دعوتِ اسلامی کی مرکزی مجلسِ شوریٰ کے نگران حاجی مولانا محمد عمران عطاری مدنی مُدَّ ظِلُّہُ العالی ان دنوں بیرون ملک دورے پر ہیں جس دوران آپ نے مراکش کے دارالحکومت رباط میں قائم Pakistani Embassy کا دورہ کیا۔

اس موقع پر نگرانِ شوریٰ نے Pakistani Ambassador سید عادل گیلانی سمیت دیگر سفارتی عملے سے ملاقات کی۔ ملاقات کے دوران دعوتِ اسلامی کی عالمی سطح پر جاری دینی، فلاحی اور اصلاحی سرگرمیوں سے آگاہی دی گئی اور مختلف امور پر تبادلہ خیال کیا گیا۔

اسی طرح پاکستانی ایمبیسی میں "نیکی کی دعوت" کے سلسلے میں سنتوں بھرا اجتماع بھی منعقد ہوا جس میں پاکستانی سفیر، سفارت خانے کے عملے اور مقامی عاشقانِ رسول نے شرکت کی۔

اس اجتماع میں مولانا حاجی محمد عمران عطاری نے ”شکر گزاری“کے موضوع پر سنتوں بھرا بیان فرمایا۔ آپ نے فرمایا کہ ”اللہ پاک کا شکر ادا کرنا بندے کی بڑی سعادت ہےاور جو بندہ شکر گزار بنتا ہے، اللہ اس کی نعمتوں میں اضافہ فرماتا ہے“۔ آپ نے مزید کہا کہ ”مصیبت و پریشانی کے مواقع پر صبر اور نعمتوں پر شکر انسان کی روحانی ترقی کا ذریعہ بنتے ہیں۔ ہمیں چاہیے کہ نافرمانی سے بچتے ہوئے ہر حال میں اللہ کا شکر ادا کریں۔

پروگرام کے اختتام پر نگرانِ شوریٰ نے ملک و ملت کی سلامتی اور امتِ مسلمہ کی بھلائی کے لئے خصوصی دعا کروائی۔

بعد ازاں سفارتی عملے اور عاشقانِ رسول سے انفرادی ملاقاتوں کا سلسلہ بھی جاری رہا جس میں دینی امور اور اسلامی طرزِ زندگی پر تبادلہ خیال ہوا۔

بروز  ہفتہ 10 مئی 2025ء کو مدنی مرکز فیضانِ مدینہ اسٹچفورڈ برمنگھم میں medical professionalsکے لئے ایک خصوصی ملاقات کا اہتمام کیا گیا۔ اس پروگرام کا مقصد طب کے میدان میں خدمات انجام دینے والے افراد کو ایک مربوط پلیٹ فارم فراہم کرنا اور ان کے مسائل و تجربات پر سیر حاصل گفتگو کرنا تھا۔

اس Meet Up میں دعوتِ اسلامی کی مرکزی مجلسِ شوریٰ کے رکن عبد الوہاب عطاری نے خصوصی شرکت فرمائی۔ آپ نے اپنی گفتگو اور خیالات کے ذریعے شرکا کی رہنمائی کی اور انہیں دینی و اخلاقی پہلوؤں سے بھی آگاہ کیا۔

ملاقات کے دوران، طبی ماہرین کو درپیش موجودہ چیلنجز، پیشہ ورانہ دباؤ، اور فلاحی خدمات کی فراہمی میں حائل رکاوٹوں پر تفصیل سے تبادلہ خیال کیا گیا۔ اس موقع پر دعوتِ اسلامی کی جانب سے Medical field کے افراد کے ساتھ تعاون کرنے کی یقین دہائی کروائی گئی۔

شرکانے اس بامقصد Meet Up کو سراہتے ہوئے دعوتِ اسلامی کی اس کاوش کو خوش آئند قرار دیا اور اس امید کا اظہار کیا کہ ان شاء اللہ مستقبل میں بھی ایسے پروگرامز کا انعقاد جاری رہے گا۔

دعوتِ اسلامی کے شعبہ تعلیم کی کارکردگی کو مزید مؤثر بنانے اور آئندہ کے لائحہ عمل پر غور و فکر کرنے کے لئے مدنی مشورے  کا انعقاد بروز منگل 13 مئی 2025ء کو مدنی مرکز فیضانِ مدینہ اسٹچفورڈ برمنگھم میں کیا گیا۔

مدنی مشورہ رکنِ شوریٰ عبد الوہاب عطاری نے لیا ۔دورانِ مشورہ شعبۂ تعلیم کے تحت جاری دینی کام، کارکردگی کو بڑھانے اور تعلیمی خدمات کی وسعت کے حوالے سے اہم حکمتِ عملیوں پر روشنی ڈالی گئی۔

رکن شوریٰ نے مختلف تجاویز اور عملی اقدامات پیش کئے جنہیں شرکا کی جانب سے بھرپور سراہا گیا۔ اجلاس میں مستقبل قریب میں شعبہ تعلیم کی سرگرمیوں کو مزید مؤثر بنانے کے لئے پُرجوش عزم کااظہارکیا گیا۔

یونیورسٹی آف برمنگھم میں 14مئی 2025ء کو ایک اہم پروگرام بعنوان "Releasing Exam Stress" کا انعقاد کیا گیاجس کا مقصد طلبہ کو امتحانی دباؤ سے نجات دلانے، ذہنی آسودگی فراہم کرنے اور مثبت انداز میں امتحانات کی تیاری کے لئے رہنمائی فراہم کرنا تھا۔

یہ پروگرام دعوتِ اسلامی کے شعبۂ تعلیم کے زیر اہتمام منعقد کیا گیا جس میں مبلغین دعوتِ اسلامی نے طلبہ کو ذہنی دباؤ سے نمٹنے کی عملی تکنیکوں، وقت کے مؤثر استعمال اور خود اعتمادی کے فروغ سے متعلق مفید نکات فراہم کئے۔

تقریب میں رکن شوریٰ دعوتِ اسلامی عبد الوہاب عطاری نے بھی خصوصی شرکت کی۔ آپ کی آمد نے شرکاء کی حوصلہ افزائی میں نمایاں کردار ادا کیا اور طلبہ کو دین و دنیا دونوں پہلوؤں میں متوازن رہنے کا پیغام دیا۔

پروگرام کو شرکا کی جانب سے بے حد سراہا گیا اور طلبہ نے اس سے خوب فائدہ حاصل کیا۔

سرزمینِ بنگلہ دیش کے عاشقانِ رسول کو علمِ دین سکھانے اور انہیں پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی پیاری پیاری سنتیں سکھانےکے لئے عالمی سطح کی دینی تحریک دعوتِ اسلامی کے تحت کراسنگ موڑ،شِکل باہا، کرنافولی ، چٹاگانگ(Shikalbaha, Karnaphuli, Chittagong )میں 30 اپریل تا 2 مئی 2025ء کو ”تین دن کا عظیمُ الشان اجتماع“ منعقد کیا گیا۔

اس اجتماعِ پاک میں چٹاگانگ ڈویژن، بنگلہ دیش کے مختلف شہروں اور اطراف علاقوں سے بزنس کمیونٹی ومختلف شعبہ جات کے اسلامی بھائی، طلبۂ کرام، اساتذۂ کرام اور دیگر عاشقانِ رسول نے شرکت کی۔

معلومات کے مطابق اجتماع کے تینوں دن مختلف نشستیں ہوئیں جن میں تلاوتِ قراٰن، نعتِ رسولِ مقبول صلَّی اللہ علیہ واٰلہٖ وسلَّم، ذکر و اذکار، مبلغینِ دعوتِ اسلامی کے بیانات، رقت انگیز دعائیں اور سیکھنے سکھانے کے حلقے شامل تھے جبکہ اجتماع میں ہونے والی تمام نشستیں بنگلہ مدنی چینل سمیت بنگلہ سوشل میڈیا پیجز پر براہِ راست نشر کی گئیں۔

اس دوران پاکستان سے دینی کاموں کے سلسلے میں بنگلہ دیش آئے ہوئے خلیفۂ امیرِ اہلِ سنت مولانا حاجی عبید رضا عطاری مدنی مد ظلہ العالی نے سنتوں بھرا بیان کیااور جامعۃالمدینہ بنگلہ دیش کے تحت درسِ نظامی (عَالم کورس) سے فارغ التحصیل ہونے والے مدنی علمائے کرام کی دستارِفضیت فرمائی۔

مجلس انٹرنیشنل افیئرز دعوتِ اسلامی کی جانب سے ملنے والی اطلاعات کے مطابق  شیخِ طریقت امیر اہل سنت حضرت علامہ مولانا محمد الیاس قادری دامت بَرَکَاتُہمُ العالیہکے بڑے بیٹے اور خلیفہ و جانشین حضرتِ مولانا حاجی عبید رضا عطاری مدنی مُدَّ ظِلُّہُ العالی 30 اپریل 2025ء کو دعوتِ اسلامی کے دینی کاموں میں شرکت کے لئے بنگلہ دیش روانہ ہورہے ہیں۔

خلیفۂ امیر اہل سنت بنگلہ دیش میں ہونے والے دعوتِ اسلامی کے تین روزہ اجتماع میں بھی خصوصی شرکت و بیان فرمائیں گے جبکہ ذمہ داران کے درمیان مدنی مشورے، شخصیات سے ملاقاتیں اور دیگر تنظیمی ایکٹیوٹیز آپ کے شیڈول کا حصہ رہیں گی۔

بنگلہ دیش کے تمام عاشقان رسول سے گزارش کی جاتی ہے کہ شکلباہا، کرنافولی ، چٹاگانگ میں 30 اپریل سے شروع ہوکر 02 مئی 2025ء کو اختتام پذیر ہونے والے اس اجتماعِ پاک میں خود بھی شرکت کریں اور دوسروں کو بھی اس میں شرکت کی دعوت دیں۔ 

بنگلہ دیش میں مقیم عاشقانِ رسول کے لئے خوشخبری!

عاشقانِ رسول کی عالمگیر تحریک دعوتِ اسلامی کے تحت چٹاگانگ ڈویژن سطح پر ہونے جارہا ہے تین دن کا عظیم الشان سنتوں بھرا اجتماع جو 30 اپریل سے شروع ہوکر 02 مئی 2025ء کو اختتام پذیر ہوگا۔ اجتماع کے انعقاد کے لئے تیاریاں زور و شور سے جاری ہیں۔

تین دن کا یہ عظیم الشان اجتماع شکلباہا، کرنافولی ، چٹاگانگ(Shikalbaha, Karnaphuli, Chittagong )میں موجود وسیع وعریض رقبے پرمنعقد کیا جائیگا۔ اس اجتماع میں چٹاگانگ ڈویژن کے مختلف شہروں اور اطراف علاقوں سے بزنس کمیونٹی ومختلف شعبہ جات کے اسلامی بھائیوں سمیت مقامی عاشقانِ رسول کی شریک ہوں گے۔

تین دن کے اجتماع میں مختلف نشستوں کا سلسلہ ہوگا جس میں تلاوت و نعت، ذکر و اذکار، مبلغین دعوتِ اسلامی کے بیانات، رقت انگیز دعائیں اور مختلف دینی کورسز کے لئےدینی حلقے لگائے جائیں گے۔عظیم الشان اجتماع کے تمام مناظر بنگلہ مدنی چینل سمیت بنگلہ سوشل میڈیا پیجز پر براہِ راست نشر کیا جائے گا۔

بنگلہ دیش کے تمام عاشقانِ رسول سے اس عظیم و روحانی اجتماع میں شرکت کرنے کی درخواست ہے۔

دعوتِ اسلامی جہاں دنیا بھر کے  لوگوں کو سنتِ رسول کا عامل بنانے، انہیں نیکی کی دعوت دینے میں مصروف ہے وہیں معاشرے کی اصلاح اور معاشرے میں پھیلی ہوئی برائیوں کو بھی دور کرنے میں اپنی خدمات سرانجام دی رہی ہے جس کو ملک و بیرونِ ملک میں وقتاً فوقتاً سراہا جاتا ہے۔

FGRF UK دعوتِ اسلامی کے تحت خدمتِ خلق کے لئے کئے جانے والے مسلسل اقدامات کے پیشِ نظر برطانیہ کی کاؤنٹی ویسٹ مڈلینڈز کے ہائی شیرف (High Sheriff) کی جانب سے” ہائی شیرف ایوارڈ “(High Sheriff Award) دیا گیا جو کہ FGRF یوکے، یورپ اور کینیڈا کے نگران حاجی سیّد فضیل رضا عطاری نے وصول کیا۔

الحمدللہ یہ FGRF دعوتِ اسلامی کا ایک بڑا کارنامہ ہے جوکہ کمیونٹی کے لئے شب و روز کئے جانے والی خدمات پر دلالت کرتا ہے۔(کانٹینٹ:غیاث الدین عطاری)

دعوتِ اسلامی عالمی سطح پر خدمتِ دین کرنے، فلاحی کاموں میں بڑھ چڑھ کر حصہ لینے اور  لوگوں کو اسلامی تعلیمات سکھانے والی عاشقانِ رسول کی دینی تحریک ہے جس کے تحت وقتاً فوقتاً ملک و بیرونِ ملک میں مختلف سیشنز و اجتماعات منعقد ہوتے رہتے ہیں۔

اسی سلسلے میں 23 فروری 2025ء بروز اتوار ایجوکیشن ڈیپارٹمنٹ دعوتِ اسلامی (آسٹریلیا ریجن) کے تحت ہونے جارہا ہے ”انٹرنیشنل اسٹوڈنٹس ویبینار“ (International Students Webinar) جوکہ آسٹریلیا میں شام 5 بجے اور نیوزی لینڈ میں رات 8 بجے دیکھا جا سکے گا۔

اس سیشن میں نگرانِ ملاوی مولانا محمد عثمان عطاری مدنی ” Entertainment to Enlightenment“کے موضوع بیان کریں گے اور چند اہم نکات پر عاشقانِ رسول کی رہنمائی کریں گے ۔ رمضانُ المبارک کے بابرکت مہینے کی تیاری کے لئے اس سیشن میں ضرور شرکت کریں۔( کانٹینٹ:غیاث الدین عطاری)

ابھی رجسٹریشن کریں:

https://www.jotform.com/build/250466787662874

دعوتِ اسلامی کے شعبہ مدرسۃ المدینہ بوائز کے تحت آسٹریلیا کے اسلامک سینٹر فیضانِ مدینہ Lakemba Sydney میں ٹریننگ سیشن کا سلسلہ ہوا جس میں مدرسۃ المدینہ کے بچوں نے شرکت کی۔

ٹریننگ سیشن میں بچوں کو نماز کا پریکٹیکل کروایا گیاجس میں نیت کرنا، قیام، قراءت، رکوع اور سجود سمیت دیگر ارکانِ نماز سکھائے گئے۔

دعوتِ اسلامی کے زیر اہتمام بنگلہ دیش کی جامع مسجد منت علی شاہ نارائن گنج میں ایک دن کا تربیتی اجتماع ہوا جس میں مبلغین و ذمہ داران دعوتِ اسلامی سمیت مقامی عاشقانِ رسول نے شرکت کی۔

رکن شوریٰ عبد المبین عطاری نے سنتوں بھرا بیان کیا اور شرکا کی 12 دینی کاموں کے حوالے سے تربیت کی۔ رکن شوریٰ نے شرکاکو اپنے اپنے علاقوں میں دینی کاموں کو بڑھانے کا ذہن دیا۔

سید پور بنگلہ دیش میں  دعوتِ اسلامی کے زیر اہتمام محفل نعت کا انعقاد کیا گیا جس میں تاجر برادری اور دیگر شعبہ جات کے عاشقانِ رسول شریک ہوئے۔

رکنِ شوریٰ عبد المبین عطاری نے سنتوں بھرا بیان کیا اور شرکا کو اپنی مصروفیت سے دینی کاموں کے لئےکچھ نہ کچھ وقت نکالنے، جان و مال سے دعوتِ اسلامی کے دینی کاموں میں حصہ ملانے اور سنتِ رسول صلَّی اللہ علیہ واٰلہٖ وسلَّم کے مطابق زندگی گزارنے کا ذہن دیا۔