دعوت اسلامی کی مجلس تحفظ اوراق مقدسہ کے تحت گزشتہ دنوں ذمہ دار اسلامی بھائی نے  ایبٹ آباد کابینہ ہزارہ زون کی جامع مسجد رانجن قلندر آباد کے امام و خطیب مولانا سراج شاہ کاظمی صاحب سے ملاقات کی۔ دورانِ ملاقات دعوتِ اسلامی کے شعبہ جات بالخصوص مجلس تحفظ اوراقِ مقدسہ کا تعارف پیش کرتے ہوئے اوراقِ مقدسہ کے تحفظ کے لئے مجلس کے ساتھ تعاون کرنےکی عرض پیش کی۔

دعوت اسلامی کی مجلس تحفظ اوراق مقدسہ کے تحت گزشتہ دنوں  کامرہ اور حضرو میں مدنی کاموں کا سلسلہ رہا، اسلامی بھائیوں نے ریجن ذمہ دار کے ہمراہ بیکری والوں اور سبزی منڈی کے مالک سے ملاقات اور چوک درس کا اہتمام کیا نیز جامعۃالمدینہ کامرہ اور حضرو کا دورہ کیااور اساتذہ کرام سے ملاقاتیں کیں اور اوراق مقدسہ جمع کئے۔(رپورٹ: شہریار عطاری ، رکن کابینہ )

دعوت اسلامی کی مجلس تحفظ اوراق مقدسہ کے تحت گزشتہ دنوں  محبوب ٹاؤن اسٹور اوکاڑہ پاکپتن زون میں سنتوں بھرا اجتماع ہوا ۔ اجتماع میں ڈویژن ذمہ داران، شخصیات و دیگر عاشقانِ رسول نے شرکت کی ۔ اس موقع پر ڈویژن ذمہ دار اسلامی بھائی نے بزرگان ِدین کےاندازِ ادب کے واقعات سے متعلق بیان کرتے ہوئے ہفتہ وار اجتماع میں شرکت کرنے اور دعوت اسلامی کے مسجد کے 12مدنی کاموں کی ترغیب دلائی نیز نئے باکسز کی تیاری بھی عمل میں آئی۔(رپورٹ:ڈاکڑ محمد عدنان عطاری، ریجن ذمہ دار)

دعوت اسلامی کی مجلس تحفظ اوراق مقدسہ کے تحت گزشتہ دنوں ریلوے اسٹیشن کینٹ اوکاڑہ پاکپتن زون میں سنتوں بھرا اجتماع ہوا جس میں علاقے کے کثیر عاشقان رسول نے شرکت کی۔ اس موقع پرڈویژن ذمہ دار اسلامی بھائی نے بزرگان ِدین کےاندازِ ادب کے واقعات سے متعلق  بیان کرتے ہوئے ہفتہ وار اجتماع میں شرکت کرنے اور دعوت اسلامی کے مسجد کے 12مدنی کاموں کی ترغیب دلائی نیز اوراقِ مقدسہ کے مدنی کاموں میں تعاون کرنے کی ترغیب پر نئے باکسز کی ترکیب بھی بنی۔

دعوتِ اسلامی کی مجلس تحفظ اوراق مقدسہ کے تحت 22جنوری2020ء بروز بدھ ہزارہ زون ایبٹ آباد کابینہ میں مدنی مشورہ ہوا۔ مدنی مشورے میں شعبے سے وابستہ اسلامی بھائیوں نے شرکت کی۔ اس موقع پر مجلس تحفظ اوراق مقدسہ کے مدنی بستہ کے رکن زون ذمہ دار اسلامی بھائی نے مجلس کو خود کفیل بنانے اور مجلس کے تحت بستے لگانے کے حوالے سے ترغیب دلائی۔(رپورٹ:ابو صادق محمد واثق عطاری ، رکن زون ہزارہ )

دعوتِ اسلامی کی  مجلس تحفظ اوراقِ مقدسہ کے ذمہ دار اسلامی بھائیوں نے 2019ء کے لئے دئیے گئے اہداف مکمل کرلئے۔

تفصیلات کے مطابق مجلس تحفظ اوراقِ مقدسہ کے اسلامی بھائیوں نے 2019ء میں پاکستان بھر میں کم بیش پچاس ہزار بکسز لگا کر اورقِ مقدسہ کو بے حرمتی سے بچانے کی کوشش کی۔ اس شعبے کا اعلان امیر اہلِ سنّت نے 23 مارچ 2014 سنِ عیسوی کو لائیو مدنی مذاکرے میں فرمایا اَلْحَمْدُ لِلّٰہِ عَزَّ وَجَلَّ تادمِ تحریر ایک لاکھ سے زائد بکس پاکستان بھر کے مختلف شہروں میں اوراقِ مقدسہ کو بے حرمتی سے بچانے کے لیے لگائے جاچکے ہیں۔

رکن شوریٰ حاجی ابو ماجد محمدشاہد عطاری مدنی نے اس شعبے کے ذمہ داران کو 2019ء میں پچاس ہزار بکسز لگانے کا ہدف دیا تھا اور اللہ کی رحمت سے ذمہ دار اسلامی بھائیوں نے اس ہدف کو پورا کرکے دکھایا۔

رکنِ شوریٰ حاجی شاہد عطاری مدنی کا مدنی چینل سے بات کرتے ہوئے کہنا تھا کہ مجلس مقدس اوراق مقدسہ ترقی کے زینے چڑھتی چلی جارہی ہے، ہم نے اس مجلس کو پچاس ہزار بکس لگانے کا ہدف دیا تھا جو انہوں نے پورا کرلیا ہے، اس وقت ایک لاکھ اٹھاسی ہزار باکسز لگائے جاچکے ہیں۔

مجلس تحفظ اوراق مقدسہ کے پاکستان سطح کے ذمہ دار محمد شاہنواز عطاری کا کہنا تھا کہ اَلْحَمْدُ لِلّٰہِ عَزَّ وَجَلَّ 2019 میں پاکستان بھر میں تقریباً پچاس ہزار سے زائد باکسز مختلف مقامات ، مساجد، مدارس، جامعات ، مارکیٹس، دکانوں اور دیگر پبلک ایریاز میں لگائے گئے۔

قارئین سے گزارش ہے کہ آپ بھی مقدس اوراق کے تحفظ کی نیت فرمائیں اور اوراقِ مقدسہ کو بے حرمتی سے بچانے کے لیے دعوتِ اسلامی کا ساتھ دیں۔ 

دعوتِ اسلامی کی مجلس تحفظ اوراق مقدسہ  کے تحت 18جنوری2020ء بروز ہفتہ جڑانوالا میں مدنی مشورہ ہوا۔ مدنی مشورے میں ذمہ دار اسلامی بھائیوں نے شرکت کی۔ اس موقع پر رکنِ زون اسلامی بھائی نےشعبے کی کارکردگی کا جائزہ لیا، آئندہ کے اہداف طے کئے اور مدنی کاموں میں مزید بہتری کے لئے ذمہ دار اسلامی بھائیوں سے مشاورت بھی کی۔نیز شہر کا وزٹ کرکے اوراقِ مقدسہ کے باکسز کا جائزہ لیا اور شخصیات سے ملاقاتیں بھی کیں۔(رپورٹ: محمدطفیل ناصر عطاری، رکن زون اوراق مقدسہ فیصل آباد) 

دعوتِ اسلامی کی مجلس تحفظ اوراق مقدسہ  کے تحت 16جنوری2020ء بروز جمعرات رکنِ کابینہ ذمہ دار اسلامی بھائی نے فیصل آباد کابینہ کی مختلف ڈویژن کا وزٹ کرتے ہوئے مقدس اوراق کے باکسز کا جائزہ لیا اور اطراف کے اسلامی بھائیوں کو سنتوں بھرے اجتماع میں شرکت کرنے کی دعوت پیش کی اور انہیں گاڑیوں کے ذریعے اجتماع میں لے کر بھی آئے۔ نیز اجتماع میں مجلس تحفظ اوراق مقدسہ کا مدنی بستہ لگانےاور آنے والے اسلامی بھائیوں کو شعبےسے متعلق معلومات فراہم کرنے کا سلسلہ ہوا۔ (رپورٹ: محمدطفیل ناصر عطاری، رکن زون اوراق مقدسہ فیصل آباد) 

دعوتِ اسلامی کی مجلس تحفظ اوراق مقدسہ  کے تحت 16جنوری2020ء بروز جمعرات جڑانوالا کابینہ کی ڈویژن سانگلہ ہل میں اوراق مقدسہ کے محافظین اور ذمہ دار اسلامی بھائیوں نے مل کر شہر سے مقدس اوراق کے بھرے ہوئے باکسز خالی کئےاور خزانہ باردانوں میں بھرکے قراٰن محل پہنچا دیئےنیز اطراف میں اسلامی بھائیوں کو ہفتہ وار سنتوں بھرے اجتماع کی دعوت دینے کا سلسلہ بھی ہوا۔(رپورٹ: محمدطفیل ناصر عطاری، رکن زون اوراق مقدسہ فیصل آباد)

دعوتِ اسلامی کی مجلس تحفظ اوراق مقدسہ  کے تحت 18جنوری2020ء بروز ہفتہ ہزارہ زون کابینہ ایبٹ آباد سٹی خیبرپختوں خواہ میں صرافہ بازار کے ایک جیولرز کے گھرپر مدنی حلقہ لگایا جس میں صرافہ بازار کے دکانداروں نے شرکت کی۔ مبلغِ دعوتِ اسلامی نے اس موقع پر سنتوں بھرا بیان کرتے ہوئے دعوتِ اسلامی کا تعارف اور مجلس تحفظِ اوراق مقدسہ کی خدمات سے متعلق معلومات فراہم کیں اور انہیں اپنی دکانوں پر خصوصی باکسز رکھنے کا ذہن دیا ۔(رپورٹ: محمد واثق عطاری ، رکن زون ہزارہ)

دعوتِ اسلامی کی مجلس تحفظ اوراق مقدسہ کے تحت 16 جنوری2020ء بروز جمعرات ہربنس پورہ زنجانی کابینہ میں مدنی کارخانے کا وزٹ اور مدنی حلقے کا سلسلہ ہوا۔ مدنی حلقے میں مجلس تحفظ اوراق مقدسہ کے رکن زون ہزارہ و جنوبی زون لاہور اور دیگر ذمہ داراسلامی بھائیوں نے شرکت کی ۔ اس موقع پر لاہور ریجن ذمہ دار اسلامی بھائی نے شرکائے حلقہ کوتحفظِ اوراق کے لئےکوششیں بڑھانے کا ذہن دیا اورسال 2020ء کے اہداف بھی طے کئے۔(رپورٹ:محمد ناصر عطاری، رکن زون مجلس تحفظ اوراق مقدسہ)

دعوتِ اسلامی کی مجلس تحفظ اوراقِ مقدسہ کے تحت 16 جنوری2020ء بروز جمعرات جامع مسجد شاہ ابو البرکات مغل پورہ میں مدنی حلقے کا اہتمام کیا گیا جس میں اساتذہ کرام ، امامت کورس کے طلبہ اور مجلس تحفظ اوراق مقدسہ کے ذمہ داران اسلامی بھائیوں نے شرکت کی۔ حلقے میں مبلغِ دعوتِ اسلامی نے اوراق مقدسہ کے تحفظ کے لئے کوششیں کرنے، ہفتہ وار سنتوں بھرے اجتماع میں شرکت کرنے ، مدنی چینل دیکھنے اور ہر ماہ 3 دن کے قافلے میں سفر کرنےکا ذہن دیا ۔(رپورٹ:محمد ناصر عطاری، رکن زون مجلس تحفظ اوراق مقدسہ)