اسلامی بہنوں کی مجلس شارٹ کورسز کےزیر ِ اہتمام6جولائی2020ء سے بریڈ فورڈ ریجن میں اسلامی بہنوں کے لئے”طہارت کورس“ شروع ہونے جارہا ہے ۔ اس کورس کی مدت پانچ دن جبکہ دورانیہ ایک گھنٹہ12 منٹس ہوگا۔

اس آن لائن شارٹ کورس میں ایڈمیشن کے لئے اس میل آئی ڈی پر رابطہ کرسکتے ہیں۔

اسلامی بہنوں کی مجلس شارٹ کورسز کے زیرِ اہتمام پچھلے دنوں بریڈ فورڈ ریجن  میں ذمہ دار اسلامی بہنوں کا اجلاس ہوا جس میں کابینہ ذمہ دار اسلامی بہنوں نے شرکت کی۔ ریجن نگران اسلامی بہن نےطہارت کورس کے حوالے سے نکات پیش کئے نیز اپنے اپنے ڈویژنز میں ہر ہر علاقے میں انگلش اور اردو میں کورس کروانے کا بھر پور ذہن دیا۔

دعوتِ اسلامی کے زیرِ اہتمام یکم جولائی 2020ء  کو لندن ریجن ویسٹ لندن کابینہ کے علاقے (ٹوٹنگ ،سڈبری) ، اسکاٹ لینڈ ریجن( گلاسگو ) برمنگھم ریجن ایسٹ مڈلینڈز کابینہ کی ڈویژن (سینٹ آئیوس ، برٹن ، لیسٹر ، نوٹنگھم ، پیٹربورو ،ایسٹ برمنگھم ، کوونٹری) میں آن لائن سنتوں بھرے اجتماعات کا انعقاد کیا گیا جن میں 316 اسلامی بہنوں نے شرکت کی۔ مبلغاتِ دعوت اسلامی نے”ناچاقیوں کے اسباب و علاج“ کے موضوع پر بیانات کئے اور اجتماعات میں شریک اسلامی بہنوں کو چغلی ،غیبت ، گالی گلوچ اور جھوٹ کی تباہ کاریوں کے متعلق بتایانیز سچ بولنے اور صلح کرنے کے فضائل بیان کرتے ہوئے نیکیوں بھری زندگی گزارنے اور ہفتہ وار اجتماع میں باقاعدگی سے شرکت کرنے کی ترغیب دلائی ۔

اسلامی بہنوں کی مجلس کفن دفن کے زیرِ اہتمام29جون2020ء کو یوکے بریڈ فورڈ ریجن کے ویسٹ یارکشائر میں بذریعہ انٹر نیٹ غسل میت کی تربیت لینے والی اسلامی بہنوں میں سے   2اسلامی بہنوں نے ٹیسٹ میں کامیابی حاصل کی۔ ان کا تعلق West Yorkshireویسٹ یارکشائر کابینہ کے شہر بریڈ فورڈ ہے۔ کامیاب ہونے والی اسلامی بہنوں نےنیت کی کہ وہ اللہ کی رضا کے لئے فی سبیل للہ میتوں کو غسل دیں گی۔

اسلامی بہنوں کی مجلس آن لائن شارٹ کورسز کے تحت 24جون 2020ء کو ڈنمارک میں 7دن پر مشتمل کورس ”فیضان ایمانیات “ جاری ہے جس میں شرکا کی تعداد 15 ہے۔ کورس میں شریک اسلامی بہنوں کو عقائد اور پیارے آقا صلَّی اللہ علیہ واٰلہٖ وسلَّم کی سیرت کے واقعات، صحابہ کرام رضوان اللہ علیہم اَجْمعین کے عشق رسول صلی اللہ علیہ والہ وسلم پر مبنی واقعات اور شرعی اصطلاحات سمیت نیک بننے کے طریقے پرعمل کرنے کی اہمیت و فضائل بیان کئے جارہے ہیں۔

اسلامی بہنوں کی مجلس آن لائن شارٹ کورسز کے تحت 26جون 2020ء کو اٹلی  میں 12دن پر مشتمل کورس ”اپنی نماز درست کیجئے“ جاری ہے جس میں شرکا کی تعداد 11 ہے۔ کورس میں شریک اسلامی بہنوں کو نماز کے اہم شرعی مسائل، نماز کے اوقات کا بیان، نماز کاعملی طریقہ، قضا ء نما ز وں کا طریقہ اور مسا فر کی نماز کے احکام ساتھ ساتھ دارالافتاء اہل سنت کی طرف سے عطاکردہ نماز کے مسائل پر مشتمل مختلف معلوماتی مدنی گلدستے سیکھائے جارہے ہیں۔

دعوتِ اسلامی کے زیر اہتمام 29 اور 30 جون 2020 ء کو یو کے کے مانچسٹر ریجن کی گریٹر مانچسٹر کابینہ مختلف مقامات  پر بذریعہ اسکائپ مدنی حلقوں کا انعقاد کیا گیا جن میں 41 بہنوں نے شرکت کی۔ فقہ، شجرہ شریف، اعلانات، مدنی انعامات کے ساتھ تلاوت قراٰن کی فضیلت کے موضوع اور خبر گیری کے موضوع پر بیان ہوا۔ نیکی کی دعوت عام کرنےاوردعوت اسلامی کے مدنی کاموں میں بڑھ چڑھ کر حصہ لینے کے متعلق نکات فراہم کئے جبکہ دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی گئی۔

نیکی کی دعوت کو عام کرنے کے جذبے کے تحت جہاں  ملک و بیرونِ ملک اسلامی بھائیوں کے ہفتہ وار اجتماعات کا انعقاد کیا جا تا ہے وہیں اسلامی بہنوں کے لئے بھی ہفتہ وارسنتوں بھرے اجتماعات منعقد کئے جاتے ہیں۔

اسلامی بہنوں کی مجلس مکتبۃ المدینہ للبنات کے زیرِ اہتمام30 جون 2020ء  کولندن ریجن مکتبۃ المدینہ ذمہ داراسلامی بہن کا لندن کابینہ نگران اسلامی بہنوں کے ہمراہ اجلاس ہوا جس میں ریجن مشاورت مکتبۃ المدینہ کی ذمہ دار اسلامی بہن نے انہیں لندن میں مکتبۃ المدینہ کے کاموں کو بڑھانے کا ذہن دیا ، نگران اسلامی بہن نے اسلامی بہنوں کو اہداف دئیے کہ زیادہ سے زیادہ منسلک اسلامی بہنوں کو مکتبۃ المدینہ کے رسائل اور بکس تقسیم کرنے کی ترغیب دلائی جائے۔

 اسلامی بہنوں کی مجلس شارٹ کورسز کے زیرِ اہتمام 27 جون سے 29 جون 2020 تک گریٹر مانچسٹر کابینہ کے علاقے لانگسائٹ میں بذریعہ اسکائپ کفن دفن کورس کا انعقاد کیا گیا جس میں 35 اسلامی بہنوں نے شرکت کی۔ کابینہ کفن دفن ذمہ دار اسلامی بہن نے سنتوں بھرا بیان کیا اور کورس میں شریک اسلامی بہنوں کو غسل میت کے طریقے کے بارے میں بریفنگ دیتےہوئے کفن دفن کے بارے میں معلومات فراہم کی ۔اس موقع پر8 اسلامی بہنوں نے ٹیسٹ دینے کی نیت بھی کی۔

اسلامی بہنوں کی مجلس شارٹ کورسز کے زیرِ اہتمام گزشتہ دنوں  برمنگھم ریجن كی نارتھ ویسٹ ڈویژن میں بذریعہ اسکائپ ”فیضان ایمانیات کورس“ مکمل ہوا۔ مبلغۂ دعوتِ اسلامی نے سنتوں بھرا بیان کیا اور کورس میں شریک اسلامی بہنوں کو کی مختلف امور پر تربیت کی نیز انہیں دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کرنے کی ترغیب دلائی۔

والدین کے ساتھ سوشل میڈیا ورکشاپ کی کامیابی کےبعد اب یوکے  بریڈ فورڈ ریجن میں ایک بار پھر اسلامی بہنوں کی مجلس شارٹ کورسز کے زیرِ اہتمام 4 جولائی2020ء کو 11 سے 19 سال کی بہنوں کے لئےانگلش میں”سوشل میڈیا ورکشاپ “ شروع کیا جائے گا،اس کا دورانیہ دو گھنٹے ہے۔

اس آن لائن شارٹ کورس میں ایڈمیشن کے لئے اس میل آئی ڈی پر رابطہ کرسکتے ہیں۔

sisterscourses@gmail.com