7 اکتوبر 2025ء کو دعوتِ اسلامی کی مرکزی مجلس شوری کے  رکن مولانا حاجی محمد عقیل عطاری مدنی نے شعبہ امام مساجد (پاکستان) کے تمام ذمہ داران سمیت امام مساجد کا مدنی مشورہ لیا۔

اس مدنی مشورے میں رکنِ شوریٰ نے مسجد کی آباد کاری، نمازیوں کی تربیت اور ہر ماہ قافلے میں سفر کرنے کے حوالے سے ذمہ دار اسلامی بھائیوں کی ذہن سازی کی نیز ٹیلی تھون (عطیات مہم ) 2025ء میں بڑھ چڑھ کر اپنا اور اپنے متعلقین(رشتہ داروں، مقتدی اور اہل محلہ) کا حصہ ملانے کی ترغیب دلائی۔

رکنِ شوریٰ نے خصوصی طور پر مخیر حضرات سے ملاقات و رابطہ کرکے دین متین کی ترقی و آخرت میں باقی رہنے والے خزانے کی آباد کاری کے لئے ٹیلی تھون جمع کرنے/ کروانے کا ذہن دیا۔

جامع مسجد عمر بن  خطاب ،کینیا افریقہ:

افریقی ملک کینیا کی کوالی کاؤنٹی میں موجود لیکونی سب کاؤنٹی کی جامع مسجد عمر بن خطاب میں دعوتِ اسلامی کے تحت”اخلاقِ کریمہ کورس“ کا انعقاد کیا گیا جس میں شرکا کو مفید و اہم نکات بتائے گئے ۔

اس دوران مرکزی مجلسِ شوریٰ کے رکن مولانا حاجی محمد عقیل عطاری مدنی نے کورس میں شریک اسلامی بھائیوں کو اخلاقِ کریمہ کی اہمیت اور اس کے عملی اطلاق کے بارے میں بتاتے ہوئے مسلمانوں کو نیک اخلاق اختیار کرنے کی ترغیب دلائی۔

یہ کورس اسلامی بھائیوں کے لئے ایک قیمتی موقع تھا کہ وہ اپنی روحانی و اخلاقی تربیت میں اضافہ کریں اور معاشرے میں مثبت اثرات مرتب کریں۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

موانز، تنزانیہ، 26 ستمبر 2025ء:

عالمی سطح کی دینی تحریک دعوتِ اسلامی کے تحت تنزانیہ کے شہر موانز میں ہونے والے شارٹ ٹائم قرآن ٹیچنگ کورس کے اختتام پر شرکا کے لئے اجتماعِ تقسیمِ اسناد کا اہتمام کیا گیا۔

اس موقع پر مرکزی مجلسِ شوریٰ کے رکن مولانا حاجی محمد عقیل عطاری مدنی نےتلاوت و نعت کے بعد ”فضائلِ تعلیمِ قراٰن“ کے موضوع پر سنتوں بھرا بیان کیا جس کی مبلغِ دعوتِ اسلامی نے مقامی زبان میں ترجمانی کی ۔

اس تقریب میں مقامی اسلامی بھائیوں کی بڑی تعداد شامل ہوئی جنہوں نے قرآن کی تعلیم کے فروغ اور اسلامی تعلیمات کے عام کرنے پر خوشی کا اظہار کیا۔

رکنِ شوریٰ مولانا حاجی محمد عقیل عطاری مدنی نے قرآن ٹیچنگ کورس مکمل کرنے والے افراد کے درمیان اسناد تقسیم کیں اور نوجوان سمیت بڑوں کو بھی قرآن کی تعلیم کے فوائد سے آگاہ کیا۔(رپورٹ: مولانا محمد عابد عطاری مدنی، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت افریقی ملک تنزانیہ کے شہر موانز میں 3 دن کے مختصر و مؤثر  شارٹ ٹائم قرآن ٹیچنگ کورس کا انعقاد کیا گیا۔

اس کورس کا مقصد مدرسۃالمدینہ بالغان میں قرآن پاک پڑھانے، سبق دینے / سننے اور نصاب کے مطابق تدریس کرنے کے حوالے سے شرکا کو آگاہ کرنا تھا۔

کورس کے دوسرے دن 25 ستمبر 2025 کو رکنِ مرکزی مجلس شوریٰ مولانا حاجی محمد عقیل عطاری مدنی نے شرکا کو قرآن کی تعلیمات، سنتوں کے مطابق تربیت اور دعاؤں کے سکھانے کے طریقے نہایت تفصیل سے سمجھائے۔

دعوتِ اسلامی کے تحت مرکزی مجلس شوری کے رکن مولانا حاجی محمد عقیل عطاری مدنی نے  افریقی ملک تنزانیہ کے شہر موانز میں 3 دن کے مختصر و مؤثر شارٹ ٹائم قرآن ٹیچنگ کورس کا انعقاد کیا۔

اس کورس کا مقصد مدرسۃالمدینہ بالغان میں قرآن پاک پڑھانے، سبق دینے / سننے اور نصاب کے مطابق تدریس کرنے کے حوالے سے شرکا کو آگاہ کرنا تھا۔

کورس کے پہلے دن 24 ستمبر 2025 کو رکنِ شوریٰ مولانا حاجی محمد عقیل عطاری مدنی نے شرکا کو قرآن کی تعلیمات، سنتوں کے مطابق تربیت اور دعاؤں کے سکھانے کے طریقے نہایت تفصیل سے سمجھائے۔

دعوتِ اسلامی کے زیرِ اہتمام دارالسلام شہر، تنزانیہ کے علاقے چنیکا کی جامع مسجد بلال میں 3 دن کا ”شارٹ ٹائم قراٰن ٹیچنگ کورس“ منعقد کیا گیا جس میں ذمہ داران اور مقامی اسلامی بھائیوں نے شرکت کی۔

کورس کے پہلے دن 16 ستمبر 2025ء کو مرکزی مجلسِ شوریٰ کے رکن مولانا حاجی محمد عقیل عطاری مدنی نے مدرسۃالمدینہ بالغان میں قراٰنِ پاک پڑھانے، سبق دینے/ سننے، نصاب کے مطابق تدریس کرنے، طلبہ کی سنتوں کے مطابق تربیت کرنے اور انہیں دعائیں سکھانے کا عملی طریقۂ کار سمجھانے کے حوالے سے تربیت و رہنمائی کی۔

کمپالا شہر، یوگنڈا (Uganda) کے مقامی نگران و ذمہ دار اسلامی بھائیوں کی تربیت کے لئے دعوتِ اسلامی کے شعبے مدنی کورسز کے تحت ”شارٹ ٹائم معلم کورس“ اور شعبہ مدرسۃالمدینہ بالغان کے تحت ”قراٰن ٹیچنگ کورس“ کا انعقاد کیا گیا۔

دورانِ کورسز مرکزی مجلسِ شوریٰ کے رکن مولانا حاجی محمد عقیل عطاری مدنی نے بطورِ معلم / استاذ طلبہ کو پڑھانے، انہیں سکھانے اور اُن کی عمر و عقل کے مطابق نصاب سمجھانے / یاد کروانے/ عملی مشق کروانے کے حوالے سے شرکا کی ذہن سازی کی۔

اس کے علاوہ رکنِ شوریٰ نے تعلیم و تعلّم کا انداز سہل و آسان رکھنے ، طلبہ کو متوجہ رکھنے کے لئے حکایات اور اس سے ملنے والے اسباق کے متعلق نگران و ذمہ دار اسلامی بھائیوں کی تربیت کی۔

رکنِ شوریٰ نے معلم کورس اور قراٰن ٹیچنگ کورس کی اہمیت بیان کرتے ہوئے کہا کہ درس سننے میں صرف ایک نیکی ہے جبکہ درس دینے میں جتنے شرکا نے درس سنا اور اس پر عمل کیا اُن تمام کا ثواب بھی درس دینے والے کو ملے گا ۔

اُن کا مزید کہنا تھا کہ بلاتمثیل قراٰن سکھانے والے اور کورس کروانے والے کو صدقہ جاریہ والے کاموں کی طرح کثیر ثواب ملے گا نیز معاشرے کے افراد کی اصلاح اور علمِ دین کی ترویج کا ثواب بھی ملے گا۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

افریقی ملک یوگنڈا (Uganda) کے شہر کمپالا میں عالمی سطح کی دینی تحریک دعوتِ اسلامی کے تحت ”فرض علوم کورس“ کا انعقاد کیا گیا جس میں مقامی ذمہ دار اسلامی بھائی شریک ہوئے۔

اس کورس میں رکنِ مرکزی مجلسِ شوریٰ مولانا حاجی محمد عقیل عطاری مدنی نے ابتداءً شرکا کو فرض علوم کی پہچان و اہمیت کے بارے میں بتایا اور ذمہ دار اسلامی بھائیوں کو فرض علوم سیکھنے کا ذہن دیا۔

عاشقانِ رسول کی دینی تحریک دعوتِ اسلامی کے تحت یوگنڈا (Uganda) کے شہر کمپالا سے بذریعہ انٹرنیٹ مدنی مشورہ ہوا جس میں نگرانِ مدرسۃالمدینہ بالغان (پاکستان) اور صوبائی ذمہ دار اسلامی بھائیوں نے شرکت کی۔

اس مدنی مشورے میں دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے مدرسۃالمدینہ بالغان کی تعداد بڑھانے، مدرسین و معلمین سمیت دیگر اسلامی بھائیوں کو اخلاقِ کریمہ کورس کروانے اور شعبے کی ترقی و بہتری کے لئے مدارس و طلبہ کا ڈیٹا جلد از جلد سافٹ ویئر میں اپڈیٹ کرنے کی ترغیب دلائی۔

علاوہ ازیں رکنِ شوریٰ مولانا حاجی محمد عقیل عطاری مدنی اور نگرانِ شعبہ قاری غلام عابد عطاری نے صوبائی ذمہ داران کو اپنے نگران اور رکنِ شوریٰ کی مشاورت سے مدرسۃالمدینہ بالغان کے نظام کو مزید بہتر و مضبوط کرنے کا ذہن دیا۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں افریقی ملک یوگنڈا (Uganda) کے شہر کمپالا میں عظیمُ الشان 1500 واں جشنِ میلاد اجتماع کا انعقاد کیا گیا جس میں طلبۂ کرام، اساتذۂ کرام اور شخصیات سمیت دیگر عاشقانِ رسول نے شرکت کی۔

اجتماع کے آغاز میں تلاوتِ قراٰن کی گئی اور نعت خواں اسلامی بھائی نے پیارے آقا صلَّی اللہ علیہ واٰلہٖ وسلَّم کی بارگاہ میں نعت شریف کا نذرانہ پیش کیا جبکہ پاکستان سے آئے ہوئے مرکزی مجلسِ شوریٰ کے رکن مولانا حاجی محمد عقیل عطاری مدنی نے سنتوں بھرا بیان کیا۔

رکنِ شوریٰ نے اپنے بیان کے دوران حاضرین کو سیرتِ مصطفیٰ صلَّی اللہ علیہ واٰلہٖ وسلَّم کے بارے میں بتایا اور حضور صلَّی اللہ علیہ واٰلہٖ وسلَّم کی تعلیمات کے مطابق زندگی گزارنے کا ذہن دیا۔آخر میں ذکر و دعا کا سلسلہ بھی ہوا۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

پچھلے دنوں دعوت اسلامی کے شعبہ ایجوکیشن ڈیپارٹمنٹ کے وفد نے کوالالمپور (Kuala Lumpur) یونیورسٹی آف ٹیکنالوجی ملائیشیا کے وائس چانسلر ڈاکٹر محمد شافری سے ملاقات کی۔

ملاقات میں طلبہ کی کردار سازی، اساتذہ کی رہنمائی اور مستقبل میں مذہبی و تعلیمی منصوبوں پر تبادلۂ خیال کیا گیا۔ اس کے علاوہ تعلیمی میدان میں دعوت اسلامی کی خدمات پر بھی گفتگو ہوئی۔

عالمی سطح کی دینی تحریک دعوتِ اسلامی کے دینی کاموں کے سلسلے میں مرکزی مجلسِ شوریٰ کے رکن مولانا حاجی محمد عقیل عطاری مدنی فیصل آباد انٹرنیشنل ایئرپورٹ سے بیرونِ ملک ایسٹ افریقہ  کے سفر پر روانہ ہو چکے ہیں۔

معلومات کے مطابق رکنِ شوریٰ کا یہ سفر 2 ستمبر تا 3 اکتوبر 2025ء تک جاری رہے گا جس دوران یوگنڈا، کینیا اور تنزانیہ کے مختلف دینی کاموں میں شرکت کرنا (مثلاً مدنی کورسز، معلم کورس اور امام صاحبان سمیت ذمہ داران سے ملاقات کرنا) رکنِ شوریٰ کے شیڈول میں شامل ہے نیز دیگر تنظیمی ایکٹیویٹیز بھی سرانجام دیں گے۔(رپورٹ: مولانا عابد عطاری مدنی معاون رکنِ شوریٰ مولانا حاجی محمد عقیل عطاری مدنی ، کانٹینٹ:غیاث الدین عطاری)