13 اکتوبر 2022ء کو دعوت اسلامی کی مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی کی یونیورسٹی آف سندھ جامشورو آمد ہوئی جہاں یونیورسٹی انتظامیہ اور اسٹوڈنٹس نے پُر تپاک استقبال کیا۔

شعبہ تعلیم (دعوت اسلامی) کے زیر اہتمام یونیورسٹی کے آڈیٹوریم میں اجتماع میلاد کا انعقاد کیا گیا جس میں نگران شوریٰ حاجی مولانا محمد عمران عطاری مُدَّ ظِلُّہُ العالی نے سیرت مصطفٰے صلَّی اللہ علیہ واٰلہٖ وسلَّم کے موضوع پر سنتوں بھرا بیان فرمایا۔

اجتماع میلاد میں یونیورسٹی آف سندھ کے وائس چانسلر ڈاکٹر محمد صدیق ، پروفیسر ڈاکٹر محمد صاحبداد سکندری، ڈائریکٹر انسٹیٹیوٹ آف لینگویجیز (عربی و فارسی) اور دیگر پروفیسرز سمیت اسٹوڈنٹس اور مقامی افراد و شخصیات نے شرکت کی۔اس موقع پر اراکین شوریٰ حاجی محمد اطہر عطاری اور حاجی قاری ایاز عطاری بھی موجود تھے۔

اجتماع میلاد میں بیان کرتے ہوئے نگران شوریٰ نے فرمایا کہ تعلیمی اداروں سے جب اسٹوڈنٹس اللہ پاک اور اس کے پیارے محبوب محمد مصطفٰے سب سے آخری نبی ﷺ کی محبت اور دین کا درست سبق لے کر جائیں گے تو یہ جہاں پر بھی ہونگے مظلوم کی مدد کریں گے اور رشوت کے سد باب کی کوشش کریں گے۔

آخر میں یونیورسٹی کے وائس چانسلر نے نگران شوریٰ کو شیلڈ کا تحفہ پیش کیا جبکہ نگران شوریٰ نے وائس چانسلر کو مکتبۃ المدینہ کی کتاب ”سیرت مصطفٰے ﷺ“ تحفے میں دی۔

اسٹوڈنٹس کے دلوں میں عشق مصطفٰے ﷺکو اُجاگر کرنے کے لئے 17 اکتوبر 2022ء کو شعبہ تعلیم (دعوت اسلامی) کے زیر اہتمام اسپائر کالج پشاور کیمپس میں اجتماع میلاد کا انعقاد کیا گیا جس میں پرنسپل، ٹیچرز اور کالج کے اسٹوڈنٹس نے شرکت کی۔

مبلغ دعوت اسلامی محمد توصیف عطاری (ڈویژن نگران پشاور) نے سنتوں بھرا بیان کیااور شرکا کو سیرت مصطفٰے ﷺکے مطابق زندگی گزارنے کی ترغیب دلائی۔اجتماع میلاد میں اسٹوڈنٹس کو فیضان آن لائن اکیڈمی کا تعارف بھی پیش کیا گیا اور اس کے ذریعے دینی تعلیم سیکھنے کی ترغیب دلائی گئی۔

دعوتِ اسلامی کےتحت 13اکتوبر2022ء  بروز جمعرات پاکستان کے شہر راولپنڈی میں پاک سطح ادارتی و غیر ادارتی شعبہ ذمہ داراسلامی بہنوں کا آن لائن مدنی مشورہ ہوا۔

نگران پاکستان اسلامی بہن نے” اہل محلہ کو دینی ماحول سے کیسے وابستہ کیا جائے‘‘ اس موضوع پر بیان کیا ۔ بعدازاں سابقہ کارکردگی سے تقابل کرتے ہوئے اسلامی بہنوں کی متفرق انفرادی و سافٹ ویئر کارکردگیوں کا جائزہ لیا اور ہفتہ وار رسالہ کارکردگی میں اضافے کا ذہن دیا۔

مزید ڈویژن ، ضلع و میٹروپولیٹن نگران اور ڈویژن سطح شعبہ ذمہ داراسلامی بہنوں کے 8 ماہ کے سفری شیڈول کا جائزہ بھی لیا اور ذمہ داران کو فعال بنانے نیز بروقت ماہانہ مدنی مشورے منعقد کرنے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا۔

دعوت اسلامی کے شعبہ ڈونیشن بکس للبنات  کے تحت 15اکتوبر 2022ء بروز ہفتہ پاک ڈونیشن بکس ذمہ دار اسلامی بہنوں کا ماہانہ مدنی مشورہ ہوا جس میں صوبہ تا سٹی ڈونیشن بکس ذمہ داراسلامی بہنوں نے شرکت کی۔

پاک ڈونیشن بکس ذمہ دار اسلامی بہن نے مدنی مشورے میں ماہانہ کارکردگی، کارکردگی شیڈول، سفری شیڈول کے حوالے سے نکات بتائے۔علاوہ ازیں ذمہ داران کو ان کی انفرادی کارکردگی بتائی اور آئندہ کے لئے تقرریوں کے اہداف دئیے جس پر ذمہ داراسلامی بہنوں نے اچھی اچھی نیتوں کے ساتھ شعبے کے دینی کام میں بہتری لانے کا اظہار کیا ۔

٭دوسری جانب دعوت اسلامی کے شعبہ ڈونیشن بکس للبنات کے تحت 14اکتوبر 2022ء بروز جمعہ کراچی سٹی کی سٹی اور ڈسٹرکٹ ذمہ داراسلامی بہنوں کا بذریعہ انٹرنیٹ مدنی مشورہ منعقد ہوا۔

دعوت اسلامی کے شعبہ ڈونیشن بکس  للبنات کے تحت 12 اکتوبر 2022ء بروز بدھ صوبہ کشمیر کا بذریعہ کال مدنی مشورہ منعقد ہوا جس میں صوبہ کشمیر کی ڈویژن ، ڈسٹرکٹ ڈونیشن بکس ذمہ داراسلامی بہنوں نے شرکت کی ۔

پاک ڈونیشن بکس ذمہ دار اسلامی بہن نے مدنی مشورے میں اسلامی بہنوں کو ماتحت کی حوصلہ افزائی کرنے کا ذہن دیتے ہوئے تربیتی مدنی پھول بیان کئے۔علاوہ ازیں ماہانہ کارکردگی اور کارکردگی شیڈول بروقت دینے کی ترغیب دلائی ۔ مزید کارکردگی جمع کرنے میں پیش آنے والے مسائل کا حل بیان کیا۔

14 اکتوبر2022ء بروز جمعہ یورپین یونین ریجن میں ریجن سطح پر کابینہ نگران اسلامی بہنوں کا مدنی مشورہ ہوا جس میں ٹیلی تھون کے مدنی پھول سمجھائے گئے اور اہداف تقسیم کئے گئے جس پر تمام کابینہ نگران اسلامی بہنوں نے جوش اور جذبہ کے ساتھ اہداف قبول کئے۔

٭ علاوہ ازیں 15 اکتوبر2022ء بروز ہفتہ یورپین یونین کی تمام شعبہ ذمہ داراسلامی بہنوں کا مدنی مشورہ ہوا جس میں ٹیلی تھون کے مدنی پھول سمجھائے اور اہداف دیئے ۔

مورخہ14 اکتوبر 2022 ء بروز جمعہ دعوت اسلامی  کی جانب سے بنگلہ دیش کے ڈویژن راج شاہی میں بذریعہ انٹرنیٹ مدنی مشورہ ہوا۔ اس مشورے میں مقامی اسلامی بہنوں نے شرکت کی۔

بنگلہ دیش ریجن نگران اسلامی بہن نے 8 دینی کاموں کو بڑھانے کے حوالے سے گفتگو کرتے ہوئے اہداف دیئے اور کارکردگیوں کو بہتر بنانے کے سلسلے میں مدنی پھول دیئے جس پر اسلامی بہنوں نے اچھی اچھی نیتیں پیش کیں۔ مزید اسلامی بہنوں کی طرف سے کئے گئے سوالات کے جوابات دیئے ۔

٭اسی طرح مورخہ 14 اکتوبر 2022ء بروز جمعہ بذریعہ انٹرنیٹ مدنی مشورے کا انعقاد ہواجس میں مقامی اسلامی بہنوں نے شرکت کی۔ بنگلہ دیش ریجن نگران اسلامی بہن نے بنگلہ دیش کی ملک مشاورت اسلامی بہنوں کا مدنی مشورہ لیا جس میں دینی کاموں میں بہتری لانے کے حوالے سے تبادلہ خیال کیا گیا۔

دعوت  اسلامی کے زیر اہتمام 13اکتوبر 2022ء کو بذریعہ انٹرنیٹ ٹیلی تھون سے متعلق مدنی مشورے کا انعقاد ہوا جس میں نگران ریجن ، و نگران پاکستان اور کراچی سٹی نگران اسلامی بہنیں شریک ہوئیں۔

نگران عالمی مجلس مشاورت اسلامی بہن نے مشورے میں E رسید کا نظام مضبوط بنانے ، ٹیلی تھون جمع کرنے کے حوالے سے نکات بتائے اور اس سلسلے میں حکمت عملی اپناتے ہوئے بھر پور کوشش کے ساتھ اس کام کوبجا لانے کا ذہن دیا۔مزید اس کے اہداف بھی دئیے ۔

دعوت اسلامی  کی جانب سے پچھلے دنوں قاعدہ و ناظرہ کورس کی عالمی سطح اور اوورسیز سطح کی ذمہ دار اسلامی بہنوں کا مدنی مشورہ ہوا۔ اس میں نگران عالمی مجلس مشاورت اسلامی بہن نے آئندہ کے اہداف کے متعلق گفتگو کرتے ہوئے کہا کہ جو مدرسات کورس مکمل کرلے وہ مختلف شعبہ جات کے مدارس میں پڑھائیں نیز اس کا فولواپ بھی لیا جائے۔ بعدازاں جو اسلامی بہنیں مدرسات کورس مکمل کرچکی ان کی تنظیمی و اخلاقی اعتبار سے تربیت کی۔

٭دوسری جانب عالمی مجلس مشاورت آفس کی ذمہ دار اسلامی بہنوں کا بذریعہ انٹرنیٹ مدنی مشورہ ہوا جس میں تمام ریجن نگران اور نگران پاکستان اسلامی بہنوں نے شرکت کی۔

نگران عالمی مجلس مشاورت ذمہ دار اسلامی بہن نے اس مشورے میں سافٹ وئیر کی افادیت سے متعلق بتایا اور اس سے بھر پور طریقے سے کس طرح فائدہ اٹھایا جا سکتا ہے اس پر مدنی پھول پیش کئے ۔

دعوت اسلامی کے زیر اہتمام پچھلے دنوں جمشید روڈ کراچی  میں سنّی تحریک کے سابقہ رہنما مرحوم عبّاس قادری کے گھر محفلِ نعت کا انعقاد ہوا جس میں گھر کی خواتین سمیت مقامی اسلامی بہنوں نے شرکت کی۔

نگران عالمی مجلس مشاورت اسلامی بہن نے ’’ شانِ مصطفٰی ﷺ ‘‘ کے موضوع پر سنتوں بھرا بیان کیا۔بعدازاں نیکی کی دعوت پیش کرتے ہوئے محفل نعت میں شریک اسلامی بہنوں کو ہفتہ وار سنتوں بھرے اجتماع میں شرکت کرنے اور ٹیلی تھون میں حصہ شامل کرنے کی نیتیں کروائیں جس پر اسلامی بہنوں نے ہاتھوں ہاتھ ٹیلی تھون کے لئے رقم بھی جمع کروائی۔

دعوتِ اسلامی کے شعبہ مدرسۃ المدینہ گرلزکے تحت 13 اکتوبر2022ء  بروز جمعرات انڈونیشا سے آئی ہوئی 6 اسلامی بہنوں کو کراچی سٹی کے مدرسۃ المدینہ گرلز صدیق آباد کا وزٹ کروایا گیا ۔

اس دوران ان کو حفظ کلاس فل ٹائم، ناظرہ کلاس شارٹ ٹائم کے شیڈول سے آگاہی دی گئی جس میں انہیں نیو مدرسۃ المدینہ گرلزاسٹارٹ کرنے، تعداد مکمل رکھنے، بڑھانے اور پیرنٹس سے ڈیلنگ کرنے کے حوالے سے بتایا گیا۔ اس کے علاوہ انہیں چھوٹی چھوٹی بچیوں کی منزل سبق، سبقی سمیت اذکار و دعا وغیرہ سنوائے گئے۔

دعوت  اسلامی کے زیر اہتمام 11 اکتوبر 2022ء بروز منگل انڈونیشیا سے دینی کاموں کو سیکھنے کے لئے آئی ہوئی مقامی ذمہ داراسلامی بہنوں کا فیضان صحابیات کراچی میں مدنی مشورہ منعقد ہوا۔

اس موقع پر عالمی مجلس مشاورت و بین الاقوامی امور ذمہ دار اسلامی بہن نے شعبہ مدرسۃ المدینہ بالغات ، گلی گلی مدرسۃالمدینہ کا تعارف کروایااور قاعدہ و ناظرہ کورسز کا شیڈول سمجھایا۔

٭اس کے بعد اوورسیز سے آنے والی اسلامی بہنوں کو سول لائن ٹاؤن میں قائم مدرسۃ المدینہ بالغات، گلی گلی بچیوں کے مدرسہ اور مدرسۃ المدینہ گرلز کا وزٹ کروایا نیز یہاں پر لگنے والے درجوں کا جائزہ لیا۔اس دوران انہوں نے مختلف سوالات بھی کئے جس پر انڈونیشین اسلامی بہنوں نے بہت خوشی کا اظہار کیا اور اس شعبے میں اپنے ملک میں کام بڑھانے کی نیتوں کا اظہار کیا۔

٭علاقائی دور ہ برائے نیکی کی دعوت کا سلسلہ بھی ہوا۔