18 اکتوبر 2023ء بمطابق 3 ربیع الثانی 1445ھ بروز بدھ دعوتِ اسلامی کے عالمی مدنی مرکز فیضان مدینہ کراچی سے براہ راست مدنی چینل پر ” محفلِ بغداد“ کا انعقاد ہونے جارہا ہے۔ محفل کا آغاز تلاوت کلام پاک سے ہوگا جس کے بعد نعت خواں حضرات بارگاہِ رسالت صلَّی اللہ علیہ واٰلہٖ وسلَّم میں ہدیۂ نعت اور بارگاہِ غوثُ الوریٰ میں منقبت پیش کریں گے۔

محفلِ پاک میں مدنی مذاکرے کا سلسلہ ہوگا جس میں شیخِ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ مدنی پھول ارشاد فرمائیں گے۔مدنی مذاکرے میں نگران شوریٰ مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔

محفل کے اختتام پر اس سال بغداد شریف جانے والے ویزہ دکھا کر امیر اہلسنت دامت بَرَکَاتُہمُ العالیہ سے ملاقات کی سعادت حاصل کرسکیں گے۔

ذمہ داران  دعوت اسلامی کی کاوشوں سے گلشن فیض کالونی ڈویژن حیدرآباد ڈسٹرکٹ ٹنڈو محمد خان میں فیضانِ قرآن مسجد کا با قاعدہ افتتاح اذان مغرب اورباجماعت نماز سے کیا گیا جس میں مقامی عاشقان رسول نے شرکت کی۔

بعد نمازِمغرب نگران ڈویژن مشاورت ذوالقرنین عطاری اور ڈسٹرکٹ نگران فضل عطاری نے اسلامی بھائیوں کو مسجد کی تعمیرات میں اپنا حصہ ملانے کی ترغیب دلائی اور پھر دعا کروائی ۔( کانٹینٹ:رمضان رضا عطاری)

دین اسلام کی عالمگیر تحریک دعوتِ اسلامی دنیا بھر میں تبلیغ دین کے لئے سال میں سینکڑوں مساجد تعمیر کررہی ہے، مدرسۃ المدینہ و جامعۃ المدینہ کے نام سے دینی درسگاہیں قائم کررہی ہے جس میں لاکھوں اسٹوڈنٹس قیام و طعام کی سہولت کے ساتھ فی سبیل اللہ علم دین سیکھنے کی سعادت کررہے ہیں۔ ان مدارس و جامعات سے ہر سال سینکڑوں علماء اور  ہزاروں حفاظ و قاری فارغ التحصیل ہوکر مختلف مقامات پر تبلیغ دین کی خدمت سر انجام دے رہے ہیں۔ اس کے علاوہ دعوتِ اسلامی مختلف شعبہ ہائے زندگی سے وابستہ افراد میں 80 سے زائد شعبہ جات کے ذریعے نیکی کی دعوت کو عام کررہی ہے۔

صرف 42 سال میں دعوت اسلامی ایسا سایہ دار درخت بن چکی ہے جس کا تنا مضبوط ہے، چھاؤں گھنی ہے اور پھل میٹھے ہیں۔ ہر کوئی اپنے ذوق اور ضرورت کے مطابق اس سے فائدہ حاصل کررہا ہے۔ کوئی اُسے دور سے دیکھ کر آنکھیں ٹھنڈی کررہا ہے تو کوئی اس کے سائے میں آرام فرما ہے۔کوئی پھل کھارہا ہے تو کوئی اُسے پانی دیکر مزید بڑا کرنے کی کوشش میں مصروف ہے۔

چند شعبہ جات کی خدمات ملاحظہ کیجئے:

٭مدرسۃ المدینہ کے ذریعے قرآن کا فیضان عام کیا جارہا ہے ٭جامعۃ المدینہ کے ذریعے علمِ دین کا نور تقسیم ہورہا ہے٭دار المدینہ انٹرنیشنل اسلامک اسکول سسٹم کے ذریعے دورِ حاضر کی تعلیمی ضرورتوں کو پورا کیا جارہا ہے ٭اسلامک ریسرچ سینٹر (المدینۃ العلمیۃ) سے دینی، علمی، اصلاحی، فکری ومعاشرتی سدھار کے لئے ہزاروں صفحات کے لٹریچر شائع کئے جارہے ہیں٭فیضان آن لائن اکیڈمی کے ذریعے علم دین کی روشنی پھیلائی جارہی ہے ٭مدنی قافلے کے ذریعے دنیا کے کونے کونے میں تبلیغ دین کا سلسلہ جاری ہے ٭جدید ٹیکنالوجی کے ذریعے نیکی کی دعوت کو عام کرنے کے لئے بیسیوں موبائل ایپلیکیشن موجود ہیں ٭مدنی چینل گھر گھر اسلامی تعلیمات کو عام کررہا ہے ٭مختلف ویب سائٹ اور سوشل میڈیا کے پیجز سے بھی اصلاح کا سامان ہورہا ہے٭FGRF کے ذریعے لوگوں کی امداد کی جارہی ہے،مدنی ہیلتھ کیئر سینٹر یتیم خانہ، فیضان ری ہبلی ٹیشن سینٹر قائم کئے جارہے ہیں۔ اس طرح تمام شعبے اپنی اپنی خدمات سرانجام دے رہے ہیں۔

ان تمام کا موں کو ہزاروں، لاکھوں نہیں بلکہ اربوں روپے کے اخراجات سے پورا کیا جارہا ہے اور یہ وہ پیسے ہیں جو ہم اور آپ اپنا ڈونیشن دعوت اسلامی کو دیتے ہیں۔

ان اخراجات کو پورا کرنے کے لئے دعوتِ اسلامی 15 اکتوبر 2023ء کو عطیات مہم ٹیلی تھون کرنے جارہی ہے۔ نیکی کی دعوت کو عام کرنے اور دعوتِ اسلامی کا ساتھ دینے کے لئے اس ٹیلی تھون میں بڑھ چڑھ کر حصہ لیں اور زیادہ سے زیادہ یونٹس جمع کرنے اور دیگر عاشقان رسول کو بھی اس کی ترغیب دلائیں ۔15 اکتوبر 2023ء کو ہونے والے ٹیلی تھون میں فی یونٹ کی رقم 10000 ہزار روپے ہے۔

ڈونیشن دینے کے لئے ان نمبرز یا Email پر رابطہ کریں:

Whatapp:00447393123786,00923111212142

Email ID: donations@dawateislami.net

ٹیلی تھون(عطیات مہم) 2023ء کے سلسلے میں گزشتہ روز فیصل آباد کے مدنی مرکز فیضانِ مدینہ میں چنیوٹ سٹی کے ذمہ دار اسلامی بھائیوں کا مدنی مشورہ ہوا جس میں دیگر عاشقانِ رسول کی بھی شرکت رہی۔

اس مدنی مشورے میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ٹیلی تھون کے حوالے سے کلام کرتے ہوئے دعوتِ اسلامی کے جملہ اخراجات کے لئے ڈونیشن جمع کرنے اور دیگر اسلامی بھائیوں کو اس کی ترغیب دلانے کا ذہن دیا نیزانہیں مدنی پھولوں سے بھی نوازا۔

محمد سرور مسجد فیز 7 بحریہ ٹاؤن راولپنڈی میں اجتماع میلاد کا انعقاد ہواجس میں بزنس کمیونٹی  ،مختلف شعبہ ہائے زندگی سے تعلق رکھنے والے افراد جن میں اسٹوڈنٹس، پروفیشنلز سمیت مقامی عاشقان رسول نے شرکت کی۔

اجتماع میلاد میں دعوت اسلامی کی مرکزی مجلسِ شوریٰ کے رکن مولانا حاجی عبدالحبیب عطاری نے ’’انوکھی بارشں‘‘ کے موضوع پر بیان کیا نیز رکن شوریٰ نے دعوت اسلامی کے شعبہ جات کا تعارف بھی پیش کیا اور ان میں ہونےوالے دینی کاموں کے متعلق بتایا ۔ساتھ ساتھ آنے والے اتوار15 اکتوبر 2023ء کو ٹیلی تھون مہم میں حصہ ملانے کی ترغیب دلائی جس پر حاضرین نے نیک خیالات کا اظہار کیا۔ (کانٹینٹ:رمضان رضا عطاری)

بحریہ ٹاؤن راولپنڈی میں واقع ایک نجی ہوٹل میں بزنس کمیونٹی سے متعلقہ افراد میں اجتماع میلاد کا انعقاد کیا گیاجس میں بزنس کمیونٹی سے وابستہ  افراد نے شرکت کی۔

رکن شوریٰ مولانا حاجی عبدالحبیب عطاری نے سنتوں بھرا بیان کیا۔دورانِ بیان رکنِ شوریٰ نے دعوت اسلامی کے شعبہ جات کا تعارف پیش کیا جس میں دعوت اسلامی کی دینی و فلاحی خدمات کے بارے میں آگاہی دی اور شرکا کو آنے والے اتوار15 اکتوبر 2023ء کو ٹیلی تھون مہم میں حصہ ملانے کی ترغیب دلائی جس پر انہوں نے اچھے جذبات کا اظہار کیا(کانٹینٹ:رمضان رضا عطاری)

اسلام آباد میں دعوت اسلامی کے تحت 12  ربیع الاول والے دن جلوس میلاد النبی صلَّی اللہ علیہ واٰلہٖ وسلَّم نکالا گیا جس میں رکن شوریٰ حاجی وقار المدینہ عطاری کے شہر بھر سے عاشقانِ رسول نے عقید و احترام کے ساتھ شرکت کی ۔

جلوسِ میلاد میں نعت خواں اسلامی بھائیوں نے شانِ مصطفی صلَّی اللہ علیہ واٰلہٖ وسلَّم میں کلام پیش کئے جبکہ وقفہ وقفہ سے سیرت النبی علیہ السلام پر بیانات کا سلسلہ ہوا اور عاشقانِ رسول نے مرحبا یا مصطفیٰ کے نعرے بھی لگائے ۔(کانٹینٹ:رمضان رضا عطاری)

اسلاف کی یاد تازہ کرنے والی دینی   تحریک دعوت اسلامی کی جانب سے لیاقت باغ گراؤنڈ،راولپنڈی میں جشنِ عیدِ میلادُ النبی صلَّی اللہ علیہ واٰلہٖ وسلَّم کے سلسلے میں اجتماع منعقد ہوا جس میں کثیر افراد نے شرکت کی ۔

آغاز تلاوت قرآن مجید و نعت رسول اکرم صلَّی اللہ علیہ واٰلہٖ وسلَّم سے ہوا ۔ رکنِ شوریٰ حاجی وقار المدینہ عطاری نےربیع الاول کی مناسبت سے واقعات بیان کئے ۔آخر میں دعا اور صلوہ و سلام پر اجتماع کا اختتام ہوا۔(کانٹینٹ:رمضان رضا عطاری)

پچھلے  دنوں وفاقی دارالحکومت اسلام آباد میں رکن شوریٰ حاجی وقار المدینہ عطاری کے گھر ان کے مرحوم والد ملک عبد العزیز عطاری کے ایصال ثواب کےسلسلہ میں محفل میلاد کا انعقاد کیا گیا جس میں رکن شوریٰ کے اہل خانہ سمیت دیگر ذمہ داران دعوت اسلامی نے شرکت کی۔

اس اجتماع میں تلاوت، نعت ،بیان اور ایصال ثواب کا سلسلہ ہوا نیز دعوت اسلامی کے مدارس المدینہ اور جامعات المدینہ کی جانب سے مرحوم کے لئے کثیر ایصال ثواب بھی پیش کیا گیا۔(کانٹینٹ:رمضان رضا عطاری)

دعوت اسلامی  کے تحت وفاقی دارالحکومت اسلام آباد کے سیکٹر جی سیون چشتیہ مسجد گولڈن مارکیٹ میں محفل میلاد مصطفیٰ صلی اللہ علیہ وسلم کاانعقاد کیا گیا جس میں مقامی عاشقان رسول نے شرکت کی۔

اجتماع میلاد کا باقاعدہ آغاز تلاوتِ قرآن پاک و نعت رسول مقبول صلی اللہ علیہ وسلم سے ہوا ۔بعدازاں رکنِ شوریٰ حاجی وقار المدینہ عطاری نے’’ نور مصطفی صلی اللہ علیہ وسلم‘‘ کے موضوع پر بیان کیا ۔

دورانِ بیان رکنِ شوریٰ نے نور مصطفی صلی اللہ علیہ وسلم کے عجائبات اور معجزات بتائے اورعاشقان رسول کو سنتوں پر چلنے اور نیکیاں کرنے کی ترغیب دلائی نیزدعوت اسلامی کی دینی و دنیاوی خدمات کا بتاتے ہوئے انہیں ہفتہ وار اجتماع میں شرکت کرنے کی دعوت پیش کی۔ صلوٰۃ و سلام اور دعا پر اجتماع کا اختتام ہوا۔

٭بعدازاں رکن شوریٰ حاجی وقار المدینہ عطاری نے علمائے کرام میں مدنی حلقہ بھی لگایا جس میں انہیں دعوت اسلامی کی مختلف ڈیجیٹل سروسز کا تعارف پیش کیا اور دیگر اہم امور پر گفتگو کا سلسلہ رہا۔(کانٹینٹ:رمضان رضا عطاری)

وفاقی دارالحکومت اسلام آباد کے زون تھری کے راول ٹاؤن میں اجتماع میلاد کا انعقاد کیا گیاجس میں سیاسی و سماجی شخصیات کے علاوہ اہل علاقہ ،علمائے کرام اور سید زادوں نے شرکت کی۔

رکن شوریٰ حاجی وقار المدینہ عطاری نے ’’سید المرسلین صلی اللہ علیہ وسلم کی سیرت‘‘ کے موضوع پر بیان کیا جس میں آقا کریم صلی اللہ علیہ وسلم کا حلیہ اور چہرہ مبارک کےمتعلق بتایا ۔اس کے علاوہ رکنِ شوریٰ نے دعوت اسلامی کے شعبہ جات اور فلاحی کاموں کے متعلق آگاہی دی نیز آنے والے مہمانوں سے ملاقات کی اور انہیں تحائف بھی دیئے۔(کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی دینی تحریک دعوت اسلامی کے زیرِ اہتمام ملتان بہاؤ الدین زکریا یونیورسٹی میںOne Day سیرت النبی صلَّی اللہ علیہ واٰلہٖ وسلَّم سیمینار کا انعقاد کیا گیا جس کا ٹاپک’’ عالمی امن،سماجی ذمہ داری اور ہمارا اسلام‘‘ تھا۔

اس سیمینار میں نگران شوریٰ مولانا حاجی محمد عمران عطاری مدظلہ العالی نے وڈیو لنک کے ذریعے یونیورسٹی فکلیٹی ممبرز اور اسٹوڈنٹس کے درمیان ’’عالمی امن،سماجی ذمہ داری اور ہمارا اسلام ‘‘ کے موضوع پر بیان فرمایا۔

بعدازاں رکنِ شوریٰ قاری محمد سلیم عطاری نے بھی’’ سیرت النبی صلَّی اللہ علیہ واٰلہٖ وسلَّم ‘‘کے موضوع پر بیان کیا جس میں اسٹوڈنٹس کو نیکی کی دعوت دیتے ہوئے دعوت اسلامی کے ہفتہ وار اجتماع میں آنے اور مدنی مذاکرہ دیکھنے کا ذہن دیا جس پر انہوں نے بھلے جذبات کا اظہار کیا۔آخر میں یونیورسٹی انتظامیہ کی طرف سے رکن شوری قاری محمد سلیم عطاری کو اعزازی شیلڈ بھی پیش کی گئی۔(کانٹینٹ:رمضان رضا عطاری)