پچھلے دنوں ضلع بولان صوبہ بلوچستان کی تحصیل ڈھاڈر میں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے چیئر مین میونسپل کمیٹی ڈھاڈر اور قبائلی و سیاسی رہنما سیّد فرید شاہ دوپاسی سے ملاقات کی۔

دورانِ ملاقات صوبائی ذمہ دار محمد وقار عطاری نے سیّد فرید شاہ دوپاسی کو میونسپل کمیٹی کے چیئرمین بننے پر مبارکباد دی نیز دعوتِ اسلامی کے دینی کاموں کے حوالے سے مختلف امور پر تبادلۂ خیال کیا ۔

بعدازاں صوبائی ذمہ دار محمد وقار عطاری نے عالمی مدنی مرکز فیضانِ مدینہ کراچی کا وزٹ کرنے کی دعوت پیش کی جس پر انہوں نے اپنی نیک خواہشات کا اظہار کیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

صوبہ بلوچستان کے ضلع صحبت پور میں گزشتہ روز شعبہ رابطہ برائے شخصیات دعوتِ اسلامی کے تحت ذمہ دار اسلامی بھائیوں نے پریس کلب صحبت پور کے سینئر صحافی و سینئر نائب صدر سردار بنگلزئی کے چچا کے انتقال پر فاتحہ خوانی کی۔

اس دوران ذمہ داران نے سردار بنگلزئی (پچھلے دنوں ایکسیڈنٹ کے سبب شدید زخمی ہوئے تھے)سے عیادت کرتے ہوئے اُن کے لئے دعائے صحت کی۔

اس موقع پر نگرانِ نصیرِ آباد ڈویژن محمد آصف عطاری، شعبہ رابطہ برائے شخصیات نصیر آباد کے ڈسٹرکٹ ذمہ دار محمد ابراہیم عطاری اور نگرانِ نصیر آباد ڈسٹرکٹ محمد منیر عطاری بھی موجود تھے۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

صحبت پور کھوسہ ہاؤس میں سابق اسپیکر بلوچستان اسمبلی مرحوم میر ظہور حسین خان کھوسہ کے انتقال پر صوبائی ذمہ دار کوآرڈینیشن ڈیپارٹمنٹ دعوتِ اسلامی بلوچستان محمد وقار عطاری نے صوبائی رکن بلوچستان اسمبلی، میر سلیم خان کھوسہ سے ان  کی رہائش گاہ پر ملاقات کی ۔

دورانِ ملاقات محمد وقار عطاری نے لواحقین سے تعزیت کی نیز مرحوم کے ایصالِ ثواب کے لئے فاتحہ خوانی کی اور ان کے لئے دعائے مغفرت کروائی۔بعدازاں اہلِ خانہ کو دعوت اسلامی کے دینی ماحول سے وابستہ ہونے اور مدنی مرکز فیضانِ مدینہ کراچی کا وزٹ کرنے کی دعوت دی جس پر انھوں نے نیک خواہشات کا اظہار کیا۔

اس موقع پر ڈویژن نگران نصیر آباد قاری محمد آصف عطاری، ڈسٹرکٹ نگران قاری محمد منیر عطاری، شعبہ رابطہ برائے شخصیات کے ذمہ دار ابراہیم عطاری بھی ساتھ تھے۔(رپورٹ:کوآرڈینیشن ڈیپارٹمنٹ دعوت اسلامی بلوچستان،کانٹینٹ: رمضان رضا عطاری)

شعبہ رابطہ برائے شخصیات  دعوتِ اسلامی کے تحت 25 اپریل 2023ء کو ڈسٹرکٹ قصور ،تحصیل پتوکی میں سیکھنے سکھانے کے حلقے کا انعقاد ہوا جس میں اہم کاروباری افراد، ذمہ داران کے ساتھ ساتھ سیاسی اور سماجی شخصیات نے شرکت کی ۔

ڈویژن ذمہ دار محمد عظیم عطاری نے سنتوں بھرا بیان کیا اور شرکا کو نیکی کی دعوت پیش کرتے ہوئے انہیں دعوت اسلامی کے ہفتہ وار اجتماع میں شرکت کرنے اور مدنی مذاکرہ دیکھنے کا ذہن دیا جس پر شخصیات نے نیک خواہشات کااظہار کیا۔(رپورٹ: علی ریاض عطاری،تحصیل ذمہ دار سیکیورٹی ڈیپارٹمنٹ کانٹینٹ:رمضان رضا عطاری)

پچھلے دنوں کچھی بلوچستان میں دعوت اسلامی کوآرڈینیشن ڈیپارٹمنٹ کے صوبائی ذمہ دار محمد وقار عطاری نے قبائلی رہنما مولانا مفتی سردار  وزیر القادری ہانبھی سے دینی کاموں کے سلسلے میں ملاقات کی۔

ذمہ دار اسلامی بھائی نے مفتی صاحب کو دعوت اسلامی کی دینی و فلاحی خدمات کے بارے میں بتایا جبکہ شعبہ جات کے حوالے سے بھی بریفنگ دیتے ہوئے عالمی مدنی مرکز فیضان مدینہ کراچی وزٹ کرنے کی دعوت دی ۔ (رپورٹ: وقار عطاری کوآرڈینیشن ڈیپارٹمنٹ/ کانٹینٹ:محمد مصطفیٰ انیس)

گزشتہ روز دعوت اسلامی کے شعبہ کوآرڈینیشن کے صوبائی ذمہ دار محمد وقار عطاری نے ڈھاڈر ضلع کچھی بلوچستان میں پولیس افسران و دیگر شخصیات سے ملاقاتیں کیں۔

معلومات کے مطابق ذمہ دارمحمد وقار عطاری نے ایس۔ایس۔پی کچھی بولان محمود احمد نوتیزئی سے ملاقات کی ۔ دوران ملاقات ذمہ دار اسلامی بھائی نے دعوت اسلامی کی دینی و فلاحی خدمات بیان کیں نیز دیگر شعبہ جات کا بھی تعارف کروایا ۔

اس موقع پر میجر حفیظ عباسی ، پولیس انسپکٹر نصیرآباد علی حسن لاشاری اور محمود احمد نوتیزئی کے برادران بھی موجود تھے ۔ ملاقات کے اختتام پر قوم و ملک کی سلامتی کے لئے دعائے خیر بھی کی۔ (رپورٹ: وقار عطاری کوآرڈینیشن ڈیپارٹمنٹ/ کانٹینٹ:محمد مصطفیٰ انیس) 

پچھلے دنوں سبی بلوچستان دعوت اسلامی کے ذمہ داران نے پاکستان مسلم لیگ (ن) کے صوبائی نائب صدر قبائلی و سیاسی رہنما میر اصغر خان مری ایڈوکیٹ ، سردار کرم خان خجک  ، پشتونخواہ ملی عوامی پارٹی کے ضلعی صدر ملک احمد خان لونی ، سوشل ورکر میر عبد الغفار ڈومکی ، منیر احمد بگٹی اور دیگر شخصیات سے ملاقاتیں کیں۔

ذمہ داران نے شخصیات کو دعوت اسلامی کی دینی خدمات کے بارے میں بتایا جبکہ شعبہ جات کے حوالے سے بھی متعارف کروایا ۔ ذمہ دار وقار عطاری نے شخصیات کو عالمی مدنی مرکز فیضان مدینہ کراچی وزٹ کرنے کی دعوت پیش کی ۔ ملاقات کے اختتام پر ذمہ دار اسلامی بھائی نے میر اصغر خان کے مرحومین اور پولیس شہداء کےایصال ثواب کے لئے دعائے مغفرت کی گئیں ۔(رپورٹ: وقار عطاری کوآرڈینیشن ڈیپارٹمنٹ/ کانٹینٹ:محمد مصطفیٰ انیس) 

گزشتہ روز لہڑی بلوچستان میں کوآرڈینیشن ڈیپارٹمنٹ (دعوت اسلامی ) کے صوبائی ذمہ دار وقار عطاری نے سابق وفاقی وزیر کے بھائی ، سابق ناظم اعلیٰ ضلع سبی اور قبائلی سیاسی رہنما میر علی مردان خان ڈومکی سے ملاقات کی ۔

دوران ملاقات ذمہ دار نے میر علی خان کو دعوت اسلامی کی دینی و فلاحی خدمات بیان کی۔ مزید انہیں عالمی مدنی مرکز فیضان مدینہ کراچی وزٹ کرنے کی دعوت پیش کی۔اس موقع پر دیگر مختلف قبائلی سیاسی و سماجی شخصیات بھی موجود تھیں ۔ (رپورٹ: وقار عطاری کوآرڈینیشن ڈیپارٹمنٹ/ کانٹینٹ:محمد مصطفیٰ انیس)

دعوتِ اسلامی کے تحت پچھلے دنوں شعبہ رابطہ برائے شخصیات کے ذمہ دار اسلامی بھائیوں نے سبی بلوچستان میں D.S.P C.T.D آپریشن میر خالد زمان مری سے اُن کی رہائش گاہ پر ملاقات کی۔

شعبہ رابطہ برائے شخصیات دعوتِ اسلامی کے تحت گزشتہ روز ذمہ دار اسلامی بھائیوں نے ضلع لہڑی صوبہ بلوچستان  میں سابق صوبائی اسمبلی ممبر چیف سردار سرفراز چاکر ڈومکی کے بیٹے سردار میر کورہیا خان ڈومکی سے ملاقات کی۔

صوبہ بلوچستان کے ضلع لہڑی میں پچھلے دنوں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے دینی کاموں کے سلسلے میں سابق صوبائی وزیر چیف سردار سرفراز چاکر ڈومکی سے ملاقات کی۔

دورانِ ملاقات ذمہ داران میں موجود نگرانِ کوآرڈینیشن ڈیپارٹمنٹ بلوچستان محمد وقار عطاری نے سردار سرفراز چاکر ڈومکی کو نیکی کی دعوت دیتے ہوئے اُن کے لئے دعائے صحت کروائی۔اس موقع پر سبی ڈویژن، نصیر آباد ڈویژن اور کوئٹہ سے آئی ہوئی مختلف قبائلی سیاسی و سماجی شخصیات سے بھی ملاقات کا سلسلہ رہا۔(رپورٹ:شعبہ رابطہ برائے شخصیات بلوچستان، کانٹینٹ:غیاث الدین عطاری)

دنیا کے مختلف شعبہ ہائے زندگی سے تعلق رکھنے والی شخصیات کی دینی و اخلاقی تربیت کرنے اور انہیں نیکی کی دعوت پیش کرنے والی عاشقانِ رسول کی دینی تحریک دعوتِ اسلامی کے تحت ذمہ داران نے سبی بلوچستان میں مختلف شخصیات (جن میں کمشنر سبی ڈویژن شاہد سلیم قریشی، ڈپٹی کمشنر سبی منصور احمد قاضی، ایڈیشنل ڈپٹی کمشنر وحید شریف عمرانی، سابق ڈپٹی کمشنر سبی میر رحمت اللہ گشکوریاور پرسنل سیکرٹری ٹو کمشنر سبی ذیشان احمد سمیت دیگر افسران شامل تھے)سے ملاقات کی۔

نگرانِ کوآرڈینیشن ڈیپارٹمنٹ بلوچستان محمد وقار عطاری نے تمام شخصیات کو دعوتِ اسلامی کی عالمی سطح پر ہونے والی دینی و فلاحی خدمات بتائیں جس پر انہوں نے دعوتِ اسلامی کی کاوشوں کو سراہا۔

اس کے علاوہ ذمہ دار اسلامی بھائیوں نے خطیبِ اہلسنت جنرل کونسلر حاجی صوفی محمد سلیمان نقشبندی ، صدر پریس کلب سبی حاجی سعید الدین طارق، لیویز فورس کے افسران، ڈپٹی کمشنر اور کمشنر آفس سبے کے اسٹاف نیز سبی پریس کلب کے مختلف سینئر صحافیوں سے بھی ملاقات کی اور انہیں نیکی کی دعوت پیش کی۔(رپورٹ:شعبہ رابطہ برائے شخصیات بلوچستان، کانٹینٹ:غیاث الدین عطاری)