بنگلہ دیش ڈھاکہ کی سرزمین پر Asian city کے وسیع و عریض میدان میں 14 فروری 2024ء سے دعوتِ اسلامی کے زیر اہتمام تین دن کا عظیم الشان اجتماع جاری ہے۔ عظیم الشان اجتماع میں بنگلہ دیش بھر سے بسوں، چھوٹی بڑی گاڑیوں اور ٹرینوں سمیت مختلف ذرائع سے سفر کرتے ہوئے علمائے کرام، بزنس مین، سیاسی و سماجی شخصیات اور مختلف شعبہ ہائے زندگی سے وابستہ ہزاروں افراد و عاشقانِ رسول شرکت کررہے ہیں۔

تین دن کے اجتماع کا آغاز تلاوتِ قرآن پاک سے ہوا جبکہ نعت اسلامی بھائیوں نے کلام بھی پڑھے۔نعت شریف کے بعد مبلغین دعوت اسلامی نے مختلف موضوعات پر سنتوں بھرے بیانات کئے اور دیگر نشستوں کے ساتھ ساتھ ذکر اللہ اور دعاؤں کا سلسلہ بھی جاری ہے۔

واضح رہے کہ یہ اجتماع مدنی چینل بنگلہ اور سوشل میڈیا پیجز پر بھی لائیوٹیلی کاسٹ کیا جارہا ہے۔

حال ہی میں UK کے شہر نیوپورٹ، ویلز میں قائم ہونے والے مدنی مرکز فیضانِ مدینہ میں عاشقانِ رسول کی دینی تحریک دعوتِ اسلامی کے ایجوکیشن ڈیپارٹمنٹ کے تحت Knives Destroy Lives پروگرام کا انعقاد کیا گیا جس میں مختلف اسکولز و تعلیمی اداروں کے اسٹوڈنٹس سمیت دیگر عاشقانِ رسول کی شرکت ہوئی۔

پروگرام کے دوران مبلغِ دعوتِ اسلامی ورکنِ ویسٹ مڈلینڈز یوکے ریجن نےسنتوں بھرا بیان کرتے ہوئےچاقو بازی کی تباہ کاریاں سمیت مختلف امور پر اسٹوڈنٹس کی تربیت و رہنمائی کی اور انہیں علمِ دین حاصل کرنے کے لئے دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا۔(کانٹینٹ:غیاث الدین عطاری) 

یورپی ملک Albania میں دعوتِ اسلامی کے تحت مختلف مقامات پر ملاقات و نیکی کی دعوت کے سلسلے ہوئے جس میں ذمہ دار اسلامی بھائیوں نے سلسلۂ رفاعیہ سے تعلق رکھنے والے حضرت مولانا شیخ کمال الدین شافعی مدظلہ العالی اورمذہبی امور کے ڈسٹرکٹ عہدیدار شیخ عاردت سمیت مختلف شعبہ ہائے زندگی سے تعلق رکھنے والے افراد سے ملاقات کی۔

دورانِ ملاقات ذمہ دار اسلامی بھائیوں نے عالمی سطح پر ہونے والی دعوتِ اسلامی کی دینی و فلاحی خدمات کے بارے میں مختلف امور پر گفتگو کی جس پر مولانا شیخ کمال الدین شافعی سمیت دیگر افرادنے دعوتِ اسلامی کے متعلق اپنی نیک خواہشات کا اظہار کیا۔

سڈنی، آسٹریلیا کی جامع مسجد المدینہ میں عاشقانِ رسول کی دینی تحریک دعوتِ اسلامی کے تحت 2 دن پر مشتمل سنتوں بھرے اجتماع کا انعقاد کیا گیا جس میں آسٹریلیا  کے مختلف شہروں سے مبلغینِ دعوتِ اسلامی، شعبہ جات کے ذمہ داران اور دیگر عاشقانِ رسول کی شرکت ہوئی۔

اس اجتماعِ پاک میں شرکا کی تربیت کے لئے دعوتِ اسلامی کی مرکزی مجلسِ شوریٰ کے اراکین حاجی محمد اظہر عطاری، حاجی خالد عطاری اور حاجی سیّد ابراہیم عطاری کے سنتوں بھرے بیانات ہوئے۔

اراکینِ شوریٰ نے دورانِ بیان شرکا کو نیکی کی دعوت عام کرنے، گناہوں سے بچنے اور اپنے گھر والوں کی دینی و اخلاقی تربیت کرنے کے حوالے سے مدنی پھول دیئے نیز دعوتِ اسلامی کے دینی ماحول سے وابستہ ہونے کی ترغیب دلائی۔

علاوہ ازیں نگرانِ آسٹریلیا ریجن سمیت دیگر مبلغینِ دعوتِ اسلامی نے بھی بیانات کئے جس میں انہوں نے حاضرین کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا۔

اسی سنتوں بھرے اجتماع کے بعد جامعۃ المدینہ آسٹریلیا کے طلبۂ کرام کے لئے Annual ceremony کا انعقاد کیا گیا جس میں نمایاں پوزیشن حاصل کرنے والے طلبۂ کرام کو تحائف اور سرٹیفکیٹ دیئے گئے۔(کانٹینٹ:غیاث الدین عطاری)

یورپی ملک اٹلی کے شہر بلونیا (Bologna)میں موجود دعوتِ اسلامی کے مدنی مرکز فیضانِ مدینہ سے متصل عمارت میں شعبہ جامعۃ المدینہ انٹرنیشنل افیئرز کے تحت جامعۃ المدینہ بوائز کی ایک برانچ قائم ہے جہاں اسٹوڈنٹس کو فرض علوم سکھانے کے ساتھ ساتھ انہیں دینِ اسلام کی تعلیمات کے بارے میں بھی بتایا جاتاہے۔

پچھلے دنوں جامعۃ المدینہ انٹرنیشنل افیئرز کے تحت امتحانات کا سلسلہ ہو اجس میں مختلف کلاسز کے اسٹوڈنٹس نے نظم و ضبط کے ساتھ تحریری امتحان میں حصہ لیا جبکہ اسٹوڈنٹس کی رہنمائی کے لئے جامعۃ المدینہ کے اساتذۂ کرام بھی موجود تھے ۔

نیوپورٹ ویلز یوکے (Newport wales UK) میں عاشقانِ رسول کی دینی تحریک دعوتِ اسلامی کے تحت حال ہی میں قائم ہونے والے مدنی مرکز فیضانِ مدینہ میں ایجوکیشن ڈیپارٹمنٹ (دعوتِ اسلامی) کے زیرِ اہتمام ایک پروگرام کا انعقاد کیا گیا جس میں مختلف یونیورسٹیز اور کالجز کے اسٹوڈنٹس سمیت دیگر عاشقانِ رسول نے شرکت کی۔

پروگرام کے آغاز میں تلاوتِ قراٰن کی گئی اور نعت شریف پڑھی گئی جس کے بعد مبلغِ دعوتِ اسلامی و رکنِ ویسٹ مڈلینڈز یوکے ریجن نے بیان کیا اور حاضرین کی ٹائم مینجمنٹ کے حوالے سے رہنمائی کی۔

بیرونِ ممالک کے مسلمانوں کو علمِ دین سکھانے اور انہیں نیکی کی دعوت پیش کرنے کے لئے دعوتِ اسلامی کے زیرِاہتمام افریقی ملک موزمبیق کے شہر نمپولا میں 2 دن کا سنتوں بھرا اجتماع منعقد ہوا جس میں مختلف علاقوں سے ائمۂ کرام، ذمہ داران اور مبلغینِ دعوتِ اسلامی سمیت مقامی عاشقانِ رسول کی کثیر تعداد نے شرکت کی۔

تفصیلات کے مطابق تلاوتِ قراٰن اور نعتِ رسولِ مقبول صلی اللہ علیہ و سلم کے بعد نگرانِ موزمبیق مشاورت سہیل عطاری نے سنتوں بھرا بیان کیا جس کا مبلغِ دعوتِ اسلامی نے مقامی زبان میں خلاصہ بتایا ۔

نگرانِ موزمبیق مشاورت نے بیان کے دوران 12 دینی کاموں کے حوالے سے آگاہی دیتے ہوئے وہاں موجود اسلامی بھائیوں کو دینِ اسلام کی خدمت کرنے اور سنت کی ترویج و اشاعت کے لئے نیکی کی دعوت عام کرنے کا ذہن دیا نیز دعوتِ اسلامی کے ہفتہ وارسنتوں بھرے اجتماع میں شرکت کرنے اور دعوتِ اسلامی کے دینی کاموں میں شمولیت اختیا ر کرنے کی تر غیب دلائی۔

بعدازاں تمام اسلامی بھائیوں کے لئے سیکھنے سکھانے کا حلقہ لگایا گیا جس میں مبلغینِ دعوتِ اسلامی نے شرکا کو سنتیں و آداب بتائے اور انہیں دعائیں سکھائیں۔(کانٹینٹ:غیاث الدین عطاری)

دعوت اسلامی کے  زیرِ اہتمام مدنی مرکز فیضان مدینہ، اتوبیکوک، اونٹاریو کینیڈا میں ہفتہ وار سنتوں بھرا اجتماع منعقد ہوا جس میں مقامی عاشقانِ رسول نے شرکت کی سعادت حاصل کی۔

ہفتہ وار اجتماع کا آغاز تلاوت و نعت رسول پاک صلَّی اللہ علیہ واٰلہٖ وسلَّم سے کیا گیا ۔بعدازاں نگران ویلز حاجی سید فضیل رضا عطاری نے بیان کیا جس میں شرکا کو دعوت اسلامی کے دینی ماحول سے وابستہ ہونے کا ذہن دیا جس پر انہوں نے نیک جذبات کا اظہا رکیا۔(کانٹینٹ:رمضان رضا عطاری)

پچھلے    دنوں مدنی مرکز فیضان مدینہ برنلے یوکے میں دعوت اسلامی کا ہفتہ وار اجتماع منعقد ہوا جس میں مقامی عاشقانِ ر سول نے شرکت کی۔

دعوت اسلامی ویلز کے نگران حاجی سید فضیل رضا عطاری نے اجتماع میں ”معراج مصطفی صلَّی اللہ علیہ واٰلہٖ وسلَّم“ کےموضوع پر بیان کیا اور شرکا کو نمازوں کی پابندی کرنے اور سنتِ مصطفی ٰ صلَّی اللہ علیہ واٰلہٖ وسلَّم کو اپنانے کا ذہن دیا جس پر انہوں نے نیک خیالات پیش کئے ۔(کانٹینٹ:رمضان رضا عطاری مدنی )

دنیا بھر کے پریشان حال مسلمانوں کی امداد کرنے والے دعوتِ اسلامی کے فلاحی شعبے FGRF کے تحت برمنگھم UK کے مقامی کمیونٹی سینٹر میں ایک پروگرام کا انعقاد کیا گیا جس میں بزنس کمیونٹی اور پروفیشنز سے تعلق رکھنے والے عاشقانِ رسول سمیت ذمہ داران و مبلغینِ دعوتِ اسلامی شریک ہوئے۔

تفصیلات کے مطابق اس پروگرام میں نگرانِ ویلز UK حاجی سیّد فضیل رضا عطاری سمیت دیگر مبلغینِ دعوتِ اسلامی نے بیان کیا جس میں انہوں نے Video documentary کے ذریعے دکھیاری امت کی خیرخواہی کے لئے UK سمیت دیگر ممالک کے عاشقانِ رسول کے ذریعے عالمی سطح پر ہونے والی شعبہ FGRF دعوتِ اسلامی کی فلاحی خدمات کے بارے میں بریفنگ دی جبکہ وہاں موجود شرکا اسلامی بھائیوں کو FGRF کے تحت ہونے والے فلاحی کاموں میں اپنا حصہ ملانے کا ذہن بھی دیا۔

اسی دوران شعبہ FGRF کے فلاحی کام سرانجام دینے والے مبلغینِ دعوتِ اسلامی اور دیگر عاشقانِ رسول کے درمیان شیلڈ پیش کی گئیں جبکہ پروگرام میں شریک مختلف شعبہ ہائے زندگی سے تعلق رکھنے والے عاشقانِ رسول نے دعوتِ اسلامی کے بارے میں اپنی نیک خواہشات کا اظہار کیا اور دعوتِ اسلامی کی کاوشوں کو سراہا۔بعدازاں صلوٰۃ و سلام پڑھا گیا اور نگرانِ ویسٹ مڈلینڈز یوکے ریجن نے اختتامی دعا کروائی۔(کانٹینٹ:غیاث الدین عطاری)

امتِ مسلمہ کی امداد اور اُن کی خیرخواہی کا جذبہ لئے ہوئے عاشقانِ رسول کی دینی تحریک دعوتِ اسلامی کے تحت افریقی ملک ملاوی کے اطراف گاؤں پھلومبے (Phalombe) میں ایک پروگرام منعقد ہوا جس میں مقامی اسلامی بھائیوں نے شرکت کی۔

تلاوتِ قراٰن سے پروگرام کی ابتدا کی گئی اور نعت خواں اسلامی بھائی نے حضور سرورِ کائنات صلی اللہ علیہ و سلم کی بارگاہ میں نذرانۂ عقیدت پیش کیا جبکہ نگرانِ ملاوی مشاورت مولانا محمد عثمان عطاری مدنی نے سنتوں بھرا بیان کیا۔

دورانِ بیان نگرانِ ملاوی مشاورت نے حاضرین کو مشکلات اور پریشانیوں کے مواقع پر صبر و دعا کرتے رہنے کی ترغیب دلائی نیز رمضانُ المبارک کی برکات کے حاصل کرنے کے لئے اسلامی بھائیوں کی ذہن سازی کی۔

امریکی ریاست الینوائے (Illinois)کے سٹی شکاگو (Chicago) اور نیویارک (New York)کے سٹی بروکلین (Brooklyn) میں قائم مدنی مرکز فیضانِ مدینہ میں لوگوں کو دینِ اسلام کی تعلیمات سکھانے کے لئے شعبہ مدنی کورسز دعوتِ اسلامی کے تحت مختلف مواقع پر فیضانِ نماز کورس منعقد کئے گئے۔

ان کورسز میں مبلغینِ دعوتِ اسلامی نے نماز کے شرائط و فرائض کے علاوہ دیگر امور پر شرکا اسلامی بھائیوں کی رہنمائی کی اور انہیں دعوتِ اسلامی کے دینی کاموں میں حصہ لیتے رہنے کی ترغیب دلائی جس پر شرکا نے اچھی اچھی نیتوں کا اظہار کیا۔(کانٹینٹ:غیاث الدین عطاری)