صوبہ بلوچستان کے ضلع لہڑی میں پچھلے دنوں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے دینی کاموں کے سلسلے میں سابق صوبائی وزیر چیف سردار سرفراز چاکر ڈومکی سے ملاقات کی۔

دورانِ ملاقات ذمہ داران میں موجود نگرانِ کوآرڈینیشن ڈیپارٹمنٹ بلوچستان محمد وقار عطاری نے سردار سرفراز چاکر ڈومکی کو نیکی کی دعوت دیتے ہوئے اُن کے لئے دعائے صحت کروائی۔اس موقع پر سبی ڈویژن، نصیر آباد ڈویژن اور کوئٹہ سے آئی ہوئی مختلف قبائلی سیاسی و سماجی شخصیات سے بھی ملاقات کا سلسلہ رہا۔(رپورٹ:شعبہ رابطہ برائے شخصیات بلوچستان، کانٹینٹ:غیاث الدین عطاری)

دنیا کے مختلف شعبہ ہائے زندگی سے تعلق رکھنے والی شخصیات کی دینی و اخلاقی تربیت کرنے اور انہیں نیکی کی دعوت پیش کرنے والی عاشقانِ رسول کی دینی تحریک دعوتِ اسلامی کے تحت ذمہ داران نے سبی بلوچستان میں مختلف شخصیات (جن میں کمشنر سبی ڈویژن شاہد سلیم قریشی، ڈپٹی کمشنر سبی منصور احمد قاضی، ایڈیشنل ڈپٹی کمشنر وحید شریف عمرانی، سابق ڈپٹی کمشنر سبی میر رحمت اللہ گشکوریاور پرسنل سیکرٹری ٹو کمشنر سبی ذیشان احمد سمیت دیگر افسران شامل تھے)سے ملاقات کی۔

نگرانِ کوآرڈینیشن ڈیپارٹمنٹ بلوچستان محمد وقار عطاری نے تمام شخصیات کو دعوتِ اسلامی کی عالمی سطح پر ہونے والی دینی و فلاحی خدمات بتائیں جس پر انہوں نے دعوتِ اسلامی کی کاوشوں کو سراہا۔

اس کے علاوہ ذمہ دار اسلامی بھائیوں نے خطیبِ اہلسنت جنرل کونسلر حاجی صوفی محمد سلیمان نقشبندی ، صدر پریس کلب سبی حاجی سعید الدین طارق، لیویز فورس کے افسران، ڈپٹی کمشنر اور کمشنر آفس سبے کے اسٹاف نیز سبی پریس کلب کے مختلف سینئر صحافیوں سے بھی ملاقات کی اور انہیں نیکی کی دعوت پیش کی۔(رپورٹ:شعبہ رابطہ برائے شخصیات بلوچستان، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت گزشتہ روز شعبہ رابطہ برائے شخصیات کے ذمہ دار اسلامی بھائیوں نے سبی میں سابق وزیرِ اعلیٰ بلوچستان نواب غوث بخش بارزوئی، قبائلی سیاسی و سماجی رہنما نواب زادہ محمد بارو خان بارزوئی اور نواب زادہ محمد شمعون خان بارزوئی سے ملاقات کی۔

اس دوران نگرانِ کوآرڈینیشن ڈیپارٹمنٹ بلوچستان محمد وقار عطاری نے دعوتِ اسلامی کے متعلق مختلف امور پر گفتگو کی اور شخصیات کو عالمی مدنی مرکز فیضانِ مدینہ کراچی کا وزٹ کرنے کی دعوت دی جس پر انہوں نے اچھی اچھی نیتیں کیں۔

پچھلے دنوں شعبہ رابطہ برائے شخصیات سرگودھا ڈویژن  کے ذمہ داران کی دعوت پر مختلف شخصیات نے فیضانِ مدینہ فیصل آباد کا دورہ کیاجس میں سی ٹی او فیصل آباد مقصود احمد لون ، سیاسی و سماجی شخصیت چوہدری عادل پرویز آرائیں ،، ڈپٹی ڈائریکٹر اینٹی کرپشن چوہدری عمیر عباس رانجھا، ڈپٹی کلکٹر ایریگیشن محمد شہباز احمد قمر ،فرانزک سائنس آفیسر الطاف احمد چدھڑ سمیت دیگر سماجی اور سیاسی شخصیات نے شرکت کی۔

افطار اجتماع میں نگران پاکستان مشاورت حاجی محمد شاہد عطاری نے سنتوں بھرا بیان کیا جس میں نماز روزے کی پابندی کرنے اور نیکی کے کاموں میں حصہ لیتے رہنے کی ترغیب دلائی نیز دعوت اسلامی کے دینی و فلاحی کاموں کے لئے ڈونیشن دینے اور دیگر کو اس کی ترغیب دلانے کے بارے میں ذہن دیا۔

علاوہ ازیں بعد نماز مغرب نگران پاکستان مشاورت حاجی محمد شاہد عطاری نے آنے والے مہمانوں سے ملاقات کی اور انہیں دعوت اسلامی کے تحت ہونے والے دینی و فلاحی کاموں کے بارے میں بریفنگ دی ۔(رپورٹ: عبد الخالق عطاری نیوز فالو اپ ذمہ دار،کانٹینٹ:رمضان رضا عطاری)

گزشتہ روز نگران پاکستان مشاورت حاجی محمد شاہد عطاری  کی گوجرہ وڑائچ ہاؤس آمد ہوئی جہاں PTI رہنما وسابق صوبائی وزیر چوہدری بلال اصغر وڑائچ ، چوہدری حسام علی وڑائچ، چوہدری حارث علی وڑائچ نے انہیں خوش آمدید کہا اور ان سے ملاقات کی ۔

نگران پاکستان نے چوہدری بلال اصغر وڑائچ کے مرحوم والد کے لئے فاتحہ خوانی و دعائے مغفرت کی اور میزبانوں کو دعوت اسلامی کے ساتھ وابستہ رہنے اور مدنی مذاکروں واجتماعات میں شرکت کرنے کی ترغیب دلائی ۔ اس موقع پر کثیر سیاسی و سماجی شخصیات ، معروف تاجر حاجی عمران ، میاں یاسر( یاسر الیکٹرک اسٹور والے) ، چوہدری خرم امتیاز وڑائچ سابقہ تحصیل کونسلر بلدیہ گوجرہ اور ڈسٹرکٹ چیئرمین بیت المال رانا ابرار خان بھی موجود تھے ۔ (رپورٹ : رابطہ برائے شخصیات تحصیل گوجرہ ڈسٹرکٹ ٹوبہ و ڈویژن فیصل آباد / کانٹینٹ: محمد مصطفیٰ انیس) 

پچھلے دنوں مرکزی مجلس شوری کے رکن حاجی اظہر عطاری  اور ان کے ہمراہ دیگر ذمہ داران نے سیالکوٹ DPOآفس کا دورہ کیا ۔ افسران نے رکن شوری کا استقبال کیا اور ان سے ملاقات کی ۔

اس موقع پر رکن شوری نے ڈی ۔پی ۔او۔ آفس کی مسجد میں نماز جمعہ کے بیان میں ”جنگ بدر “ کے حوالے سے گفتگو کی جس میں SP,ASP,DSP,SHOاور سیکیورٹی برانچ کے تمام عملہ نے شرکت کی ۔ بعد ازاں رکن شوری نے SP انویسٹیگیشن کے دفتر میں مدنی حلقہ لگایا جس میں اعتکاف کرنے اور ستائیسویں شب فیضان مدینہ میں گزارنے کی دعوت دی ۔

اسی طرح رکن شوری نے ڈسٹرکٹ اکاؤنٹ سی ۔ایس۔پی۔ آفیسر نوید انجم سے انکے دفتر میں ملاقات کرتے ہوئے انہیں سنت اعتکاف کرنے کی دعوت دی جس پر اچھی اچھی نیتیں کیں ۔ (رپورٹ : شعبہ رابطہ برائے شخصیات گوجرانوالہ ڈویژن / کانٹینٹ: محمد مصطفیٰ انیس) 

دعوتِ  اسلامی کے شعبہ رابطہ برائے شخصیات کی طرف سے ذمہ دار اسلامی بھائیوں نے گوجرانوالہ میں ایس پی رانا شہباز سے ملاقات کی اور انھیں پروموشن ملنے پر مبارک باد دی۔

دورانِ گفتگو اسلامی بھائیوں نے انھیں ملک و بیرون ملک میں ہونے والے دعوت اسلامی کے دینی ،روحانی اور فلاحی کاموں کےحوالے سے بتایا نیز مدنی مرکز فیضانِ مدینہ وزٹ کرنے کی دعوت دی جس پر انہوں نے اچھی نیت کااظہار کیا۔(رپورٹ: رابطہ برائے شخصیات گوجرانوالہ ڈویثرن، کانٹینٹ: رمضان رضا عطاری)

گزشتہ روز  ریسکیو 1122 آفس شیخوپورہ میں افطار اجتماع کا سلسلہ ہوا جس میں شفٹ انچارج سید ندیم ،رانا عدنان سمیت دیگر عملےنے بھر پور شرکت کی۔

افطار اجتماع میں مبلغ دعوت اسلامی نے سنتوں بھرا بیان کیا جس میں شرکا کی دینی واخلاقی اعتبار سے تربیت کی ۔بعدازاں ذکر ،مناجات اور دعا کا بھی سلسلہ ہوا۔( رپورٹ: شعبہ کوآرڈینیشن ڈیپارٹمنٹ ڈسٹرکٹ شیخوپورہ، لاہور ڈویژن ، کانٹینٹ:رمضان رضا عطاری)

دعوتِ اسلامی   کی طرف سے ڈسٹرکٹ میانوالی،سرگودھا ڈویژن تھانہ واں بچھراں میں افطار اجتماع کا انعقاد ہوا جس میں ایس ایچ او تھانہ رانا محمد اسد اویس سمیت وہاں موجود دیگر تفتیشی افسران و عملے نے شرکت کی ۔

افطار اجتماع میں سب تحصیل نگران اسلامی بھائی نے سنتوں بھرا بیان کیا اور پولیس افسران کو نیکی کی دعوت پیش کرتے ہوئے انہیں نماز کی پابندی کرنے کا ذہن دیا نیز ہفتہ وار اجتماع میں آنے کی دعوت دی جس پر انہوں نے اچھے خیالات کا اظہار کیا۔( رپورٹ: امین عطاری کوآرڈینیشن ڈیپارٹمنٹ،تحصیل میانوالی/ڈسٹرکٹ میانوالی،سرگودھا ڈویژن، کانٹینٹ:رمضان رضا عطاری)

لودہراں میں 5 مارچ 2023ء کو دعوتِ اسلامی شعبہ رابطہ برائے شخصیات کے ذمہ دارفداعلی عطاری نے ڈپٹی کمشنرسیدمشہدرضا کاظمی، ایڈیشنل ڈپٹی کمشنرایف اینڈپی عامرنزیرکھچی اورانچارج جنرل برانچ ملک ریاض احمداعوان سےملاقات کی۔

فداعلی عطاری نے عامرنزیرکھچی کولودہراں تعیناتی پرمبارک باد دی اور وہاں موجود تمام افسران کو مدنی مرکز فیضانِ مدینہ میں ہونے والے افطاراجتماع میں شرکت کی دعوت پیش کی نیزمکتبۃ المدینہ کی تصانیف انہیں تحفےمیں پیش کیں جس پر انہوں نے افطار اجتماع میں آنے کی اچھی نیتوں کا اظہار کیا۔( رپورٹ: شعبہ رابطہ برائے شخصیات لودہراں ، کانٹینٹ:رمضان رضا عطاری)

14ویں شب  1444 ہجری رمضان المبارک کو سندھ سیکرٹریٹ کے ایڈیشنل سیکریٹری ہیلتھ ڈیپارٹمنٹ ڈاکٹر لیاقت علی بھٹی اور ان کے بھائی سینئر رجسٹرار جناح اَسْپَتال ڈاکٹر صدام نے عالمی مدنی مرکز فیضانِ مدینہ کراچی کا دورہ کیا۔

اس موقع پر شخصیات نے مدنی مرکز فیضان مدینہ میں موجود شعبہ جات کا وزٹ کیا نیز مدنی مذاکرے میں شرکت کی اور نگرانِ شوریٰ کا بیان سنا۔ بعدازاں رکنِ شوریٰ حاجی محمد امین عطاری سے ملاقات کی۔

دورانِ ملاقات رکنِ شوریٰ نے ڈاکٹر لیاقت علی بھٹی اور ان کے بھائی کو ملک و بیرون ملک میں ہونے والے دعوت اسلامی کے دینی و فلاحی کاموں کے حوالے سے بریفنگ دیں نیز حالیہ سیلاب و طوفان میں شعبہ FGRF کے امدادی کاموں کے بارے میں بھی بتایا جس پر انہوں خدمات دعوت اسلامی کو سراہتے ہوئے تعاون کرنے کی اچھی نیت کی۔( رپورٹ: شعبہ رابطہ برائے شخصیات کراچی ، کانٹینٹ:رمضان رضا عطاری)

29 مارچ 2023ء کو دعوت اسلامی کے ذمہ داران نے 32 ونگ رینجرز ہیڈ کوارٹرکا وزٹ کیا جہاں ونگ کمانڈر علی موسیٰ ، اے۔ ایس۔آر صفدر، ڈی ۔ایس۔ آر ۔عابد، ڈی ۔ ایس۔آر ۔ ریاست و دیگر سے ملاقات کیں۔

دوران ملاقات ذمہ داران نے دعوت اسلامی کا تعارف پیش کیا اوراس کے دیگر شعبہ جات کی خدمات بیان کی ۔ جبکہ ذمہ داران نے افسران کو ” ماہنامہ فیضان مدینہ “ پیش کیا اور عالمی مدنی مرکز فیضان مدینہ کراچی وزٹ کرنے کی دعوت پیش کی ۔ (رپورٹ : اویس رضا عطاری ، شعبہ رابطہ برائے شخصیات ، کانٹینٹ : محمد مصطفی انیس)