دعوتِ اسلامی کے شعبہ ڈسٹرکٹ لاہور  کے ذمہ داران کی دعوت پر چیئرمین آل پاکستان ٹرانسپورٹ اختر نیازی نے مدنی مرکز فیضانِ مدینہ جوہر ٹاؤن لاہور کا دورہ کیا۔

اس موقع پر ذمہ داران نے انہیں مدنی مرکز فیضانِ مدینہ جوہر ٹاؤن میں قائم شعبہ جات کا دورہ کروایا اور وہاں ہونے والے دینی کاموں کے بارے میں معلومات فراہم کی۔ بعدازاں چیئرمین آل پاکستان ٹرانسپورٹ اختر نیازی کی مرکزی مجلسِ شوریٰ کے رکن حاجی یعفور رضا عطاری سے ملاقات کروائی ۔

رکنِ شوریٰ نے اختر نیازی کو عالمی سطح ہر ہونے والی دعوتِ اسلامی کی دینی، فلاحی اور روحانی خدمات کے حوالے سے بریفنگ دی جس پر انہوں نے خدمات دعوتِ اسلامی کو سراہتے ہوئے نیک خیالات کا اظہار کیا۔

٭اس کے علاوہ شعبہ رابطہ برائے شخصیات لاہور کے ذمہ داران نے واسا ٹاؤن شپ میں SDO شکیل خان سے کی عیادت کی اور دورانِ گفتگو انہیں مدنی مرکز فیضانِ مدینہ جوہر ٹاؤن وزٹ کرنے کی دعوت دی ۔

٭اسی طرح شعبہ رابطہ برائے شخصیات لاہور کے ذمہ داران نے دعوتِ اسلامی کی طرف سے MNA علی پرویز ملک سے ملاقات کی ۔ اس موقع پر ذمہ داران نے علی پرویز ملک کو ملک و بیرون ملک میں ہونے والی خدمات ِدعوت ِاسلامی کے متعلق بتایا اور انہیں فیضان ِمدینہ جوہر ٹاؤن آنے کی دعوت دیتے ہوئے انہیں مکتبۃ ُالمدینہ کے اصلاحی رسائل تحفے میں دئیے۔(رپورٹ: شعبہ رابطہ برائےشخصیات لاہور ڈویژن، کانٹینٹ: رمضان رضا عطاری)

پچھلے دنوں سکھر IBAکیمپس میرپورخاص میں عظیمُ الشان اجتماعِ میلاد کا انعقاد ہوا جس میں وائس چانسلر، اساتذہ و اسٹوڈنٹس نے بھر پور شرکت کی۔

اجتماعِ میلاد کا باقاعدہ آغاز تلاوتِ قرآنِ پاک و نعتِ رسول مقبول علیہ السلام سے ہوا۔ بعدازاں رکنِ شوریٰ مولانا حاجی عبد الحبیب عطاری نے ’’سیرتِ رسولِ عربی صلَّی اللہ علیہ واٰلہٖ وسلَّم ‘‘ کے موضوع پر سنتوں بھرا بیان کیا اور طلبہ و اساتذہ کو سرکار صلَّی اللہ علیہ واٰلہٖ وسلَّم کی آنکھو ں کی ٹھنڈک نماز کی پابندی کرنے کی ترغیب دلائی۔

آخری میں رکنِ شوریٰ نے تمام شرکا سے ملاقات کی نیز وائس چانسلر صاحب نے بیان پر بہت اچھے تاثرات دئیے اور یونیورسٹی کی طرف سے رکنِ شوریٰ کو اجرک کا تحفہ پیش کیا ۔ (رپورٹ: شعبہ تعلیم سکھر ڈسٹرکٹ، کانٹینٹ: رمضان رضا عطاری)

شعبہ تعلیم دعوتِ اسلامی کی  جانب سے نیکی کی دعوت دینے کے سلسلے میں غلام مصطفے عطاری نے ڈسٹرکٹ ذمہ دار ان کے ہمراہ سکھر ریجن میں کالجز ڈائیریکٹر ، ڈپٹی ڈائیریکٹر اور اڈینشنل ڈائیریکٹر سے ملاقات کی ۔

دورانِ ملاقات ذمہ دار اسلامی بھائیوں نے شخصیات کو دعوتِ اسلامی کے شعبہ تعلیم کے تحت ہونے والے دینی کاموں کے بارے میں بریفنگ دی اور ہر ہفتہ مدنی مذاکرہ دیکھنے کی ترغیب دلائی جس پر انہوں نے اچھی اچھی نیتوں کااظہار کیا۔

دوسری طرف ذمہ دارانِ دعوتِ اسلامی نے اسلامیہ سائنس کالج کے پرنسپل قاضی صاحب و فیزیکل ایجوکشن کالج کے اساتذہ سے ملاقات کی ۔دورانِ ملاقات ا نہیں دعوتِ اسلامی کی دینی خدمات کے متعلق معلومات دیتے ہوئے شخصیات اجتماع میں شرکت کرنے کی دعوت دی۔(رپورٹ: شعبہ تعلیم سکھر ڈسٹرکٹ، کانٹینٹ: رمضان رضا عطاری)

دعوتِ اسلامی کے شعبہ تعلیم کے زیرِ اہتمام خیرپور میرس شاہ عبداللطیف یونیورسٹی میں  سیکھنے سکھانے کے حلقے کا سلسلہ ہوا جس میں BBAڈیپارٹمنٹ کے اسٹوڈینٹس نے شرکت کی۔

ذمہ دار اسلامی بھائی نے اسٹوڈینٹس کو دنیاوی تعلیم کے ساتھ ساتھ دینی تعلیم سے آگاہی حاصل کرنے کے سلسلے میں ہفتہ وار سنتوں بھرے اجتماع میں شرکت کرنے کا ذہن دیا جس پر انہوں نے دینی کاموں میں اپنی خدمات پیش کرنے کے لئے اچھے خیالات کا اظہار کیا۔مزید شاہ عبدالطیف یونیورسٹی سکھر شہر کے اسٹوڈنٹ میں بھی اس طرح کے سیشن رکھنے کی خواہش کا اظہار کیا۔(رپورٹ: شعبہ تعلیم انٹرئیر سندھ، کانٹینٹ: رمضان رضا عطاری)

گزشتہ روز دارالعلوم رضویہ اہلسنت میرپورخاص میں مولانا زاہد سکندری صاحب اور مولانا غلام رسول سکندری صاحب (امام جامع مسجد فضل ربی) سے ذمہ دارانِ دعوتِ اسلامی کی ملاقات ہوئی۔

اس موقع پر نگرانِ شعبہ رابطہ بالعلماء مولانا افضل عطاری مدنی اور صوبائی و ڈویژن ذمہ داران نے انہیں شعبہ مکتبۃالمدینہ دعوتِ اسلامی سے شائع ہونے والا سندھی زبان میں ترجمۂ قراٰن تحفے میں دیا۔

بعدازاں علمائے کرام نے امیرِ اہلِ سنت دامت بَرَکَاتُہمُ العالیہ اور دعوتِ اسلامی کے دینی کاموں میں ترقی کے لئے دعائیں کیں۔(رپورٹ:شعبہ رابطہ بالعلماء، کانٹینٹ:غیاث الدین عطاری)

پچھلے دنوں شعبہ رابطہ برائے شخصیات دعوتِ اسلامی   کے ذمہ دار اسلامی بھائیوں نے گوجرانوالہ میں کمشنر غلام فرید،ڈپٹی کمشنر جنرل شبیر بٹ،ڈپٹی کمشنر ریونیو فیصل ،ڈائیریکٹر پلانگ ذیشان سے ملاقات کی۔

دورانِ ملاقات ذمہ داران نے شخصیات کو دعوتِ اسلامی کا تعارف کروایا اور انہیں نیکی کی دعوت پیش کرتے ہوئے دینی کاموں میں حصہ لینے اور مدنی قافلے میں سفر کرنے کی دعوت دی۔ (رپورٹ: شعبہ رابطہ برائے شخصیات گوجرانوالہ ڈویژن، کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی کے زیرِ اہتمام مورخہ 28 نومبر2022 ء بروز پیر اقبال ٹاؤن ڈسٹرکٹ لاہور میں شعبہ رابطہ برائے شخصیات کے ذمہ دار خواجہ سلیم عطاری اور کامران عطاری نے سابقہ IT منسٹر پنجاب فاروق احمد گھرکی سے ملاقات کی۔

دورانِ ملاقات ذمہ داران نے انہیں دعوتِ اسلامی کے دینی و فلاحی کاموں کا تعارف کرایا اور ہفتہ وار سنتوں بھرے اجتماع میں شرکت کرنے نیز دینی کاموں میں حصہ لینے کاذہن دیا ۔

اس کے علاوہ انہیں فیضانِ مدینہ جوہر ٹاؤن جمعہ کی ادائیگی کی دعوت دی جواُنہوں نے قبول کی۔آخر میں انہیں تحفے میں مکتبۃُ المدینہ کی شائعہ کردہ کتاب عجائبُ القرآن پیش کی۔ (رپورٹ: سید مقصود شاہ عطاری شعبہ رابطہ برائے شخصیات ، کانٹینٹ: رمضان رضا عطاری)

پچھلے دنوں لوگوں کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت شعبہ رابطہ بالعلماء کے ذمہ داران کی دارالعلوم محی الاسلام صدیقیہ کے مہتمم اعلی  مولانا مشتاق نقشبندی صاحب سے ملاقات ہوئی۔

اس موقع پر نگرانِ شعبہ مولانا افضل عطاری مدنی اور صوبائی و ڈویژن ذمہ داران نے انہیں شعبہ مکتبۃالمدینہ دعوتِ اسلامی سے شائع ہونے والا سندھی زبان میں ترجمۂ قراٰن تحفے میں دیا۔

بعدازاں علمائے کرام نے امیرِ اہلِ سنت دامت بَرَکَاتُہمُ العالیہ اور دعوتِ اسلامی کے دینی کاموں میں ترقی کے لئے دعائیں کیں۔(رپورٹ:شعبہ رابطہ بالعلماء، کانٹینٹ:غیاث الدین عطاری)

گزشتہ روز عاشقانِ رسول کی دینی تحریک دعوتِ اسلامی کے تحت شعبہ رابطہ بالعلماء کے ذمہ داران کی دارالعلوم کنزالایمان کے مفتی اور  جامع مسجد فضل ربی میر پور خاص میں مولانا مفتی ایوب سکندی صاحب سے ملاقات ہوئی۔

اس موقع پر نگرانِ شعبہ مولانا افضل عطاری مدنی اور صوبائی و ڈویژن ذمہ داران نے انہیں شعبہ مکتبۃالمدینہ دعوتِ اسلامی سے شائع ہونے والا سندھی زبان میں ترجمۂ قراٰن تحفے میں دیا۔

بعدازاں علمائے کرام نے امیرِ اہلِ سنت دامت بَرَکَاتُہمُ العالیہ دعوتِ اسلامی کے دینی کاموں میں ترقی کے لئے دعائیں کیں ۔

دوسری جانب شعبہ رابطہ بالعلماء کے ذمہ دار اسلامی بھائیوں نے طلبۂ کرام (جو عاشقانِ رسول کے جامعہ سے کراچی آئے ہوئے تھے) سے ملاقات کی اور انہیں ہفتہ وار سنتوں بھرے اجتماع میں شرکت کروائی۔(رپورٹ:شعبہ رابطہ بالعلماء، کانٹینٹ:غیاث الدین عطاری)

شعبہ فیضان آن لائن اکیڈمی گرلز دعوتِ اسلامی  کے زیرِا ہتمام صدیق آباد دارالسنہ کراچی میں ذمہ دار اسلامی بہنوں کے سالانہ تربیتی اجتماع کا سلسلہ جاری ہے جس میں شعبے کی صوبائی ، ڈسٹرکٹ اور ڈویژن تعلیمی امور ذمہ دار اسلامی بہنیں شریک ہیں۔

شعبہ کفن دفن دعوتِ اسلامی کے تحت یکم دسمبر 2022ء بروز جمعرات عالمی مدنی مرکز فیضانِ مدینہ کراچی میں تدفین کورس کا انعقاد کیا گیا جس میں تربیتی کورس کے اسلامی بھائیوں نے شرکت کی۔

شعبے کے ایسٹ ڈسٹرکٹ ذمہ دار عزیر عطاری نے اسلامی بھائیوں کی تربیت کرتے ہوئے انہیں غسلِ میت دینے، کفن کاٹنے اور پہنانے کا طریقہ سکھایا۔

اس کے علاوہ ذمہ دار نے شرکائے کورس کو نمازِ جنازہ کے چند ضروری مسائل بتاتے ہوئے انہیں نمازِ جنازہ کا طریقہ بھی سکھایا اور دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:شعبہ کفن دفن، کانٹینٹ:غیاث الدین عطاری)

دعوتِ اسلامی کےمدنی مرکز فیضانِ مدینہ جوہر ٹاؤن لاہور میں 30 نومبر 2022ء بروز بدھ شعبہ تحفظِ اوراقِ مقدسہ کا مدنی مشورہ ہوا جس میں صوبۂ پنجاب پاکستان کے ڈویژن ذمہ دار اسلامی بھائیوں نے شرکت کی۔

نگرانِ شعبہ شاہ نواز عطاری نے دورانِ مدنی مشورہ ڈویژن ذمہ داران سے گفتگو کرتے ہوئے شعبے کے دینی کاموں کی کارکردگی پر کلام کیا جبکہ صوبۂ پنجاب کے ذمہ دار محمد رضا عطاری نے نگرانِ شعبہ کو پنجاب میں ہونے والے شعبے کے دینی کاموں کے حوالے سے بریفنگ دی۔

علاوہ ازیں نگرانِ شعبہ نے ذمہ داران سے انفرادی کارکردگی کے ساتھ ساتھ ڈویژن میں ہونے والی کارکردگی کا جائزہ لیتے ہوئے اُن کی حوصلہ افزائی کی۔