03 دسمبر 2022ء بروز ہفتہ رضوی بلڈنگ پی آئی بی کالونی کراچی میں شعبہ ایچ آر دعوتِ اسلامی کے ذمہ دار حنیف عطاری نے رکنِ مجلس ایچ آر اور صوبائی ذمہ دار کراچی سٹی کیساتھ مدنی مشورہ کیا۔

اس مدنی مشورے میں پرفارمنس اور مینجمنٹ کے حوالے سے اہم مدنی پھول پیش کئے اور ذمہ داران کی سابقہ کارکردگی کا جائزہ لیا اور آئندہ کے اہداف دیئے۔ (رپورٹ : محمد رضوان شاہ عطاری المدنی/ کانٹینٹ : محمد مصطفیٰ انیس) 

یکم دسمبر 2022ء بروز جمعرات کراچی کے علاقے لیاری ٹاؤن میں شعبہ کفن دفن دعوتِ اسلامی کے زیرِ اہتمام ایصالِ ثواب اجتماع کا انعقاد کیا گیا جس میں قرب و جوار کے عاشقانِ رسول نے شرکت کی۔

اس اجتماعِ پاک میں ٹاؤن ذمہ دار معراج عطاری نے ”ایصالِ ثواب کی اہمیت“ کے موضوع پر سنتوں بھرا بیان کیااور وہاں موجود عاشقانِ رسول کو اپنے مرحومین کے لئے زیادہ سے زیادہ ایصالِ ثواب کرنے کی ترغیب دلائی۔(رپورٹ: عزیر عطاری شعبہ کفن دفن، کانٹینٹ:غیاث الدین عطاری)

03 دسمبر  2022ء بروز ہفتہ کراچی کے علاقے ڈیفنس فیضانِ اسلام مسجد میں 3 دن کے مدنی قافلے کی آمد ہوئی جہاں قافلے کے دوسرے دن مرکزی مجلس شوریٰ کے رکن حاجی محمد امین عطاری نے شرکت کی اور شرکا کی تربیت کرتے ہوئے دینی کام کو احسن انداز میں کرنے کا طریقہ بتایا ۔(کانٹینٹ: محمد مصطفیٰ انیس) 

ملک و بیرونِ ملک میں آن لائن قراٰن و حدیث اور دیگر کورسز کروانے والے دعوتِ اسلامی کے شعبے فیضان آن لائن اکیڈمی بوائز کے تحت 2 دسمبر 2022ء بروز جمعہ مدنی مرکز فیضانِ مدینہ جوہر ٹاؤن لاہور میں ایک میٹنگ منعقد ہوئی جس میں اہم ذمہ داران سمیت دیگر اسلامی بھائیوں نے شرکت کی۔

اس میٹنگ میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ”اپنی صلاحیتوں کو مزید بڑھانے اور موجودہ صلاحیتوں کا بہترین استعمال“ کے موضوع پر سنتوں بھرا بیان کیا۔

03 دسمبر 2022ء کو سرگودھا شہر میں گورنمنٹ خالقیہ ہائی اسکول میں شعبہ مدنی کورسز دعوتِ اسلامی کے تحت ویکینڈ نماز کورس ہوا جس میں اسکول کے طلبہ اور ٹیچرز نے شرکت کی۔

شعبہ تعلیم ڈویژن ذمہ دار محمد ہارون عطاری نے طلبہ کو نماز کے فرائض و واجبات یادکروائےاور انہیں دینِ اسلام کی بنیادی باتیں بتاتے ہوئے پانچوں وقت کی نماز پابندی کیساتھ ادا کرنے کاذہن دیا۔(رپورٹ : محمد ہارون عطاری ، شعبہ تعلیم ڈویژن سرگودھا/ کانٹینٹ : محمد مصطفیٰ انیس)

مسجدیں آباد کرنے والی عاشقانِ رسول کی تحریک دعوتِ اسلامی کے تحت2 دسمبر 2022ء بروز جمعہ جوہر ٹاؤن لاہور کے مدنی مرکز فیضانِ مدینہ میں شعبہ ائمہ مساجد کے امام صاحبان کا مدنی مشورہ ہوا۔

مرکزی مجلسِ شوریٰ کے رکن حاجی یعفور رضا عطاری نے مدنی مشورے میں شریک ائمہ کرام سے گفتگو کرتے ہوئے امامِ مسجد کے لئے امیرِ اہلِ سنت دامت بَرَکَاتُہمُ العالیہ کے عطاکردہ مدنی پھولوں کے مطابق اُن کی تربیت کی۔

2 دسمبر 2022ء بروز جمعہ عاشقانِ رسول کی دینی تحریک دعوتِ اسلامی کے تحت ڈیفنس میں مدنی قافلے کے دوران سیکھنے سکھانے کا حلقہ لگایا گیا جس میں ڈیفنس کے ذمہ دار اسلامی بھائیوں سمیت دیگر اسلامی بھائیوں نے شرکت کی۔

اس موقع پر دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے حاضرین کی تربیت و رہنمائی کرتے ہوئے انہیں مدنی پھولوں سے نوازا اور دعوتِ اسلامی کے دینی کاموں میں عملی طور پر شرکت کرنے کا ذہن دیا۔(کانٹینٹ:غیاث الدین عطاری)

گزشتہ روز دعوتِ اسلامی کے شعبہ مدنی قافلہ کے تحت مدنی مرکز فیضانِ مدینہ فیصل آباد میں مدنی مشورہ ہوا جس میں ڈسٹرکٹ فیصل آباد کے ذمہ داران اور امیرِ مدنی قافلہ اسلامی بھائیوں نے شرکت کی۔

اس مدنی مشورے میں نگرانِ ڈسٹرکٹ و میٹروپولیٹن فیصل نے شعبے کے دینی کاموں کے حوالے سے گفتگو کرتے ہوئے دسمبر میں سفر کرنے والے ایک ماہ کے مدنی قافلے کے لئے امیرِ مدنی قافلہ اور شرکا کو تیار کرنے پر کلام کیا گیا۔

آخر میں شرکائے مدنی مشورہ کو ایک ماہ کے مدنی قافلے کے اہداف دیئے گئے جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 2 دسمبر 2022ء بروز جمعہ 3 دن کا مدنی قافلہ کراچی کے علاقے ڈیفنس کی جامع مسجد فیضانِ اسلام پہنچا۔

دورانِ مدنی قافلہ شرکا کے لئے امیرِ قافلہ کورس کا آغاز کیا گیا جس میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے انہیں کورس کی چند ابتدائی باتیں بتائیں۔

اس کے علاوہ رکنِ شوریٰ نے شرکا کو دعوتِ اسلامی کے دینی کاموں کو بھر پور انداز میں کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

2 دسمبر 2022ء بروز جمعہ دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے کراچی کے علاقے ڈیفنس کی جامع مسجد فیضانِ اسلام میں نمازِ جمعہ سے قبل سنتوں بھرا بیان کیا۔

دورانِ بیان رکنِ شوریٰ نے حاضرین کی تربیت و رہنمائی کرتے ہوئے انہیں نیکی کے کاموں میں حصہ لیتے رہنے کا ذہن دیا نیز دعوتِ اسلامی کے 12 دینی کاموں میں عملی طور پر شمولیت اختیار کرنے کی ترغیب دلائی جس پر شرکا نے اچھی اچھی نیتیں کیں۔(کانٹینٹ:غیاث الدین عطاری)

اشاعتِ علمِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت پچھلے دنوں (23 نومبر تا 30 نومبر 2022ء ) نگرانِ شعبہ ماہنامہ فیضانِ مدینہ مولانا مہروز عطاری مدنی ، نگرانِ شعبہ تقسیمِ رسائل اور شعبہ ماہنامہ فیضانِ مدینہ کے ڈسٹری بیوشن (Distribution) ذمہ دار محمد بلال عطاری کا ہفتۂ ماہنامہ فیضانِ مدینہ کی تیاری کے سلسلے میں پنجاب پاکستان کے مختلف شہروں(ملتان، فیصل آباد، گوجرہ، ٹوبہ ٹیک سنگھ، گجرانوالہ، لاہور) کا شیڈول رہا۔

تفصیلات کے مطابق ذمہ داران نے مذکورہ شہروں میں ہونے والے دعوتِ اسلامی کے ڈسٹرکٹ ، یوسی اور دیگر تنظیمی ذمہ دار اسلامی بھائیوں کے مدنی مشوروں میں شرکت کی جس میں انہیں 29 دسمبر 2022ء تا 5 جنوری 2023ء کو ہفتہ وار ماہنامہ فیضانِ مدینہ منانے کے حوالے سے بریفنگ دی۔

دورانِ شیڈول مختلف شخصیات سے ملاقاتوں کا سلسلہ بھی رہا جس میں انہیں ہفتۂ ماہنامہ فیضانِ مدینہ کے حوالے سے آگاہ کیا گیا اور اس کی بکنگ کروانے کا ذہن دیاگیا۔

ذمہ داران کے شیڈول کی جھلکیاں درج ذیل ہیں:

٭ لاہور، ملتان اور فیصل آباد میں قائم جامعۃالمدینہ بوائزکے دورہ ٔحدیث شریف و تخصصات کے طلبۂ کرام میں سنتوں بھرابیان ہوا۔

٭لاہور اور گجرانوالہ کی مارکیٹوں میں ماہنامہ فیضانِ مدینہ کی بکنگ کے سلسلے میں ملاقاتوں کا سلسلہ ہوا۔

٭ ملتان میں قائم پاکستان پوسٹ آفس میں G.P.O سے ملاقات ہوئی اور سیکھنے سکھانے کا حلقہ بھی لگایا گیا۔

٭ ٹوبہ ٹیک سنگھ میں D.C ٹوبہ ٹیک سنگھ سے ملاقات کی اور انہیں دعوتِ اسلامی کے ماہنامہ فیضانِ مدینہ کا تعارف پیش کیا۔

رسولپور تارڑ  میں سابق سینئر ممبر بورڈ آف ریونیو چوہدری بابر حیات تارڑ کے ڈیرے میں ان کے والد کی برسی پر ایصال ِثواب اجتماع کا انعقاد ہوا جس میں دعوتِ اسلامی کی مرکزی مجلسِ شوریٰ کے رکن حاجی اظہر عطاری نے سنتوں بھرا بیان فرمایا ۔

دورانِ بیان رکنِ شوریٰ نے فکرِ آخرت کا ذہن دیتے ہوئے شرکائے اجتماع کی دینی و اخلاقی اعتبار سے تربیت کی نیز انہیں نماز کی پابندی کرنے اور سنتِ مصطفی صلَّی اللہ علیہ واٰلہٖ وسلَّم کے آئینہ میں اپنی زندگی گزارنے کا ذہن دیا۔

ایصال ِثواب اجتماع میں مختلف سیاسی و سماجی شخصیات سمیت مدرسۃُ المدینہ کے بچوں نے بھی شرکت کی۔بعد میں رکنِ شوریٰ حاجی اظہر عطاری نے بابر حیات سے ملاقات کی جس میں انہیں عالمی مدنی مرکز فیضان مدینہ وزٹ کی دعوت دی جو کہ انہوں نے قبول کی اور جلد وزٹ کرنے کی اچھی اچھی نیت کا اظہار کیا۔ (رپورٹ:شعبہ رابطہ برائے شخصیات ڈسٹرکٹ حافظ آباد ، کانٹینٹ: رمضان رضا عطاری)