دعوتِ اسلامی کے زیرِ اہتمام جمعرات کی شب دنیا بھر میں مختلف مقامات پر ہفتہ وار اجتماعات منعقد کئے جاتے ہیں جن میں مبلغینِ دعوتِ اسلامی سنتوں بھرے بیانات فرماتے ہیں جبکہ اجتماعی ذکرو دعا کا سلسلہ بھی ہوتا ہے۔ بیشتر مقامات پر اجتماع کے بعد  فی سبیل اللہ یعنی بغیر کسی فیس کے تعویذات بھی دیئے جاتے ہیں۔

اسی سلسلے میں آج فیضانِ مدینہ اوکاڑہ نزد چونگی نمبر 7 میں ہفتہ وار اجتماع منعقد ہوگا جو کہ مدنی چینل پر براہِ راست نشر کیاجائے گا۔ اس ہفتہ وار اجتماع میں دعوتِ اسلامی کی مرکزی مجلسِ شوریٰ کے رکن مولانا حاجی اسد عطاری مدنی ”ذکرِ مدینہ“ کےعنوان پر خصوصی بیان فرمائیں گے۔ اجتماع کا آغاز بعدِ عشاء تقریباً 9:45 پر ہوگا۔

اس کے علاوہ جامع مسجد فیضانِ جیلان بلاک 8 کلفٹن میں بعدِ مغرب ہونے والے اجتماع میں ترجمان دعوتِ اسلامی مولانا حاجی عبدالحبیب عطاری ، فیضانِ مدینہ اڈیالہ روڈ جراہی اسٹاپ راولپنڈی میں بعدِ مغرب ہونے والے اجتماع میں رکنِ شوریٰ حاجی وقارالمدینہ عطاری، فیضانِ کاہنہ نو لاہور میں بعدِ مغرب ہونے والے اجتماع میں رکنِ شوریٰ حاجی یعفورر ضا عطاری اور فیضانِ مدینہ جی ٹی روڈ گوجرانوالہ میں بعدِ مغرب ہونے والے اجتماع میں نگران پروفیشنلز مجلس محمد ثوبان عطاری سنتوں بھرا بیان فرمائیں گے۔

واضح رہے کہ آج دعوتِ اسلامی کے عالمی مدنی مرکز فیضانِ مدینہ کراچی میں ہونے والے ہفتہ وار اجتماع میں بیان کے بجائے مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ مولانا الیاس عطار قادری دَامَتْ بَرَکَاتُہُمُ الْعَالِیَہشرکا کو مدنی پھول عطا فرمائیں گے۔

تمام عاشقانِ رسول سے گزارش ہے کہ اپنے شہر میں ہونے والے ہفتہ وار اجتماع میں شرکت فرماکر علمِ دین سے اپنے سینے کو منو ر فرمائیں۔ 

اس پُر فتن دور میں رسالہ نیک اعمال ایک اسلامی زندگی گزارنے کا بہترین طریقہ ہے جس کے ذریعے نیکیوں کی طرف رغبت حاصل ہوتی ہے۔ رسالہ نیک اعمال کے ذریعے اپنے شب و روز کےاعمال کا جائزہ لیا جا سکتا ہے کہ آج کا دن نیکیوں میں گزرا یا نہیں ۔

امیر اہل سنت دامت برکاتھم العالیہ نے تمام مسلمانوں کو گویا ایک ایسا آسان و بہترین نیک بننے کا نسخہ عطا فرمایا ہے جس کے ذریعے آپ اپنے کردار، نیکیوں سے محبت،گناہوں سے نفرت،اخلاقیات،عبادت ، ریاضت ،تقویٰ،توبہ، اخلاص اور قفل مدینہ ان سب پر آپ اپنی زندگی میں استقامت حاصل کرسکتےہیں اور بہت کم وقت میں نیکیوں کے خزانے جمع کر سکیں گے ان شاء اللہ عزوجل۔

1)کراچی ریجن کی کارکردگی

اصلاحِ اعمال اجتماعات کی تعداد:103

اصلاحِ اعمال اجتماعات میں شرکت کرنےوالی اسلامی بہنوں کی تعداد:1 ہزار478

عاملات نیک اعمال بننے والی اسلامی بہنوں کی تعداد:18 ہزار248

2)حیدرآباد ریجن کی کارکردگی

اصلاح اعمال اجتماعات کی تعداد:59

اصلاحِ اعمال اجتماعات میں شرکت کرنےوالی اسلامی بہنوں کی تعداد:1 ہزار173

عاملات نیک اعمال بننے والی اسلامی بہنوں کی تعداد:8 ہزار

3) ملتان ریجن کی کارکردگی

اصلاح اعمال اجتماعات کی تعداد:33

اصلاحِ اعمال اجتماعات میں شرکت کرنےوالی اسلامی بہنوں کی تعداد:927

عاملات نیک اعمال اسلامی بہنوں کی تعداد:7 ہزار484

4)فیصل آباد ریجن کی کارکردگی

اصلاح اعمال اجتماعات کی تعداد:50

اصلاحِ اعمال اجتماعات میں شرکت کرنےوالی اسلامی بہنوں کی تعداد:845

عاملات نیک اعمال اسلامی بہنوں کی تعداد:7 ہزار595

5)لاہور ریجن کی کارکردگی

اصلاح ِاعمال اجتماعات کی تعداد:50

اصلاحِ اعمال اجتماعات میں شرکت کرنےوالی اسلامی بہنوں کی تعداد: 12 ہزار96

عاملات نیک اعمال اسلامی بہنوں کی تعداد:8 ہزار95

6)اسلام آباد ریجن کی کارکردگی

اصلاحِ اعمال اجتماعات کی تعداد:82

اصلاحِ اعمال اجتماعات میں شرکت کرنےوالی اسلامی بہنوں کی تعداد: 787

عاملات نیک اعمال اسلامی بہنوں کی تعداد:4 ہزار605

 دعوت اسلامی کے شعبہ اسپیشل پرسنز کے تحت گزشتہ دنوں کراچی ایسٹ زون 2 میں دہرائی اجتماع کے حوالے سے تربیتی سیشن ہواجس میں اسپیشل پرسنز کورس کی تقریباً 4 مبلغات اسلامی بہنوں نے شرکت کی ۔

زون سطح کی ذمہ دارہ اسلامی بہن نے نعت شریف۔منقبتوں اور دیگر کاموں کے اشاروں کی دہرائی کروائی نیز مزید بہتر انداز اختیار کرنےکےحوالے سے مدنی پھول بھی دیئے جس پر اسلامی بہنوں نے اچھی نیتوں کا اظہار کیا۔

دعوتِ اسلامی کے شعبہ شارٹ کورسز کے تحت  گزشتہ دنوں کراچی ایسٹ زون 1 محمود آباد کابینہ کراچی میں 8 دن پر مشتمل کورس بنام ’’مفتاح الجنۃ‘‘کا انعقاد ہوا جس میں16 اسلامی بہنوں نےشرکت کی ۔

اس کورس میں نماز کے فرائض، شرائط، واجبات، مفسدات نیز نماز کا عملی طریقہ سکھایا گیا مزید مدنی مشورے میں شریک اسلامی بہنوں کو کورسز کرنے، ہفتہ وارسنتوں بھرے اجتماع اور علاقائی دورہ برائے نیکی کی دعوت میں شرکت کرنے کاذہن دیا گیانیز مدرسۃالمدینہ بالغات میں داخلے لینے کی ترغیب دلائی گئی جس پر اسلامی بہنوں نےاچھی اچھی نیتوں کااظہارکیا۔

دعوتِ اسلامی کے شعبہ مدرسۃالمدینہ بالغات کے تحت  گزشتہ دنوں لیاقت آباد کابینہ کی ڈویژن عزیزآباد کراچی میں مدنی مشورے کا انعقاد ہوا جس میں ڈویژن و علاقائی کی ذمہ داراسلامی بہنوں اور مدرسات نے شرکت کی ۔

شعبہ مدرسۃالمدینہ بالغات زون سطح کی اسلامی بہن نےاسلامی بہنوں کے مدرسۃالمدینہ کےنظام میں بہتری لانےکے حوالے سے مدنی پھول دیئےنیز ہفتہ وار رسالہ اور مدنی مذاکرہ کی کارکردگی کو مضبوط کرنے کے حوالے سے تربیت بھی کی ۔ جدول پر عمل کرنے اور کروانے کا ذہن دیا اس کے ساتھ ساتھ جن مدرسات کے ٹیسٹ نہیں ہوئے ان کے اور طالبات کے ٹیسٹ دلوا کر نئے درجوں کوآغاز کرنے کا بھی ذہن دیا ۔آخر میں مدرسات کو اس کے حوالے سے اہداف بھی دیئے۔

دعوتِ اسلامی کے شعبہ فنانس ڈیپارٹمنٹ کے تحت گزشتہ دنوں اورنگی کابینہ کراچی میں ای- رسید آئی ڈیزسکھانے کے حوالےسے ورک شاپ کاسلسلہ ہواجس میں 45 اسلامی بہنوں نے شرکت کی۔

زون ذمہ دار اسلامی بہن نےاسلامی بہنوں کو ای- رسید کی Basic) (بنیادی معلومات دی اور Transaction) ( لین دین کرنےکاطریقہ بتایا۔ (Digital media)کے ذریعے دعوتِ اسلامی کےدینی کام کرنےکےحوالے سےبھی بریفنگ دی بعد ازاں کابینہ اور ڈویژن سطح کی فنانس ڈیپارٹمنٹ کی ذمہ داراسلامی بہن نےرسیدوں کی مکمل وصولی، اثاثہ جات کے ریکارڈ، ای رسید آیئ ڈیز ، سفری اخراجات اور ماہانہ کارکردگی پر نکات بتائےنیز ذمہ دار اسلامی بہنوں کو دینی کام کرنے کے متعلق مدنی پھول دیئے ۔

دعوتِ اسلامی کےشعبے شارٹ کورسز کے تحت ایسٹ زون 2کی ڈویژن ناظم آبادکے علاقہ میں 30 دن پرمشتمل کورس   بنام ’’فیضان تجوید و نماز‘‘ کاانعقادہواجس میں 40 اسلامی بہنوں نےشرکت کی ۔

مدرسات نے کورس میں شریک اسلامی بہنوں کو نماز کے شرعی مسائل کےبارے میں آگاہی دیتےہوئےتجوید کےساتھ مدنی قاعدہ اور قراٰن پاک پڑھنے کاطریقہ بتایا جبکہ زون مشاورت شارٹ کورسز ذمہ دار اسلامی بہن نے کورس میں شریک اسلامی بہنوں کو دعوت اسلامی کےدینی کاموں کےحوالےسے بریفنگ دیتےہوئےدینی کاموں میں حصہ لینےکاذہن دیا اور اسلامی بہنوں کےمدرسۃ المدینہ میں پڑھنے پڑھانے کی ترغیب دلائی جس پر اسلامی بہنوں نےاچھے تائثرات کااظہارکیا۔

دارالافتا ٰاہلِ سنت  کے آفیشل فیس بک پیج پر آج شام 6 بجے سوال جواب کا آن لائن سیشن رکھا گیا ہے جس میں مفتی نوید رضا عطاری مدنی صاحب سوالات کے جوابات ارشاد فرمائیں گے۔

اگر آپ اپنے سوالات کے جوابات چاہتے ہیں تو آن لائن سیشن کے دوران کمنٹس میں اپنا سوال بھیج دیجئے ، ممکنہ صورت میں آپ کا سوال بھی سیشن میں شامل کرلیا جائے گا۔

Darulilfta ahl e sunnat Facebook Page Link

Click Here

دعوتِ اسلامی کے شعبہ شارٹ کورسز کے تحت  گزشتہ دنوں کراچی ساؤتھ زون2 بلدیہ کابینہ کی ڈویژن نیو سعید آباد میں مدنی مشورے کاانعقاد ہوا جس میں شارٹ کورسز کی ڈویژن و علاقہ مشاورتوں سمیت کورس کروانے والی15 مدرسات نے شرکت کی۔

کابینہ مشاورت ذمہ داراسلامی بہن نے کورس بنام ’’ایثار کے رنگ بڑی عید کے سنگ‘‘ کے متعلق نکات پیش کئے اور اس شعبے کی اہمیت کواُجاگرکرتےہوئےبتایا کہ کس طرح علم دین کی تبلیغ اس شعبے کے ذریعے مختصر وقت میں ہورہی ہےجس پر اسلامی بہنوں نے علمِ دین پھیلانے کی اچھی نیتوں کا اظہار کیا۔

دعوت ِاسلامی کے شعبے علاقائی دورہ و محفل نعت کے تحت  گزشتہ دنوں کراچی ایسٹ زون صحرائے مدینہ کابینہ نوری آباد میں مدنی مشورے کاانعقا دہواجس میں علاقائی دورہ ذمہ داراسلامی بہنوں نےشرکت کی ۔

ریجن مشاورت شعبہ علاقائی دورہ ذمہ دار اسلامی بہن نے علاقائی دورہ برائے نیکی کی دعوت کے نکات و طریقہ کار بتایا اور کارکردگی کے حوالے سے تربیت کی جس پرمدنی مشورےمیں شریک اسلامی بہنوں نے علاقائی دورہ برائے نیکی کی دعوت کو مضبوط کرنے اور دیگر اسلامی بہنوں کو تیار کرنے کی نیتیں پیش کیں۔

(ویب ڈیسک، شب و روز دعوتِ اسلامی)  تفصیلات کے مطابق دعوتِ اسلامی کے عالمی مدنی مرکز فیضانِ مدینہ کراچی میں 28 سے 30 جون 2021ء تک ”مرکزی مجلسِ شوریٰ ،دعوتِ اسلامی“ کا تین روزہ مدنی مشورہ ہوا۔ مدنی مشورے میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ اور جانشینِ عطار الحاج عبید رضا عطاری مدنی مَدَّظِلُّہُ الْعَالِی  نے بھی اراکینِ شوریٰ کو مدنی پھول عطا فرمائے۔

مرکزی مجلس شوریٰ کے مدنی مشورےمیں ہونے والی گفتگو کے متعلق نگرانِ شوریٰ مولانا حاجی عمران عطاری مَدَّظِلُّہُ الْعَالِی نے ایک ویڈیو پیغام جاری کیا ہے جس میں انہوں نے مشورے کے تینوں دن ڈسکس ہونے والے امور کے بارے میں عاشقانِ رسول کو آگاہی فراہم کی ہے۔

انہوں نے اپنے ویڈیو پیغام میں کہا کہ شوریٰ کے مدنی مشورے میں یہ بات کی گئی کہ جہاں جہاں کرونا Covid-19کے تعلق سے صورتِ حال بہتر ہو تی جار ہی ہے وہاں S.O.P’s کو سامنے رکھ کر دعوتِ اسلامی کے 12دینی کاموں کو بہتر سے بہتر انداز میں کرنے کی کوشش کی جائے گی ۔

٭نیو سوسائٹیز کو بھی ڈسکس کیا گیا کہ شہر کے اطراف میں آبادی بڑھتی جارہی ہے اور نئی سوسائٹیاں تیزی کے ساتھ بنتی جارہی ہیں، ان نئے علاقوں میں مساجد، جامعات المدینہ ، مدارسُ المدینہ، دارالمدینہ اور فیضان آن لائن اکیڈمی کی برانچز کھولنے کے متعلق بات چیت ہوئی۔

٭ دعوت اسلامی آنے والے دنوں میں علاج معالجےکے لئے مدنی ہیلتھ کیئر سینٹرز کے نام سے مختلف علاقوں میں کلینک اور یتیم و نادار بچوں کے لئے مدنی ہوم (یتیم خانے) بنانے جارہی ہے جبکہ مردوں اور عورتوں کو مختلف ہُنر سکھانے کے لئے پروفیشنل ٹریننگ سینٹرز بھی قائم کئے جارہے ہیں۔ اس سسٹم کو کس طرح آپریٹ کیاجائے اس کو بھی شوریٰ کے مشورے میں ڈسکس کیا گیا ۔

٭ آقا کریم ﷺ کی دُکھیاری امت کی غمخواری کے لئے قائم دعوتِ اسلامی کے فلاحی ڈیپارٹمنٹFGRF کے اس وقت جاری کاموں اور آئندہ کے پلانز سے متعلق بھی گفتگو ہوئی جس میں یہ طے کیا گیا کہ یکم اگست 2021ء کو دعوتِ اسلامی کی جانب سے ملک بھر میں اِنْ شَآءَ اللہ عَزَّ وَجَلَّ Plantation Day منایا جائے گا۔ اس موقع پرہمارے ذمہ داران سمیت تمام عاشقانِ رسول مِل جُل کر شجرکار ی مہم میں حصہ لیں گے اور پودے لگائیں گے در خت بنائیں گے۔اِنْ شَآءَ اللہ عَزَّ وَجَلَّ

٭ کر اچی ،ملتان ، لاہوراور فیصل آباد میں ایسے جامعات المدینہ کا قیام کیا گیا ہے جہاں اِنْ شَآءَ اللہ عَزَّ وَجَلَّ ایسے علما تیار کئے جائیں گے جو دینی علوم میں مہارت رکھنے کے ساتھ ساتھ دنیاوی علوم سے بھی ہم آہنگ ہوں گے۔ مدنی مشورے میں اس بارے میں بھی باہمی گفتگو کا سلسلہ ہوا۔

٭ دعوت اسلامی کے شعبوں کو مزید بہتر بنانے کے لئے جدید ٹیکنالوجی کا بھرپور استعمال کیا جائے گا اور ماڈرن ٹولز کو استعمال میں لاتے ہوئے نئے نئے سافٹ ویئر بنائے جائیں تاکہ کارکردگی کے نظام کو مزید مضبوط کیا جاسکے۔ اس کے لئے شعبہ آئی ٹی کے متعلق ڈسکس کی گئی۔

٭”مدرسۃ المدینہ اسلامی بھائی“ دعوت اسلامی کااہم ترین دینی کام ہے۔ اس کے نظام کو مزید بہتر کرنے اور اس کے پڑھانے والوں کی مزید بہتر تربیت کرنے کے تعلق سے بھی شوریٰ کے مشور ےمیں ڈسکشن ہوئی۔

٭ Quality Enhancement Projectکو بھی دعوت اسلامی کے ذمہ دار ا ن لے کرچل رہے ہیں۔ اس میں یہ ہوتا ہے کہ ذمہ داران اور ان کے مختلف شعبوں کے کام کے طریقے کو بہتر سے بہتر کرنے کے لئےباقاعدہ ایک پروفیشنل سسٹم ایکٹیو کیا گیا ہے جس میں مختلف روک شاپس منعقد کی جاتی ہیں۔ اس کو بھی شوریٰ کے مشورے میں ڈسکس کیا گیا۔

٭اس سال رجب، شعبان اور رمضان میں ہمار ے عاشقانِ رسول نے جو ڈونیشن جمع کیا اس چندے کا بھی جائزہ لیا گیااور پچھلے مہینوں میں دعوت اسلامی کے ذمہ داران نے اپنے اپنے شعبوں کا جو بجٹ پیش کیا تھا اس بجٹ پر کس حد تک عمل ہوا اور بجٹ کے مطابق ہم آگے کیسے بڑھیں؟ اس کی جائزہ لینے کی بھی کوشش کی گئی ۔

٭ شور یٰ کے مشورے کی ایک خصوصیت یہ بھی ہوتی ہے کہ ہمارے پچھلے مشورےمیں جس کو جو کام سپرد کئے گئے ہوتے ہیں ان کا جائزہ لیا جاتا ہےکہ جن جن کے ذمہ جو کام تھے وہ کس حد تک ہوئے ؟ان پر کس حد تک عمل ہوا ؟

٭ہر سال کی طرح اس سال بھی جامعات المدینہ اور مدارسُ المدینہ کے جملہ اخرجا ت کے لئے ٹیلی تھون کی ترکیب کی جائے گی۔ اِنْ شَآءَ اللہ عَزَّ وَجَلَّ 7نومبر 2021ء کو ٹیلی تھون یعنی مدنی عطیات مہم کا سلسلہ کیا جائے گا۔

٭دعوتِ اسلامی کی ریڑ ھ کی ہڈی مدنی قافلہ ہے۔ اِنْ شَآءَ اللہ عَزَّ وَجَلَّ نومبر 2021ءکے آخر میں ریجن سطح پر مدنی قافلہ اجتماعات کئے جائیں گے اور اس میں تین دن، 12دن ،ایک ماہ اور بارہ بارہ ماہ کے مدنی قافلوں کی تیاری کا سلسلہ رہے گا ۔

٭ دعوت اسلامی جو مساجد بنارہی ہے اس کے لئے امام پروڈکشن بہت ضروری ہے۔ اس کے لئے امامت کورس کروایا جاتا ہے۔ شوریٰ کے مشورے میں اس بارے میں بھی ڈسکس کی گئی۔

٭قربانی کی کھالیں جمع کرنے ،پہلے سے زیادہ اور اچھے انداز سے جمع کرنے اوراجتماعی قربانی کو شریعت کے مطابق بہتر سے بہتر کرنے کے موضوع کو بھی شوریٰ کے مشورے میں لیا گیا ۔

٭ اسلامی بہنوں کے دینی کاموں کے تعلق سے بھی شوریٰ کے مشورے میں بات چیت کی گئی۔ وقف اشیا ءکی حفاظت اور اس کے استعمال کی احتیاطیں اور گھریلو صدقہ بکس بھی مشورے کا حصہ رہے ۔

٭ دعوت اسلامی کا آڈٹ نظام جو مالیات کے تحت چلتا ہے اسے بہتر سے بہتر کرنے اور اسے بہت زیادہ کارگر بنانے پر بھی شوریٰ کے مشورے میں ڈسکس کی گئی ، اس پر باقاعدہ شعبہ مالیات کی جانب سے ایک پریزنٹیشن دی گئی۔

٭ ذوالحجۃ الحر ام 1442ھ اور محرم الحرام1443ھ میں امیراہلسنت کے جانشین صاحبزادہ حاجی عبید رضاعطاری مدنی مُدَّظِلُّہُ الْعَالِی کا مختلف شہروں میں شیڈول ہوگا۔بیانات اور مشوروں میں شرکت اور ملاقات سلسلہ ہوگا۔ مشورے میں اس پر بھی بات چیت کی گئی ہے۔ شیڈول جلدپیش کردیا جائے گا۔

ویڈیو کےآخر میں نگرانِ شوریٰ نے عاشقانِ رسول سے کہا کہ میری تمام عاشقانِ رسول سے عرض ہے کہ دعوتِ اسلامی کے 12 دینی کاموں میں ضرور شامل ہوں، آپ کے یہاں ہفتہ وار اجتماع ،ہفتہ وار مدنی مذاکرہ، ماہانہ مدنی قافلہ، نیک اعمال کا رسالہ پُر کرنا، اس کا جائزہ لینا اسی طرح آپ کے علاقے کے مدرسۃ المدینہ میں شر کت کی سعادت حاصل کریں۔ اس کے ساتھ ساتھ اس وقت کھالیں جمع کرنے کا وقت آنے والا ہے ، میری تمام عاشقانِ رسول سے عرض ہے کہ اپنی بھرپور کوشش کریں ،کھالیں زیادہ سے زیادہ تعداد میں جمع ہوں اور اس کا جو تنظیمی طریقہ کار ہے اسی کے مطابق عمل کر یں۔ اسلامی بہنیں اپنے اپنے تنظیمی اور شرعی طریقہ کار جو بیان کئے گئے اس کے مطابق قربانی کی کھالیں جمع کرنے کے تعلق سے اپنے رابطے جاری رکھیں۔ دعوت اسلامی کے تحت ہونے والی اجتماعی قربانی میں بھی اپنا حصہ ضرور ملائیں۔ اللہ نے چاہا تو شریعت اور دین کے مطابق اور اچھے انداز سے اجتماعی قربانی کا سلسلہ رہے گا۔

نگرانِ شوریٰ کی ویڈیو دیکھنے کے لئے نیچے دئیے گئے لنک پر کلک کیجئے:

Click Here