دعوت  اسلامی کے زیرِ اہتمام 13 فروری 2024ء کو ڈسٹرکٹ چنیوٹ میں قائم ڈیف اسپیشل پرسنز کے کلب میں مدنی حلقہ ہوا جس میں اسپیشل پرسنز ڈیپارٹمنٹ صوبہ پنجاب کے ذمہ دار محمد وقاص عطاری نے” فکر آخرت“ کے موضوع پر بیان کیا۔

دوران بیان ڈیف اسلامی بھائیوں کو نمازوں کی پابندی کرنے ،ماں باپ کا ادب کرنے اور نیک اعمال کرنے کی ترغیب دلائی جس پر انہوں نے عمل پیرا ہونے کی نیت کاا ظہار کیا۔(کانٹینٹ:رمضان رضا عطاری)

13 فروری  2024ء کو چنیوٹ ڈسٹرکٹ میں موجود مدنی مرکز فیضان مدینہ میں مدنی مشورے کا سلسلہ کیا گیا جس میں فیصل آباد ڈویژن ذمہ دار نعمان بدر عطاری ، ڈیف اسپیشل پرسنز ڈویژن ذمہ دار ارسلان عطاری ، نگران ڈسٹرکٹ مشاورت مظہر مدنی عطاری اور تحصیل نگران محمد اعظم عطاری شریک ہوئے۔

صوبہ ٔپنجاب ذمہ دار محمد وقاص عطاری نے اسپیشل پرسنز ڈیپارٹمنٹ کے تحت ہونے والے دینی کاموں میں مزید بہتری لانے کے تعلق سے مدنی پھول دیئے اور ڈسٹرکٹ پر تقرر کے حوالے سے اہداف دیئے جس پر اسلامی بھائیوں نے بھلے جذبات پیش کئے۔

٭بعدازاں مدرسۃ المدینہ بوائز چنوٹ کے بچو ں میں سیکھنے سکھانے کا حلقہ منعقد ہوا جس میں اسپیشل پرسنز ذمہ دار محمد وقاص عطاری نے مدرسے کے بچوں کی دینی و اخلاقی اعتبار سے تربیت کی۔(کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی  کے تحت دنیا بھر میں نیکی کی دعوت عام کرنے کے سلسلے میں 3 دن،12 دن اور ایک ماہ کے مدنی قافلے سفر کرتے رہتے ہیں۔

اس سلسلے میں اسپیشل پرسنز ڈیپارٹمنٹ دعوت اسلامی کے تحت 12فروری2024 ءکو میر پور میں قائم مدنی مرکز فیضانِ مدینہ سے صوبائی ذمہ دار نابینا افراد کامران عطاری کے ساتھ نابینا اسلامی بھائیوں پر مشتمل 3 دن کا مدنی قافلہ راہِ خدا میں علمِ دین سیکھنے سکھانے اور نیکی کی دعوت عام کرنے کے لئے سفر پر روانہ ہوا۔

مدنی قافلے میں نابینا افراد کو علمِ دین میں فرض علوم،نماز اور وُضو کا عملی طریقہ سکھایا گیا نیز نیکی کی دعوت کی اہمیت اور مختلف دعائیں، سنتیں آداب و اذکار سکھائے گئے۔

مزید مدنی قافلے میں نابینا اسلامی بھائیوں کو بنیادی عقائد و معمولات اہل سنّت بتائے گئے نیز دعوت اسلامی کا تعارف اور دینی ماحول سے وابستہ رہنے ، ماں باپ کا ادب کرنےکے علاوہ معاشرے میں ایک اچھا فرد بننے کا ذہن دیا گیا ۔ اس پر نابینا افراد نے اچھی اچھی نیتوں کا اظہار کیا۔(کانٹینٹ:رمضان رضا عطاری)

فیضان مدینہ  فیصل آباد میں 7 فروری 2024ء کو دعوت اسلامی کے تحت اجتماع شب معراج کا اہتمام کیا گیا جس میں جامعۃالمدینہ و مدرسۃالمدینہ بوائز کے طلبۂ کرام اور فیصل آباد سٹی و اطرف سے کثیر عاشقان رسول نے شرکت کی ۔

اجتماع کا آغاز تلاوت و نعت رسول صلَّی اللہ علیہ واٰلہٖ وسلَّم سے ہوا جس میں نعت خوا اسلامی بھائیوں نے پیارے آقا صلَّی اللہ علیہ واٰلہٖ وسلَّم کی شان میں کلام پڑھے ۔ بعدازاں رکنِ مرکزی مجلسِ شوریٰ و نگران پاکستان مشاورت حاجی محمد شاہد عطاری نے سنتوں بھرا بیان فرمایا جس میں پیارے آقا علیہ السلام کے سفر معراج کے بارے میں بتایا نیز نماز ،روزے کی پابندی کرنے ، نیکی کرنے اور نیکی کے کاموں میں حصہ لیتے رہنے کا ذہن دیا۔آخر میں نگران پاکستان مشاورت نے دعا کروائی جبکہ صلوٰۃ و سلام بھی پڑھا گیا۔(رپورٹ:عبد الخالق عطاری ،کانٹینٹ:رمضان رضا عطاری )

پچھلے  دنوں مدنی مرکز فیضان مدینہ جھنگ میں اسپیشل پرسنز ڈیپارٹمنٹ دعوت اسلامی کے تحت فیصل آباد ڈویژن کے ذمہ داران کا مدنی مشورہ ہوا ۔

معلومات کے مطابق صوبہ پنجاب ذمہ دار محمد وقاص عطاری نے سابقہ اہداف کا جائزہ لیا اور سال 2024/2025ء کے نیو اہداف کے بارے میں بتاتے ہوئے صدقہ مہم، رمضان ڈونیشن ، رمضان اعتکاف اور دیگر امور پر گفتگو کی جس پر ذمہ داران نے ان اہداف کو پورا کرنے کا بھرپور عزم اور نیتوں کا اظہار کیا۔(کانٹینٹ:رمضان رضا عطاری مدنی )

اسپیشل پرسنز ڈپارٹمنٹ دعوت اسلامی  کے تحت ایسٹ ڈسٹرکٹ چنیسر ٹاؤن کراچی کی حقانی مسجد میں گونگے بہرے اسلامی بھائیوں کا مدنی حلقہ ہوا ۔

مدنی حلقے میں ٹاؤن ذمہ دار وسیم احمدعطاری نے اسپیشل پرسنز کی اشاروں کی زبان میں تربیت کی اور انہیں نیکی کی دعوت دیتے ہوئے ہفتہ وار اجتماع میں شرکت کرنے کی دعوت دی جس پر انہوں نے نیک خیالات کا اظہار کیا۔ اس حلقے میں ڈسٹرکٹ ذمہ دار عارف عطاری اور وارڈ ذمہ دار محمد عامر عطاری بھی موجود تھے۔ (کانٹینٹ:رمضان رضا عطاری مدنی )

11  جنوری 2024ء کو میرپو ر سٹی کے علاقہ D1- F-1 بن خرماں اور خالق آباد میں علاقائی دورے کا سلسلہ ہوا جس میں صوبائی ذمہ دار نابینا افراد کامران عطاری اور ڈویژن ذمہ دار سلیمان عطاری نے گھر گھر جاکر نابینا بچوں اور ان کے سرپرست سے ملاقات کی اور ان کو نیکی کی دعوت دی ۔

دوران ملاقات ذمہ داران نے نابینا بچوں کو مدرسۃ المدینہ برائے نابینا میر پور کشمیر کے داخلے اور مدنی قافلہ اور فیضان نماز کورس برائے نابینا کرنے کا ذہن دیا۔ اس کے ساتھ ساتھ رمضان میں ایک ماہ اور دس دن کا اعتکاف کرنے کی ترغیب بھی دلائی جس پر نابینا بچوں اور ان کے سرپرست نے اچھی اچھی نیتوں کا اظہار کیا۔)کانٹینٹ:رمضان رضا عطاری )

10 فروری 2024ء  کو صوبائی ذمہ دار نابینا افراد کامران عطاری نے ڈویژ ن ذمہ دار سلیمان اصغر عطاری کے ہمراہ میونسپل کارپوریشن میر پور کشمیر کا وزٹ کیا اور وہاں نابینا ٹیلی فون آپریٹر محمد عدنان ، اظہر شاہ اور دیگر اعلی افسران سے ملاقات کی ۔

ان کو نیکی کی دعوت پیش کرتے ہوئے دعوت اسلامی اور شعبہ اسپیشل پرسنز کاتعارف و مقاصد بتائے نیز مدرسۃ المدینہ برائے نابینا کا وزٹ کرنے کی دعوت پیش کی جس پر اظہر شاہ صاحب اور عدنان صاحب نے اچھی نیت کا اظہار کیا اور دعوت اسلامی کا شکریہ ادا کیا۔(کانٹینٹ:رمضان رضا عطاری مدنی )

اسپیشل پرسنز ڈیپارٹمنٹ  دعوت اسلامی کے تحت 10 فروری 2024ء کو صوبائی ذمہ دار نابینا افراد کامران عطاری اور ڈویژ ن ذمہ دار سلیمان عطاری نے مدرسۃ المدینہ برائے نابینا افراد دعوت اسلامی میر پور کشمیر کاوزٹ کیا ۔

اس موقع پر نابینا بچوں میں سیکھنے سکھانے کا حلقہ لگایا گیا جس میں صوبائی ذمہ دار نے ”فضائل درود شریف اور تلاوت قرآن پاک “ کے موضوع پر بیان کیا اور نابینا بچوں کو محنت کے ساتھ قرآن شریف حفظ کرنے نیز ایک اچھا مسلمان بنے کا ذہن دیا۔

علاوہ ازیں نیکی کی دعوت دیتے ہوئے ہفتہ وار اجتماع ۔ مدنی مذ اکرہ اور ہفتہ وار آڈیو رسالہ سننے کا ہدف دیا مزید دعوت اسلامی کے دیگر دینی کاموں میں عملی طور پرشرکت کرنے کی ترغیب بھی دلائی جس پر بچوں نے اچھی اچھی نیت کا اظہار کیا۔(کانٹینٹ:رمضان رضا عطاری مدنی )

مدنی   مرکز فیضان مدینہ میرپور کشمیر میں 9 فروری 2024ء کو دعوت اسلامی کے اسپیشل پرسنز ڈیپارٹمنٹ کے تحت گونگے ، بہرے نابینا اور جسمانی معزور افراد کا ماہانہ اجتماع ہوا ۔

اجتماع میں نابینا اسلامی بھائی ثاقت عطاری نے نعت شریف پڑھی جبکہ ڈسڑکٹ نگران میر پور کشمیر محمد اسلم عطاری نے ”اللہ پاک کے آخری نبی محمد مصطفی صلَّی اللہ علیہ واٰلہٖ وسلَّم کے اخلاق و اوصاف اور ان کی دین کے لئے قربانیاں“ کے موضوع پر بیان کیا ۔

دورانِ بیان اسپیشل پرسنز کو داڑھی رکھنے،عمامہ شریف سجانے اور دعوت اسلامی سے وابستگی کی ترغیب دلائی نیز ایک اچھا مسلمان بننے کا ذہن دیتے ہوئے رمضان المبارک میں ایک ماہ اوردس دن کا اعتکاف کرنے کی دعوت دی جس پر اسپیشل پرسنز نے اچھی اچھی اچھی نیتوں کا اظہار کیا۔

اس موقع پر ڈویژن ذمہ دار اسپیشل پرسنز ڈیپارٹمنٹ کے سلیمان عطاری نے اشاروں کی زبان میں بیان کی ترجمانی بھی کی اور صوبائی ذمہ دار نابینا افراد کے کامران عطاری نے نابینا اور جسمانی معزور افراد کے ساتھ شرکت کی۔ (کانٹینٹ:رمضان رضا عطاری مدنی)

7 فروری 2024ء  کو مظفرآباد میں قائم نوبل فاؤنڈیشن برائے معذور افراد کے دفتر میں صوبائی ذمہ دار نابینا افراد کامران عطاری نے ڈویژن ذمہ دار سلیمان اصغر عطاری اور شعبہ اسپیشل پرسنز ڈیپاٹمنٹ کے اعظم عطاری نے N.G.O کے معزور سرپرست اعلی سید احسان گیلانی سے ملاقات کی ۔

ان کو نیکی کی دعوت پیش کی اور دعوت اسلامی کے شعبہ اسپیشل پرسنز کاتعارف و مقاصد کی آگاہی دی نیز اس کے تحت ہونے والے دینی کاموں کے حوالے سے بتایا ۔

ساتھ ہی شخصیات کو مدرسۃ المدینہ برائے نابینا کا وزٹ کرنے کی دعوت پیش کی جس پر سیّد احسان گیلانی نے اچھی نیت کا اظہار کا اور دعوت اسلامی کا شکریہ ادا کیا۔(کانٹینٹ:رمضان رضا عطاری)

دعوت اسلامی  کے شعبہ اسپیشل پرسنز کی جانب سے نیشنل اسپیشل پرسنز اسکول مظفر آباد میں سیکھنے سکھانے کے حلقے کا سلسلہ ہوا جس میں اسپیشل بچوں کے درمیان ”وقت کی قدر اور معراج محمد مصطفی صلَّی اللہ علیہ واٰلہٖ وسلَّم کے مقاصد“ کے موضوع پر صوبائی ذمہ دار نابینا افراد کامران عطاری نے بیان کیا جبکہ ڈویژن ذمہ دار سلیمان عطاری اور اعظم عطاری نے اشاروں کی زبان میں بیان کی ترجمانی کی ۔

٭بعدازاں ذمہ داران نے نیکی کی دعوت دینے کے سلسلے میں ا سکول پرنسپل و اساتذہ سے ملاقات کی ۔ صوبائی ذمہ دار کامران عطاری نے شعبے کا تعارف پیش کیا اور دعوت اسلامی کی اصلاح اُمت کے لئے کی جانے والی کوششِ اور ان کی اہمیت کے بارے میں حاضرین کو بتایا نیز نابینا افراد کے لئے قائم کردہ مدرسۃ المدینہ دعوت اسلامی کے بارے میں معلومات دیں اور اس کاوزٹ کرنے کی دعوت دی جس پر اسکول پرنسپل اور اساتذہ سمیت دیگر افراد نے ساتھ ملکر وزٹ کرنے کی نیت کا اظہار کیا۔(کانٹینٹ:رمضان رضا عطاری)