دعوت اسلامی کے شعبہ اصلاحِ اعمال للبنات کے زیر اہتمام  بنگلہ دیش سلہٹ ریجن حبی گنج زون اولپور ڈویژن میں دِینی کام بڑھانے کے لئے ذمہ دار اسلامی بہنوں کا مدنی مشورہ ہوا جس میں کم و بیش 40اسلامی بہنوں نے شرکت کی۔

اصلاح اعمال ذیلی سطح کی ذمہ دار اسلامی بہن نے مدنی مشورے میں شریک اسلامی بہنوں کی کارکردگی کافالواپ کرتے ہوئے تربیت کی شعبے کے دینی کاموں کو مزید بڑھانے اور اس میں بہتری لانے کے حوالے سے نکات فراہم کئے۔

دعوتِ اسلامی کے زیرِاہتمام  ہر جمعرات کی شب ہفتہ وار اجتماعات منعقد کئے جاتے ہیں۔ اسی سلسلے میں 26 اگست 2021ء کو کو رات ساڑھے9 بجے براہِ راست ہفتہ وار اجتماع منعقدہوگا جس میں مرکزی مجلس شوریٰ کے رکن حاجی محمد اظہر عطاری” اچھی بری موت“ کے موضوع پر سنتوں بھرا بیان فرمائیں گے۔ یہ اجتماع مدنی چینل پر براہ راست نشر کیا جائیگا۔

اس کے علاوہ عالمی مدنی مرکز فیضان مدینہ کراچی میں ہونے والے ہفتہ وار اجتماع میں ترجمان دعوت اسلامی مولانا حاجی عبد الحبیب عطاری سنتوں بھرا بیان فرمائیں گے۔

تمام عاشقانِ رسول سے اپنے اپنے شہروں میں ہونے والے ہفتہ وار اجتماع میں شرکت کی درخواست کی جاتی ہے۔

دُکھیاری اُمَّتْ کی غمخواری کے جذبے کے تحت پاکستان بھر میں ماہ جولائی 2021ء میں لگنے والے روحانی علاج کے بستوں کی کارکردگی درج ذیل رہی:

دعوتِ اسلامی کے تحت لگائے گئے روحانی علاج للبنات کے بستوں کی تعداد: 130

جن پر آنے والی اسلامی بہنوں کی تعداد: 20 ہزار 884

دیئے گئے تعویذات عطاریہ کی تعداد:46 ہزار259

بتائے گئےا وراد عطاریہ کی تعداد: 24 ہزار966

سلسلہ عالیہ قادریہ عطاریہ میں بیعت ہونے والی اسلامی بہنوں کی تعداد: 5 ہزار 491

تقسیم کئے گئے نیک اعمال کے رسائل کی تعداد: 1 ہزار655 ۔

دعوتِ اسلامی کےزیر اہتمام 13،12،11اگست 2021ءبروز بدھ جمعرات اور جمعہ کو حیدرآباد زون کی حیدرآباد کابینہ میں تین دن  پر مشتمل اجتماعِ ذکرشہادت کا164 مقامات پر سلسلہ ہوا جن میں تقریباً16000 اسلامی بہنوں نے شرکت کی ۔

مبلغات دعوتِ اسلامی نے’’امام عالی مقام امام حسین رضی اللہ عنہ کی آزمائشوں کا سفر‘‘ کےموضوع پر بیانات کئے اوراسلامی بہنوں کو محرم الحرام میں کی جانے والی عبادتوں کے بارےمیں بتایا اور دس محرم الحرام کی برکتیں بتائی ۔مزید اِن اجتماعات میں اہلِ بیت کی یاد میں امام حسین کی منقبت پڑھی گئی ۔آخر میں دعا اور صلوٰۃ وسلام کاسلسلہ بھی ہوا۔

دعوتِ اسلامی کےشعبہ روحانی علاج للبنات  کے تحت گزشتہ دنوں اسلام آباد ریجن کے واہ کینٹ زون کی کابینہ حضرو کامرہ کے فیضان مدینہ کی بیس مینٹ میں واہ کینٹ نیو بستہ ،کامرہ ،اٹک اور ہزارہ بستے کی مشاورت بڑھانے کےکئے مدنی انتخاب کاسلسلہ ہوا جس میں 20 اسلامی بہنوں نے شرکت کی۔

ریجن سطح کی ذمہ دار اسلامی بہن نے ان کے تحریری اور تجوید ٹیسٹ لینے کی ترکیب کی۔ ٹیسٹ دینے والی اسلامی بہنوں سے شعبہ روحانی علاج کے حوالے سے تاثرات لئے گئے جس میں اسلامی بہنوں نے شعبے میں کام کرنے اور اس شعبے کےدینی کاموں کو بڑھانے کی اچھی اچھی نیتیں پیش کیں۔

اسی طرح شعبہ روحانی علاج کے تحت گزشتہ دنوں اسلام آباد زون کی سٹی کابینہ میں راولپنڈی اسلام آباد زون اور واہ کینٹ زون کے مدنی انتخاب کاانعقادہوا جس میں 50 اسلامی بہنوں نے شرکت کی۔

ریجن ذمہ دار اسلامی بہن نے اسلامی بہنوں کے تحریری اور تجویدکے ٹیسٹ لئےنیز اِ ن سے شعبہ کے حوالے سے تاثرات لئےگئے جس پر اسلامی بہنوں نے اچھی اچھی نیتیں پیش کیں۔

 ماہ جولائی 2021 ءکی کارکردگی کے پیشِ نظر الحمدللہ عزوجل پاکستان بھر میں 120 مدرسۃ المدینہ (اسلامی بہنوں کےلئے) کا اضافہ ہوا ہےجن میں اسلامی بہنیں درست تجوید کے ساتھ قراٰن پاک کی تعلیم حاصل کررہی ہیں اورعلمِ دین سے مستفیض ہورہی ہیں۔اِن کی کارکردگی ملاحظہ ہو:

کُل مدارس ا لمدینہ کی تعداد: 5ہزار645

جن میں پڑھنےوالی طابات کی تعداد: 49 ہزار 628

اس ماہ ناظرہ قراٰن مکمل کرنےوالی اسلامی بہنوں کی تعداد:70

مدنی قاعدہ تکمیل کرنے کی سعادت حاصل کرنےوالی اسلامی بہنوں کی تعداد:1 ہزار176

دعوتِ اسلامی کے فنانس ڈیپارٹمنٹ کے تحت 15 اگست 2021ء کومیانوالی زون کی شعبہ فنانس ڈیپارٹمنٹ کی رکن زون ذمہ دار اسلامی بہن نے میانوالی کابینہ کا مدنی مشورہ لیا۔ ڈویژن نگران اسلامی بہنوں کو سفری فارم ،اَپ ڈیٹ کارکردگی فارم سمجھائے اور وقت پر جمع کروانے کا ذہن دیا۔اس کےبعد بڑی اسلامی بہنوں کےمدرسہ کے درجے کا وزٹ کیا اور آڈٹ کی ترکیب کی ۔

دعوتِ اسلامی کے دینی کاموں میں بہتری لانےکےحوالےسے گزشتہ دنوں میانوالی زون کی میانوالی کابینہ میں مدنی مشورے کا انعقاد ہوا جس میں ڈویژن نگران اور اراکین کابینہ ذمہ دار اسلامی بہنوں نے شرکت کی۔

کابینہ نگران اسلامی بہن نے ’’تقسیم کاری ‘‘کے موضوع پر بیان کیانیزاسلامی بہنوں کو دعائے شفاء اجتماع اور دینی کام کورسز منعقدکروانے کی ترغیب دلائی ۔مزید کارکردگی جدول وقت پر جمع کروانے کا ذہن دیااور علاقائی سطح پر تقرری مکمل کرنےکےحوالےسے مدنی پھول دیئے ۔اس کےبعد شعبہ شب و روز کےحوالےسے کابینہ و ڈویژن سطح پرتقرر ی مکمل کی اور شعبہ تعلیم کی ذمہ دار بھی مقرر کی ۔اسلامی بہنوں نے دینی کام بڑھانے کی اچھی اچھی نیتیں پیش کیں۔

دعوتِ اسلامی کے تحت گزشتہ دنوں جھنگ زون لالیاں کابینہ کی ڈویژن ترکھانوالہ میں محفلِ نعت کاانعقاد ہواجس میں کابینہ نگران اسلامی بہن نے محفل نعت میں شریک اسلامی بہنوں کو دعوت اسلامی کا تعارف کروایا ۔ مزیدڈویژن و علاقائی سطح  پر تقرری کی اور انہیں ہفتہ وارسنتوں بھرے اجتماع کا جدول و کارکردگی فارم سمجھائے جس پرڈویژن اور علاقہ نگران اسلامی بہنوں نے اچھی اچھی نیتوں کا اظہار کرتے ہوئے جدول اور مدنی پھولوں کے مطابق دینی کام کرنے کی نیتیں پیش کیں۔

دعوتِ شعبہ رابطہ برائے شخصیات للبنات کے تحت گزشتہ دنوں حیدر آباد زون میں بذریعہ انٹر ینٹ مدنی مشورہ کیا گیاجس میں زون اور کابینہ ذمہ داراسلامی بہنوں نےشرکت کی ۔

ریجن مشاورت ذمہ دار اسلامی بہن نےمدنی مشورے میں موجوداسلامی بہنوں کو شعبے کے دینی کاموں پر خصوصی توجہ دینےکاذہن دیا۔مزید بہتری لانے اور علاقہ سطح تک تقرر ی مکمل کرنے کےحوالےسےاہداف دیئے نیز ماتحت کی تربیت اور اپنے شیڈول کو مضبوط بنانے کے حوالے سے بھی نکات بیان کئے ۔

” یومِ دعوت اسلامی“ کے حوالے سے 21اگست 2021ء کو دعوتِ اسلامی کی مرکزی مجلس شوریٰ کے اراکین کا آن لائن مدنی مشورہ ہوا جس میں تمام اراکین شوریٰ نے بذریعہ آن لائن شرکت کی۔مدنی مشورے میں یومِ دعوت اسلامی منانے کے حوالے سے باہمی گفتگو کی گئی ۔ مرکزی مجلسِ شوریٰ کی جانب سے اس مدنی مشورے کے مدنی پھول بھی جاری کردیئے گئے ہیں جن پر عمل کرکے اچھے انداز میں یومِ دعوتِ اسلا می منایا جاسکتا ہے۔

مدنی مشورے میں طے ہونے والے مدنی پھول ملاحظہ کیجئے:

یوم دعوتِ اسلامی کے بارے میں امیراہل سنت کے فرامین :

شیخ طریقت ،امیراہلِ سُنّت حضر ت علّامہ مولانامحمدالیاس عطار قادری دَامَتْ بَرَکَاتُہُمُ الْعَالِیَہ نے 21 ،اگست 2021ء کو بعدِعشاء ہونے والے مدنی مذاکرےمیں ارشادفرمایا : بچے کی سالگرہ میں خوشی منائی جاتی ہے ،ہماری پیاری تحریک دعوتِ اسلامی کے 40 سال مکمل ہورہے ہیں تو ہمیں بھی خوشی منانی چاہئے ،ایک باریک نقطہ بھی ہے کہ بچے کی قسمت میں جوعمرلکھی جاتی ہے ایک سال مکمل ہونے پراس کی زندگی کا ایک سال کم ہوجاتاہے جبکہ دعوت اسلامی کا تو ایک سال بڑھ جاتاہے ،یوم دعوت ِاسلامی کو مَیں نے نئے کپڑے پہننے کی نیّت کی ہے ،آپ بھی پہن سکتے ہیں ،تمام اسلامی بھائی اوراسلامی بہنیں 2ستمبرکو شکرانے کے دونوافل اداکریں،ائمۂ کرام 2ستمبرکو عشاء کی نمازکےبعد شکرانے کے دونوافل باجماعت اداکرنے کا اہتمام فرمائیں ،ہفتہ واراجتماع میں شرکت کیجئے ، میری خواہش ہے کہ ہفتے کو ہونے والے مدنی مذاکرے کے اجتماعات میں اسلامی بھائی سفیدلباس اورسفیدعمامے میں شرکت کریں ، جامعۃ المدینہ کے طلبہ بھی سفیدلباس اورسفیدعمامے میں بھرپورشرکت کریں ، اس موقع پر اپنی گاڑیوں پر مکتبۃ المدینہ سے جاری ہونے والے اسٹیکرزلگائیں۔

یوم دعوتِ اسلامی منانے کا شیڈول :

٭ یوم دعوتِ اسلامی کی تقریبات کا آغاز2ستمبر2021ءبروزجمعرات ہفتہ واراجتماع سے ہوگا ،مبلغین دعوتِ اسلامی کی 40سالہ خدمات پر بیانات کریں گے ،یہ بیان پاکستان مشاورت آفس سے میل(mail) اورواٹس ایپ (WhatsApp) کیا جائے گا ۔ اسلامی بھائی ہفتہ واراجتماع میں سینے پر دعوت اسلامی کابیج لگائے ،ہاتھوں میں دعوتِ اسلامی کا پرچم تھامے شرکت کریں ۔

٭بروزجمعرات 2ستمبر2021ء کوعالمی مدنی مرکز فیضان ِمدینہ کراچی میں امیراہل سنت علامہ محمدالیاس عطارقادری دامت برکاتہم العالیہ تقریبا رات 09:30بجے ہفتہ وارسنّتوں بھرے اجتماع میں بیان فرمائیں گے،جو براہِ راست مدنی چینل پر ٹیلی کاسٹ ہوگا ،بعد ِاجتماع مدنی چینل پر یوم دعوتِ اسلامی کے بارے میں سلسلہ ہوگا ،امیراہلِ سنّت بھی اس میں تشریف لائیں گے ۔جن مقامات پر ممکن ہوامیراہل سنت کا بیان اوربعدمیں ہونے والاسلسلہ دکھانے کی ترکیب بنائی جائے ۔

٭بروزجمعہ 3ستمبر2021ءکوعلماء وائمہ کرام نمازِجمعہ سے پہلے دعوتِ اسلامی کی 40سالہ خدمات پر بیانات فرمائیں گے ،مدنی چینل پربھی صبح تارات گئے تک اس سلسلے میں نشریات جاری رہیں گی،بعدِعشاہونے والے سلسلے ’’ماضی کی یادیں ‘‘میں دعوتِ اسلامی کے بارے میں گفتگوہوگی ،اس سلسلے کی ایک خصوصیت یہ بھی ہے کہ اس میں امیراہل سنت علامہ محمدالیاس عطارقادری دامت برکاتہم العالیہ بنفس نفیس تشریف لائیں گے ۔

٭یوم دعوتِ اسلامی کی سب سے بڑی تقریب بروزہفتہ 4ستمبر2021ء کو بعدِنمازعشاء ہفتہ وارمدنی مذاکرے کے (جہاں قانونی طورپر اجازت ہو) میدان اجتماعات کی صورت میں ہوگی ۔ اسلامی بھائی ان اجتماعات میں سفید لباس اورسفیدعمامہ پہنے ،سینے پر دعوتِ اسلامی کابیج لگائے، ہاتھوں میں دعوت ِاسلامی کا پرچم تھامےایس اوپی کا خیال رکھتے ہوئے شرکت کریں۔یہ میدان اجتماع ہرہرکابینہ یا دوکابینہ کو ملاکر ایک مقام پر کئے جائیں ۔

٭بروزاتوار،5 ستمبر2021ء صبح09:00بجے سے مدنی چینل پریوم دعوتِ اسلامی سے متعلق نشریات کا آغازہوگاجو شام تک جاری رہیں گی۔

یوم دعوتِ اسلامی کے لیے تیاریاں :

٭دعوتِ اسلامی کے 40 سال مکمل ہونے پر’’ 2ستمبریوم دعوتِ اسلامی ‘‘منانے کی بھرپور تیاریاں کی جائیں ٭ اپنے اندر’’یوم دعوتِ اسلامی‘‘ منانے کا جذبہ اورجوش وخروش پیداکیجئے،ان شاء اللہ اس کے اثرات دنیا بھرمیں محسوس کئے جائیں گے ٭ کوئی کام اس وقت تک شانداراندازمیں نہیں ہوسکتاجب تک اُسے اوڑھ نہ لیا جائے ،موتی ہمیشہ گہرائی میں غوطہ لگانے والے کو ہی ملتاہے٭ کوئی کام ’’ہونے‘‘اور’’شاندار ہو نے ‘‘میں واضح فرق ہے ۔

شعبوں میں یوم دعوتِ اسلامی کی تیاریاں :

٭عاشقان ِرسول 2،3،4ستمبر2021ء جمعہ تا اتوارمدنی قافلوں میں سفرکرنے کے لیے ہفتہ واراجتماع میں اپنے ساتھ زادِسفرلے کرآئیں اورجمعہ تااتوارمدنی قافلے میں سفرکرکے یوم دعوتِ اسلامی منائیں ۔

٭ تمام نگرانِ مجالس اپنے اپنے شعبے کے اسلامی بھائیوں سے مشورے کریں اوران کا شعبہ کس طرح ’’یوم دعوتِ اسلامی منانے میں اپنا حصہ لے گا ؟‘‘اس کے مدنی پھول اورلائحہ عمل طے کریں ۔

٭شعبۂ میڈیا ڈیپارٹمنٹ دعوتِ اسلامی کے بارے میں اخبارات میں مضامین شائع کروائے ۔

٭شعبۂ تعلیم اسکولزکالجزمیں یوم دعوتِ اسلامی کے اجتماعات منعقدکرے۔ایم فل،پی ایچ ڈی کرنے والوں اوریونیورسٹیز کے وائس چانسلرحضرات کے تاثرات لے کرمدنی چینل کوبھیجے جائیں ۔

٭ شعبۂ رابطہ برائے تاجران مارکیٹوں میں یوم دعوتِ اسلامی کے اجتماعات منعقد کرے۔

٭جامعۃ المدینہ ،مدرسۃ المدینہ اوردارالمدینہ میں اراکین شوریٰ اورمبلغین کے یوم دعوت ِاسلامی سے متعلق بیانات کروائے جائیں ۔

٭ مدنی مراکز پر شرعی رہنمائی لے کر مدنی پرچم لگائے جائیں ۔

٭ یوم دعوتِ اسلامی منانے کے تمام معاملات کی شرعی رہنمائی اراکینِ شوری حاجی محمدامین عطاری اورحاجی عبدالحبیب عطاری لیں گے ۔

تاثرات لینے کے بارے میں مدنی پھول:

٭شعبہ ازدیادِحُب اوائلِ دعوتِ اسلامی سے منسلک ہونے والے اسلامی بھائیوں کے تاثرات لے ،نگران ریجن اس میں اپنا کرداراداکریں ،فوت ہونے والے ذمہ داران کے بچوں یادیگررشتہ داروں سےبھی تاثرات لئے جائیں۔

۞۔ شعبۂ اصلاح برائے قیدیان اُن قیدیوں کے تاثرات ریکارڈ کرے، جن میں دعوتِ اسلامی کی وجہ سے تبدیلی آئی اوروہ راہ ِ سنت کے مسافربن گئے ،ان کے والداوربھائیوں کے تاثرات بھی مفیدہوں گے ۔

٭ مختلف ممالک کے بچوں سے ان کے ملک کے مذہبی لباس میں’’یوم دعوتِ اسلامی مبارک ہو ‘‘ ”شکریہ دعوتِ اسلامی“ I Love Dawateislamiوغیرہ جملےریکارڈ کروائے جائیں ، اس کی اچھی ویڈیوبنا کرمدنی چینل کو بھیجی جائیں ۔

٭ مجلس رابطہ برائے شخصیات کے تمام شعبے ،شعبہ رابطہ بالعلماء اورشعبۂ تعلیم کے نگران اپنے اپنے شعبے کی اہم ترین شخصیات کے نام منتخب کرکے اپنے ذمہ داران کودیں اوران کے یوم دعوتِ اسلامی کے بارے میں تاثرات لئے جائیں ۔

٭ اسپیشل پرسن ڈیپارٹمنٹ سے منسلک گونگے بہرے اسلامی بھائیوں کے والداوربھائیوں نیزنابینا اسلامی بھائیوں کے تاثرات لئے جائیں۔

٭ شعبۂ فیضان اسلام بھی نومسلم سے تاثرات لینے کی ترکیب بنائے ۔

٭ مختلف ممالک کے جامعۃ المدینہ کے طلبہ کے تاثرات لئے جائیں ۔

٭ آئندہ ’’یوم دعوتِ اسلامی ‘‘کی تیاریاں 4ماہ پہلے مئی سے شروع کی جائیں ۔

دعوتِ اسلامی کے تحت  17اگست 2021 ء بروز منگل پاکستان کے شہرراولپنڈی میں بذریعہ انٹر نیٹ مدنی مشوروں کا سلسلہ ہوا جن میں کراچی ریجن نگران ،کراچی ایسٹ زون2 کی کابینہ نگران نیز مدرسۃ المدینہ( اسلامی بہنوں کےلئے ) کی پاکستان سطح کی ذمہ دارسمیت دیگر ذمہ دار اسلامی بہنوں نے شرکت کی ۔

پاکستان نگران اسلامی بہن نے اسلامی بہنوں کےدرمیان دینی کاموں میں تقسیم کاری کرنےکےفوائد پر بیان کیااورانہیں اس بارےمیں تربیتی نکات سمجھائے نیزکارکردگی جدول کی بر وقت سافٹ ویئر پر انٹری کرنے کےحوالےسے ان کی تربیت کی اور مدنی پھول بتائے۔مزید تقرری مکمل کرنے کے حوالےسےاہداف بھی دیئے جس پراسلامی بہنوں نےاچھی نیتوں کااظہارکیا۔

اس کےعلاوہ پاکستان نگران اسلامی بہن نےمدرسۃ المدینہ ( اسلامی بہنوں کےلئے ) کی ذمہ داراسلامی بہنوں کو 8 ستمبر 2021ءسے شروع ہونے والے رہائشی کورسز کے انتظامات کے حوالے سے مدنی پھول دیئےاوراسلامی بہنوں کو تمام انتظامات بروقت مکمل کرنے کے متعلق اہداف دئیے۔