اُمّتِ  مُسْلِمَہْ کو علم دین سے مستفید کرنے وعلم دین سکھانے کے آسان ذرائع فراہم کرنے کے لئے ہفتہ وار مدنی مذاکرے میں امیر اہل سنت دَامَتْ بَرْکَاتُہُمُ الْعَالِیَہْ کسی ایک دینی رسالے کےمطالعے کی ترغیب ارشاد فرماتے ہیں اور رسالہ پڑھنے/سننے والوں کو اپنی دعاؤں سے بھی نوازتے ہیں۔

پچھلے ہفتے امیر اہل سنت نے رسالہ’’فیضانِ حضرت عبداللہ بن زبیر رضی اللہ عنہ“ پڑھنے / سننے کی ترغیب دلائی۔اسی سلسلے میں نارتھ امریکہ ریجن سے کم وبیش 655 اسلامی بہنوں نے رسالہ ”فیضان حضرت عبداللہ بن زبیر رضی اللہ عنہ“پڑھنے / سننے کی سعادت حاصل کی۔

دعوتِ  اسلامی کے زیرے اہتمام 24دسمبر 2021 ء کو تنزانیہ دارالسلام کے 2 علاقوں میں سنتوں بھرے اجتماعات کا انعقاد کیا گیا جن میں کم وبیش 28 اسلامی بہنوں نے شرکت کی۔

مبلغات دعوت اسلامی نے ’’تبرکات کی برکتیں ‘‘کے موضوع پر سنتوں بھرا بیان کیا اور اسلامی بہنوں کو دعوت اسلامی کی دینی و فلاحی خدمات کے حوالے سے بتاتے ہوئے دینی کاموں میں عملی طور پر حصہ لینے کا ذہن دیا۔

٭دوسری جانب دعوت اسلامی کے زیرِ اہتمام 23 دسمبر 2021ء کو امریکہ کے شہر سیکرامنٹو میں سنتوں بھرا اجتماع منعقد کیا گیا جس میں کم و بیش 28 مقامی اسلامی بہنوں نے شرکت کی۔

مبلغہ دعوت اسلامی نے ’’تبرکات کی برکتیں‘‘ کے موضوع پر سنتوں بھرا بیان کیا اور اجتماع پاک میں شریک اسلامی بہنوں کو تبرکات کی برکتوں پر اہم نکات پیش کئےمثلاً تبرکات میں شفاء ہےنیز اللہ کے محبوب بندے اور ان کے تبرکات کا قراٰ ن پاک میں بھی ذکر ہے۔ مزید اسلامی بہنوں کو ناخن کاٹنے کی سنتیں اور آداب سکھائی گئیں اور ہفتہ وار رسالہ پڑھنے /پڑھانے کا ذہن دیا گیا۔

جانشین امیر اہلسنت حاجی عبید رضا عطاری مُدَّ ظِلُّہُ العالی نے اوستہ محمد بلوچستان میں حاجی اللہ ڈنہ رند سے ان کی رہائش گاہ پر ملاقات کی۔

جانشین امیر اہلسنت نے انہیں نیکی کی دعوت پیش کی اور دعوت اسلامی کا تعارف پیش کرتے ہوئے دینی کاموں میں جانی و مالی تعاون کرنے کی ترغیب دلائی۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔ 

پچھلے دنوں جانشین امیر اہلسنت حاجی عبید رضا عطاری مدنی مُدَّ ظِلُّہُ العالی نے اوستہ محمد میں جیلانی ہاؤس پر سید شریف جیلانی اور سید حبیب شاہ جیلانی سے ملاقات کی۔

جانشین امیر اہلسنت نے ان کے والد صاحب سید اورنگ شاہ کے انتقال پر تعزیت کی اور مرحوم کے ایصال ثواب کے لئے فاتحہ خوانی اور دعائیں کیں۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔

دعوت  اسلامی کے زیر ِاہتمام 21 دسمبر 2021ء کو ترکی کی مشاورت اسلامی بہنوں کےدرمیان مدنی مشورے کا انعقاد ہوا جس میں عالمی مجلس مشاورت کی نگران اسلامی بہن نے اسلامی بہنوں کے سابقہ دینی کاموں کی کارکردگیوں کا جائزہ لیا جس میں ڈیلی کلاس، نیک اعمال رسائل کی وصولی اور ٹیلی تھون کی کارکردگی شامل تھی ۔ اس کے علاوہ اسلامی بہنوں نے دینی کاموں میں پیش آنے والےمسائل بتائےجن کو باہمی مشاورت سے حل کرنے کی کوشش کی گئی ۔

پچھلے دنوں دعوت اسلامی کے زیر اہتمام اوستہ محمد بلوچستان میں سنتوں بھرے اجتماع کا انعقاد کیا گیا جس میں مختلف شعبہ جات سے وابستہ شخصیات اوردیگر عاشقان رسول سمیت اسٹوڈنٹس اور دعوت اسلامی کے مختلف شعبہ جات کے ذمہ داران نے شرکت کی۔

جانشین امیر اہلسنت حاجی عبید رضا عطاری مدنی مُدَّ ظِلُّہُ العالی نے”دل کی سختی کے نقصانات“ کے موضوع پر بیان کیا اور شرکا کوحلال رزق حاصل کرنے کی ترغیب دلاتے ہوئے رب عَزَّوَجَلَّ کی عبادت کرنے کا ذہن دیا۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔

      دعوت اسلامی کے زیر اہتمام 22دسمبر2021ء بروز بدھ جنوبی کوریا کے شہر انچن میں بذریعہ انٹرنیٹ ون ڈے سیشن کا انعقاد کیا گیا جس میں 8اسلامی بہنوں نے شرکت کی۔

فاریسٹ ریجن نگران اسلامی بہن نے’’ حرص کے نقصانات اور قناعت‘‘ کے موضوع پر سنتوں بھرا بیان کیا ،حرص کیا ہوتی ہے اسکی وضاحت کرتے ہوئے حرص کی آفتوں کے بارے میں بتایا نیز قناعت کی تعریف بھی بتائی ۔ اس کے علاوہ سونے / جاگنے کی سنتیں اور آداب بیان کرتے ہوئیں دعائیں بھی یاد کروائی۔

پچھلے دنوں دعوت اسلامی کے زیر اہتمام اوستہ محمد بلوچستان میں مدنی مشورہ ہوا جس میں اوستہ محمد کے ذمہ دارانِ دعوت اسلامی نے شرکت کی۔

جانشین امیر اہلسنت حاجی عبید رضا عطاری مُدَّ ظِلُّہُ العالی نے شرکا کی تربیت کی اور دینی کاموں میں بڑھ چڑھ حصہ لینے اور رسالہ نیک اعمال کا عامل بننے کی ترغیب دلائی۔

اس موقع پر رکن شوریٰ حاجی محمد فاروق جیلانی عطاری بھی موجود تھے۔

دعوتِ اسلامی کے شعبہ شارٹ کورسز کے تحت21دسمبر 2021ء کو یورپین یونین  میں بذریعہ انٹر نیٹ مدنی مشورے کا انعقاد ہوا جس میں اٹلی ، سویڈن ، جرمنی ، ہالینڈ ، اسپین ، فرانس اور ڈنمارک کی شارٹ کورسز کی ذمہ داراسلامی بہنوں نے شرکت کی۔

عالمی مجلس مشاورت کی رکن اسلامی بہن نے اسلامی بہنوں سے ان کے سابقہ دینی کاموں کی کارکردگی کا فالو اپ کرتے ہوئے ان کی تربیت کی ا ور شارٹ کورسز کے تحت ہونے والے دینی کام بڑھانے کی ترغیب دلائی جس پر اسلامی بہنوں نے اچھی اچھی نیتوں کا اظہار کیا ۔

٭اسی طرح اسلامی بہنوں کے آن لائن شارٹ کورسز ڈیپارٹمنٹ کے تحت 14 دسمبر 2021ء سے 16 دسمبر 2021ء تک ہجویری ریجن ایران میں 3 دن پر مشتمل کورس بنام ’’احکام ِوراثت‘‘ ہوا جس میں 7 اسلامی بہنوں نے شرکت کی۔

کورس میں شامل اسلامی بہنوں نے قراٰن و حدیث سے وصیت و وراثت کے اہم احکام اور ان کی اہمیت نیز وراثت کے تقسیم کرنے میں پائی جانے والی غفلتوں، خرابیوں کے بارے میں سننے اور سیکھنے کی سعادت حاصل کی۔

٭دوسری جانب اسلامی بہنوں کے آن لائن شارٹ کورسز ڈیپارٹمنٹ کے تحت 18 دسمبر 2021ء بروز ہفتہ ہجویری ریجن ایران میں ایک دن پر مشتمل کورس بنام ’’احکامِ نماز‘‘ہواجس میں 5 اسلامی بہنوں نے شرکت کی اور نماز کی ادائیگی سے متعلق بہت سی معلومات حاصل کیں۔

دعوت اسلامی کے زیر اہتمام بلوچستان میں دینی حلقے کا انعقاد کیا گیا جس میں مختلف شخصیات نے شرکت کی۔

جانشین امیر اہلسنت حاجی عبید رضا عطاری مدنی نے سنتوں بھرا بیان کیااور نیکی کی دعوت پیش کرتے ہوئے شرکا کو آخرت میں اپنے لئے ثواب کا ذخیرہ جمع کرنے کے لئے دینی کاموں میں جانی و مالی تعاون کرنے کی ترغیب دلائی۔

آخر میں جانشین امیر اہلسنت نے ایک اسلامی بھائی کا نکاح بھی پڑھایا۔

اس موقع پر رکن شوریٰ حاجی فاروق جیلانی عطاری بھی موجود تھے۔

پچھلے دنوں دعوت اسلامی کے زیر اہتمام ڈیرہ اللہ یار میں سنتوں بھرے اجتماع کا انعقاد کیا گیا جس میں عاشقان رسول کی بڑی تعداد میں شرکت کی۔

جانشین امیر اہلسنت حاجی عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو دینی کاموں میں شرکت کرنے، نمازوں کی پابندی کرنے اور مدنی قافلے میں سفر کرنے کی ترغیب دلائی۔

بعد ازاں جانشین امیر اہلسنت مُدَّ ظِلُّہُ العالی نے ڈیرہ اللہ یار میں تین اسلامی بھائیوں کانکاح پڑھایا اور خاندان والوں کے لئے دعائیں کیں۔

اس موقع پر رکن شوریٰ حاجی فاروق جیلانی عطاری اور شعبہ رابطہ برائے شخصیات کے ذمہ دار محمد وقار عطاری بھی موجود تھے۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نےبلوچستان کے ضلع صحبت پور میں سابق سینئر بیورو کریٹ بلوچستان کے قبائلی رہنما و چیف سردار ڈاکٹر شعیب احمد خان گولہ سے ملاقات کی۔

جانشین امیر اہلسنت نے انہیں دعوت اسلامی کے جملہ کاموں کا تعارف پیش کیا اور نیکی کی دعوت پیش کرتے ہوئے دینی کاموں میں جانی و مالی تعاون کرنے کی ترغیب دلائی۔

اس موقع پر اراکین شوریٰ حاجی فاروق جیلانی عطاری اور حاجی قاری ایاز عطاری بھی موجود تھے۔