پچھلے دنوں دعوت اسلامی کی مجلس مدنی کورسز کے زیر اہتمام سندس فاؤنڈیشن فیصل آباد کے آفس میں مدنی حلقہ ہوا جس  میں ڈاکٹر اور دیگر اسٹاف نے شرکت کی۔ ریجن ذمہ دار فیصل آباد مدنی کورسزمحمد سعید عطاری نے درود پاک کے فضائل بیان کئے اور دعوت اسلامی کی خدمات کا تعارف پیش کیا۔ ریجن ذمہ دار نے انہیں آن لائن مدنی کورسز کرنے کی ترغیب دلائی۔(رپورٹ: محمد احمد سیالوی عطاری، رکن مجلس مدنی کورسز)

دعوت اسلامی کی مجلس  مدنی کورسز کے تحت 12 جون 2020ء بروز جمعۃ المبارک فیصل آباد ریجن کے اراکین زون کا زوم لنک کے ذریعے مدنی مشورہ ہوا جس میں فیصل آباد ریجن کے اراکین زون نے شرکت کی۔ مبلغ دعوت اسلامی نگران مجلس مدنی کورسز نے اراکین زون کواپنی صحت کی حفاظت کے متعلق احتیاطیں بتائیں نیز بارہ مدنی کاموں کو مضبوط کرنے، مدنی عطیات جمع کرنے اور ماہانہ فی زون ستر ہزار روپے مالیات کو جمع کروانے کا ہدف دیتے ہوئے اہم نکات پیش کیئے۔

دعوتِ اسلامی کی مجلس مدنی کورسز کے تحت ملک و بیرونِ ملک میں اسلامی بھائیوں کیلئے مختلف مدنی کورسز  کا سلسلہ رہتا ہے۔موجودہ ملکی حالات میں لاک ڈاؤن کی وجہ سے آن لائن مدنی کورسز کاسلسلہ شروع کیا گیا جس میں 7 دن فیضانِ نماز کورس،7دن اصلاحِ اعمال کورس اور 7 دن 12 مدنی کام کورس آن لائن (بذریعہ فون کال/واٹس ایپ/زوم) جاری ہیں ۔ اب تک پاکستان بھر میں 1746 مدنی کورسز ہوئے جن میں 5519 عاشقانِ رسول نے شرکت کی سعادت حاصل کی۔

(3 جون 2020)تک136 فیضانِ نماز کورسز ہوئے جس میں پڑھنے والوں کی تعداد168رہی ،39اصلاحِ اعمال کورس ہوئے جس میں شرکاکی تعداد51 رہی اور 33بارہ مدنی کام کورس ہوئے جس میں میں شرکاءکی تعداد51رہی ۔ کل 208 آن لائن مدنی کورسز جاری ہیں جس میں270 اسلامی بھائی شریک ہیں۔

جبکہ 1228 فیضانِ نماز کورس مکمل ہوچکے ہیں جس میں شرکاکی تعداد3763 رہی اور174اصلاحِ اعمال کورس مکمل ہوئے جس میں شرکا کی تعداد 726رہی اور 133بارہ مدنی کام کورس مکمل ہوئے جس میں شرکاکی تعداد 562 رہی اور 3دیگر مدنی کورسزہوئے جن میں شرکا کی تعداد 198رہی ۔ کُل 1538مدنی کورسزہوچکے جن میں5249 عاشقانِ رسول زیورِ عِلم سے آراستہ ہوئے

آپ بھی گھر بیٹھے عِلم دین کی دولت حاصل کرنے کیلئے مجلس مدنی کورسز کے آفیشل نمبر 00923111021226 پر کال/واٹس ایپ کیجئے یاای میل پر رابطہ کیجئے۔

آفس فون نمبر :

03111021226

واٹس ایپ لِنک:

https://wa.me/923111021226

ای میل :

coursespak@dawateislami.net

نوٹ : داخلے کا وقت صبح 10 تا رات 10 ہے (علاوہ اوقاتِ نماز)

عبداللہ گوٹھ کراچی کی جامع مسجدعثمانِ غنی میں12مدنی کام کورس کا اختتام

مدنی قاعدہ و ناظرہ کورس کرنے والے عاشقانِ رسول کی شرکت

تفصیل:

دعوت اسلامی کی مجلس کورسز کے تحت کراچی کے علاقے عبداللہ گوٹھ کی جامع مسجدعثمانِ غنی میں 7دن کا 12مدنی کام کورس جاری تھا جس کا اختتام 7جنوری2020ء کو ہوا ۔جن میں مدنی قاعدہ اور ناظرہ کورس کرنے والے عاشقانِ رسول نے شرکت کی۔دورانِ کورس اسلامی بھائیوں میں ذمّہ داریاں تقسیم کی گئی ۔شرکا نے چوک درس دیا جس میں کم وبیش 3692 اسلامی بھائیوں کو نیکی کی دعوت پیش کی گئی ۔کورس میں شریک اسلامی بھائیوں نے بارگاہِ رسالت مآب صلَّی اللہ علیہ واٰلہٖ وسلَّم میں 176772بار درود شریف کا نذرانہ پیش کیا۔کورس کے اختتام پر مدنی حلقے کا سلسلہ ہوا جس میں ریجن ذمہ دار، زون ذمہ دار اور رکن کابینہ مجلس کورسز نے شرکت کی۔ریجن ذمّہ دار مجلس کورسز نے سنّتوں بھرا بیان کیااور شرکا کو 25جنوری2020ء کو اسی مسجد میں ہونے والے فیضانِ نماز کورس میں شرکت کرنے کی دعوت دی۔(رپورٹ:محمداحمدسیالوی عطاری، رکن مجلس کورسز)

دعوتِ اسلامی کی مجلس  کورسز کے تحت 20دسمبر2019ءمدنی مرکز فیضان مدینہ جھنگ میں12 دن کے معلم کورس کا انعقاد کیا گیا جس میں کثیر اسلامی بھائیوں نے شرکت کی۔ دورانِ کورس اسلامی بھائیوں کی تربیت کی گئی اور مختلف سیکھنے سکھانے کے حلقے لگائے گئے جن کی مجموعی کارکردگی درجِ ذیل ہے۔

٭ تمام اسلامی بھائی تہجد میں بیدار ہوتے اور تحیۃالوضو،تحیۃالمسجداور تہجد ادا کرتے تھے۔

٭بعد تہجد مناجات ودعا کا سلسلہ ہوتا رہا۔

٭6مساجد کے اطراف میں روزانہ صدائے مدینہ لگائی جاتی رہی۔

٭6 مساجد میں روزانہ بعد فجر مدنی حلقے لگائے جاتے رہے۔

٭صدائے مدینہ اور بعد فجر مدنی حلقہ لگانے کے لئے علاقے کے اسلامی بھائیوں کو تیار کیا نام نمبر وغیرہ متعلقہ ذمہ دار کو پیش کئے۔

٭مختلف اوقات میں چوک درس کا سلسلہ رہا جن کی ٹوٹل تعداد: 287 شرکا:1336

٭مختلف اوقات و مقامات پر ہفتہ وار اجتماع کی دعوت کا سلسلہ ہوا ٹوٹل تعداد:1389

نوٹ :-مقامات میں بازار،مشہور چوکز،سکول، کالج، یونیورسٹی اوراکیڈمی شامل ہیں جہاں سے گاڑیوں میں ہفتہ وار اجتماع کی نیتیں ہوئیں۔

٭شرکا کورس نے کتب و رسائل فروخت کئے11973 روپے

٭جمعۃالمبارک میں مختلف مساجد میں نماز کا عملی طریقہ سکھایا گیا۔ مساجد5 تعداد شرکا 306

دوسرا جمعہ: مساجد7 تعداد شرکا165

٭شرکا کورس کی انفرادی کوشش کی برکت سے ہاتھوں ہاتھ32 اسلامی بھائیوں پر مشتمل فیضان نماز کورس کا درجہ شروع ہوا۔

یاد رہے! اس کے لئے 1077 اسلامی بھائیوں پر انفرادی کوشش کی گئی

٭مسجد درس ہوئے تعداد. 48

٭تمام نمازوں کی سنتیں قبلیہ اور نوافل بعدیہ اور تمام نمازیں پہلی صف میں ادا کرنے کا سلسلہ رہا۔

٭تمام شرکاء کورس روزانہ 1000 درود پاک اور آدھا پارہ تلاوت کرنے کا بھی سلسلہ رہا۔

٭تمام شرکاء کورس کی دوران کورس ادائے امیر اہلسنت کو اپنانے کی بھی کوشش رہی-

٭اسکے علاوہ بھی مدنی کاموں کی بہت ساری نیتیں کی گئی۔ (رپورٹ: محمداحمدسیالوی عطاری مدنی، معاون نگرانِ مجلس کورسز)

دعوتِ اسلامی کی مجلس مدنی کورسز کے تحت معلم کورس کروایا جاتا ہے جس میں فیضانِ نماز کورس،اصلاحِ اعمال کورس ،12 مدنی کام کورس اور مدنی تربیتی کورس کروانے کے خواہش مند اسلامی بھائیوں کی تربیت کی جاتی ہے اسی سلسلے میں 11 دسمبر بروز بدھ2019 ء کوفیضانِ مدینہ جھنگ میں معلم کورس کے اسلامی بھائیوں کو فیضانِ نماز کورس کا جدول سکھایا گیا۔(محمداحمدسیالوی عطاری مدنی،معاون نگرانِ مجلس کورسز)

دعوتِ اسلامی کی مجلس کورسز کے تحت یکم دسمبر بروز اتوار2019 ء کو بلوچستان کے شہر وندر ضلع لسبیلہ،زون گوادر کے جامعۃالمدینہ وندر میں پانچ دن کا ”12مدنی کام کورس“ کی اختتامی نشست ہوئی جس میں سیلانی ویلفیئر ٹرسٹ کے ورکرز اور دیگر اسلامی بھائیوں نے شرکت کی سعادت حاصل کی۔اختتامی نشست میں معلم اسلامی بھائی نے کورس میں شامل ہونے والے  اسلامی بھائیوں کے لئے امتحان کا اہتمام کیااور ان میں تقسیمِ تحائف کا سلسلہ بھی ہوا اور مدنی کام کرنے کے حوالے سے اچھی اچھی نیتیں بھی کروائی گئیں۔

مجلس کورسز کے تحت  18ستمبر 2019ء بروز بدھ مدنی مرکز فیضان مدینہ قائد آباد سرگودھا زون کے اطراف میں مدنی دورے کا سلسلہ ہوا جس میں رکن زون کورس، فیضان مدینہ کے امام صاحب اور رکن کابینہ و دیگر اسلامی بھائیوں نے شرکت کی۔ بعد مغرب سنتوں بھرے بیان کا سلسلہ بھی ہوا۔ (رپورٹ:محمداحمدسیالوی عطاری مدنی، معاون نگرانِ مجلس کورسز)

دعوتِ اسلامی کی مجلس کورسز کے تحت8 ستمبر 2019ء کو مدنی مرکز فیضانِ مدینہ حجرہ شاہ مقیم سے  کثیر عاشقانِ صحابہ و اہلِ بیت نے قافلوں میں سفر کیا جس میں اے ای او، ٹیچرز، زمیندار، اور مختلف شخصیات سمیت دیگر عاشقانِ رسول بھی شامل تھے۔دورانِ قافلہ عاشقانِ رسول کے درمیان حلقے لگائے گئے جن میں مبلغِ دعوتِ اسلامی نے شرکا کو وضوکا طریقہ،غسل کا طریقہ،نماز کے اذکار اور نماز کے عملی طریقے کے بارے میں آگاہی فراہم کی اور شرکائے قافلہ کی تربیت کی ۔

دعوتِ اسلامی کی مجلس کورسز کے تحت یکم ستمبر 2019ء  فیضانِ حسین مسجد نواب شاہ میں فیضانِ نمازکورس کا انعقاد کیا گیا جس میں مقامی اسلامی بھائیوں سمیت دیگر عاشقانِ رسول نے شرکت کی۔معلمِ کورس نے شرکا کو وضوکا طریقہ،غسل کا طریقہ،نماز کے اذکار اور نماز کے عملی طریقے کے بارے میں آگاہی فراہم کی اور دعوتِ اسلامی کے 12 مدنی کاموں کا تعارف پیش کرتے ہوئے دعوتِ اسلامی کے مدنی کاموں میں حصہ لینے کی ترغیب دلائی۔ 

دعوتِ اسلامی کی مجلس مدنی کورسز کے تحت کمپنی باغ مری میں اصلاح ِ اعمال کورس  اور فیضانِ نماز کورس کا سلسلہ جاری ہے جس میں کثیر اسلامی بھائی شرکت کررہے ہیں ۔رکنِ شوریٰ محمد اطہر عطاری نے شرکائے مدنی کورس کی مدنی تربیت اور انہیں مدنی پھول دئیے۔

دعوتِ اسلامی کی مجلس مدنی کورسز کے تحت عالمی مدنی مرکز فیضانِ مدینہ  کراچی میں حجازی زون بلوچستان کے عاشقانِ رسول کے لئے19 جولائی 2019ء سے”فیضانِ نمازکورس“ کا آغاز ہورہا ہے ۔اس مدنی کورس میں وضو کے مسائل،غسل کے مسائل ،نماز کے درست مسائل اور نماز کا عملی طریقہ سکھایا جائے گا ۔ حجازی زون بلوچستان کے عاشقانِ رسول سے اس مدنی کورس میں شرکت کی التماس ہے۔

اسی طرح مجلس مدنی کورسز کے تحت عالمی مدنی مرکز فیضانِ مدینہ کراچی میں2019ء سے 63 دن کا ”مدنی تربیتی کورس “ کا آغاز ہورہاجس میں نماز کا عملی طریقہ ، نماز کے اذکار،مدنی قاعدہ ،سنتیں و آداب اور اس کے علاوہ بہت کچھ سکھا یا جائے گا۔تمام عاشقانِ رسول سے اس مدنی کورس میں بھی شرکت کی درخواست ہے۔