پاکستان کی تحصیل پنڈی گھیب ضلع اٹک میں قائم  دعوتِ اسلامی کے مدنی مرکز فیضانِ مدینہ میں شعبہ حج و عمرہ کے تحت حج و عمرہ کی تربیتی نشست کا انعقاد کیا گیا جس میں کثیر اسلامی بھائیوں نے شرکت کی۔

مبلغِ دعوتِ اسلامی نے دورانِ نشست اسلامی بھائیوں کو احرام باندھنے کا طریقہ بتاتے ہوئے عمرہ کے بارے میں چند ضروری باتیں بیان کیا اور مکہ و مدینہ کی حاضری کے حوالے سے تربیت کی۔واضح رہے یہ تربیتی نشست پنڈی گھیب کے مدنی مرکز فیضانِ مدینہ میں ہر اتوار بعد نمازِ مغرب تا اذانِ عشا تک جاری رہتی ہے۔(رپورٹ:مبشر حسن عطاری شعبہ حج و عمرہ ڈسٹرکٹ اٹک، کانٹینٹ:غیاث الدین عطاری)

16 جولائی 2022 ء کو دعوت اسلامی کے شعبے مجلس حج وعمرہ کے تحت میرج ہال ، واہ کینٹ ڈسٹرکٹ اٹک میں یادِ مدینہ اجتماع کا سلسلہ ہوا جس میں ڈسٹرکٹ نگران ، تحصیل نگران و دیگر ذمہ داران سمیت حج سے واپس آنے والی شخصیات  نے شرکت کی ۔

اس اجتماع پاک کا آغاز کلام رحمٰن اور نعت رسول مقبول ﷺ سے کیا گیا اور مبلغ دعوت اسلامی نے سنتوں بھرا بیان کیا نیز اجتماع کے اختتام پر حج سے واپس آنے والی شخصیات نے شرکاء کو دعوت اسلامی کی دینی کاموں کے بارے میں بتایا اور ان کے کاموں کو خوب سراہا اور مجلس حج وعمرہ کی اچھی کارکردگی پر ذمہ داران کا شکریہ ادا کیا۔( رپورٹ: مبشر حسن عطاری ، مجلس حج و عمرہ ڈسٹرکٹ اٹک ، کانٹینٹ: محمد مصطفی انیس )

26 جون 2022ء  بروز اتوار کمیٹی چوک راولپنڈی کے ایک مقامی ہوٹل میں حج تربیتی پروگرام منعقد ہوا جس میں دعوت اسلامی کی مجلس حج و عمرہ ڈسٹرکٹ اٹک ذمہ دار نے عازمین حج کی تربیت کی جس میں شرکا کو احرام باندھنے کا عملی طریقہ سکھایا گیا۔

اس کے علاوہ تربیتی پروگرام میں عمرے کا طریقہ اور مناسک حج سکھائے گئے نیز مدینہ منورہ کی حاضری کے آداب بیان کئے گئے اور عازمین حج کو دعوت اسلامی کی حج و عمرہ ایپ بھی انسٹال کروائی گئی ۔ بعدازاں امیر اہل سنّت کی تصنیف رفیق الحرمین بھی تحفے میں پیش کی گئی۔

٭دوسری جانب اسسٹنٹ پرائیویٹ سیکرٹری منسٹری آف ریلیجیس افیئر ڈائریکٹریٹ آف حج حاجی کیمپ اسلام آباد محمد نواز ناگرہ جو کہ حج کے سفر پر روانہ ہو چکے ہیں روانگی سے قبل ان کو دعوت اسلامی کی مجلس حج و عمرہ کے ذمہ دار نے احرام باندھنے کا عملی طریقہ بتایا اور ان کو دعوت اسلامی کی حج و عمرہ ایپ بھی انسٹال کروائی ۔ (رپورٹ: مبشر حسین، کانٹینٹ:رمضان رضا عطاری)

21 جون 2022 ء کو مجلس حج و عمرہ ڈویژن ذمہ دار انجینئر عبدالوحید عطاری نے حاجی کیمپ اسلام آباد میں افسران سے ملاقات کی اور حج وعمرہ کے حوالے سے گفتگو کی ۔

ڈویژن ذمہ دار نے اکاؤنٹ آفیسر اسد اور سابقہ اسسٹنٹ سیکریٹری وزیراعظم ہاؤس قاضی منیر کو دعوت اسلامی کا تعارف کروایا اور احرام باندھنے کا عملی طریقہ ، عمرے کا طریقہ اور مناسکِ حج و اسکی ادئیگی کے بارے میں بتایاجس پر انہوں نے دعوت اسلامی کی خدمت کو خوب سراہا اور اچھے تأثرات دیئے۔(رپورٹ: مبشر حسن عطاری مجلس حج و عمرہ ڈسٹرکٹ اٹک ، کانٹینٹ: محمد مصطفی انیس ) 

دعوتِ اسلامی کے تحت پچھلے دنوں شعبہ حج و عمرہ کے نگران قاری شوکت عطاری نے دیگر ذمہ دار اسلامی بھائیوں کے ہمراہ پاکستان کے شہر فیصل آباد میں قائم حاجی کیمپ کا وزٹ کیا اور وہاں موجود وزارتِ مذہبی امور کے افسران وڈائریکٹر حج (لاہور وفیصل آباد) کی خیر خواہی کی۔

الحمد للہ عزوجل اب تک دعوتِ اسلامی کے تحت حج پر جانے والے کم و بیش 800 اسلامی بھائیوں و اسلامی بہنوں کے درمیان امیرِ اہلِ سنت دَامَتْ بَرَکَاتُہُمُ الْعَالِیَہ کی تصنیف ”رفیق الحرمین“ تقسیم کی گئی ہے جبکہ تمام حجاجِ کرام کے لئے میٹھے پانی اور خیر خواہی کا سلسلہ روزانہ کی بنیاد پر جاری ہے۔بعدازاں نگرانِ شعبہ نے حاجیوں کی خدمت کرنے کے حوالے سے تربیت و رہنمائی کی۔ (رپورٹ:ساجد سلیم مدنی معاون رکنِ شوریٰ حاجی جنید عطاری مدنی ،کانٹینٹ:غیاث الدین عطاری)

کسی بھی عمل کو شروع کرنے سے پہلے اس کے بارے میں آگاہی حاصل کرنا دین اسلام کا لازمی حصہ  ہے تاکہ علم و عمل دونوں میں مطابقت ہو جائے اور اس عمل میں مٹھاس پیدا ہو ۔اسی ضمن میں دعوت اسلامی کے شعبہ حج و عمرہ کے زیر اہتمام 9 ،11 ، 14 ، 15 ،16 جون 2022 ء کو حاجی کیمپ اسلام آباد میں حج تربیتی پروگرام کا اہتمام کیا گیا۔

اس تربیتی پروگرام میں عازمین حج کو حج وعمرہ کے بنیادی مسائل کے ساتھ ساتھ احرام باندھنے کا عملی طریقہ ، مناسک حج اور مدینے پاک کی حاضری کے آداب بتائے ، نیزعازمین حج کو حج و عمرہ کے بنیادی و اہم مسائل پر امیر اہل سنت دامت بَرَکَاتُہمُ العالیہ کی طرف سے لکھی جانے والی مشہور و معروف کتاب ”رفیق الحرمین “تحائف میں پیش کئے ۔

اس کے علاوہ دعوت اسلامی کی دیجیٹل سروسز ”حج و عمرہ ایپ “کے بارے میں بتایا کہ یہ ایپ حج و عمرہ کی ادائیگی میں کس طرح معاون و مددگار ہے اور اسے انسٹال کرنے کا طریقہ بھی بتایا۔(رپورٹ: مبشر حسن عطاری ، مجلس حج وعمرہ ڈسٹرکٹ اٹک ، کانٹینٹ: محمد مصطفی انیس ) 

10 جون 2022ء  کو دعوت اسلامی کے زیر انتظام حاجی کیمپ اسلام آباد میں لگائے گئے۔ کیمپ میں حج تربیتی پروگرام کا انعقاد ہوا جس میں مبلغ دعوت اسلامی نے عازمین حج کو احرام باندھنے کا عملی طریقہ، مناسک حج اور مدینے پاک کی حاضری کے آداب بتائے۔ آخر میں انہیں رفیق الحرمین کتابیں پیش کی اور دعوت اسلامی کی ایپ حج و عمرہ انسٹال کروائی۔

گزشتہ روز دعوت اسلامی کے زیر اہتمام حاجی کیمپ اسلام آباد میں  جاری حج تربیتی پروگرام میں عازمین حج کو احرام و حج کے مسائل سکھائے گئے۔

مبلغ دعوت اسلامی نے عازمین حج کو احرام باندھنے کا عملی طریقہ ، مناسک حج اور مدینے پاک کی حاضری کے آداب بتائے اور انہیں مکتبۃ المدینہ کی کتاب ”رفیق الحرمین “تحفے میں پیش کیااور مناسک حج آسانی سے ادا کرنے کے لئے دعوت اسلامی کی ایپ ”حج و عمرہ “بھی انسٹال کروایا اور اسے استعمال کرنے کا طریقہ بھی بتایا۔(ر پورٹ: مبشر حسن عطاری ،مجلس حج وعمرہ ڈسٹرکٹ ، کانٹینٹ: محمد مصطفی انیس ) 

دعوت اسلامی کے  شعبہ حج و عمرہ کے زیر اہتمام حاجی کیمپ اسلام آباد میں حج تربیتی اجتماع منعقد ہوا جس میں سندھ کے 2 حجاج، بلوچستان کے 17 اسکیل کے ٹیچر اور دیگر عاشقان رسول نے شرکت کی ۔

شعبہ حج و عمرہ کے ذمہ دار اسلامی بھائی نے عازمین حج کو عمرہ و حج کا طریقہ بتایا اور احرام باندھنے کا طریقہ سکھایا۔آخر میں کتاب ”رفیق الحرمین“ تقسیم کی اور حج و عمرہ ایپ انسٹال کروائی۔

گزشتہ دنوں دعوت اسلامی کے زیر اہتما م شروع کی جانے والی 8 روزہ تربیتی کورس کی اختتامی نشست کا اہتمام مدنی مرکز فیضان مدینہ فتح جنگ میں کیا گیا جس میں عازمین حج کے علاوہ علما اور شہر کے دیگر شخصیات نے شرکت کی ۔

فیضان مدینہ میں ہونے والی نشست میں پچھلے سات دن کی دہرائی کی گئی مزید ڈسٹرکٹ اور ڈویژ ن ذمہ داران نے مناسک حج اور مدینے کی حاضری کے آداب بیان کئے ساتھ ہی مکتبۃ المدینہ کی مطبوعہ رفیق الحرمین تحفے میں دی گئی ۔ نشست کے اختتام پر شخصیات نے اپنے تأثرات بھی دیئے۔۔(رپورٹ : مبشر حسن عطاری ، مجلس حج وعمرہ ڈسٹرکت اٹک ،کانٹینٹ:محمد مصطفی انیس انصاری ) 

گزشتہ دنوں دعوت اسلامی کے زیر اہتما م تلہ گنگ کے مدنی مرکز فیضان مدینہ میں حج تربیت اجتماع کا اہتمام کیا گیا جس میں حج کے اہم مسائل سکھائے گئے۔

ذمہ دار اسلامی بھائی نے مناسک حج اور مدینے پاک کی حاضری کے آداب کے بارے میں بتایا اور اس سال حکومت کی جانب سے حج کے لئے لازم قرار دی جانے والی ایپس”اعتمرنا“اور ”توکلنا“کا استعمال کرنے کا طریقہ بتایا ساتھ ساتھ حاضرین کو مکتبۃ المدینہ کی مطبوعہ ”رفیق الحرمین “تحفے میں دی گئی۔ ۔(رپورٹ : مبشر حسن عطاری ، مجلس حج وعمرہ ڈسٹرکت اٹک ،کانٹینٹ:محمد مصطفی انیس انصاری ) 

گزشتہ دنوں دعوت اسلامی کے زیر اہتما م پنڈی گھیب کے ایک مقامی ہال (marquee) میں بعد نماز ظہر حج تربیتی پروگرام کا اہتمام کیا گیا جس میں حج کے اہم مسائل کے بارے میں گفتگو کی۔

ذمہ دار اسلامی بھائی نے مناسک حج اور مدینے پاک کی حاضری کے آداب کے بارے میں بتایا اور اس سال حکومت کی جانب سے حج کے لئے لازم قرار دی جانے والی ایپس Apps”اعتمرنا“اور ”توکلنا“کا استعمال کرنے کا طریقہ بتایا ساتھ ساتھ حاضرین کو مکتبۃ المدینہ کی مطبوعہ ”رفیق الحرمین “تحفے میں دی گئی۔ ۔(رپورٹ : مبشر حسن عطاری ، مجلس حج وعمرہ ڈسٹرکت اٹک ،کانٹینٹ:محمد مصطفی انیس انصاری )