دعوت اسلامی کی مجلس مدنی قافلہ کے تحت 22 نومبر 2020ء کو رکن شوریٰ حاجی امین قافلہ عطاری نے کورنگی میں مدرسۃ المدینہ بالغان کے ذمہ دار محمد حسان عطاری سے رہائش گاہ جاکران کی عیادت کی اور جلد صحت یابی کے لئے دعائیں کرتے ہوئے انہیں صبر کرنے کی تلقین کی۔  (رپورٹ: محمد حارث عطاری، شعبہ مدنی قافلہ )

21نومبر 2020ء  کی شب عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں عاشقان رسول کی جانب سے کئے گئے سوال (میت کےایصالِ ثواب کے لیے قرآنِ کریم پڑھنے کا سلسلہ کب سے شروع ہوا؟ ) کہ جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ انصار صحابۂ کرام علیہم الرضوان کا یہ عمل تھا کہ فوت ہونے والے کی قبر پر جا کرقرآنِ کریم پڑھتے تھے، امام شافعی رَحْمَۃُ اللہِ عَلَیْہ حضرت لیث بن سعدرَحْمَۃُ اللہِ عَلَیْہ کے مزار پرجاکر قر آنِ کریم ختم فرمایاکرتے تھے۔

مدنی مذاکرے کے چند مدنی پھول ملاحظہ کیجئے

سوال:جُوتے چوری ہوجائیں تو کیا کریں؟

جواب:صبر کریں، ننگے پاؤں گھر چلے جائیں، ذہن بنائیں کہ اس نقصان ہونے میں بھی کوئی حکمتِ الٰہی ہوگی۔

سوال:اگر بچہ/بچی فوت ہوگئےاور ان کا عقیقہ نہ کیاہواہوتوکیابعد میں عقیقہ ہوسکتا ہے؟

جواب: نہیں ہوسکتا۔

سوال:نقشبندی سلسلہ کس سے ملتا ہے ؟

جواب: نقشبندی سلسلے کی نسبت حضر تِ بہاؤ الدین نقشبندرَحْمَۃُ اللہِ عَلَیْہ سے ہے مگر یہ آگے جا کر حضرت صدیق اکبررَضیَ اللہ ُعَنْہُ سے مل جاتا ہے ۔

سوال: اَفْضَلُ الْبَشَر بَعْدَ الْاَنبِیَاء(انبیائے کرام کے بعد سب سے زیادہ فضیلت رکھنے والے) کن کا لقب ہے ؟

جواب حضرت ابوبکرصدیق رضی اللہ عنہ۔

سوال: بچہ شرارت کرے تو اس سے یہ کہنا کہ" وعدہ کرو کہ آئندہ ایسے نہیں کروگے؟

جواب: وعدہ اورقسم کیا ہوتی ہےیہ بچہ نہیں سمجھتا بلکہ جس چیز کو پسند کرتا ہے،اس کے بارے میں کہناچاہیئے مثلاًآئندہ ایسی شرارت کی توپھرمیرے پاس ٹافی لینے نہ آنا،یوں اس کی اِ صلاح ہوگی ،یہ نہ کہا جائے کہ آئندہ شرارت کی تو ٹافی نہیں دُوں گا کیونکہ دینا تو پڑے گی، یادرہے!ڈرانے کے لیے جھوٹ نہیں بول سکتے،شرعاًاس کی اجازت نہیں ۔

سوال:بغیر بے ہوش کئے آپریشن ہو تو کیا پڑھنا چاہیے؟

جواب: کلمہ شریف،دُرودِ پاک پڑھتا رہے، اللہ اللہ کرتا رہے، تندرستی میں بھی کلمہ دُرودکی عادت بنائیے تاکہ مشکل وقت بالخصوص نزع کے وقت(یعنی روح نکلنے کے وقت) کلمہ شریف اوردُرودِ پاک زبان پرجاری ہوجائے۔

سوال: بجلی(Electric) کا کام کرتے ہوئے یا بجلی کے آلات کو ہاتھ لگاتے ہوئے کیا احتیاط کی جائے؟

جواب:گیلے ہاتھ سے بجلی کے آلات(Electrical Equipment) کو نہ چُھوئیں، بارش کے دنوں میں زیادہ خیال رکھیں کیونکہ بجلی کے تار گیلے ہونے سے ان سےکرنٹ لگ سکتا ہے، عموماً جلد بازی اور بے احتیاطی میں کرنٹ لگ جاتا ہے۔

سوال: چیز لینے اوردینے والے کو کیا پڑھنا چاہیے؟

جواب: دونوں بِسْمِ اللّٰہِ الرَّحْمٰنِ الرَّحِیْم پڑھا کریں۔

سوال: آپ نےاپنی کتاب’’ فیضانِ سنت‘‘ کیسے لکھنا شروع کی ؟

جواب: جب میں نے شجرۂ قادریہ کو مرتب کیا تو اس کے ساتھ سنتیں لکھ کر شامل کرنے کا ارادہ کیا، مگر جمع ہوتے ہوتے کافی زیادہ ہوگئیں تو کتاب ’’فیضانِ سنت‘‘ لکھ کر ترتیب دے دی۔

سوال: نماز کے لیے کون سا لباس پہننا چاہیے۔

جواب:ایسا سنتوں بھرا لباس پہنا جائے جو علماء اور شریف لوگ پہنتے ہیں ۔

سوال: پڑوسی تکلیف دے تو کیا کریں؟

جواب: لڑائی نہ کریں بلکہ صبر کریں ، بعض اوقات چھوٹے چھوٹے مسائل کی وجہ سے پڑوسی آپس میں لڑرہے ہوتے ہیں۔ پڑوسی اور دیگر مسلمانوں سے اپنی طاقت کا مظاہرہ کرنابہت بُرا ہے، بے جذباتی پن اورغصے میں آجانا ، دل آزاریوں اور بڑے گناہوں کا باعث ہوتاہے۔

سوال:گناہ کے کیا نقصانات ہیں ؟

جواب:اللہ پاک کی ناراضی اورجہنم میں جھونک دئیے جانے کے اسباب ہیں ۔

سوال:سمجھانے والے کے لیے کچھ احتیاطیں ارشادفرمادیجئے؟

جواب: نصیحت کرنے کا اندازنرم(Soft)ہونا چاہیئے،اکیلےمیں نرمی اور ہمدردی سےسمجھایا جائے،کسی کو رُسوا ( Degrade)کرنے والا انداز نہ ہو۔

سوال: اِس ہفتے کارِسالہ” فیضانِ غوثِ اعظم“ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب: یا اللہ پاک! جو کوئی 17صفحات کا رسالہ ” فیضانِ غوثِ اعظم“ پڑھ یا سُن لےاُس کوہمارے غوثِ اعظم کی سچی محبت اور خصوصی فیضان نصیب فرمااور اسے بے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

14نومبر 2020ء کی شب ہونے والے مدنی مذاکرے کے چند مدنی پھول ملاحظہ فرمائیں:

سوال:مولیٰ مولیٰ کرنےیعنی ذِکرُاللہ کرنے کے بارے میں آپ کیا فرماتے ہیں؟

جواب: مال مال کرنےکے بجائے مولیٰ مولیٰ کرناچاہئے، مولیٰ مولیٰ کرنےسے مال کہیں نہیں جاتا ۔

سوال: کیا سب کو علم دین حاصل کرنا چاہئے ؟

جواب: جی ہاں !حسبِ ضرورت ہرایک کو علم حاصل کرنا ضروری ہے، تاجربھی علمِ دین حاصل نہیں کرےگاتو سُودمیں پڑ سکتاہے۔

سوال: آپ کے رضاعی پوتے حسن رضا عطاری کے رونےکاکیا واقعہ ہوا؟

جواب:حسن رضا عطاری کےقاری صاحب بذریعہ فون انہیں مدنی قاعدہ پڑھاتے ہیں ،جمعرات کو انہیں فیضانِ مدینہ آنا تھا، اس لیے وقفہ کیا تو یہ رونے لگے کہ مجھے ابھی مدنی قاعدہ پڑھناہے،پھرانھوں نے حسن رضا کو پڑھادیا۔

سوال:اللہ پاک کے آخری نبی،مکی مدنی صلَّی اللہ علیہ واٰلہٖ وسلَّم جَامِعُ الْکَلم تھے ،اس سے کیامرادہے ؟

جواب: مختصرالفاظ میں کئی مضامین اورمعانی سمودینےکو جَامِعُ الْکَلم کہتے ہیں ،یہ ہمارے پیارے نبی،مکی مدنی صلَّی اللہُ عَلَیْہِ وَسَلَّم کا معجزہ ہے، جَامِعُ الْکَلم کی مثال یہ حدیث پاک بھی ہے کہ الْمُسْلِمُ مَنْ سَلِمَ الْمُسْلِمُونَ مِنْ لِسَانِهٖ وَيَدِهٖ یعنی (کامل)مسلمان وہ ہے کہ جس کی زبان اور ہاتھ سےکسی کو تکلیف نہ پہنچے۔(سنن نسائی ،رقم، 4998)

سوال: جوسونا(Gold) اورمال قبرمیں ساتھ لےجانا چاہتےہیں ،وہ کیا کریں؟

جواب:وہ اپناسونا(Gold)اورمال راہِ خدامیں دے دیں،اِنْ شاۤءَاللہ یہ قبراورقیامت میں کام آئے گا،اپنے مال کو راہِ خدامیں دینے میں اپنی بھلائی ہے۔

سوال:جوبیرونِ ملک ہیں اوراپنےملک میں ان کا گھرخالی پڑاہواہے،آپ انہیں کیا مشورہ دیتےہیں ؟

جواب:انہیں چاہئے کہ اسے راہِ خدامیں دے دیں ،اِنْ شَآءَ اللہ عَزَّ وَجَلَّ آخرت میں اس کا اجرپائیں گے،جنت میں گھر ملےگا۔یااللہ !جواپنا گھردعوتِ اسلامی کو دے دے،راہِ خدامیں وقف کردے اُسے جنت میں اپنے محبوب صلَّی اللہُ عَلیہِ واٰلہٖ وسلَّم کے پڑوس میں عالیشان گھرعطافرما۔

سوال:اِس ہفتے کارِسالہ”سیٹی بجانےکے احکام“ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یااللہ پاک! جو کوئی 16صفحات کا رسالہ ” سیٹی بجانےکے احکام “ پڑھ یا سُن لےاُسے دِینی مسائل کی سمجھ بُوجھ عطافرمااوراس کی بے حساب مغفرت فرمادے۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

22نومبر2020ء کو رسول نگر وزیر آباد  کی جامع مسجد صوفیاں والی میں تین دن کے مدنی قافلے کا اختتام ہوا۔

اس موقع پر مدنی حلقے کا انعقاد کیا گیا جس میں مبلغ دعوت اسلامی محمد عرفان عطاری نے شرکا کو ہرماہ تین دن کے مدنی قافلے میں سفرکرنے کی ترغیب دلائی ۔مدنی حلقے میں کلام ”آہ مدنی قافلہ اب جارہا ہے لوٹ کر“ پڑھا گیا اور دعائیں کی گئیں۔

دعوت اسلامی کے زیر اہتمام پریس کلب سرگودھا میں مدنی حلقہ ہواجس میں صحافی، کالم نگار اور دیگر شعبہ ہائے زندگی سے تعلق رکھنے والی شخصیات نے شرکت کی۔

مرکزی مجلس شوریٰ کے رکن حاجی وقار المدینہ عطاری نے سنتوں بھرا بیان کرتے ہوئے عاشقانِ رسول کو درود شریف پڑھنے کی ترغیب دلائی۔ اس موقع پر رکن شوریٰ کا کہنا تھا کہ دعوت اسلامی اس پُر فتن دور میں آپ کو علم دین سکھانے کے لئے کوشاں ہے، رکن شوریٰ نے مزید کہا کہ آپ اپنی مرضی کے مطابق وقت کا انتخاب کرکے فیضان آن لائن اکیڈمی میں داخلہ لے کر مختلف 32 کورسز کرسکتے ہیں۔

مدنی مرکز فیضان مدینہ علی ٹاؤن سرگودھا میں محمد رمضان عطاری کے نکاح کا سلسلہ ہوا۔

مرکزی مجلس شوریٰ کے رکن حاجی وقار المدینہ عطاری نےنکاح پڑھایا اور سنت ِنکاح پر مدنی پھول بیان کئے۔ رکن شوریٰ نے دونوں خاندانوں کو باہمی پیار و محبت سے رہنےکی تلقین کی اور شرکا کو دعوت اسلامی کے دینی ماحول سے وابستہ رہتے ہوئے ہفتہ وار اجتماع و مدنی مذاکرے میں شرکت کرنے اور مدنی قافلے میں سفر کرنے کی ترغیب دلائی۔

دعوت اسلامی کے زیر اہتمام واٹر سپلائی روڈ سرگودھا میں محمد وسیم عطاری کی رہائش گاہ پر شخصیات کا مدنی حلقہ ہوا جس میں مختلف سماجی و کاروباری شخصیات نے شرکت کی۔

مرکزی مجلس شوریٰ کے رکن حاجی وقار المدینہ عطاری نے سنتوں بھرا بیان کرتے ہوئے عاشقانِ رسول کو درود شریف پڑھنے کی ترغیب دلائی۔ اس موقع پر رکن شوریٰ کا کہنا تھا کہ جب بھی ہمیں مسائل درپیش آئیں اس میں اور اس کے علاوہ بھی روزانہ معمول بناکر پیارے آقا صلَّی اللہ علیہ واٰلہٖ وسلَّم پر درود پاک پڑھنا چاہیئے۔ رکن شوریٰ نے شرکا کو مختلف شعبہ جات کا تعارف پیش کیا اور عاشقانِ رسول کو دعوت اسلامی کے دینی ماحول سے وابستہ رہنے کی ترغیب دلائی۔

21نومبر2020ء کو مجلس مدنی قافلہ دارالسنہ پاکستان کے تحت بذریعہ انٹرنیٹ مدنی مشورہ ہوا۔

مدنی مشورے میں پاکستان کے تمام دارالسنہ میں مدرسۃ المدینہ بالغان لگانےکا ہدف دیا گیا اور ہر دارالسنہ سے 30 دن اور 3دن کا مدنی قافلہ تیار کرنے کاذہن دیا گیا۔ مدنی مشورے میں کچھ نہ کچھ وقت دینےوالوں کا ریکارڈ بنانے اور شرکا کی تعداد میں اضافہ کرنے کے ساتھ ساتھ دیگر مدنی پھولوں پر کلام ہوا۔

ساؤتھ افریقہ کے شہر جوہانسبرگ (Johannesburg)کے علاقے بروما میں قائم جامع مسجد فیضان زم زم میں ایک اسلامی بھائی شیخ عبد الوہاب قادری چشتی کی والدہ کے ایصالِ ثواب کے لئے محفل نعت کا انعقاد کیا گیا جس میں مرحومہ کے عزیز و اقارب اور دیگر عاشقانِ رسول نے شرکت کی۔

محفل نعت میں مبلغ دعوت اسلامی مفتی عبد النبی حمیدی صاحب مَدَّظِلُّہُ الْعَالِی نے سنتوں بھرا بیان کیااور شرکا کو نیکی کی دعوت دیتے ہوئے برائی سے بچنے اور دین اسلام کی خدمت کرنے کی ترغیب دلائی۔

جانیئے شرعی مسائل کا حل قرآن و سنت کی روشنی میں آج شام6:15 بجے دعوت اسلامی کے آفیشل  Facebook Pageپر

اس سلسلے میں دار الافتاء اہل سنت کے مفتی انس عطاری مدنی اور مولانا ساجد عطاری مدنی عاشقانِ رسول کی جانب سے ہونے والے سوالات کے جوابات ارشاد فرمائیں گے۔

سلسلے میں شامل ہونے کے لئے نیچے دیئے گئےلنک پر کلک کیجئے:

https://www.facebook.com/dawateislami.net

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی آج شام 6:30 بجے اپنے Facebook پیج پرLive سلسلہ فرمائیں گے جس میں عاشقان رسول کی جانب سے ہونے والے سوالات کے جوابات اشاد فرمائیں گے۔

سلسلے میں شامل ہونے کے لئے نیچے دیئے گئےلنک پر کلک کیجئے:

https://www.facebook.com/maulanaimranattari

دعوت اسلامی کی مجلس پروفیشنلز کے زیر اہتمام 22 نومبر 2020ء بروز اتوار دوپہر 2:00 بجے پاکستان میں مختلف مقامات پر پروفیشنلز اجتماع کا انعقاد کیا جائیگا۔

اس پروفیشنلز اجتماع میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی ”اپنی سوچ بدلئے“ کے موضوع پر خصوصی بیان فرمائیں۔

تمام پروفیشنلز حضرات سے اس اجتماع میں شرکت کرنے کی درخواست ہے۔

واضح رہے کہ یہ اجتماع مدنی چینل پر براہ راست نشر کیا جائیگا۔