نائجیریا ویسٹ افریقہ کے اسٹیٹ کانو میں واقع طاہر مسجد میں عالمی سطح کی دینی تحریک دعوتِ اسلامی کے زیرِ اہتمام روزانہ بعد نمازِ ظہربڑی عمر کے اسلامی بھائیوں کے لئے  مدرسۃ المدینہ بالغان لگایا جاتا ہے۔

نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں ایلم راک روڈ برمنگھم یوکے (Alum Rock road Birmingham UK ) میں علاقائی دورہ برائے نیکی کی دعوت ہوئی۔

اس دوران ڈویژن نگران محمد عتیق عطاری نے مقامی ذمہ داران اور اسلامی بھائیوں کے ساتھ ملکر لوگوں کو نیکی کی دعوت دی اور انہیں دعوتِ اسلامی کے ہفتہ وار اجتماع میں شرکت کرنے کی دعوت دی جو مدنی مرکز فیضانِ مدینہ اسٹچفورڈ برمنگھم یوکے میں منعقد کیا جاتا ہے۔(رپورٹ: محمد علی رفیق شعبہ معاونت صوبہ پنجاب آفس ، کانٹینٹ:غیاث الدین عطاری)

23جون2024ء کو دعوت اسلامی کے مبلغین کی کانو اسٹیٹ کے درع القادریہ میں حاضری ہوئی  جہاں مبلغین دعوت اسلامی نے شیخ Jimoh قادری سے ملاقات کی اور دعوت اسلامی کا تعارف پیش کرتے ہوئے امیر اہلسنت دامت برکاتہم العالیہ کی دنیا بھر میں ہونے والی دینی خدمات سے آگاہ کیا جس پر شیخ نےدینی خدمات کو سراہا۔(کانٹینٹ:شعیب احمد)

22جون2024ء کو نائجیریا ویسٹ افریقہ کانو اسٹیٹ میں مبلغ دعوت اسلامی و نگران کانو اسٹیٹ مولانا عثمان مدنی نے مدرس کتب کثیرہ ، شیخ اسماعیل القادری سے ملاقات کی اور دعوت اسلامی کا تعارف پیش کرتے ہوئے امیر اہلسنت دامت برکاتہم العالیہ کی دنیا بھر میں ہونے والی دینی خدمات سے آگاہ کیا جس پر شیخ نے دعاؤں سے نوازا۔(کانٹینٹ:شعیب احمد)

21جون2024ء کو  نائجیریا ویسٹ افریقہ کانو اسٹیٹ میں مبلغ دعوت اسلامی و نگران کانو اسٹیٹ مولانا عثمان مدنی نے مصنف کتب کثیرہ ، صاحب الخلوة ، العارف بالله ، الشیخ حسین وَدا ابن الحسن القادری الحسنی سے ملاقات کی اور دعوت اسلامی کا تعارف پیش کرتے ہوئے امیر اہلسنت دامت برکاتہم العالیہ کی دنیا بھر میں ہونے والی دینی خدمات سے آگاہ کیا جس پر شیخ نے دعاؤں سے نوازا۔(کانٹینٹ:شعیب احمد)

دعوتِ اسلامی کے تحت اسٹچفورڈ  برمنگھم یوکے میں قائم مدنی مرکز فیضانِ مدینہ سے ذمہ داران نے اسلامی بھائیوں کے ہمراہ راہِ خدا عزوجل میں 3 دن (21، 22، 23 جون 2024ء)کے مدنی قافلے میں سفر کیا جوکہ مقامی مدینہ مسجد میں قیام پذیر ہوا۔

شرکائے مدنی قافلہ نے مختلف دینی ایکٹیویٹیز میں حصہ لیا جن میں مسجد درس، چوک درس، علاقائی دورہ برائے نیکی کی دعوت، سیکھنے سکھانے کے حلقے اور دیگر چیزیں شامل تھیں۔

اس دوران امیرِ قافلہ محمد عتیق عطاری نے شرکائے مدنی قافلہ کی تربیت و رہنمائی کرتے ہوئے انہیں دعوتِ اسلامی کے دینی ماحول سے منسلک رہنے اور دینی کاموں میں حصہ لینے کا ذہن دیا جس پر انہوں نے اگلے مہینے جولائی 2024ء کے مدنی قافلے میں سفر کرنے کی اچھی اچھی نیتیں کیں۔(رپورٹ: عتیق عطاری برمنگھم ریجن یوکے، کانٹینٹ:غیاث الدین عطاری)

7 جنوری 2024ء کو دعوتِ اسلامی کی مرکزی مجلسِ شوریٰ کے نگران مولانا حاجی محمدعمران عطاری سلمہ الباری دینی کاموں کے سلسلے میں سویڈن کے دورے پر تھے جہاں انہوں نے ذمہ داران کو ”فیضانِ قراٰن کلچرل سینٹر“ بنانے کا ہدف دیا تھا۔

اس ہدف کو پورا کرنے کے لئے دعوتِ اسلامی کے تحت سویڈن کے ذمہ دار اسلامی بھائیوں نے بھرپور کوششیں کیں جس کی بدولت 5 ماہ کے قلیل عرصے میں 8 جون 2024ء کو مالمو شہر میں ” فیضانِ قرآن کلچرل سینٹر“ کا افتتاح کردیا گیا ہے۔

اس موقع پر عاشقانِ رسول کی دینی تحریک دعوتِ اسلامی کے زیرِا ہتمام ایک افتتاحی تقریب منعقد ہوئی جس میں مقامی عاشقانِ رسول نے کثیر تعداد میں شرکت کرنے کی سعادت حاصل کی۔

امریکی ریاست Texasکے شہر Houstonمیں قائم مدنی مرکز فیضانِ مدینہ میں پاکستان سے آئے ہوئے سیلانی ویلفیئرٹرسٹ کے چیئرمین مولانا بشیر فاروق قادری صاحب کی تشریف آوری ہوئی جہاں ناظمین، اساتذۂ کرام، طلبۂ کرام اور مبلغین و ذمہ دارانِ دعوتِ اسلامی نے اُن سے ملاقات کی۔

اس موقع پر ناظمِ جامعۃ المدینہ بوائزنے مولانا بشیر فاروق قادری صاحب کو مدنی مرکز فیضانِ مدینہ، جامعۃ المدینہ کے کلاس رومز اور اس کی رہائشی عمارت کا وزٹ کروایا جبکہ وہاں پڑھانے جانے والے دینی علوم سمیت دی جانے والی قیام و طعام کی سہولت کے متعلق آگاہی بھی دی گئی۔

سری لنکاکے سٹی Colombo میں عاشقانِ رسول کی دینی تحریک دعوتِ اسلامی کے شعبہ مدنی کورسز کے تحت جامع مسجد فیضانِ رمضان میں مبلغینِ دعوتِ اسلامی کے لئے ایک سیشن منعقد کیا گیا۔

اس سیشن میں نگرانِ سری لنکا مشاورت سمیت مبلغِ دعوتِ اسلامی نے مختلف موضوعات پر اسلامی بھائیوں کی تربیت و رہنمائی کی اور 12 دینی کاموں کے حوالے سے اُن کی ذہن سازی کی۔

اس موقع پر دعوتِ اسلامی کے دینی کاموں کو بڑھانے، گناہوں سے خود کو بچانے اور نیک اعمال کرنے کے متعلق اسلامی بھائیوں کی رہنمائی کی گئی جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

نیوزی لینڈ کے سب سے زیادہ آبادی والے شہر Auckland کی مسجدِ الحجاز میں دعوتِ اسلامی کے شعبہ مدنی کورسز کے زیرِ اہتمام فیضانِ نماز کورس منعقد کیا گیاجس میں بزنس کمیونٹی سمیت دیگر شعبوں سے تعلق رکھنے والے اسلامی بھائی شریک تھے۔

کورس کے دوران مبلغِ دعوتِ اسلامی نے اسلامی بھائیوں کو نماز کے چند ضروری مسائل سکھائے اور نماز کا عملی طریقہ بتاتے ہوئے مختلف امور پر اُن کی رہنمائی کی۔

نیروبی کینیا میں موجود دعوتِ اسلامی  کے مدنی مرکز فیضانِ مدینہ میں عاشقانِ رسول کے مرحومین کے لئے ایصالِ ثواب اجتماع کا انعقاد کیا گیا جس میں بزنس کمیونٹی سمیت مختلف شعبہ جات کے افراد اور ذمہ داران شریک ہوئے۔

معلومات کے مطابق تلاوتِ قراٰن و نعت ِ رسولِ مقبول صلی اللہ علیہ و سلم کے بعد مرکزی مجلسِ شورٰی کے رکن حاجی محمد امین قافلہ عطاری نے مرحومین کوایصالِ ثواب کرنےکے حوالے سے بیان کیا جس میں انہوں نے اپنی قبر و آخرت کی تیاری کرنے، نیک اعمال کرنے اور گناہوں سے بچنے کی ترغیب دلائی۔