5 نومبر 2022ء کو دعوتِ اسلامی کی جانب سے کراچی سٹی شعبہ دارُالمدینہ ہیڈ آفس اسٹاف کے سنتوں بھرا اجتماع کا انعقاد ہوا جس میں  پرنسپل،اساتذہ اور دیگر مدنی عملے نے شرکت کی۔

اس موقع پر رکنِ شوریٰ حاجی محمد امین عطاری نے سنتوں بھرا بیان کیا اور دعوتِ اسلامی کے تحت ہونے والی ٹیلی تھون مہم میں چندہ جمع کروانے اور دیگر عاشقانِ رسول کو ترغیب دینے کے بارے میں ذہن دیا جس پر شرکا نے اچھی اچھی نیتوں کا اظہار کیا۔( کانٹینٹ:رمضان رضا عطاری)

گزشتہ روز عاشقانِ رسول کی دینی تحریک دعوتِ اسلامی کے شعبہ ائمہ مساجد کے تحت صوبۂ پنجاب پاکستان کے شہر بھلوال میں احکامِ مسجد کورس کا انعقاد ہوا جس میں مسجد انتظامیہ کے عاشقانِ رسول  اور ائمہ مساجد کے ذمہ داران نے شرکت کی۔

اس کورس میں مرکزی مجلسِ شوریٰ کے رکن حاجی محمد عقیل عطاری مدنی نے شرکائے کورس کی تربیت کرتے ہوئے مسجد کی آباد کاری کرنے پر اُن کی شرعی رہنمائی کی۔

رکنِ شوریٰ نے دورانِ کورس مسجد کے آداب، وقف اور چندے کے چند ضروری مسائل بتائے نیز رکنِ شوریٰ کا کہنا تھا کہ ہر متولی اور وقف سے تعلق رکھنے والے افراد کو اپنے منصب کے مطابق علم حاصل کرنا فرض ہے۔(کانٹینٹ:غیاث الدین عطاری)

پچھلے دنوں دعوتِ اسلامی کی دینی ایکٹیویٹیز کے حوالے سے مرکزی مجلسِ شوریٰ کے رکن حاجی قاری محمد ایاز عطاری دیگر ذمہ داران کے ہمراہ نواب شاہ ڈویژن کے شیڈول پر تھے۔

اس دوران رکنِ شوریٰ قاری محمد ایاز عطاری نے شہداد پور سٹی میں ایک شخصیت ڈاکٹر عبد الستار ڈیتھا سے اُن کے آفس میں ملاقات کی اور انہیں دعوتِ اسلامی کی دینی خدمات کے بارے میں آگاہی دی۔

رکنِ شوریٰ نے شخصیت کو دعوتِ اسلامی کے تحت ہونے والے ٹیلی تھون میں زیادہ سے زیادہ تعاون کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

آخر میں رکنِ شوریٰ نے شخصیت کو امیرِ اہلِ سنت دامت بَرَکَاتُہمُ العالیہ کا رسالہ ”سب سے آخری نبی صلی اللہ علیہ و سلم“ اور ”فیضانِ قراٰن ڈیجیٹل پین“ تحفے میں دیا۔(کانٹینٹ:غیاث الدین عطاری)

6 نومبر 2022ء کو دعوتِ اسلامی کے زیرِ اہتما م لاہور کے علاقہ چوہنگ میں شخصیات کے درمیان سیکھنے سکھانے کے حلقے کا انعقاد ہوا جس میں مقامی شخصیات و دیگر عاشقانِ رسول نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے دعوتِ اسلامی ٹرسٹ کے جملہ اخراجات کے حوالے سے شخصیات میں بیان فرمایا جس پر آنے والے شرکا نے ہاتھوں ہاتھ ٹیلی تھون کے لئے مدنی عطیات دئیے اور مزید اچھی اچھی نیتیں بھی کیں۔ ( کانٹینٹ:رمضان رضا عطاری)

دعوتِ اسلامی کی مرکزی مجلسِ شوریٰ کے رکن اور انٹیرئیر سندھ کے صوبائی نگران حاجی قاری محمد ایاز رضا عطاری نے  میرپورخاص ڈویژن کے شیڈول کے دوران نوکوٹ شہر میں اسلامی بھائیوں کی تربیت فرمائی۔

رکنِ شوری ٰنے فیضانِ مدینہ نوکوٹ میں لگنے والے سیکھنے سکھانے کے حلقے میں اسلامی بھائیوں کو صدقہ و خیرات کرنے کے متعلق مدنی پھول دیئے۔اس کے بعد رکنِ شوریٰ نے دینی کام کرنے کے حوالے سے ذہن سازی کی جس پر اسلامی بھائیوں نے اچھی اچھی نیتوں کا اظہار کیا۔ آخر میں دعاو ملاقات کا سلسلہ ہوا۔ ( کانٹینٹ:رمضان رضا عطاری)

پچھلے دنوں شعبہ ائمہ مساجد دعوتِ اسلامی کے تحت ڈسٹرکٹ سرگودھا کی تحصیل بھیرہ شریف میں احکامِ مسجد کورس کا انعقاد کیا گیا جس میں مسجد انتظامیہ سمیت مقامی اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے اس کورس میں شرکا کو مسجد، چندہ اور وقف کے بنیادی احکام سیکھنے اور اس پر عمل کرنے کی ترغیب دلائی۔

اس کے علاوہ رکنِ شوریٰ نے دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہا رکیا۔(کانٹینٹ:غیاث الدین عطاری)

ٹیلی تھون کے سلسلے میں 5نومبر2022ء  بروز ہفتہ مرکزی مجلسِ شوریٰ کے رکن حاجی قاری محمد ایاز عطاری نے کنری حیدرآبادمیں ایک شخصیت محمد رمیز عطاری سےان کے گھر پر ملاقات کی اور انہیں دعوتِ اسلامی کے شعبہ ایف جی آر ایف کی فلاحی خدمات نیز دعوتِ اسلامی کے دینی کاموں کے حوالے سے آگاہی دی۔

دورانِ ملاقات رکنِ شوریٰ نے دعوتِ اسلامی کے لئے ٹیلی تھون میں زیادہ سے زیادہ یونٹس جمع کرنے اور اپنے عزیز و اقارب کو اس کی ترغیب دلانے کا ذہن دیا۔اس موقع پر رکنِ شوریٰ نے وہاں موجود اسلامی بھائیوں کو مکتبۃُ المدینہ کی کُتب تحفتاً دیں۔ ( کانٹینٹ:رمضان رضا عطاری) 

عاشقانِ رسول کی دینی تحریک دعوتِ اسلامی کے زیرِا ہتمام 6 نومبر 2022ء بروز منگل صوبۂ سندھ پاکستان کے شہر کوٹ غلام محمد میں اجتماعِ غوثیہ کا انعقاد کیا گیا جس میں قرب و جوار کے کثیر عاشقانِ رسول نے شرکت کی۔

تلاوتِ قراٰن سے اجتماعِ پاک کا آغاز کیا گیا اور نعت خواں اسلامی بھائی نے سرکارِ دوعالم صلی اللہ علیہ و سلم کی بارگاہ میں نذرانۂ عقیدت پیش کیا۔

اس موقع پرمرکزی مجلسِ شوریٰ کے رکن حاجی قاری محمد ایاز عطاری نے ”حدیثِ قدسی اور شانِ غوثِ اعظم رحمۃاللہ علیہ“ کے موضوع پر سنتوں بھرا بیان کیا اور وہاں موجود عاشقانِ رسول کی دینی و اخلاقی اعتبار سے تربیت کی۔بعدازاں اسلامی بھائیوں نے رکنِ شوریٰ سے ملاقات بھی کی۔(کانٹینٹ:غیاث الدین عطاری)

5 نومبر 2022ء بمطابق 10 ربیع الاٰخر 1444ھ بروز ہفتہ بعد نماز عشاء عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا گیا جس میں شہر کراچی کے عاشقان رسول نے فیضان مدینہ آکر جبکہ دیگر مقامات پر ہزاروں عاشقان رسول بذریعہ مدنی چینل شریک ہوئے۔

مدنی مذاکرے میں شیخ طریقت، امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کی جانب سے کئے گئے سوالات کے علم و حکمت سے بھر پور جوابات دیئے اور مسلمانوں کی دینی ومعاشرتی رہنمائی کے لئے مدنی پھول ارشاد فرمائے۔

مدنی مذاکرے کے چند مدنی پھول ملاحظہ کیجئے:

سوال: کیسا سوال کرنا چاہئے اورسوال کرنے کا اندازکیاہو؟

جواب:حدیث پاک میں ہے :حُسْنُ السُّؤَالِ نِصْفُ الْعِلْمِ یعنی اچھا سوال آدھا علم ہے ۔( شعب الایمان ،رقم الحدیث 6568 )سوال علماءواہلِ علم سے کرنا چاہئے،سوال بھی بامقصدہویعنی سوال وہ کیا جائے جس سےاپنی ذات یا دوسروں کو فائدہ ہورہا ہو،تفریح کے طورپریا سامنے والے کو لاجواب کرنے کے لیے سوال نہ کیا جائے ،جس سے سوال کررہے ہیں اس کی حالت کو بھی دیکھ لیا جائے ،اگر وہ تھکاہواہویا جلدی میں ہو تو سوال نہ کیا جائے۔موقع کی مناسبت سے سوال کیاجائے ،کثرت ِسوال بھی منع ہے ۔

سوال: سوشل میڈیا کی وجہ سے گناہوں بالخصوص بدنگاہی سے بچنامشکل ہے،اس صورت میں کیا کریں ؟

جواب: سوشل میڈیاسے پہلے بھی گناہوں سے بچناضروری تھا اوراب بھی ضروری ہے ،گناہ سے بچناجتنا مشکل ہوگا ،بچنے پرکوشش زیادہ کرناپڑے گی اور اس کا ثواب بھی زیادہ ہوگا،بھرپورکوشش کریں گے تو گناہ سے بچ جائیں گے،ان شاء اللہ الکریم، شروع میں دُشواری ہوگی، پھر گناہوں سے بچنے کی عادت ہوجائے گی ،گناہوں سے توبہ اوراللہ پاک سے گناہوں سے بچنے کی توفیق کی دعابھی کر تے رہیں۔

سوال : کرامت کسے کہتے ہیں ؟

جواب : جوبات عادۃً محال ہو،یعنی عام عادت کے مطابق نہ ہوتی ہو،اگریہ کسی ولی یا صحابی سے ظاہر ہوتواسے کرامت کہتے ہیں ۔

سوال: کیا کھمبی کھاسکتے ہیں ؟

جواب: جی ہاں! میں نے کھمبی کھائی ہے ،اس کا ذائقہ گوشت سے ملتاجلتامعلوم ہوتاہے۔

سوال: کیاگھڑی سیدھے ہاتھ میں باندھی جائے ؟

جواب: جی ہاں !اکرام اوراحترام والےکام سیدھے ہاتھ اورسیدھی جانب سے کرنا اچھا ہے۔

سوال: اللہ پاک کی ملاقات کا شوق کیسے پیداہو؟

جواب: اللہ پاک کی ملاقات کا شوق ہونا چاہئے،یہ دعاکرنی چاہئے کہ یااللہ پاک !مجھے اپنی ملاقات کا شوق عطافرما،جب یہ ذہن بن گیا تو موت اچھی لگے گی ۔

سوال: امیراہل سُنّت دامت برکاتہم العالیہ نے13نومبر 2022ء کو ہونے والے ٹیلی تھون (عطیات مہم) میں یونٹ جمع کروانے کے حوالےسے کیا فرمایا؟

جواب: ٭جو دے سکتے ہوں وہ ایک ساتھ 1 یونٹ یعنی 10 ہزارروپےدے دیں٭ہر ماہ 2500روپے دے دیں تو 4 ماہ میں1 یونٹ مکمل ہوجائے گا٭ہر ماہ 2ہزاردے دیں تو 5 ماہ میں یونٹ مکمل ہوجائے گا٭ہر ماہ 1 ہزارروپے دے دیں تو ایک یونٹ 10 ماہ میں مکمل ہوجائے گا۔٭ہر دعوتِ اسلامی والا کم از کم 1 یونٹ دے۔

سوال: اِس ہفتے کارِسالہ ” سب سے آخری نبی “ پڑھنے یاسُننے والوں کو امیرِاہلِ ِسُنّت مدظلہ العالی نے کیا دُعا دی ؟

جواب: یارَبَّ المصطفےٰ! جو کوئی 42صفحات کا رسالہ : "سب سے آخری نبی" پڑھ یا سُن لے، اُسے بے حساب بخش کر جنت الفردوس میں اپنے سب سے آخری نبی ،مکی مدنی ،محمدِ عربی صلی اللہ علیہ و اٰلہ سلم کا پڑوسی بنا۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

پچھلے دنوں دعوت اسلامی کے زیر اہتمام سیکٹر 16، خیر آباد گلشن بہار، اورنگی ٹاؤن کراچی میں سنتوں بھرے اجتماع کا انعقاد کیا گیا جس میں کثیر تعداد میں عاشقان رسول و ذمہ داران دعوت اسلامی نے شرکت کی۔

مرکزی مجلس شوریٰ دعوت اسلامی کے رکن مولانا حاجی عبد الحبیب عطاری نے ” عشق مصطفےٰ صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیااور شرکا کوروزانہ پابندی کے ساتھ بارگاہِ رسالت صلَّی اللہ علیہ واٰلہٖ وسلَّم میں درودشریف پڑھنے کی ترغیب دلائی۔

پچھلے دنوں انڈونیشیا سے عالمی مدنی مرکز فیضان مدینہ کراچی آئے ہوئے عاشقان رسول نے خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی سے ملاقات کی۔ اس موقع پر نگران ریجن انڈونیشیا اور دیگر ذمہ داران بھی موجود تھے۔

جانشین امیر اہلسنت دامت بَرَکَاتُہمُ العالیہ نے ایک اسلامی بھائی کے سر پر عمامہ بھی باندھا اور شرکا کو مدنی پھولوں سے نوازا۔ آخر میں انڈونیشیا کے چند اسلامی بھائیوں نے مدنی قافلے میں سفر کرنے کی نیت کی۔

دعوت اسلامی کے زیر اہتمام 4نومبر 2022ء کو آسٹریلیا کے شہر سڈنی میں اسٹوڈنٹس کے درمیان دینی حلقے کا انعقادکیا گیا جس میں کالج و یونیورسٹی کے اسٹوڈنٹس نے شرکت کی۔

مبلغ دعوت اسلامی نے سنتوں بھرا بیان کیا اور شرکا کو دنیاوی تعلیم کے ساتھ ساتھ فیضان آن لائن اکیڈمی کے ذریعے دینی تعلیم بھی حاصل کرنے کی ترغیب دلائی۔