20 مئی 2025ء کو دعوتِ اسلامی یوکے کے زیر اہتمام برمنگھم  یوکے میں قائم اسلامک سینٹر میں تربیتی نشست کا انعقاد کیا گیا جس میں یوکے میں قائم تمام جامعات المدینہ بوائز کے اسٹوڈنٹس نے شرکت کی۔

تربیتی نشست میں استاذ الحدیث مفتی محمد حسان عطاری مدنی مُدَّ ظِلُّہُ العالی نے سنتوں بھرا بیان کیا اور طلبہ کی فکری، دینی، اور عملی تربیت کے حوالے سےرہنمائی کی۔ مفتی صاحب نے طالب علم کا انداز، طرزِ زندگی کیا ہونی چاہیئے، کردار سازی، نظم و ضبط اور وقت کی قدر پر گفتگو کی اور اہم نکات فراہم کئے۔

نشست کے بعد ایک سوال و جواب کا سیشن بھی رکھا گیا جس میں طلبہ نے دینی، تعلیمی اور عملی زندگی سے متعلق مختلف سوالات کئے جن کے تشفی بخش جوابات دیئے گئے۔