16 اکتوبر 2022ء کو یو۔سی3 ، چنیسر ٹاؤن، ڈسٹرکٹ ایسٹ کراچی میں دعوت اسلامی کے تحت مسجد کا افتتاح ہوا  ، مسجد کے افتتاحی اجتماع میں مرکزی مجلس شوری کے رکن حاجی عبد الحبیب عطاری اور حاجی امین سمیت ڈسٹرکٹ و ٹاؤن سطح کے ذمہ داران ، اہلسنت مساجد انتظامیہ ، اہل محلہ اور دیگر اسلامی بھائیوں نے شرکت کی۔

اس افتتاحی اجتماع میں رکن شوری حاجی عبد الحبیب عطاری نے مسجد بنانے کی فضیلت پر سنتوں بھرا بیان کیا اور اہل محلہ کو پانچ وقت نماز تکبیرِ اولی کیساتھ پڑھنے کی ترغیب دی ۔ اجتماع کے اختتام پر شرکاء نے اراکین شوری سے ملاقات کیں اور دعابھی کروائیں۔(رپورٹ: محمد اشفاق علی عطاری نگران یوسی ـ 1چنیسر ٹاؤن ، کانٹینٹ: محمد مصطفی انیس) 

تعلیمی اداروں سے وابستہ اسلامی بہنوں میں بذریعہ زوم محفل میلاد شریف کا سلسلہ ہوا، جس میں تعلیمی اداروں کی سربراہان،پرنسپلز ، ٹیچر ز اور طالبات شامل تھیں۔ محفل میلاد شریف میں رکن شوری اور نگر ان مجلس دارالمد ینہ حاجی اطہر علی عطاری نے اپنے بیان میں ارشاد فرمایا کہ آپ ﷺ کی ولادت کے وقت لوگ اخلاقی برائیوں میں مبتلا تھے ، وہ اپنی بیٹیوں کوزندہ در گور کرتے تھے ، پھر جب اسلام آیا تو سب انسان رحمت کے سائے میں آگئے۔ آپ ﷺ نے عورتوں کو عزت و عظمت عطا فرمائی، انہیں بے شمار حقوق عطا فرمائے۔ رکن شوری نے بیٹیوں کی فضیلت بیان کرتے ہوئےکہا کہ آپ ﷺ نے بھی بیٹیوں کی عزت فرمائی ہے ، حضرت فاطمہ رضی اللہ عنہا جب آتیں تو آپ ﷺ کھڑے ہو جاتے ۔ رکن شوری نے عورتوں کی اہمیت بیان کرتے ہوئے کہا کہ عورت ماں ، بیوی ، بیٹی خالہ، نانی، دادی، پھوپھو، نواسی ، پوتی الغرض ہر روپ میں وہ عظیم ہے ۔ رکن شوری نے خواتین کو یاد دلایا کہ آنے والی نسل کی پہلی تربیت گاہ ماں کی گود ہے، آپ اپنی عظمت اور اپنے منصب کو پہچانیں ، ایسے لوگوں کی باتوں میں آکر کھلونا نہ بنیں ، جو آپ کو بے حیا بنائیں، بے حیائی کے راستے پر چلنے سے آپ کی قدر کم ہورہی ہے ، دوسری طرف سوشل میڈ یا پر آپ کی عزت، پاکیزگی اور خاندانی شرافت کا قتل عام ہو رہا ہے ۔ یادرکھیے ، ہمیں سب کچھ اللہ نے عطا کیا ہے ، جب سب کچھ اللہ کا ہے تو مرضی بھی اسی کی ہونی چاہیے۔ وہی بہتر جانتا ہے کہ ہمیں کیا کرنا چاہیے۔رکن شوری نے مکتبۃ المدینہ کی شائع کر وہ کتب ”شان خاتون جنت ، فیضان عائشہ صدیقہ اور فیضان بی بی مریم “وغیرہ پڑھنے کی خصوصی ترغیب دلائی۔ انھوں نے کہا کہ یہ پڑھنے لکھنے اور سمجھنے کے دن ہیں ، آخر میں انہوں نے پانچوں نمازوں کی پابندی کرنے ، ماں باپ کا ادب کرنے ، شوہر سےحسن سلوک کرنے ، بہن بھائیوں ، رحم کے رشتوں اور اپنے استاد کا احترام کرنے ، روزانہ کم از کم ۱۲منٹ قرآن کی تلاوت ، ترجمہ و تفسیر کرنے ، دوستیاں اور سہیلیاں صرف ماں باپ کی اجازت سے کرنے ،کسی بھی شخص کے ساتھ تنہائی اختیار نہ کرنے ، سوشل میڈیا کا استعمال کم کرنے، اپنی صحت کا خوب خیال رکھنے ،اپنی ذات میں نظم و ضبط پیدا کرنے ، گھر گرستی کی طرف توجہ دینے ، حصول علم دین پر توجہ دینے ، دعوت اسلامی کے مدنی ماحول کو اختیار کرنے ، ہفتہ وار اجتماعات میں شرکت کرنے اور دعوت اسلامی کے تحت مختلف شارٹ کورسز کرنے اور باپردہ رہنے کی بھی تلقین کی۔ (رپورٹ: غلام محی الدین ترک ، اردو کانٹینٹ رائٹر ، کانٹینٹ: محمد مصطفی انیس) 

14 اکتوبر2022ء کو دعوت اسلامی کے شعبہ فیضان آن لائن اکیڈمی کے زیرِ اہتمام حیدرآباد میں قائم کلاتھ مارکیٹ برانچ میں تعلیمی امور کے ذمہ داران کا ماہانہ مدنی مشورہ ہوا ، جس میں تعلیمی معیار کو بہتر بنانے کے حوالے سے ڈویژن ذمہ دار مولانا عابد حسین عطاری اور ڈویژن تعلیمی ذمہ دار مولانا غوث علی عطاری نے تربیت کی۔

اس دوران پاکستان تفتیش آفس کے معاون انس عطاری نے بھی(آن لائن) تعلیمی و تفتیشی حوالے سے اہم امور پر گفتگو کی اور پچھلے مشورے کے پوائنٹس پر فالو کرتے ہوئے آئندہ کے اہداف بھی دیئے جس پر ذمہ داران نے اچھی اچھی نیتوں کا اظہار کیا ۔(کانٹینٹ: محمد مصطفی انیس)

16 اکتوبر 2022ء کو دیپال پور ضلع اوکاڑہ  میں شعبہ مدنی کورسز کے تحت مدنی مشور ہوا جس میں ذمہ دار قاری جہانگیر عطاری اور ساجد علی عطاری نے ذمہ داران سمیت علاقے کے اسلامی بھائیوں نے شرکت کی۔

اس مشورہ میں مدنی کورسز کی دعوت کےلئے ملاقاتیں ، صدقہ باکس رکھوانے اور دیگر 12 دینی کاموں کے کرنے کا ذہن دیا جس پر ذمہ داران نے نیک نیتی کااظہار کیا۔(رپورٹ: قاری جہانگیر عطاری ، کانٹینٹ: محمد مصطفی انیس) 

گزشتہ روز میر پور خاص سینٹرل جیل میں قیدیوں کے درمیان دعوت اسلامی کے زیر اہتمام  اجتماع میلاد کا انعقاد ہوا ، اس موقع پر دعوت اسلامی کے نعت خوانوں نے ہدیہ نعت پیش کیا اور مبلغ دعوت اسلامی نے عاشقان رسول کے درمیان سیرت النبی ﷺکے حوالےسے سنتوں بھرا بیان کیا ۔

اس اجتماعِ پاک میں SSP جیل خانہ جات ارشاد رند ، DSP عظیم تھبو ، جیلر عبد القادر نے شرکت کی۔ (کانٹینٹ: محمد مصطفی انیس)

گزشتہ روز پاکستان کے شہر سیالکوٹ ریسکیو 1122 کے دفتر میں رکن شوری حاجی اظہر عطاری نے سنتوں بھرا بیان کیا ۔

تفصیلات کے مطابق سیالکوٹ میں ریسکیو 1122 کے دفتر میں اجتماع کا اہتمام کیا گیا جس میں ڈسٹرکٹ انچارج انجینئر نوید ، اسپیشل برانچ کے سرکل سیالکوٹ کے انچارج محمد مبارک ، آئی ٹی انچارج ڈسٹرکٹ پولیس خرم شہزاد جعسر اور چیف آفیسر ایم۔سی سیالکوٹ محمد زبیر وٹو نے شرکت کی ۔

رکن شوری نے ریسکیو1122 کے جوانوں کے درمیان معجزات مصطفی ﷺ اور مسلمانوں کی مدد پر اظہارِ خیال کیااور اجتماع کے بعد رکن شوری سے محمد زبیر وٹو نے ملاقات کی اور اہم امور پر تبادلہ ٔ خیال کرتے ہوئے رکن شوری نے محفل میلاد پر ان کی طرف سے تعاون کرنے پر ان کے لئے دعا کی ۔(رپورٹ: رابطہ برائے شخصیات گوجرانولہ ڈویژن ، کانٹینٹ: محمد مصطفی انیس) 

گزشتہ روز کراچی میں نیشنل انشورنس کمپنی لمیٹڈ میں اجتماعِ جشن عید میلاد النبی ﷺ   کا اہتمام کیا گیاجس میں مرکزی مجلس شوری کے رکن حاجی امین عطاری نے سنتوں بھرا بیان کیا۔اجتماع کے اختتام پر رکن شوری سے کمپنی کے افسران (خالد حمید چیف ایگزیکٹو آفیسر، طارق عزیز ایگزیکٹو ڈائریکٹر ، فیصل خانزادہ جنرل مینجر، بلال کلی جنرل مینجر ، عثمان غنی جنرل مینجر ، عیسی محمد مینجر ، نور محمد عطاری)نے ملاقات اور انہیں مکتبۃ المدینہ کی کتاب ”گفتگو کے آداب اور فضول باتوں سے بچنے کی فضیلت “ تحفے میں پیش کیں۔ (رپورٹ: ٹاؤن ذمہ دار شعبہ رابطہ برائے شخصیات گلشن ٹاؤن کراچی ، کانٹینٹ: محمد مصطفی انیس) 

گزشتہ روزمیٹروپولیٹن سرگودھا میں ایڈمنسٹریٹر میونسپل کارپوریشن کی جانب سے اجتماع میلاد کے سلسلے میں سیرت النبی ﷺ کانفرنس کا اہتمام  کیا گیا جس میں چیف ایگزیکٹیو آفیسر سرگودھا چوہدری طارق محمود پرویا ، میٹروپولیٹن کارپوریشن کے افسران ، ایریا انچارج اور انجینئرز نے شرکت کی ۔

سرگودھا ڈویژن کے نگران ابو فاضل محمد عادل عطاری نے حاضرین سے سنتوں بھرا بیان کیا جس میں شرکاء کو اپنے نفس کی اصلاح کرنے کا ذہن دیا ساتھ ہی دعوت اسلامی کی دینی و فلاحی خدمات بیان کیں اور دعوت اسلامی کے تحت ہونیوالے سنتوں بھرے اجتماعات و محافل میں شرکت کرنے کی ترغیب دلائی ۔

اجتماع کے اختتام پر افسران نے نگران سرگودھا سے ملاقات کی اور سی۔ای۔او۔سے اہم امور پر تبادلۂ خیال کیا۔(رپورٹ: کوآرڈینیشن ڈیپارٹمنٹ سرگودھا سٹی ، کانٹینٹ: محمد مصطفی انیس) 

پچھلے دنوں شعبہ رابطہ برائے شخصیات کے زیر اہتمام ریجن بی ایم بلاک ماڈل ٹاؤن میٹروپولیٹن لاہور میں ایکسائز اینڈ ٹیکسیشن آفس میں میلاد اجتماع کا اہتمام  کیا گیا۔

اس اجتماع میں ڈائریکٹر محمد سمیر ، ای۔ ٹی ۔او ۔آفتاب رحیم ، ای۔ٹی ۔او۔بشیرنوید ، ای۔ٹی ۔او۔ارشد، ای۔ٹی ۔او۔ شہباز ڈوگراور دیگر افسران نے شرکت کی ۔

اجتماعِ میلاد میں لاہور کے نگران محمد عظیم عطاری نے شرکاء سےبیان کرتے ہوئے انہیں دعوت اسلامی کی دینی و فلاحی خدمات بیان کیں ساتھ ہی ہفتہ وار سنتوں بھرے اجتماعات و مدنی مذاکروں میں شرکت کرنے کی دعوت دی جس پر حاضرین نے اجتماعات میں شرکت کرنے کی نیت کی۔(رپورٹ: شعبہ رابطہ برائے شخصیات اقبال ٹاؤن لاہور ، کانٹینٹ: محمد مصطفی انیس) 

15 اکتوبر 2022ء کو کراچی عالمی مدنی مرکز فیضان مدینہ میں سندھ سیکریٹریٹ کے ایڈیشنل سیکریٹری انفارمیشن ڈیپارٹمنٹ علی گل سنجرانی نے وزٹ کیا ۔

شعبہ رابطہ کے ذمہ دار سید عبد الرزاق شاہ نے انکا استقبال کیا اور انہیں دعوت اسلامی کی ڈاکومینٹری دکھائی ، مزید فیضان مدینہ میں قائم شعبہ جات جن میں دارالأفتاء، المدینۃ العلمیہ ، فیضان آن لائن اکیڈمی، شعبہ تراجم اور مدنی چینل کا وزٹ کروایا اور شعبہ جات کے تحت ہونیوالے کاموں کے بارے میں بتایا ۔

اس موقع پر علی گل سنجرانی نے مدنی چینل کو اپنے تأثرات بھی دیئے۔(رپورٹ: شعبہ رابطہ براے شخصیات کراچی ، کانٹینٹ: محمد مصطفی انیس) 

پچھلے دنوں شجاع آباد ضلع ملتان میں تحصیل انتظامیہ کی جانب سے میونسپل کمیٹی ہال میں اجتماع میلادالنبی ﷺ کا اہتمام کیا گیا جس میں ڈسٹرکٹ نگران محمد عقیل عطاری  نے سنتوں بھرا بیان کیا ۔

اس اجتماع میں اسسٹنٹ کمشنر ناصر شہزاد ، ڈی۔ ایس۔پی۔ سید رمیض بخاری ، چیف آفیسر میونسپل کمیٹی عامر رؤف ، ایس۔ایچ۔او۔عون عباس اعوان، سابق چیئر مین بلدیہ رفیق احمد قریشی سمیت شہر بھر سے مختلف سیاسی و سماجی شخصیات اور میڈیا نمائندگان نے شرکت کی ۔(رپورٹ: شعبہ رابطہ برائے شخصیات ڈسٹرکٹ ملتان ، کانٹینٹ: محمد مصطفی انیس) 

پچھلے دنوں ڈسٹرکٹ شیخوپورہ میں ڈسٹرکٹ نگران اصغر علی عطاری کے گھر پر سنتوں بھرا اجتما عِ میلاد کا اہتمام ہوا جس میں ڈپٹی ڈائریکٹر عمران ظہور، امید وار ایم ۔پی۔اے معراج خالد ، وکلاءاور علاقے کے اسلامی بھائیوں نے شرکت کی۔

مبلغ دعوت اسلامی محمد کاشف عطاری نے حاضرین سے سنتوں بھرا بیان کیا جس میں انہیں اصلاح اعمال اور گناہوں سے توبہ کرنے کا ذہن دیا ۔اس موقع پر انہیں دعوت اسلامی کی دینی و فلاحی خدمات کے حوالے سے بھی آگاہ کیا اور شرکاء کو دعوت اسلامی کے سنتوں بھرے اجتماعات و مدنی مذاکرے میں شرکت کرنے کی دعوت دی ۔(رپورٹ: شعبہ رابطہ برائے شخصیات ڈسٹرکٹ شیخوپورہ لاہور ڈویژن، کانٹینٹ: محمد مصطفی انیس)