دعوتِ اسلامی کی مجلس تحفظ اوراق مقدسہ  کے تحت 26فروری2020ء بروز بدھ فاروق آباد کابینہ کی ڈویژن مانانوالا میں میں چوک درس کا اہتمام کیا گیا جس میں گورنمنٹ ہائی اسکول مانانوالا کے طلبہ و علاقے کے اسلامی بھائیوں نے شرکت کی ۔ اس موقع پر جنوبی لاہور زون کے رکن نے شرکا کو تحفظ اوراقِ مقدسہ کے تحفظ کے لئے کوششیں کرنے کی ترغیب دلائی اور طلبہ کو محنت سے پڑھنے، ایک اچھا شہری و محب وطن پاکستانی بننے کا ذہن دیا ۔(رپورٹ:محمدناصر عطاری، رکن زون مجلس تحفظ اوراق مقدسہ )

قراٰنِ پاک کے شہید اوراق کی حفاظت اور جدید ری سائیکلنگ پلانٹ کی تنصیب کیلئے وفاقی وزیر مذہبی امور پیر نور الحق قادری کی زیر صدارت 26 فروری2020ء کو وزارت مذہبی امور میں ایک اہم اجلاس منعقد ہوا ۔ اجلاس میں دعوتِ اسلامی کی مجلس تحفظِ اوراقِ مقدسہ  کے پاکستان سطح کے نگران محمد شاہنواز عطاری سمیت دیگر عہدیداران نے بھی شرکت بھی کی۔

ذرائع کے مطابق مشاورتی اجلاس سے خطاب کرتے ہوئے وفاقی وزیر مذہبی امور ڈاکٹر نور الحق قادری نے کہاکہ مقدس اوراق کی حفاظت اور ری سائیکلنگ کیلئے نجی فلاحی تنظیموں کی مشاورت سے لائحہ عمل طے کرینگے، قرآن پاک کی تکریم اور حفاظت مسلمانوں کا اہم دینی فریضہ ہے۔ انہوں نے مزید کہا ہے کہ قرآن پاک کی مختلف خدمات میں ایک عمل اسکی حفاظت بھی ہے، مقدس اوراق کی حفاظت کیلئے جدید ترین ری سایکلنگ پلانٹ کی جگہ کا حصول نہایت اہمیت کا حامل ہے، علما ئے کرام کی رائے کی روشنی میں عظمت قرآن پر جامع آگاہی مہم کا آغاز کیا جائے گا ۔

نگرانِ مجلس محمد شاہنواز عطاری نے کہا کہ عالمگیر تحریک دعوتِ اسلامی قرآن مجید کی حفاظت کے پیشِ نظر ملک بھر میں اپنی خدمات انجام دے رہی ہے۔ دعوتِ اسلامی کی مجلس تحفظ اوراقِ مقدسہ کے فی سبیل اللہ خدمت سر انجام دینے والے کارکنان نے پاکستان کے 616شہروں میں ایک لاکھ 17 ہزار 808 مقدس اوراق کے باکسز اورآٹھ سو بڑے ڈرم مختلف مدارس، مساجد ،مارکیٹوں، بازاروں اور ٹاؤنز وغیرہ میں نصب کئے ہوئے ہیں جنہیں ہر ماہ خالی کرکے محفوظ مقام پر منتقل کیا جاتا ہے۔

نگرانِ مجلس محمد شاہنواز عطاری نے دعوتِ اسلامی کے شب وروز کو بتایا کہ پاکستان بھر میں 240 اسٹو رزمختلف شہروں میں قائم ہوچکے ہیں جہاں عارضی طور پر مقدس اوراق لا کر رکھے جاتے ہیں۔ فی سبیل اللہ خدمت سر انجام دینے والے کارکنان کی بات کی جائے تو 25 ہزار کے قریب اسلامی بھائی ایسے ہیں جو باکسز خالی کرنے، شرعی طریقے کار کے مطابق محفوظ مقام پر منتقل کرنے میں معاونت کرتے ہیں۔

مجموعی کارکردگی کی بات کی جائے تو آپ کو یہ جان کر خوشی ہوگی کہ اَلْحَمْدُ لِلّٰہِ عَزَّ وَجَلَّ ! اب تک ساڑھے پانچ لاکھ سے زائد بار دانے ( یعنی بوریاں) شرعی طریقے کار کے مطابق پاکستان کے مختلف شہروں میں عاشقانِ رسول کے بنائے ہوئے 102قراٰن محل میں محفوظ (ٹھنڈے ) یا دفن کئے جا چکے ہے۔ 

دعوتِ اسلامی کی مجلس تحفظ اوراقِ مقدسہ کے زیر اہتمام 25فروری2020ء بروز منگل  مدنی مرکز فیضان مدینہ ننکانہ ڈویژن لاہورجنوبی زون میں رکن زون جنوبی لاہور نے اساتذہ سے ملاقات کی اور اوراق مقدسہ کےا سٹور کا معائنہ کیا ۔بعد نماز ظہر مدنی حلقے کی ترکیب بنی جس میں مدرسۃالمدینہ کے اساتذہ و طلبہ نے شرکت کی۔ اس موقع پرمبلغ دعوت اسلامی نے مجلس تحفظ اوراق مقدسہ کے مدنی کاموں کا تعارف پیش کیااور امیر اہلسنت دَامَتْ بَرَکَاتُہُمُ الْعَالِیَہ کے مدنی مذاکرہ قسط نمبر 2 موضوع مقّدس تحریرات کے آداب کے بارے میں سوال جواب سے تحفظ اوراق مقدسہ کے حوالے سے خوبصورت مدنی پھول پیش کرتے ہوئے مقدس کاغذات کے تحفظ کے لئےاپنے اپنے گھروں، دفاتر ، دکانوں،ا سکولز و کالجز اورمساجد و مدارس میں بکس لگانے کا ذہن دیا ۔ (رپورٹ:محمدناصر عطاری، رکن زون مجلس تحفظ اوراقِ مقدسہ)

دعوتِ اسلامی کی مجلس تحفظ اورقِ مقدسہ کے تحت 23فروری2020ء بروز اتوار ذمہ دار اسلامی بھائیوں نے  جوہرٹاون کابینہ لاہور میں اہلِ علاقہ اسلامی بھائیوں کے درمیان مدنی حلقہ لگایا گیا جس میں رکن جنوبی زون لاہور نے نماز کے فضائل بیان کرتے ہوئے عاشقان رسول کو نمازوں کی پابندی کرنے کا ذہن دیا اور اوراقِ مقدسہ کے تحفظ کے لئے کوششیں کرنے کی ترغیب دلائی جبکہ ذمہ دار اسلامی بھائیوں نے عاشقانِ رسول کے ہمراہ مدنی مرکز فیضان مدینہ جوہر ٹاؤن لاہور کے اطراف سے مقدس اوراق جمع کر کے انہیں قراٰن محل محفوظ کرنے کے لئے روانہ بھی کردیا۔(رپورٹ:محمدناصر عطاری، رکن زون مجلس تحفظ اوراق مقدسہ )

دعوتِ اسلامی کی مجلس  تحفظِ اوراقِ مقدسہ کے تحت 18فروری2020ء بروز منگل شاہ پور کابینہ ملتان روڈ لاہور جنوبی زون کی جامع مسجد حافظ صاحب میں مبلغِ دعوتِ اسلامی نے مدنی حلقہ لگایا جس میں مقامی اسلامی بھائیوں نے شرکت کی۔ اس موقع پر مبلغ ِ دعوتِ اسلامی نے شرکا کو تحفظ اوراق مقدسہ کے فضائل بیان کرتے ہوئے مقدس اوراق کے تحفظ کے لئے اپنے گرد و نواح پر نظر رکھنے اور جہاں جہاں سے اوراق مقدسہ ملیں انہیں جمع کرکےاوراق مقدسہ کے بکس میں محفوظ کرنےکا ذہن دیا ۔(رپورٹ:محمدناصر عطاری ، رکن زون مجلس تحفظ اوراق مقدسہ )

دعوتِ اسلامی کی مجلس  تحفظِ اوراقِ مقدسہ کے تحت گزشتہ دنوں زنجانی کابینہ کی ڈویژن فیروز والا میں محمدظہیر(ایڈووکیٹ) کے گھرمدنی حلقہ ہوا جس میں اہلِ علاقہ نے شرکت کی۔ اس موقع پر رکنِ زون اسلامی بھائی نے عاشقِ اکبر سیدنا ابو بکرصدیق رضی اللہ عنہ کے فضائل بیان کرتے ہوئے نمازوں کی پابندی کرنے اور اوراق مقدسہ کے تحفظ کے لئے مجلس کے ساتھ تعاون کرنے کا ذہن دیا نیز اسلامی بھائیوں میں مکتبۃ المدینہ کے رسائل تقسیم کرنے کی ترکیب بھی رہی ۔(رپورٹ:محمدناصر عطاری ، رکن زون مجلس تحفظ اوراق مقدسہ )

دعوتِ اسلامی کی مجلس  تحفظ اوراقِ مقدسہ کے تحت 17فروری2020ء بروز پیر شریف ذمہ دار اسلامی بھائیوں نےفیصل آبادکے مختلف علاقوں کا وزٹ کرتے ہوئے باکسز کا جائزہ لیا اور باکسز خالی کرکے قراٰن محل منتقل کیا نیز جھنگ روڈ موٹر مارکیٹ، ملت روڈ اور مدینہ ٹاؤن میں پینٹ اسٹورز اور بیکرز پر شخصیات سے ملاقاتیں کیں۔ دورانِ ملاقات نیکی کی دعوت دیتے ہوئے راہ ِ خدا میں خرچ کرنے اور تلاوتِ قراٰن کرنے کے فضائل بیان کئے اور مقدس اوراق محفوظ کرنے سے متعلق مدنی پھول پیش کئے۔(رپورٹ:محمدطفیل ناصر عطاری، رکن زون اوراق مقدسہ فیصل آباد )

دعوتِ اسلامی کی مجلس  تحفظ اوراقِ مقدسہ کے تحت گزشتہ دنوں جڑانوالا کابینہ کی ڈویژن سانگلہ ہل میں محافظ اسلامی بھائی نے دیگر ذمہ دار اسلامی بھائیوں کے ساتھ مل کر شہر سے مقدس اوراق کے باکسز خالی کئے اور باردانوں میں بھر کے قراٰن محل میں محفوظ کیا۔ نیز چوک درس دیا اورمختلف مارکیٹس میں شخصیات سے ملاقاتیں بھی کیں۔(رپورٹ:محمدطفیل ناصر عطاری، رکن زون اوراق مقدسہ فیصل آباد )

دعوتِ اسلامی کی مجلس تحفظ اوراقِ مقدسہ کے تحت 17فروری2020ء بروز پیر شریف نیو سبزی منڈی ملتان میں چوک درس کا اہتمام ہوا جس میں مقامی اسلامی بھائیوں نے شرکت کی۔اس موقع پر  رکن زون ملتان نے شرکا کو خشوع وخضوع کے ساتھ نماز ادا کرنے کے فضائل سے متعلق مدنی پھول دیئے۔(رپورٹ: عبدالحمیدعطاری، ملتان زون ذمہ دار)

دعوتِ اسلامی کی مجلس تحفظ اوراق مقدسہ  کے تحت 13فروری2020ء بروز جمعرات ڈیفنس کابینہ شمالی زون لاہور میں چوک درس کا اہتمام ہوا جس میں اہلِ علاقہ نے شرکت کی۔ اس موقع پر رکنِ زون اسلامی بھائی نے امیرِ اہلِ سنت دَامَتْ بَرَکَاتُہُمُ الْعَالِیَہ کی کتاب”فیضانِ نماز“سے چوک درس دیتے ہوئے نمازوں کی پابندی کرنے کا ذہن دیا اور اوراقِ مقدسہ کے تحفظ کے لئے ہوئے اپنے اپنے گھروں، دفاتر ، دکانوں، ا سکولز و کالجز اورمساجد و مدارس میں تحفظِ اوراق مقدسہ کے باکسز لگانے کا ذہن دیا۔(رپورٹ:محمدناصر عطاری، رکن زون مجلس تحفظ اوراق مقدسہ )

دعوت ِ اسلامی کی مجلس تحفظِ اوراقِ مقدسہ کے تحت9 فروری بروز اتوار لاہور ریجن فیروزپورروڈ کابینہ میں  مشورہ ہوا ۔ مبلغ ِ دعوتِ اسلامی محمد رضاعطاری ریجن ذمہ دار لاہور نے رکن کابینہ و ڈویژن مشاورت اور دیگر اسلامی بھائیوں کو مجلس تحفظِ اوراقِ مقدسہ کےکام کو بڑھانے کا ذہن دیا ۔ اس موقع پر 26 نئے باکسز لگانے کا سلسلہ بھی ہوا جس میں اہلِ علاقہ نے اسلامی بھائیوں کے ساتھ مل کر تحفظ اوراق مقدسہ کےباکسز لگائے ۔ ( رپورٹر:محمد ناصر عطاری رکن زون مجلس تحفظ اوراق مقدسہ)

دعوت ِ اسلامی کی مجلس تحفظِ اوراقِ مقدسہ کے تحت12 فروری بروز بدھ لاہور جنوبی زون رائیونڈ  کے اطراف میں اوراقِ مقدسہ کے باکس خالی کئے گئے جبکہ کئی مقامات پر نئے باکس بھی لگائے گئے۔ اس موقع پر اہل علاقہ سے ملاقات اور فیضان مدینہ رائیونڈ کےاطراف میں چوک درس بھی دئیے گئے ، مبلغِ دعوت اسلامی نے اہلِ علاقہ کو اوراق ِ مقدسہ کا ادب کرنے ،ہفتہ وار سنتوں بھرے اجتماع میں شرکت، مدنی قافلوں میں سفر ، مدنی چینل دیکھتے رہنے نیز اپنے گھروں میں بھی تحفظِ اوراق مقدسہ کے لئے باکس رکھنے کا ذہن دیا۔