” یومِ دعوت اسلامی“ کے حوالے سے 21اگست 2021ء کو دعوتِ اسلامی کی مرکزی مجلس شوریٰ کے اراکین کا آن لائن مدنی مشورہ ہوا جس میں تمام اراکین شوریٰ نے بذریعہ آن لائن شرکت کی۔مدنی مشورے میں یومِ دعوت اسلامی منانے کے حوالے سے باہمی گفتگو کی گئی ۔ مرکزی مجلسِ شوریٰ کی جانب سے اس مدنی مشورے کے مدنی پھول بھی جاری کردیئے گئے ہیں جن پر عمل کرکے اچھے انداز میں یومِ دعوتِ اسلا می منایا جاسکتا ہے۔

مدنی مشورے میں طے ہونے والے مدنی پھول ملاحظہ کیجئے:

یوم دعوتِ اسلامی کے بارے میں امیراہل سنت کے فرامین :

شیخ طریقت ،امیراہلِ سُنّت حضر ت علّامہ مولانامحمدالیاس عطار قادری دَامَتْ بَرَکَاتُہُمُ الْعَالِیَہ نے 21 ،اگست 2021ء کو بعدِعشاء ہونے والے مدنی مذاکرےمیں ارشادفرمایا : بچے کی سالگرہ میں خوشی منائی جاتی ہے ،ہماری پیاری تحریک دعوتِ اسلامی کے 40 سال مکمل ہورہے ہیں تو ہمیں بھی خوشی منانی چاہئے ،ایک باریک نقطہ بھی ہے کہ بچے کی قسمت میں جوعمرلکھی جاتی ہے ایک سال مکمل ہونے پراس کی زندگی کا ایک سال کم ہوجاتاہے جبکہ دعوت اسلامی کا تو ایک سال بڑھ جاتاہے ،یوم دعوت ِاسلامی کو مَیں نے نئے کپڑے پہننے کی نیّت کی ہے ،آپ بھی پہن سکتے ہیں ،تمام اسلامی بھائی اوراسلامی بہنیں 2ستمبرکو شکرانے کے دونوافل اداکریں،ائمۂ کرام 2ستمبرکو عشاء کی نمازکےبعد شکرانے کے دونوافل باجماعت اداکرنے کا اہتمام فرمائیں ،ہفتہ واراجتماع میں شرکت کیجئے ، میری خواہش ہے کہ ہفتے کو ہونے والے مدنی مذاکرے کے اجتماعات میں اسلامی بھائی سفیدلباس اورسفیدعمامے میں شرکت کریں ، جامعۃ المدینہ کے طلبہ بھی سفیدلباس اورسفیدعمامے میں بھرپورشرکت کریں ، اس موقع پر اپنی گاڑیوں پر مکتبۃ المدینہ سے جاری ہونے والے اسٹیکرزلگائیں۔

یوم دعوتِ اسلامی منانے کا شیڈول :

٭ یوم دعوتِ اسلامی کی تقریبات کا آغاز2ستمبر2021ءبروزجمعرات ہفتہ واراجتماع سے ہوگا ،مبلغین دعوتِ اسلامی کی 40سالہ خدمات پر بیانات کریں گے ،یہ بیان پاکستان مشاورت آفس سے میل(mail) اورواٹس ایپ (WhatsApp) کیا جائے گا ۔ اسلامی بھائی ہفتہ واراجتماع میں سینے پر دعوت اسلامی کابیج لگائے ،ہاتھوں میں دعوتِ اسلامی کا پرچم تھامے شرکت کریں ۔

٭بروزجمعرات 2ستمبر2021ء کوعالمی مدنی مرکز فیضان ِمدینہ کراچی میں امیراہل سنت علامہ محمدالیاس عطارقادری دامت برکاتہم العالیہ تقریبا رات 09:30بجے ہفتہ وارسنّتوں بھرے اجتماع میں بیان فرمائیں گے،جو براہِ راست مدنی چینل پر ٹیلی کاسٹ ہوگا ،بعد ِاجتماع مدنی چینل پر یوم دعوتِ اسلامی کے بارے میں سلسلہ ہوگا ،امیراہلِ سنّت بھی اس میں تشریف لائیں گے ۔جن مقامات پر ممکن ہوامیراہل سنت کا بیان اوربعدمیں ہونے والاسلسلہ دکھانے کی ترکیب بنائی جائے ۔

٭بروزجمعہ 3ستمبر2021ءکوعلماء وائمہ کرام نمازِجمعہ سے پہلے دعوتِ اسلامی کی 40سالہ خدمات پر بیانات فرمائیں گے ،مدنی چینل پربھی صبح تارات گئے تک اس سلسلے میں نشریات جاری رہیں گی،بعدِعشاہونے والے سلسلے ’’ماضی کی یادیں ‘‘میں دعوتِ اسلامی کے بارے میں گفتگوہوگی ،اس سلسلے کی ایک خصوصیت یہ بھی ہے کہ اس میں امیراہل سنت علامہ محمدالیاس عطارقادری دامت برکاتہم العالیہ بنفس نفیس تشریف لائیں گے ۔

٭یوم دعوتِ اسلامی کی سب سے بڑی تقریب بروزہفتہ 4ستمبر2021ء کو بعدِنمازعشاء ہفتہ وارمدنی مذاکرے کے (جہاں قانونی طورپر اجازت ہو) میدان اجتماعات کی صورت میں ہوگی ۔ اسلامی بھائی ان اجتماعات میں سفید لباس اورسفیدعمامہ پہنے ،سینے پر دعوتِ اسلامی کابیج لگائے، ہاتھوں میں دعوت ِاسلامی کا پرچم تھامےایس اوپی کا خیال رکھتے ہوئے شرکت کریں۔یہ میدان اجتماع ہرہرکابینہ یا دوکابینہ کو ملاکر ایک مقام پر کئے جائیں ۔

٭بروزاتوار،5 ستمبر2021ء صبح09:00بجے سے مدنی چینل پریوم دعوتِ اسلامی سے متعلق نشریات کا آغازہوگاجو شام تک جاری رہیں گی۔

یوم دعوتِ اسلامی کے لیے تیاریاں :

٭دعوتِ اسلامی کے 40 سال مکمل ہونے پر’’ 2ستمبریوم دعوتِ اسلامی ‘‘منانے کی بھرپور تیاریاں کی جائیں ٭ اپنے اندر’’یوم دعوتِ اسلامی‘‘ منانے کا جذبہ اورجوش وخروش پیداکیجئے،ان شاء اللہ اس کے اثرات دنیا بھرمیں محسوس کئے جائیں گے ٭ کوئی کام اس وقت تک شانداراندازمیں نہیں ہوسکتاجب تک اُسے اوڑھ نہ لیا جائے ،موتی ہمیشہ گہرائی میں غوطہ لگانے والے کو ہی ملتاہے٭ کوئی کام ’’ہونے‘‘اور’’شاندار ہو نے ‘‘میں واضح فرق ہے ۔

شعبوں میں یوم دعوتِ اسلامی کی تیاریاں :

٭عاشقان ِرسول 2،3،4ستمبر2021ء جمعہ تا اتوارمدنی قافلوں میں سفرکرنے کے لیے ہفتہ واراجتماع میں اپنے ساتھ زادِسفرلے کرآئیں اورجمعہ تااتوارمدنی قافلے میں سفرکرکے یوم دعوتِ اسلامی منائیں ۔

٭ تمام نگرانِ مجالس اپنے اپنے شعبے کے اسلامی بھائیوں سے مشورے کریں اوران کا شعبہ کس طرح ’’یوم دعوتِ اسلامی منانے میں اپنا حصہ لے گا ؟‘‘اس کے مدنی پھول اورلائحہ عمل طے کریں ۔

٭شعبۂ میڈیا ڈیپارٹمنٹ دعوتِ اسلامی کے بارے میں اخبارات میں مضامین شائع کروائے ۔

٭شعبۂ تعلیم اسکولزکالجزمیں یوم دعوتِ اسلامی کے اجتماعات منعقدکرے۔ایم فل،پی ایچ ڈی کرنے والوں اوریونیورسٹیز کے وائس چانسلرحضرات کے تاثرات لے کرمدنی چینل کوبھیجے جائیں ۔

٭ شعبۂ رابطہ برائے تاجران مارکیٹوں میں یوم دعوتِ اسلامی کے اجتماعات منعقد کرے۔

٭جامعۃ المدینہ ،مدرسۃ المدینہ اوردارالمدینہ میں اراکین شوریٰ اورمبلغین کے یوم دعوت ِاسلامی سے متعلق بیانات کروائے جائیں ۔

٭ مدنی مراکز پر شرعی رہنمائی لے کر مدنی پرچم لگائے جائیں ۔

٭ یوم دعوتِ اسلامی منانے کے تمام معاملات کی شرعی رہنمائی اراکینِ شوری حاجی محمدامین عطاری اورحاجی عبدالحبیب عطاری لیں گے ۔

تاثرات لینے کے بارے میں مدنی پھول:

٭شعبہ ازدیادِحُب اوائلِ دعوتِ اسلامی سے منسلک ہونے والے اسلامی بھائیوں کے تاثرات لے ،نگران ریجن اس میں اپنا کرداراداکریں ،فوت ہونے والے ذمہ داران کے بچوں یادیگررشتہ داروں سےبھی تاثرات لئے جائیں۔

۞۔ شعبۂ اصلاح برائے قیدیان اُن قیدیوں کے تاثرات ریکارڈ کرے، جن میں دعوتِ اسلامی کی وجہ سے تبدیلی آئی اوروہ راہ ِ سنت کے مسافربن گئے ،ان کے والداوربھائیوں کے تاثرات بھی مفیدہوں گے ۔

٭ مختلف ممالک کے بچوں سے ان کے ملک کے مذہبی لباس میں’’یوم دعوتِ اسلامی مبارک ہو ‘‘ ”شکریہ دعوتِ اسلامی“ I Love Dawateislamiوغیرہ جملےریکارڈ کروائے جائیں ، اس کی اچھی ویڈیوبنا کرمدنی چینل کو بھیجی جائیں ۔

٭ مجلس رابطہ برائے شخصیات کے تمام شعبے ،شعبہ رابطہ بالعلماء اورشعبۂ تعلیم کے نگران اپنے اپنے شعبے کی اہم ترین شخصیات کے نام منتخب کرکے اپنے ذمہ داران کودیں اوران کے یوم دعوتِ اسلامی کے بارے میں تاثرات لئے جائیں ۔

٭ اسپیشل پرسن ڈیپارٹمنٹ سے منسلک گونگے بہرے اسلامی بھائیوں کے والداوربھائیوں نیزنابینا اسلامی بھائیوں کے تاثرات لئے جائیں۔

٭ شعبۂ فیضان اسلام بھی نومسلم سے تاثرات لینے کی ترکیب بنائے ۔

٭ مختلف ممالک کے جامعۃ المدینہ کے طلبہ کے تاثرات لئے جائیں ۔

٭ آئندہ ’’یوم دعوتِ اسلامی ‘‘کی تیاریاں 4ماہ پہلے مئی سے شروع کی جائیں ۔

دعوتِ اسلامی کے تحت  17اگست 2021 ء بروز منگل پاکستان کے شہرراولپنڈی میں بذریعہ انٹر نیٹ مدنی مشوروں کا سلسلہ ہوا جن میں کراچی ریجن نگران ،کراچی ایسٹ زون2 کی کابینہ نگران نیز مدرسۃ المدینہ( اسلامی بہنوں کےلئے ) کی پاکستان سطح کی ذمہ دارسمیت دیگر ذمہ دار اسلامی بہنوں نے شرکت کی ۔

پاکستان نگران اسلامی بہن نے اسلامی بہنوں کےدرمیان دینی کاموں میں تقسیم کاری کرنےکےفوائد پر بیان کیااورانہیں اس بارےمیں تربیتی نکات سمجھائے نیزکارکردگی جدول کی بر وقت سافٹ ویئر پر انٹری کرنے کےحوالےسے ان کی تربیت کی اور مدنی پھول بتائے۔مزید تقرری مکمل کرنے کے حوالےسےاہداف بھی دیئے جس پراسلامی بہنوں نےاچھی نیتوں کااظہارکیا۔

اس کےعلاوہ پاکستان نگران اسلامی بہن نےمدرسۃ المدینہ ( اسلامی بہنوں کےلئے ) کی ذمہ داراسلامی بہنوں کو 8 ستمبر 2021ءسے شروع ہونے والے رہائشی کورسز کے انتظامات کے حوالے سے مدنی پھول دیئےاوراسلامی بہنوں کو تمام انتظامات بروقت مکمل کرنے کے متعلق اہداف دئیے۔

گزشتہ روز 23 اگست 2021ء کو رنچھور لائن کراچی  کی ایک مسجد میں عبدالعزیز عطاری کی والدہ کے سوئم کے سلسلے میں محفلِ نعت کا اہتمام کیا گیا جس میں دعوتِ اسلامی کی مرکزی مجلسِ شوریٰ کے رکن حاجی محمد علی عطاری نے سنتوں بھرا بیان فرمایا۔

رکنِ شوریٰ نے شرکا کو اپنی آخرت کی تیاری کرنے، نمازوں کا اہتمام کرنے اور دعوتِ اسلامی کے دینی کاموں میں عملی طور پر حصہ لینے کا ذہن دیا۔ 

مجلس جامعۃ المدینہ کے زیرِ اہتمام دعوتِ اسلامی کے عالمی مدنی مرکز فیضانِ مدینہ کراچی میں آج مؤرخہ 24 اگست 2021ء کو   تمام جامعات المدینہ کے طلبہ و اساتذہ کرام کا سنتوں بھرا اجتماع ہوا جس میں دعوتِ اسلامی کی مرکزی مجلسِ شوریٰ کے نگران مولانا حاجی عمران عطاری مُدَّظِلُّہُ الْعَالِی نے سنتوں بھرا بیان فرمایا۔

طلبہ و اساتذہ کرام میں بیان کرتے ہوئے نگران شوریٰ نے فرمایا کہ سنجیدہ طالبِ علم اپنی پڑھائی کی ذمہ داری کو سمجھتا ہے، وہ کسی سے شکایت نہیں کرتا کیونکہ اسے کسی سے شکایت ہوتی ہی نہیں ہے۔ انہوں نے کہا کہ طلبہ کو چاہیئے کہ اپنی کلاس میں چاق و چوبند (Alert) رہیں، چاق و چوبند رہنے کا سب سے پہلا طریقہ کار یہ ہے کہ آپ کی نیند پوری ہونی چاہئے اور دوسرا یہ کہ آپ کا سبق تیار ہونا چاہئے۔

حاجی عمران عطاری نے مزید کہا کہ جو طالب علم اپنے ادارے کے نظم و ضبط کی قدر کرتا ہے تو اس طالب علم کی بھی قدر کی جاتی ہے۔طالب علم پڑھنے آیا ہے اس لئے اسے ذاتی معاملات کے حوالے سے کلاس میں باتیں ڈِ سکس نہیں کرنی چاہئیں۔

مزید مدنی پھول ملاحظہ کیجئے:

٭جس کی سبق کی تیاری ہوتی ہے اسے استاد کا سبق سمجھ میں آرہا ہوتا ہے۔ جس کی نہیں ہوتی وہ دوسرے کو بھی نہیں پڑھنے دیتا۔

٭اپنی کمزوری و نااہلی ہمیں ٹینشن میں مبتلا کرتی ہے۔

٭آپ پڑھنے کے لئے آئے ہیں اپنی پڑھائی سے تعلق رکھیں۔

٭میرا کیا ہوگا یہ نہ سوچیں۔ یہ سوچیں کے ہونا کیا چاہیئے۔

٭جس کی سوچ ایسی ہوگی اس کی سوچ بلند ہوگی۔

٭ حضرت علی رضی اللہ عنہ کے خطبے میں یہ بات ذکر کی گئی ہے کہ "آدمی اپنے ہنر سے ہی آدمی بنتا ہے"

٭ آپ اپنی مہارت (skills) پر دھیان دیجئے۔

٭آپ مثبت کی طرف آئیں۔ منفی کی طرف مت جائیں۔

٭آپ کبھی بھی یہ نہ سوچیں میری کیوں نہیں مانی گئی؟ مجھ سے پوچھا کیوں نہیں گیا؟ ایسے لوگ کبھی بھی اچھے مشیر اور کامیاب فرد نہیں بن سکتے۔

٭کئی لوگ اپنے منفی مزاج کی وجہ سے ترقی نہیں کرپاتے۔

٭یہ اپنے آپ سے سوال کریں کہ کیا میرے ساتھ رہنا آسان نہیں ہے؟ کیا میں باتیں بہت کرتا ہوں؟

٭آپ اپنے دیگر طالب علم پر غالب آنے کی کوشش نہ کریں

٭بندہ جاہل کب ہوتا ہے؟ جب طالب علم نہیں رہتا۔

٭ایک دوسرے کی عزت کریں۔

٭شکایت کو اپنی رائے میں بدل دیں۔ شکایت کو مشورے میں بدل دیں۔ شکایات کو تجاویز میں تبدیل کردیں۔

٭موبائل ہمیشہ بند کردیا کریں جب پڑھائی کے لئے آئیں۔

٭اصول بنائے اس لئے جاتے ہیں کہ آپ ارتقائی مراحل میں آجائیں۔ جہاں اصول نہیں ہوتے ،نظم و ضبط نہیں ہوتا وہاں حادثاتی حالات پیدا ہوجاتے ہیں۔

٭ضابطہ بند سوچ انسان کو ترقی دیتی ہے۔ منتشرالمزاج نہ بنیں۔

٭تجربہ کار لوگوں سے مشورہ کریں۔

٭دعوت اسلامی کو چالیس سال مکمل ہورے ہیں۔ دعوت اسلامی کے بارے میں ہم سب کو معلومات ہونی چاہیئے۔ دعوت اسلامی کا current status ہمارے علم میں ہونا چاہیئے۔

دعوتِ اسلامی کے تحت  گزشتہ دنوں پاکستان کے شہر سرگودھا زون میں مدنی مشورےکاانعقادہواجس میں سرگودھا زون نگران ، فیصل آباد ریجن نگران ، دارالسنہ ریجن سطح کی ذمہ دار مع مدنی عملے کی اسلامی بہنوں نے شرکت کی ۔

پاکستان نگران اسلامی بہن نے دارالسنہ کی ذمہ داراسلامی بہنوں کو کورسز میں داخلوں کےبارےمیں مدنی پھول دیئے۔مزید مدنی عملے کی تقرری مکمل کرنے اور دارالسنہ میں ہونےوالےدینی کاموں کےحوالےسےاپڈیٹ نکات بتائےجس پر اسلامی بہنوں نے ان نکات پر عمل کرنے کی نیتوں کااظہارکیا۔ 

دعوتِ اسلامی کے تحت  گزشتہ دنوں بھلوال زون میں مدنی مشورےکاانعقادکیاگیا جس میں بھلوال شہر کی علاقائی و زون سطح کی ذمہ دار فیصل آباد ریجن نگران مع مشاورت کی اسلامی بہنوں نے شرکت کی ۔

پاکستان نگران اسلامی بہن نے’’ہدف بنا کر کام کو بڑھانا ‘‘کے موضوع پر بیان کیا اور ہفتہ وار اجتماع کی تعداد کو بڑھانے کے حوالے سے اہداف دیئےنیز دارالسنہ میں ہونےوالےکورس میں داخلوں کی تعداد میں بہتری لانےکاہدف بھی دیا۔ساتھ ہی سافٹ ویئر پرتقرری بروقت انٹر کرنےکے بارے میں معلومات فراہم کیں ۔مزیدہفتہ وار رسالہ کی مطالعہ کارکردگی کوبڑھانےاورنئی ڈویژن میں دینی کام کےآغاز کرنے کے اہداف دیئے ۔

دعوتِ اسلامی کے تحت گزشتہ دنوں سرگودھا زون  میں مدنی مشورےکاانعقادکیاگیا جس میں سرگودھا کی علاقائی و زون اورفیصل آباد ریجن نگران مع مشاورت کی ذمہ دار اسلامی بہنوں نے شرکت کی ۔

پاکستان نگران اسلامی بہن نےدینی کاموں میں بہتری لانےکےحوالےسےاسلامی بہنوں کونکات بتائےاور سافٹ ویئر پر اس کی اَپڈیٹ کی انٹری کرنےکاذہن دیانیزہفتہ واررسالے کی مطالعہ کارکردگی بڑھانےکاہدف بھی دیا۔ ساتھ ہی ماتحت کی تربیت کیسے کی جائے اورنئی ڈویژن میں دینی کام کا آغاز کرنے کے متعلق مدنی پھول دیئےجس پر اسلامی بہنوں نےاچھی اچھی نیتوں کااظہارکیا ۔

دعوتِ اسلامی کے تحت  گزشتہ دنوں سرگودھا زون خوشاب کابینہ کی شاہ پور ڈویژن میں مدنی مشورے کاانعقاد ہوا جس میں ذیلی تا ڈویژن سطح کی ذمہ دار اسلامی بہنوں نے شرکت کی ۔

پاکستان نگران اسلامی بہن نے’’ اسلاف میں قربانی کا جذبہ ‘‘ کے موضوع پر کلام کرتےہوئے تقرریاں مکمل کرنےاور اس کی اپڈیٹ کو وقت پرسافٹ ویئر پر انٹر کرنےکاذہن دیا نیزہفتہ واررسالے کی مطالعہ کارکردگی بڑھانے کےحوالےسے اہداف دیئے جس پراسلامی بہنوں نےاچھی نیتوں کااظہارکیا۔

اللہ  پاک کے کرم سے دعوتِ اسلامی کے شعبہ جامعۃالمدینہ گرلز کے تحت 11 اگست 2021 ءبروز بدھ کوئٹہ شہر میں نیو جامعۃ المدینہ (For Girls) بنام ’’فیضان بی بی ہاجرہ‘‘ کا آغاز ہوا جس کے درجہ اولیٰ میں اب تک 35 داخلےہو چکے ہیں۔یہاں اسلامی بہنوں کو عالمہ کورس کروایا جائے گا۔خواہش مند اسلامی بہنیں جلد رابطہ کریں۔

دعوتِ اسلامی کے زیر اہتمام گزشتہ دنوں گلستان جوہر کابینہ کے علاقے منور چورنگی کراچی میں ماہانہ مدنی مشورہ منعقد ہوا جس میں علاقائی نگران اسلامی بہن سمیت ذیلی نگران و مشاورت کی اسلامی بہنوں نے شرکت کی۔

کابینہ نگران اسلامی بہن نے ’’اسلاف کی دین کی خاطر قربانی‘‘ کے موضوع پر بیان کرتے ہوئے صحابیات طیبات کی قربانیوں کےبارے میں معلومات دیں نیزدین اور قربانی کےمتعلق کلام کرتےہوئے دعوت اسلامی کے دینی کاموں میں بھرپور حصہ لینے اورفکرِ آخرت کرنے کا ذہن دیا جس پر اسلامی بہنوں نے دینی کاموں کےلئےوقت دینے کی نیتوں کااظہار کیا۔اس کےعلاوہ ماہانہ کارکردگی فارم پُر کرنے کا طریقہ سمجھاتے ہوئے ہر ماہ وقت پرکارکردگی جمع کروانے کا ہدف دیا ۔ مزیددعائے شفاء اجتماع کی مضبوط تیاری کرنے، علاقائی دورے اور دینی حلقے میں زیادہ اسلامی بہنوں کو شرکت کروانے کے بارےمیں مدنی پھول دیئے۔ 

دعوتِ اسلامی کے تحت گزشتہ دنوں کراچی ساؤتھ زون 1 صدر کابینہ  جمشید روڈ میں ماہانہ مدنی مشورےکاانعقاد ہواجس میں کابینہ اور ڈویژن سطح کی ذمہ داراسلامی بہنوں نے شرکت کی۔

کابینہ نگران اسلامی بہن نے مدنی مشورےمیں شریک اسلامی بہنوں کو دینی کاموں کو کرنےکے حوالے سے مدنی پھول دئیے نیز دینی کاموں میں تقسیم کاری کی ضرورت پر توجہ دلائی اور احساس ذمہ داری کے ساتھ شیڈول کے مطابق وقت پر کارکردگی دینے کا ذہن دیا جس پر اسلامی بہنوں نےاچھی اچھی نیتوں کااظہارکیا۔

دعوتِ اسلامی کے تحت گزشتہ دنوں کراچی ساؤتھ زون 2 بلدیہ ٹاؤن کابینہ کے ڈویژن مہاجر کیمپ میں مدنی مشورہ ہوا جس میں کم و بیش 20 نگران اسلامی بہنوں نے شرکت کی۔

کابینہ نگران اسلامی بہنوں نے’’تقسیم کاری ‘‘کے موضوع پر مختصر بیان کرتے ہوئے اسلامی بہنوں کو دینی کاموں میں تقسیم کاری کرنےکے حوالےسے نکات بتائے۔اس کےحوالےسے کارکردگی جدول سمجھایااور’’ آیئےدینی کام سیکھیں ‘‘کورس کی تشہیر کرنے اورخود بھی اس میں شرکت کرنے نیزاپنی ماتحت اسلامی بہنوں کو اس کورس میں شركت کروا نےکاہدف دیا۔ مزیدکارکردگی میں اضافےکرنےاور علاقائی دورہ میں شرکت کرنے کی دعوت دی جس پر اسلامی بہنوں نے اچھی اچھی نیتیں کیں۔