‫ امیر اہل سنت دامت برکاتہم العالیہ نے عاشقانِ رسول کو 540 مساجد بنام ’’ فیضان ِقرآن ‘‘بنانے کے اہداف دیئے ہے جنہیں پورا کرنے میں اسلامی بھائی کوششوں میں مصروف ِ عمل ہیں اور اس سلسلے میں کافی حد تک کامیابی بھی نصیب ہوئی ہیں ۔

پچھلے دنوں مظفر گڑھ کے علاقے ٹالی والا اور دستی و الا میں فیضانِ قرآن مساجد کا سنگِ بنیاد رکھا گیا۔دستی والا میں فیضان قرآن مسجد کا تعمیری کام جاری ہے۔نگرانِ مجلس شعبہ خدام المدارس نے باجماعت نماز کے ساتھ مسجد کا افتتاح کیا۔

اس موقع پر معاون نگران مجلس عبدُ السمیع عطاری (شعبہ خدام المدراس والمدارس) نے بتایا کہ بلوچستان میں 16 جگہ پر فیضان قرآن مسجد کا افتتاح ہوا ہے اور اس پر ورکننگ شروع ہوچکی ہیں۔ اس کے علاوہ پنجاب میں بھی امیر اہلِ سنت کے اعلان فرمانے کے بعد سے ایک ہفتے کے اندر 10 سے زیادہ مساجد کا سنگ بنیاد رکھ دیا گیا ہے ۔

اسی طرح خیبر پختون خوا ، اسلام آباد اور گلگت بلتستان میں بھی مسجد فیضانِ قرآن کا سنگ بنیاد رکھ دیا گیا ہے۔ مزید بھی سلسلہ جاری ہے اور ان شاء اللہ شعبہ خدام المساجد و المدارس 540 مساجد کے ہدف کو مکمل کرنے میں کامیاب ہوگا۔

دعوت اسلامی کا شعبہ خدام المساجد و المدارس، مساجد کی تعمیر کے ساتھ ساتھ ان کی آباد کاری،آئمہ کرام ،مؤذن اور خادم کی سہولت بھی فراہم کرتا ہے۔ عاشقانِ رسول سے اس شعبے کے ساتھ تعاون کرنے کی درخواست ہے۔(کانٹینٹ:رمضان رضا عطاری)

شجر کاری   کرنا اللہ پاک کے آخری نبی محمد عربی صلی اللہ علیہ وسلم سے بھی ثابت ہے جبکہ صحابہ کرام علیہ الرضوان بھی شجر کاری کیاکرتے تھے۔ہم بھی سرکار کریم صلی اللہ علیہ وسلم کی سنت پر عمل کرتے ہوئے اور صحابہ کرام کی ادا کو اپناتے ہوئے درخت لگائیں گے تو ثواب پائے پائیں گے۔

درخت کاربن ڈائی آکسائیڈ لینے کے بعد انسانوں کو آکسیجن فراہم کرتے ہیں جو انسانوں کے لئے انتہائی ضروری ہے اور آکسیجن کے بغیر زندگی کا تصور ناممکن ہے۔گاڑیوں ،ٹرینوں اور دیگر ذرائع سے نکلنے والا زہریلا دھواں فضا کو برباد کررہا ہے، اس فضا کو ماحول دوست بنانے کے لئے اب ضروری ہوگیا ہے کہ بڑے پیمانے پر شجر کاری کی جائے ۔

دعوت اسلامی نے وطن عزیز کو سرسبز و شاداب بنانے کا بیڑہ اٹھایا ہوا ہے۔ایسے میں دین ِ اسلام کو پھیلانے والی دینی تحریک دعوت اسلامی ایک بار پھر پچھلے سال کی طرح اس سال بھی 01 اگست سے بڑے پیمانے پر شجر کاری کا آغاز کرنے جارہی ہے جس کی ابتدا ابھی سے کردی گئی ہے۔

اس سلسلے میں ذمہ دارانِ دعوت اسلامی ،اراکین ِشوریٰ اپنے بیانات کے ذریع لوگوں کو شجر کاری کی اہمیت سے آگاہ کررہے ہیں جبکہ امیر اہلِ سنت دامت برکاتہم العالیہ نے بھی اپنے گھر کے صحن میں پودا لگاکر شجرکاری مہم کا افتتاح فرمادیا ہے۔

اس موقع پر جانشینِ امیر اہلِ سنت، نگرانِ شوریٰ اور رکن ِ شوریٰ مولانا حاجی عبد الحبیب عطاری سمیت دیگر ذمہ داران بھی موجود تھے۔ واضح رہے! ایک رپورٹ کے مطابق دعوت اسلامی نے سال 2021ء اور 2022ء میں تقریباً ’’23 لاکھ،91 ہزار 868‘‘ پودے لگا کر ایک ریکارڈ قائم کیا تھا۔ (کانٹینٹ:رمضان رضا عطاری) 

نورانی مسجد کوئٹہ، صوبہ بلوچستان میں عاشقانِ رسول کی دینی تحریک دعوتِ اسلامی کے تحت ایک میٹنگ ہوئی جس میں بلوچستان مشاورت کے اراکین اور صوبائی ذمہ دار اسلامی بھائیوں بالخصوص نگرانِ بلوچستان مشاورت حاجی محمد انور عطاری کی شرکت رہی۔

تفصیلات کے مطابق اس میٹنگ میں رکنِ مرکزی مجلسِ شوریٰ حاجی قاری محمد ایاز عطاری نے ”دینی کاموں اور دینی ماحول کی اہمیت“ پر ذمہ داران کی تربیت کی اور انہیں دعوتِ اسلامی کے دینی کاموں کومضبوط کرنے کی ترغیب دلائی۔

دورانِ میٹنگ نگرانِ ایچ آر ڈیپارٹمنٹ سیّد اسد عطاری نے اجارے کے حوالے سے ذمہ دار اسلامی بھائیوں کو آگاہی دی جبکہ ذمہ داران کی جانب سے سوال و جواب کا بھی سیشن ہوا۔

اس کے علاوہ مختلف موضوعات پر کلام کیا گیا جن میں سے بعض درج ذیل ہیں:

٭شعبہ جات کی سطح وائز تقرری٭ذمہ داران کے پیشگی و عملی شیڈول کی وصولی٭عملی شیڈول کی کیفیت٭رسالہ مطالعہ کارکردگی ٭ڈویژنز میں حاضری٭شعبہ جات کے آمدن و خرچ کا جائزہ۔

آخر میں ذمہ دار اسلامی بھائیوں کےدرمیان تحائف بھی تقسیم کئے گئے۔(کانٹینٹ:غیاث الدین عطاری)

دعوتِ اسلامی کے تحت صوبہ بلوچستان کے شہر کوئٹہ کی جامع مسجد نورانی میں گزشتہ روز ذمہ دار اسلامی بھائیوں کا مدنی مشورہ ہوا جس میں بلوچستان مشاورت کے ذمہ داران نے شرکت کی۔

مدنی مشورے کی ابتداء میں مرکزی مجلسِ شوریٰ کے رکن حاجی قاری محمد ایاز عطاری نے ”دینی کاموں اور دینی ماحول کی اہمیت“ کے حوالے سے شرکا اسلامی بھائیوں کی تربیت کی اور دعوتِ اسلامی کے دینی کاموں کو مضبوط کرنے کا ذہن دیا۔

علاوہ ازیں رکنِ شوریٰ حاجی قاری محمد ایاز عطاری نے 12 دینی کاموں کا تفصیلی جائزہ لیا اور ذمہ دار اسلامی بھائیوں کو آئندہ کے اہداف دیئے جس پر انہوں نے اچھی اچھی نیتوں کا اظہار کیا۔

بعدازاں رکنِ شوریٰ حاجی قاری محمد ایاز عطاری نے مدنی مشورے میں شریک اسلامی بھائیوں کو مختلف مدنی پھولوں سے نوازا جن میں سے بعض یہ ہیں: ٭ذمہ داران کی پیشگی اور عملی شیڈول کی وصولی٭عملی شیڈول کی کیفیت٭رسالہ مطالعہ کارکردگی ٭ہفتہ وار سنتوں بھرا اجتماع٭آمدن و خرچ کا جائزہ٭ذیلی نگران اسلامی بھائیوں کی تربیت کا سلسلہ۔(کانٹینٹ:غیاث الدین عطاری)

لوگوں کے دلوں میں علمِ دین حاصل کرنے کا شوق پیدا کرنے والی عاشقانِ رسول کی دینی تحریک دعوتِ اسلامی کے تحت G-11 اسلام آباد میں قائم مدنی مرکز فیضانِ مدینہ میں اسلام آباد سٹی مشاورت کا مدنی مشورہ ہو اجس میں زون نگران اسلامی بھائیوں کی بھی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے اس مدنی مشورے میں اسلامی بھائیوں کے 12 دینی کاموں کے حوالے سے گفتگو کی اور ان میں مزید بہتری لانے کا ذہن دیا۔

رکنِ شوریٰ حاجی وقار المدینہ عطاری نے ہفتہ وار سنتوں بھرے اجتماعات و مدنی مذاکرے محرم الحرام کے مدنی قافلوں کے متعلق زون نگران اسلامی بھائیوں کی ذہن سازی کی اور اہداف دیئے۔

عاشقانِ رسول کی دینی تحریک دعوتِ اسلامی لوگوں کو علمِ دین سکھانے اور اُن کی دینی و اخلاقی تربیت کرنے  کے لئے مختلف مواقع فراہم کرتی ہے جن میں سے ایک ہفتہ وار سنتوں بھرے اجتماعات کا انعقاد بھی ہے۔

معلومات کے مطابق دعوتِ اسلامی کے زیرِ اہتمام ہر جمعرات پاکستان سمیت دنیا بھر کے مختلف ممالک میں ہفتہ وار سنتوں بھرے اجتماع کا انعقاد ہوتا ہے جس کا آغاز تلاوتِ کلامِ پاک و نعتِ رسول صلی اللہ علیہ و سلم سے کیا جاتا ہے اور مبلغینِ دعوتِ اسلامی سنتوں بھرے بیانات کرتے ہیں۔اس کے بعد ذکر و دعا اور صلوٰۃ و سلام کا بھی سلسلہ ہوتا ہے۔

اسی سلسلے میں 27 جولائی 2023ء بروز جمعرات رات تقریباً 8:00 بجے دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار سنتوں بھرے اجتماع کا انعقاد کیا جائے گا جس میں مرکزی مجلسِ شوریٰ کے نگران مولانا حاجی محمد عمران عطاری خصوصی بیان فرمائیں گے۔

پچھلے دنوں  دعوتِ اسلامی کشمیر مشاورت کے نگران حاجی سید جنید عطاری نے دیگر ذمہ داراسلامی بھائیوں کے ہمراہ وزیرِاعظم کشمیر چوہدری انوارُ الحق سے ملاقات کی ۔

دورانِ ملاقات نگران کشمیر مشاورت نے وزیرِاعظم کشمیر کو عالمی سطح پر ہونے والی دعوت اسلامی کی دینی و سماجی خدمات کا تعارف پیش کیا اور قرآن پاک کی بےحرمتی کے حالیہ واقعہ پر امیر اہل سنت دامت برکاتہم العالیہ کی جانب سے دنیا بھر میں 540 مساجد بنانے کے اعلان کے متعلق آگاہی دی ۔

مزید کشمیر میں ہونے والے دعوتِ اسلامی کے دینی و فلاحی کاموں پر بھی بریف کیا اور وزیراعظم کشمیر کو عالمی مدنی مرکز فیضانِ مدینہ کراچی کا وزٹ کرنے کی دعوت بھی پیش کی جس پر انہوں نے شکریہ ادا کرتے ہوئے وزٹ کرنے کی اچھی نیت کا اظہار کیا اور امیر اہلِ سنت و مرکزی مجلس شوریٰ کے جملہ اراکین کی خدمات کو سراہتے ہوئے خراج عقیدت پیش کیا اور ہر ممکن تعاون کا یقین دلایا۔

ملاقات کے آخر میں ذمہ داران نے وزیراعظم صاحب کو مکتبۃُ المدینہ کی مطبوعہ کتابیں ’’فیضانِ نماز‘‘ اور ’’سیرتِ عمر بن عبدالعزیز رضی اللہ عنہ ‘‘تحفے میں پیش کیں۔(کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے زیرِ اہتمام 20جولائی2023ء کو ملیر نشتر اسکوائر کی نورانی مسجد میں بعد نماز مغرب ہفتہ وار سنتوں بھرے اجتماع کا انعقاد ہوا جس میں مقامی اسلامی بھائیوں کے علاوہ ذمہ داران نے شرکت کی ۔

مرکزی مجلسِ شوریٰ کے رکن مولاناحاجی محمدعقیل عطاری مدنی نے’’فاروق اعظم رضی اللہ عنہ کے اعلیٰ اوصاف‘‘ کے موضوع پر بیان کیااور شرکائے اجتماع کو مسلمانوں کے دوسرے خلیفہ حضرت عمر فاروق اعظم کی ذات میں موجود اعلیٰ صفات میں سے خوفِ خدا،نماز کی پابندی،قناعت اور عدل و شجاعت کو اپنانے کی ترغیب دلائی۔ بیان کے بعد ذکراللہ اور دعا ہوئی نیز صلوۃ وسلام پر پہلی نشست مکمل ہوئی۔

بعد نماز عشا سنتیں اور آداب سیکھنے سکھانے کے حلقے میں رکنِ شوریٰ نے شرکا کی تربیت فرمائی اور انہیں دعا بھی یاد کروائی۔( کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے تحت 20 جولائی 2023ء کو جامع مسجد فاروقِ اعظم گلشن ِاقبال میں ہفتہ وار سنتوں بھرا اجتماع منعقد ہوا جس میں مقامی عاشقانِ رسول نے شرکت کی۔

مرکزی مجلسِ شوریٰ کے رکن حاجی محمد امین عطاری نے ’’فاروق ِ اعظم رضی اللہُ عنہ کے اعلیٰ اَوصاف ‘‘ کے موضوع پر بیان کیا جس میں محبت صدیق و فاروق کی برکات ، شیرِ خدا رضی اللہُ عنہ کی ایک پیاری تمنّا اور فاروق ِ اعظم رضی اللہُ عنہ اور دین میں پختگی کے پیارے پیارے واقعات بتائے ۔

علاوہ ازیں رکنِ شوریٰ نے شرکائے اجتماع کو دعوتِ اسلامی کے تحت سنتوں کی تربیت کے لئے سفر کرنے والے 3 دن،12 دن اور ایک ماہ کے مدنی قافلوں میں سفرکرنے کا ذہن دیا جس پر انہوں نے اچھی اچھی نیتیں کیں۔( کانٹینٹ:رمضان رضا عطاری)

دعوتِ اسلامی کے زیر اہتمام آج رات مؤرخہ  20 جولائی 2023ء کو دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوت اسلامی سنتوں بھرے بیانات فرمائیں گے۔ ان اجتماعات کا آغاز تلاوتِ قرآنِ پاک اور نعتِ رسولِ مقبول صلی اللہ علیہ و سلم سے کیا جائے گا جبکہ اختتام پر دعوتِ اسلامی کے دینی کاموں کے حوالے سے اعلانات، ذکر اور رقت انگیز دعاؤں کا سلسلہ بھی ہوگا۔

تفصیلات کے مطابق مدنی مرکز فیضان مدینہ عباسیہ ٹاؤن بہاولپور سے مدنی چینل پر براہِ راست نشر ہونے والے ہفتہ وار اجتماع میں مرکزی مجلس شوریٰ کے رکن قاری سلیم عطاری سنتوں بھرا بیان فرمائیں گے۔

اس کے علاوہ عالمی مدنی مرکزفیضان مدینہ کراچی میں رکن شوریٰ حاجی فضیل عطاری، جامع مسجد کلثوم ڈرگ روڈ کالونی نمبر 3 کراچی میں رکن شوریٰ حاجی محمد علی عطاری، مدینہ مسجد پنجابی کلب کھارادر آرام باغ ٹاؤن صدر 3 کراچی میں رکن شوریٰ مولانا حاجی عبد الحبیب عطاری، مدنی مرکز فیضان مدینہ جوہر ٹاؤن لاہور میں نگرانِ مجلس شعبہ پروفیشنلز فورم محمد ثوبان عطاری سنتوں بھرابیان فرمائیں گے۔

تمام عاشقانِ رسول اپنے اپنے علاقوں میں ہونے والے دعوتِ اسلامی کے ہفتہ وار سنتوں بھرے اجتماعات میں خود بھی شرکت کریں اور دیگر اسلامی بھائیوں کو شرکت کرنے کی ترغیب دلائیں۔ 

حالیہ ہونے والی قرآن پاک کی بے حُرمتی کے کیخلاف عملی طور پر مذمت کرنے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے 14 جولائی 2023ء کو ”یومِ تلاوتِ قرآن“ منانے کا اعلان کیا تھا۔عاشقانِ رسول نے اس ترغیب پر بھر پور عمل کرتے ہوئے ہفتہ وار اجتماع اور بروز جمعہ قرآن پاک کی تلاوت کرنے کی سعادت حاصل کی اور قرآن سے اپنی محبت کا اظہار کیا۔

15 جولائی 2023ء کی شب ہونے والے مدنی مذاکرے میں دنیا بھر میں پڑھے جانے والے قرآن پاک اور قرآن پاک پڑھنے والے اسلامی بھائیوں اور اسلامی بہنوں کی کارکردگی بیان کی گئی۔

تلاوت کئے گئے پاروں اور پڑھنے والے اسلامی بھائیوں اور بہنوں کی کارکردگی ملاحظہ کیجئے:

ملک و بیرون ملک میں ایک پارہ پڑھنے والے اسلامی بھائیوں اور اسلامی بہنوں کی تعداد: 9 لاکھ، 63 ہزار، 943

ہفتہ وار اجتماع میں ایک پارہ سننے والے اسلامی بھائیوں کی تعداد: 1لاکھ، 29 ہزار، 275

ٹوٹل: 10 لاکھ، 93 ہزار، 218

شہیدانِ کربلا رضی اللہُ عنہم کےایصالِ ثواب اور ان کی تعلیمات سے عاشقانِ رسول کو وابستہ کرنے کے لئے دعوتِ اسلامی کے زیر اہتمام 18 جولائی 2023ء سے 11 محرم الحرام 1445ھ تک روزانہ رات تقریباً 9:45 بجے مدنی مذاکروں کا انعقاد کیا جائیگا۔

ان مدنی مذاکروں میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عالمی مدنی مرکز فیضان مدینہ کراچی سے براہ راست(Live) مدنی چینل پر سیرتِ صحابہ و اہل بیت رِضوانُ اللہِ علیہم اجمعین پر گفتگو کرنے کے ساتھ ساتھ شرکا کی شرعی و معاشرتی رہنمائی فرمائیں گے۔ اس کے علاوہ عاشقان رسول کی جانب سے ہونے والے سوالات کےحکمت بھرے جوابات بھی ارشاد فرمائیں گے۔

تمام عاشقان رسول سے ان علمی نشستوں میں پابندی کے ساتھ شرکت کرنے کی درخواست ہے۔