاجی جنید عطاری عطاری مدنی بھی موجود تھے۔