تمام نبیوں کے سردار، سیّد الثقلین حضرت محمد صلی اللہ علیہ و سلم کا جشنِ ولادت منانے کے حوالے سے عاشقانِ رسول کی دینی تحریک دعوتِ اسلامی کے تحت DHAڈیفنس کراچی میں عظیم الشان اجتماعِ میلاد کا انعقاد کیا گیا جس میں بزنس مین سمیت مختلف شعبوں سے تعلق رکھنے والے اسلامی بھائیوں کی کثیر تعداد نے شرکت کی۔

اجتماع کے آغاز میں تلاوتِ قراٰنِ پاک کی گئی اور نعت خواں حضرات نے سیدہ بی بی آمنہ رضی اللہ عنہا کے مہکتے پھول، سرورِ کونین محمد مصطفیٰ صلی اللہ علیہ و سلم کی بارگاہ میں نعت شریف کا نذرانہ پیش کیا۔

شرکائے اجتماع کی تربیت کے لئے سنتوں بھرے بیانات کا سلسلہ ہوا جس میں ابتداءً مرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا اور اسلامی جشنِ ولادت کے متعلق چند واقعات بتائے۔

بعد ازاں رکنِ مرکزی مجلسِ شوریٰ مولانا حاجی عبد الحبیب عطاری نے اسلامی بھائیوں کی تربیت کرتے ہوئے انہیں مدنی پھولوں سے نوازا اور دعوتِ اسلامی کے دینی و فلاحی کاموں میں اپنا حصہ ملانے کی ترغیب دلائی۔

اجتماع کے اختتام پر نگرانِ شوریٰ مولانا حاجی محمد عمران عطاری نے ملکِ پاکستان و قوم کی سلامتی کے لئے دعا کروائی ۔( کانٹینٹ:غیاث الدین عطاری)

دعوتِ اسلامی کے زیر اہتمام آج رات مؤرخہ 5اکتوبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ اجتماع کا اختتام ذکرو درود، رقت انگیز دعا اورصلوٰۃ و سلام پر ہوگا۔

تفصیلات کے مطابق مدنی چینل پر براہ راست نشر ہونے والے ہفتہ وار اجتماع میں عالمی مدنی مرکز فیضان مدینہ کراچی سے رکن شوریٰ مولانا حاجی عبد الحبیب عطاری سنتوں بھرا بیان فرمائیں گے۔

اس کے علاوہ عثمانیہ مسجد عبد اللہ گوٹھ کراچی میں رکن شوریٰ حاجی محمد اطہر عطاری اور مدنی مرکز فیضان مدینہ جوہر ٹاؤن لاہور میں رکن شوریٰ حاجی منصور رضا عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

بانیِ دعوتِ اسلامی امیر اہلِ سنت حضرت علامہ مولانا  محمد الیاس عطار قادری دامت بَرَکَاتُہمُ العالیہ نے اپنے محبین و متعلقین کو ترغیب دلائی کہ حضور نبی کریم صلی اللہ علیہ و سلم کے میلاد کے موقع پر جہاں لائٹنگ، جھنڈے اور محافل وغیرہ کا انعقاد کیا جائے وہیں مہنگائی و بےروزگاری کی چکی میں پسے غربا کے ساتھ بھی تعاون کیا جائے ۔

امیرِ اہلِ سنت دامت بَرَکَاتُہمُ العالیہ کے فرمان پر عمل کرتے ہوئے واربرٹن میں دعوتِ اسلامی کے شعبہ FGRF کے تحت کم و بیش 60 مستحق گھرانوں میں آٹا ، چینی ، گھی اور دیگر اشیائے خوردونوش پر مشتمل راشن بیگ تقسیم کئے گئے جبکہ 20 آلِ رسول ، ساداتِ کرام کی بارگاہ میں نقد رقم کا نذرانہ بھی پیش کیا گیا۔

پچھلے دنوں دعوتِ اسلامی کے تحت کراچی کے علاقے کیماڑی منوڑہ کے مابین سمندر میں جشنِ عید میلاد النبی صلَّی اللہ علیہ واٰلہٖ وسلَّم کے سلسلے میں لانچ جلوس کا سلسلہ ہوا جس میں ساحل سمندر کے اطراف میں موجود عاشقانِ رسول اور ماہی گیروں نے شرکت کی ۔

لانچ جلوس میں موجود عاشقانِ میلاد نے سرکار کی آمد کی خوشی میں نعرے لگائے اور نعت شریف کے نذرانے پیش کئے جبکہ اختتام پر مرکزی مجلس شوری ٰکے رکن حاجی محمد عقیل عطاری مدنی نے دعا کروائی۔

اس جلوس میں کراچی سٹی مشاورکت کے نگران و رکن شوریٰ حاجی سید فضیل عطاری نے بھی خصوصیت کے ساتھ شرکت کی اور دورانِ ملاقات اسلامی بھائیوں کو مبارک باد پیش کی۔( کانٹینٹ:رمضان رضا عطاری) 

ربیع الاول  شریف کے ماہ کی نورانیت نے چہار سُو اُجالا کررکھا ہے۔ گلی گلی، کوچہ کوچہ سے مرحبا یامصطفی کے دلکش ترانے کانوں میں رس گھولتے ہیں۔

اسی مبارک ماہ کی مزید برکتیں حاصل کرنے کے لئے دعوتِ اسلامی کے تحت لاہور، واہگہ ٹاؤن، ہڈیارہ میں سنتوں بھرے اجتماع کا اہتمام کیا گیا جس میں مرکزی مجلس شوری کے رکن حاجی یعفور رضا عطاری نے’’ اخلاقِ مصطفی صلَّی اللہ علیہ واٰلہٖ وسلَّم‘‘ کے موضوع پر سنتوں بھرا بیان کیا جس میں کثیر عاشقان رسول نے شرکت کی۔( کانٹینٹ:رمضان رضا عطاری)

حضور سرورِ کائنات حضرت محمد صلی اللہ علیہ وسلم کی ولادت کا جشن منانے کے سلسلے میں عاشقانِ رسول کی دینی تحریک دعوتِ اسلامی کےزیرِ اہتمام گوجرانوالہ کی تحصیل کامونکے میں میلاد اجتماع کا انعقاد کیا گیا جس میں شخصیات، تاجران، ٹک ٹاکرز اور پروفیشنلز سمیت دیگر عاشقانِ رسول کی کثیر تعداد نے شرکت کی۔

تلاوت و نعت سے اجتماع کا آغاز کرنے کے بعد مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا جس میں انہوں نے نبی کریم صلی اللہ علیہ وسلم کی سیرتِ طیبہ کے مختلف پہلو کو بیان کیا اور حضور صلی اللہ علیہ وسلم کی سیرت کے مطابق اپنی زندگی گزارنے کا ذہن دیا۔

اس کے علاوہ رکنِ شوریٰ حاجی یعفور رضا عطاری نے جشنِ ولادت کے موقع پر اپنے گھروں کو سجانے اور جلوسِ میلاد و اجتماعِ میلاد میں شرکت کرنے کی ترغیب دلائی جس پر اسلامی بھائیوں نے اچھی اچھی نیتوں کا اظہار کیا۔( کانٹینٹ:غیاث الدین عطاری)

دعوتِ اسلامی کئی سالوں سے خدمتِ دین کرنے اور 80 سے زائد شعبہ جات کے ذریعے ملک و بیرونِ ملک میں دینی و فلاحی کام کرنے والی عاشقانِ رسول کی دینی تحریک ہے۔

پچھلے دنوں لاہور ایکسپو سینٹر میں 3 دن کا انٹرنیشنل پولٹری ایکسپو منعقد کیا گیا جس میں ملک و بیرونِ ملک سے تعلق رکھنے والی پولٹری سے وابستہ کمپنیز نے اسٹال لگایا۔

تفصیلات کے مطابق دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ایگریکلچر اینڈ لائیو اسٹاک ڈیپارٹمنٹ کے ذمہ دار اسلامی بھائیوں کے ہمراہ منعقد ہونے والے انٹرنیشنل پولٹری ایکسپو کا وزٹ کیا۔

اس دوران رکنِ شوریٰ حاجی یعفور رضا عطاری نے انٹرنیشنل پولٹری ایکسپو میں قائم مختلف اسٹالز کا وزٹ کرتے ہوئے پولٹری سیکٹر سے وابستہ کمپنی مالکان، ڈاکٹرز، مینجرز اور دیگر عاشقانِ رسول سے ملاقات کی۔

رکنِ شوریٰ حاجی یعفور رضا عطاری نےوہاں موجود تمام لوگوں کو دعوتِ اسلامی کے مختلف شعبہ جات کا تعارف کروایا بالخصوص شعبہ FGRF کے تحت دنیا بھر میں ہونےوالی فلاحی اور امدادی سرگرمیوں سے آگاہ کیا۔

دعوتِ اسلامی کے زیرِ اہتمام آج 28 ستمبر 2023ء بمطابق 12 ربیع الاول 1445ھ  کی شب عالمی مدنی مرکز فیضان مدینہ کراچی میں عظیم الشان اجتماع میلاد کا انعقاد کیا جائیگا۔

اجتماع کا آغاز اللہ کے پاک کلام قرآن مجید سے کیا جائے گا، اس کے بعد بارگاہ رسالت مآب صلَّی اللہ علیہ واٰلہٖ وسلَّم میں ہدیۂ نعت پیش کی جائے گی۔ رات 9:00 بجے شروع ہونے والے اس اجتماع میں عالمی مدنی مرکز فیضان مدینہ کراچی سے براہ راست مدنی چینل پر مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی ”جشن ولادت اور شانِ مصطفٰے صلَّی اللہ علیہ واٰلہٖ وسلَّم“ کے موضوع پر سنتوں بھرا بیان فرمائیں گے۔

بیان کے بعد مدنی مذاکرے کا سلسلہ ہوگا جس میں شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہعاشقان میلاد کو مدنی پھول ارشاد فرمائیں گے۔ مدنی مذاکرے کے بعد عاشقان رسول کو سحری پیش کی جائے گی۔

اس کے بعد پُر رونق محفل ”صبح بہاراں“کا آغاز ہوگا جس میں عاشقان رسول اُس گھڑی کا استقبال کریں گے جس میں ”وجۂ تخلیق کائنات، آقائے نامدار، خاتم النبیین صلَّی اللہ علیہ واٰلہٖ وسلَّم“کی دنیا میں جلوہ گری ہوئی۔ صلوۃ و سلام اور خصوصی دعا پر اجتماع میلاد کا اختتام کیا ہوگا۔

ماہ ربیع الاول کیا آتا ہے ہر طرف موسم بہار آ جاتا ہے مسلمان اپنے گھروں، دکانوں، مارکیٹوں میں لائٹنگ کرتے اور اجتماع میلاد کا اہتمام کرتے ہیں۔

اسی سلسلے میں پنجاب کےشہر لاہور میں ایک مارکیٹ بنام لنڈا بازار رشید سینٹر میں دعوت اسلامی کے تحت اجتماع میلاد کا سلسلہ ہوا جس میں مرکزی مجلس شوری ٰکے رکن حاجی یعفور رضا عطاری نے ’’اخلاقِ مصطفی صلَّی اللہ علیہ واٰلہٖ وسلَّم کی جھلکیوں‘‘ کے موضوع پر بیان کیا اور اجتماع میں موجود عاشقان رسول کو اچھے اخلاق اپنانے اور قریبی رشتہ داروں سے حسن سلوک کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:رمضان رضا عطاری)

پاکستان کے وفاقی دارالحکومت اسلام آباد میں قائم جامع مسجد اللہ والی بارہ کہو میں دعوتِ اسلامی کے ذمہ داران کے مدنی مشورے کا انعقاد کیا گیا جس میں زون 3 کے عاشقانِ رسول نے کثیر تعداد میں شرکت کی۔

دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے دینی کاموں کے بارے میں کلام کرتے ہوئے اجتماعِ میلاد و جلوسِ میلاد النبی کی تیاریوں کا جائزہ لیا۔

پچھلے دنوں   دینی کاموں کے سلسلے میں دعوت اسلامی کے زیرِ اہتمام بہاولپور میں مدنی مشورے کا انعقاد کیا گیا جس میں نگران ڈویژن ڈاکٹر حافظ عبدالرؤف عطاری نے بہاولپور سٹی کے عاشقان رسول کو 12 ربیعُ الاول کا جدول نگران شوریٰ کے ساتھ گزارنے کے حوالے سے ذہن دیا نیز ٹیلی تھون ایونٹ کے حوالے سے اہداف بھی دیئے ۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

دعوتِ اسلامی کے زیرِ اہتمام 25 ستمبر 2023ء بروز پیر مرکزی مجلس شوریٰ کے رکن حاجی قاری محمد ایاز عطاری نے انٹیرئیر سندھ کے جامعۃ المدینہ اور  مدرسۃ المدینہ بوائز کے ناظمین کا آن لائن مدنی مشورہ فرمایا ۔

مدنی مشورے میں رکنِ شوری نے جامعات المدینہ و مدارس المدینہ کی سجاوٹ کرنے، اجتماع ِ میلاد اور جلوس میلاد میں طلبہ کو اپنے سرپرستوں کے ساتھ شرکت کروانے کے حوالے سے مدنی پھول دیئے اور انہیں اکتوبر میں ہونے والی ٹیلی تھون مہم میں بڑھ چڑھ کر کوشش کرنے کا ذہن دیا ۔(کانٹینٹ:رمضان رضا عطاری)