دعوتِ اسلامی کی مرکزی مجلسِ شوری ٰکے رکن حاجی قاری محمد ایاز عطاری کی میرپورخاص ڈویژن کے شیڈول کے دوران کنری شہر میں آمد ہوئی۔

اس دوران رکنِ شوری ٰنے جامع مسجد فیضان امام حسین رضی اللہ عنہ کے افتتاح کے سلسلے میں نماز مغرب کی باجماعت ادائیگی سے مسجد کا افتتاح کیا ۔

رکنِ شوریٰ نے مسجد بنانے کے فضائل اور مسجد کے کام میں حصہ ملانے کے حوالے سے سنتوں بھرا بیان کیا اور اہلِ محلہ کو مسجد آباد رکھنے، نماز کے لئے اپنے ساتھ دیگر مسلمانوں کو لانے کا ذہن دیا ۔

اس موقع پر ڈسٹرکٹ نگران نے اسلامی بھائیوں کو مسجد کی تعمیرات کے لئے ساتھ دینے نیتیں کروائیں نیز رکنِ شوریٰ سمیت دیگر اسلامی بھائیوں نے ہاتھوں ہاتھ چندہ جمع کروایا۔

بعدازاں رکنِ شوریٰ نے وہاں موجود اسلامی بھائیوں کو امیر اہل سنت دامت برکاتہم العالیہ کا مرید بھی بنایا جبکہ شرکاء نے اختتام پر رکن ِشوری ٰسے ملاقات کی۔( کانٹینٹ:غیاث الدین عطاری)

دعوت اسلامی کے زیر اہتمام 3 نومبر 2022ء کو ایمسٹرڈیم نیدرلینڈز (Amsterdam) کی فرید الاسلام مسجد میں ہفتہ وار سنتوں بھرے اجتماع کا انعقاد کیا گیا جس میں مقامی اسلامی بھائیوں نے شرکت کی۔

مبلغ دعوت اسلامی نے سنتوں بھرا بیان کیا اور شرکا کو دینی کاموں میں شرکت کرنےاور مدنی قافلے میں سفر کرنے کی ترغیب دلائی۔

دعوتِ اسلامی کے دینی کاموں کا فالو اپ لینے کے لئے ڈسڑکٹ عمر کوٹ کے ٹاؤن سطح کے  شعبہ ذمہ داران اورتحصیل و یوسی نگران اسلامی بھائیوں کا مدنی مشورہ ہوا۔

دورانِ مدنی مشورہ مرکزی مجلس شوری کے رکن و نگرانِ انٹیرئیر سندھ حاجی قاری محمد ایاز عطاری نے ذمہ داران کو نیک کام کرنے کی ترغیب دلاتے ہوئے انہیں 12دینی کاموں کو بڑھانے اور اسلامی بھائیوں کو 12 دینی کاموں کا ہر ماہ جائزہ لینے کا ذہن دیا نیز دعوتِ اسلامی کے دینی و فلاحی کاموں کے حوالے سے نئی اپڈیٹس سے آگاہ کیا۔

رکنِ شوریٰ نے ذمہ داران سے گفتگو کرتے ہوئے بتایا کہ تھر میں اب تک 1 ہزار 800 سے زیادہ سمر پمپ لگائے جا چکے ہیں،سیلاب زدگان کی اب تک مدد کی جا رہی ہے ،راشن تقسیم کیا جا رہا ہے اور انٹیرئیر سندھ میں کم و بیش 1 ہزار 200 مکانات کی تعمیرات کے لئے ورکنگ شروع کر دی گئی ہے۔

پچھلے دنوں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے رکنِ شوریٰ حاجی وقار المدینہ عطاری سمیت دیگر ذمہ داران کے ہمراہ دینی کاموں کے سلسلے میں مدنی مرکز فیضانِ مدینہ جاتلاں و جامعۃالمدینہ بوائز کا دورہ  کیا۔

دورانِ دورہ نگرانِ پاکستان مشاورت حاجی محمد شاہد عطاری نےفیضانِ مدینہ مسجد کا وزٹ کیا نیز تعمیراتی کاموں کا جائزہ لیتے ہوئے ذمہ داران کی تربیت و رہنمائی کی اور انہیں مدنی پھولوں سے نوازا۔علاوہ ازیں نگرانِ پاکستان مشاورت نے اسلامی بھائیوں کے ہمراہ جامعۃالمدینہ بوائز میں قائم لائبریری کا وزٹ کیا ۔

آخر میں جامعۃالمدینہ بوائز کے اساتذۂ کرام، طلبۂ کرام اور ذمہ داران نے نگرانِ پاکستان مشاورت سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی کشمیر شیڈول کے دوران مختلف شخصیات سے ملاقات ہوئی۔

معلومات کے مطابق نگرانِ پاکستان مشاورت کی حاجی کبیر حسین کے گھر ہل کالونی غربی نکیال آمد ہوئی جہاں اُن کی ملاقات شخصیات و تاجران سے ہوئی۔

نگرانِ پاکستان مشاورت حاجی محمد شاہد عطاری نے وہاں موجود عاشقانِ رسول کی دینی و اخلاقی تربیت کرتے ہوئے انہیں سنت کے مطابق داڑھی رکھنے نیز دعوتِ اسلامی کے تحت ہونے والے ٹیلی تھون میں زیادہ سے زیادہ چندہ جمع کروانے کا ذہن دیا۔

مزید نگرانِ پاکستان مشاورت نے دیگر عاشقانِ رسول کو ٹیلی تھون کی ترغیب دلانے کے حوالے سے ذہن سازی کی جس پر اسلامی بھائیوں نے اچھی اچھی نیتوں کا اظہار کیا۔آخر میں نگرانِ پاکستان مشاورت نے دعا کروائی۔

واضح رہے اس موقع پر نگرانِ پاکستان مشاورت کے ہمراہ مرکزی مجلسِ شوریٰ کے رکن حاجی وقار المدینہ عطاری سمیت دیگر ذمہ داران بھی موجود تھے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی کشمیر شیڈول کے دوران مختلف شخصیات سے ملاقات ہوئی۔

تفصیلات کے مطابق نگرانِ پاکستان مشاورت کی عبد الرحمٰن کے گھر ہل کالونی غربی نکیال آمد ہوئی جہاں اُن کی ملاقات شخصیات و تاجران سے ہوئی۔

نگرانِ پاکستان مشاورت حاجی محمد شاہد عطاری نے وہاں موجود عاشقانِ رسول کو نمازوں کی پابندی کرنے اور دیگر نیکی کے کاموں میں حصہ لینے کا ذہن دیا نیز دعوتِ اسلامی کے تحت ہونے والے ٹیلی تھون میں زیادہ سے زیادہ ڈونیشن جمع کروانے کا ذہن دیا۔

مزید نگرانِ پاکستان مشاورت نے دیگر عاشقانِ رسول کو ٹیلی تھون کی ترغیب دلانے کے حوالے سے ذہن سازی کی جس پر اسلامی بھائیوں نے اچھی اچھی نیتوں کا اظہار کیا۔آخر میں نگرانِ پاکستان مشاورت نے دعا کروائی۔

05 نومبر 2022 ء بروز ہفتہ کراچی رضوی بلڈنگ ہیڈ آفس ایچ آر ڈیپارٹمنٹ  میں رکنِ مجلس ایچ آر ابو سفیان محمد عرفان عطاری نے ماہانہ میٹنگ کی جس میں شعبہ ایچ آر کے اسلامی بھائیوں نے براہ راست شرکت کی۔

اس ماہانہ میٹنگ میں ”رحم دلی “ کے موضوع پر سنتوں بھرا بیان کیا اور ”صدقے کے فضائل “ پر ترغیب دلاتے ہوئے ٹیلی تھون میں بھرپور حصہ لینے کا ذہن دیا نیز اس موقع پر اسلامی بھائیوں کو 12 دینی کام کرنے کا ذہن دیا گیا۔ (رپورٹ : رضوان شاہ عطاری المدنی ؛ کانٹینٹ: محمد مصطفی انیس ) 

دعوتِ اسلامی کے زیرِ اہتمام پچھلے دنوں دیوانِ  خاص مارکیDHQ روڈ نزد پنجاب کالج بھمبر کشمیر میں عظیم الشان اجتماع کا انعقاد کیا گیا جس میں رکنِ شوریٰ حاجی وقار المدینہ عطاری اور ذمہ داران سمیت قرب و جوار کے کثیر عاشقانِ رسول نے شرکت کی۔

تلاوتِ قراٰنِ پاک اور نعتِ رسولِ مقبول صلی اللہ علیہ و سلم کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے شرکا کو پیارے آقا صلی اللہ علیہ و سلم کی شان وعظمت بیان کی۔

نگرانِ پاکستان مشاورت نے شرکائے اجتماع کی تربیت کرتے ہوئے انہیں دینِ اسلام کی تعلیمات کے مطابق زندگی گزارنے، نمازوں کی پابندی کرنےرمضان شریف کے روزے رکھنے اور دیگر نیکی کے کاموں میں حصہ لینے کے حوالے سے ذہن سازی کی۔

دعوتِ اسلامی کے مدنی مرکز فیضانِ مدینہ فیصل آباد میں سٹی ذمہ دار اسلامی بھائیوں کا مدنی مشورہ ہوا جس میں فیصل آباد  ڈسٹرکٹ نگران ، میٹرو پولیٹن نگران ، ٹاؤن نگران اور جامعۃالمدینہ و مدرسۃالمدینہ بوائزکے ناظمین سمیت دیگر شعبہ جات کے ذمہ داران نے شرکت کی۔

مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف موضوعات بالخصوص ٹیلی تھون کے حوالے سے اہم امور پر گفتگو کرتے ہوئے ذمہ داران کو اہداف دیئے۔

نگرانِ پاکستان مشاورت نے دعوتِ اسلامی کے شعبہ جات کے لئے زیادہ سے زیادہ یونٹ جمع کرنے اور دیگر عاشقانِ رسول کو اس کی ترغیب دلانے کا ذہن دیا جس پر انہوں نے اچھی اچھی نیتیں کیں۔بعدازاں نگرانِ پاکستان مشاورت نے اختتامی دعا کروائی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

05نومبر 2022ء بروز ہفتہ مرکزی جامعۃُ المدینہ سیالکوٹ میں مرکزیِ مجلسِ شوریٰ کے رکن ابو البیان حاجی اظہر عطاری نے سنتوں بھرا بیان کیا جس میں جامعۃُ المدینہ کے طلبۂ کرام اور اساتذۂ کرام نے شرکت کی ۔

اس اجتماعِ پاک میں تلاوتِ کلامِ پاک اور نعتِ رسولِ مقبول صلَّی اللہ علیہ واٰلہٖ وسلَّم کے بعد رُکنِ شوریٰ نے ”فضائل علم و علما“ کے موضوع پر طلبۂ کرام و اساتذہ ٔ کرام سے گفتگو کی اور وہاں موجود عاشقانِ رسول کی دینی و اخلاقی اعتبار سے تربیت کی نیز انہیں مدنی پھولوں سے نوازا۔(کانٹینٹ: محمد مصطفیٰ انیس) 

01نومبر 2022ء کو فیضان آن لائن اکیڈمی برانچ کلاتھ مارکیٹ حیدرآباد میں مرکزیِ مجلسِ شوریٰ کے رکن قاری ایاز عطاری نے حیدرآباد ڈویژن کے تمام اسٹاف کیساتھ مدنی مشورہ کیا جس میں رکنِ شوریٰ نے دعوت اسلامی کے دینی کاموں کے کرنے اور دینی کاموں کو بڑھانے نیز  دعوتِ اسلامی کی 13 نومبر 2022ء کو ہونے والے ٹیلی تھون مہم میں زیادہ سے زیادہ یونٹ کرنے کے لئے تربیت کا سلسلہ کیا اور یونٹس جمع کرنے کے اہداف بھی دئیے ۔

اس موقع پر حیدرآباد میٹرو پولیٹن کے نگران حاجی سہیل رضا عطاری بھی موجود تھے۔ فیضان آن لائن اکیڈمی حیدرآباد ڈویژن کے نگران مولانا عابد حسین عطاری نے 13 نومبر 2022ء کو ہونے والے ٹیلی تھون میں تمام اسٹاف کی طرف سے اہداف کو پورا کرنے اور ٹیلی تھون میں بھرپور حصہ لینے کی یقین دہانی کرائی۔(کانٹینٹ: محمد مصطفیٰ انیس) 

گزشتہ دنوں چنیسر ٹاؤن  میں سٹی ذمہ دار محمد ذیشان عطاری ، شعبہ رابطہ ٹرانسپورٹ چنیسر ٹاؤن کے نگران اور مدنی قافلہ کراچی سٹی کے ذمہ دار محمد ساجد عطاری نے شخصیات سے ملاقات کی ۔دورانِ ملاقات مسلمان کےایک دوسرے پر حقوق بیان کئے اور 13 نومبر 2022ء کو ہونیوالے ٹیلی تھون میں حصہ ملانے کا ذہن دیا ۔

اس کے علاوہ چنیسر ٹاؤن خالد بن ولید روڈ میں دعوت اسلامی کے شعبہ رابطہ برائے ٹرانسپورٹ کے تحت مدنی حلقے کا اہتمام کیا گیا جس میں دعوت اسلامی کے دینی کاموں کو مزید بڑھانے کا ذہن دیا ۔(کانٹینٹ: محمد مصطفیٰ انیس)