دعوت اسلامی کے  شعبہ ڈونیشن سیل کے تحت 19،18،17اکتوبر 2023ء کو عالمی مدنی مرکز فیضان مدینہ کراچی میں ٹریننگ سیشن کا سلسلہ ہوا جس میں پاکستان بھر سے اسلامی بھائیوں نےشرکت کی ۔

تفصیلات کے مطابق نگران پاکستان مشاورت و کن شوریٰ حاجی محمد شاہد عطاری نے شعبہ کے دینی کام کرنے کےحوالے سے بذریعہ وڈیولنک شرکائے اجتماع کی تربیت فرمائی۔

اس کے علاوہ دارالافتاء اہلسنت کے مفتی محمد حسان عطاری مدنی،کراچی سٹی کے نگران و رکن شوریٰ حاجی فضیل عطاری،رکن شوریٰ حاجی فاروق جیلانی عطاری ،نگران شعبہ ڈونیشن سیل ڈاکٹر عبدالقیوم نیازی عطاری ،کراچی سٹی کے رکن حاجی سید شفیق الرحمن عطاری اور پاکستان سافٹ ویئر ذمہ دار عارف عطاری نے بھی اسلامی بھائیوں کی تربیت فرمائی نیز اسلامی بھائیوں کی جانب سے کئے گئے سوالات کے جوابات دیئے۔آخر میں نمایا ں کارکردگی پر ڈویژن ذمہ دار کو قرآن پہن تحفے میں پیش کیا گیا۔(رپورٹ: محمد ارشد ہارون عطاری کراچی ڈویژن ذمہ دار، کانٹینٹ : رمضان رضا عطاری) 

عاشقانِ  رسول کی دینی تحریک دعوتِ اسلامی کے زیرِ اہتمام 25 اکتوبر 2023ء کو سیالکوٹ میں شعبہ رابطہ برائے شخصیات گجرانوالہ ڈویژن ذمہ دار سفیان عطاری نے شخصیات (ڈپٹی کمشنر شاہ میر اقبال،ایڈیشنل ڈپٹی کمشنر جنرل اسد کاظمی،ایڈیشنل ڈپٹی کمشنر رینویو محمد اقبال،اسسٹنٹ کمشنر غلام سرور،ڈسٹرکٹ اکاؤٹینٹ آفیسر نوید انجم،ڈی پی او حسن اقبال،ایس پی انویسٹی گیشن ملک محمد نوید،ڈی ایس پی ہیڈکوائٹر رانا جمیل،ڈی ایس پی سٹی طارق ،ڈی ایس پی ٹریفک محمد شاہد،ڈی ایس پی پسرور شہباز چیمہ اورایس پی جیل ملک بابر) سے ملاقاتیں کیں۔

سفیان عطاری نے شخصیات کو دنیا بھر میں ہونے والے دعوت اسلامی کے دینی و فلاحی کاموں کے بارے میں بتایا اور انہیں مدنی مرکز فیضان مدینہ کا وزٹ کرنے کی دعوت دی جس پر انہوں نے بھلے جذبات کا اظہار کیا۔(رپورٹ : شہزاد عطاری شعبہ رابطہ برائے شخصیات پنجاب آفس،کانٹینٹ : رمضان رضا عطاری)

دعوتِ اسلامی کے شعبہ رابطہ برائے شخصیات  کی جانب سے 25 اکتوبر 2023ء کو تونسہ شریف میں ڈسٹرکٹ نگران اسلامی بھائی نے دیگر ذمہ داران دعوت اسلامی کے ساتھ سابق ایم پی اے حافظ خواجہ محمد داؤد سلیمانی سے ملاقات کی۔

تفصیلات کے مطابق ذمہ دار اسلامی بھائی نے انہیں دعوت اسلامی کے شعبہ جات کا تعارف کروایا اورحالیہ دنوں میں فلسطین میں مظلوم مُسلمانوں کے لئے لگائے گئے امدادی کیمپس اور شجرکاری مہم کے حوالے سے بتایا جس پر انہوں نے دعوت اسلامی کی کاوشوں کو سراہتے ہوئے خوشی کا اظہار کیا۔

٭بعدازاں ڈسٹرکٹ نگران مظفرگڑھ اور تحصیل نگران کوٹ ادو اور جامعۃ المدینہ گرلز مجلس کے صوبائی ذمہ دار محمد آصف عطاری مدنی سے ردا پوشی اجتماع برائے اسلامی بہنوں کی این۔او۔سی اور دیگر مسائل کے سلسلے میں مشورہ بھی ہوا۔(رپورٹ : شہزاد عطاری شعبہ رابطہ برائے شخصیات پنجاب آفس،کانٹینٹ : رمضان رضا عطاری)

شعبہ رابطہ برائے شخصیات دعوت اسلامی کےتحت 26 اکتوبر 2023ء کو ملتان میں سٹی ذمہ دار حاجی مسعود عطاری نے  ذمہ داران کے ہمراہ پولیس لائن ملتان کی مختلف برانچز کا دورہ کیا اور وہاں پولیس آفسرز سے ملاقات کی ۔

دوران ملاقات حاجی مسعود عطاری نے آفیسرز کو دعوت اسلامی کا تعارف کروایا اور انہیں پولیس لائن آڈیٹوریم میں ہونےوالے اجتماع میلادمیں آنے کی دعوت دی جس پر انہوں نے شرکت کرنے کی اچھی نیت کا اظہار کیا۔(رپورٹ : شہزاد عطاری شعبہ رابطہ برائے شخصیات پنجاب آفس،کانٹینٹ : رمضان رضا عطاری)

سوئی ناردرن گیس گوجرانوالہ ریجن دفتر میں دعوتِ اسلامی کےزیرِا ہتمام محفلِ میلاد کا انعقاد ہوا جس میں مرکزی مجلسِ شوریٰ کے رکن حاجی محمد اظہر عطاری نے ”شانِ مصطفیٰ صلی اللہ علیہ و سلم “اور ”رزقِ حلال“ کے موضوعات پر سنتوں بھرا بیان کیا۔

معلومات کے مطابق اس محفلِ میلاد میں جنرل مینجر عمران الطاف ساہی، سینئر ایڈمن آفیسر خواجہ محمد ندیم مقلب اکرام خان، برانچ سیکرٹری رحمت اللہ خان، سینئر آفیسر انجم اور سوئی گیس کے تمام برانچز کے ایڈمن سمیت اسٹاف شریک تھے۔

21 اکتوبر 2023ء کو ڈپٹی سیکریٹری لوکل گورنمنٹ ڈیپارٹمنٹ قربان علی سومرو کی اپنے بیٹے عمران اور بھانجے طاہر کے ہمراہ عالمی مدنی مرکزی فیضانِ مدینہ کراچی حاضری ہوئی جہاں ذمہ داران نے انہیں خوش آمدید کہا۔

اس دوران ذمہ دار اسلامی بھائیوں نے قربان علی سومرو سمیت دیگر شخصیات کو فیضانِ مدینہ کراچی کے مختلف ڈیپارٹمنٹس کا وزٹ کروایا اور دعوتِ اسلامی کے دینی کاموں کے حوالے سے پریزنٹیشن دکھائی۔

سرگودھا ڈویژن میں قائم بریگیڈیئر ر ملک اعظم ٹوانہ،  SSP ر ملک شیر احمد ٹوانہ اور DSP ر ملک ادریس ٹوانہ کے ایک مقامی ہوٹل جوہر آباد میں عاشقانِ رسول کی دینی تحریک دعوتِ اسلامی کے تحت اجتماعِ میلاد کا انعقاد کیا گیا۔

تفصیلات کے مطابق شرکائے اجتماع میں ایڈیشنل ڈپٹی کمشنر خوشاب محمد احمد صہیب، SSP انویسٹی گیشن خوشاب سعید اللہ خان روکھڑی، اسسٹنٹ کمشنر خوشاب ملک محمد اعجاز اعوان، DSP انویسٹی گیشن خوشاب ملک غلام عباس بھسین، DSP CTD خوشاب ملک شاہد نذیر اعوان، DSP PHP خوشاب رانا غلام مجتبیٰ، DSP ٹریفک خوشاب ملک عصمت اللہ بندیال، DSP ر پرویز احمد خان نیازی اور اہم سیاسی شخصیت ملک مشتاق احمد ٹوانہ سمیت دیگر افسران و شخصیات موجود تھے۔

تلاوت و نعت کے بعد مرکزی مجلسِ شوریٰ کے رکن حاجی منصور عطاری نے سنتوں بھرا بیان کیا اور حاضرین کو دین کے کاموں میں اپنا حصہ ملانے کی ترغیب دلائی جس پر انہوں نے اچھی اچھی نیتیں کیں۔

  گزشتہ روز سرگودھا ڈسٹرکٹ میں بھلوال ویلفیئر سوسائٹی کے چیئرمین ڈاکٹر زاہد احمد غوری کے قریبی عزیز کے ایصالِ ثواب کے لئے دعوتِ اسلامی کے مدنی مرکز فیضانِ مدینہ بھلوال میں اجتماع کا انعقاد کیا گیا جس میں ذمہ داران اور دیگر عاشقانِ رسول سمیت مدرسۃ المدینہ بوائز کے بچوں نے قراٰن خوانی کی۔

اس موقع پر مبلغِ دعوتِ اسلامی نے دعا کروائی اور ڈاکٹر زاہد احمد غوری سمیت وہاں موجود دیگر شخصیات کو دعوتِ اسلامی کی دینی و فلاحی خدمات پر بریفنگ دی۔آخر میں ڈاکٹر زاہد احمد غوری نے دعوتِ اسلامی کے دینی و فلاحی کاموں میں بڑھ چڑھ کر حصہ لینے کی اچھی اچھی نیتیں کرتے ہوئے اپنی نیک خواہشات کا اظہار کیا۔(رپورٹ: شعبہ رابطہ برائے شخصیات، کانٹینٹ:غیاث الدین عطاری)

دارالمدینہ انٹرنیشنل اسلامک اسکول سسٹم کے تعلیمی معیار کا جائزہ لینے، اسے بہتر سے بہتر بنانے کے لئے  ذمہ داران وقتاً فوقتاً کیمپسزکا دورہ کرتے رہتے ہیں تاکہ انتظامی سہولیات کے ساتھ طلبہ ، اساتذہ اور غیرتدریسی عملے کی کارکردگی کابھی جائزہ لیا جاسکے اور اُنھیں اپنے فرائض منصبی مزید بہتر انداز میں ادا کرنے کی تربیت دی جاسکے۔

اسی سلسلے میں24اکتوبر2023ء کو دارالمدینہ ملتان ڈویژن ہیڈ آفس میں ٹریننگ سیشن کا انعقاد کیا گیا جہاں دارالمدینہ انٹرنیشنل اسلامک اسکول سسٹم کے CEO ڈاکٹر دانش اقبال گوڈیل عطاری، دارالمدینہ بورڈ ممبر مدنی رضا عطاری، ڈائریکٹر ایجوکیشن عابد سہیل عطاری، ہیڈآف ایڈمن حسن عبدالمجید عطاری، ڈپٹی پرویژنل ہیڈعدنان یعقوب عطاری نے ہیڈز،پرنسپل ،ٹیچرز اور ایڈمن آفیسرسے ملاقات کی اور انسپیکشن کے نتائج اور فیڈبیک پر بات کی۔

بعدازاں ذمہ داران نے ٹیچرز اور اسٹاف کو پرسنل گرومنگ اور ایجوکیشنل ڈیولپمنٹ پر تربیت کی نیز مزید بہتری کے ایریاز کی نشان دہی کی اور خدمات کو مزید بہتر بنانے کے گُربھی بتائے۔ (رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ فیضان اسلامک اسکول سسٹم ، ہیڈ آفس کراچی، ویب ڈیسک رائٹر)

دنیا بھر میں دینی کام کرنےوالی  عاشقانِ رسول کی دینی تحریک دعوت اسلامی کی جانب سے فیضانِ مدینہ کوٹ مومن میں ہفتہ وار سنتوں بھرے اجتماع کا انعقاد ہوا جس میں اسسٹنٹ کمشنرچوہدری رب نواز ،ایس ایچ او اقرار شاہ شیرازی، صدر پریس کلب کوٹ مومن رانا محمد الماس حنیف سمیت دیگر شخصیات کی شرکت ہوئی ۔

پچھلے دنوں  دعوت اسلامی کے شعبہ رابطہ بالعلماء کی جانب سے صوبائی ذمہ دار اور تحصیل ذمہ دار نے مفتی فیض محمد سکندری اور مولانا مٹھل سکندری کے مدارس میں جاکر ملاقاتیں کیں۔

معلومات کے مطابق انہیں دعوت اسلامی کے شعبے اسلامک ریسرچ سینٹر بنام ’’المدینۃ العلمیہ‘‘ اور آئی ٹی مجلس کے تحت بننے والی ایپلیکیشن کا تعارف پیش کیا اور انہیں عالمی مدنی مرکز فیضانِ مدینہ کا وزٹ کرنے کی دعوت بھی پیش کی جس پر علمائے کرام نے خدمات دعوت اسلامی کو سراہتے ہوئے خوشی کااظہار کیا۔( کانٹینٹ:رمضان رضا عطاری)

دنیا بھر  میں دینی کام کرنے والی عاشقانِ رسول کی دینی تحریک دعوتِ اسلامی کے زیرِ اہتمام راولپنڈی وکلا بار میں اجتماع میلاد کا انعقاد کیا گیاجس میں ججز وکلا( صدر ہائی کورٹ بار تنویر اقبال خان، صدر بار فیصل خان نیازی، ڈویثزنل صدر مسلم لیگ ن لائرز ونگ عبدالرزاق احمد مرزا ، سابق صدر ہائی کورٹ سردار عبدالرازق ، جسٹس ر صغیر قادری، سابق سیکرٹری ہائی کورٹ ملک خرم شہزاد، سابق سیکرٹری راولپنڈی بار مبشر رفاق، سیکرٹری بار راجہ محمد علی و بار مجلس عاملہ) کی شرکت ہوئی۔

اجتماع میلاد میں رکن شوریٰ حاجی محمد اظہر عطاری نے ’’قرآن مجید اور نعت رسول صلی اللہ علیہ وسلم ‘‘کے موضوع پر بیان کیا اور آیات قرآنی واحادیث بھی سنائیں۔

دورانِ بیان رکنِ شوریٰ نے رزق حلال کمانے کا ذہن دیانیز قرآن و سنت کی تعلیمات پر عمل کرنے کی ترغیب دلائی۔آخر میں ملاقات کی اور مکتبۃ المدینہ کی مطبوعہ کُتب تحفتاً پیش کیں۔( کانٹینٹ:رمضان رضا عطاری)