عاشقان رسول کی دینی تحریک دعوت اسلامی کے زیر اہتمام آج رات مؤرخہ 16 مارچ 2023ء دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوت اسلامی سنتوں بھرے بیانات فرمائیں گے۔ واضح رہے کہ تلاوت قراٰنِ پاک و نعت رسول مقبول صلَّی اللہ علیہ واٰلہٖ وسلَّم سے شروع ہونے والے ان اجتماعات کا اختتام نماز اشراق و چاشت کی ادائیگی کے ساتھ ہوتا ہے۔ان اجتماعات میں اجتماعی طور پر ذکر و اذکار اور رقت انگیز دعاؤں کا سلسلہ بھی ہوتا ہے۔

تفصیلات کے مطابق عالمی مدنی مرکز فیضان مدینہ کراچی سے براہِ راست مدنی چینل پر ہونے والے ہفتہ وارسنتوں بھرے اجتماع میں مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی رات تقریباً 9:00 بجے سنتوں بھرا بیان فرمائیں گے۔

اس کے علاوہ مدنی مرکز فیضان مدینہ محبوب ٹاؤن اوکاڑہ میں رکن شوریٰ حاجی محمد رفیع عطاری، مدنی مرکز فیضان مدینہ شیخوپورہ میں رکن شوریٰ حاجی یعفور رضا عطاری، مدنی مرکز فیضان مدینہ G-11اسلام آباد میں رکن شوریٰ حاجی وقار المدینہ عطاری، جامع مسجد فیضان جیلان کلفٹن کراچی میں رکن شوریٰ مولانا حاجی عبد الحبیب عطاری اور فیضان اسلام مسجد، خیابانِ سحر DHA کراچی میں رکن شوریٰ حاجی محمد علی عطاری سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

نیکی کی دعوت عام کرنے والی عاشقانِ رسول کی دینی تحریک دعوتِ اسلامی  کے تحت فروری 2023ء میں اسلامی بہنوں کے درمیان سینٹرل افریقہ میں ہونے والے دینی کاموں کی کارکردگی درج ذیل رہی:

٭ماہِ فروری 2023ء میں انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد:17

٭روزانہ گھر درس دینے والی اسلامی بہنوں کی تعداد:57

٭بڑی عمر کی اسلامی بہنوں کے لئے لگنے والے مدرسۃالمدینہ بالغات کی تعداد:16

٭ان مدرسۃالمدینہ بالغات میں پڑھنے والی اسلامی بہنوں کی تعداد:97

٭اسلامی بہنوں کے لئے منعقد ہونے والے ہفتہ وار سنتوں بھرے اجتماعات کی تعداد:29

٭ان اجتماعات میں شرکت کرنے والی اسلامی بہنوں کی تعداد:336

٭ہفتہ وار مدنی مذاکرہ سننے والی اسلامی بہنوں کی تعداد:117

٭ہفتہ وار علاقائی دورہ میں شرکت کرنے والی اسلامی بہنوں کی تعداد:57

٭ہفتہ وار رسالہ پڑھنے / سننے والی اسلامی بہنوں کی تعداد:199

٭اسلامی بہنوں کی جانب سے وصول ہونے والے نیک اعمال کے رسائل کی تعداد:106 

دعوتِ اسلامی کےتحت  11مارچ 2023ءبروز ہفتہ پاکستان مجلسِ مشاورت کی ذمہ داران، پاکستان سطح کی ادارتی و غیر ادارتی شعبہ ذمہ داران کا آن لائن مدنی مشورہ منعقد ہوا جس میں نگرانِ پاکستان مجلسِ مشاورت اسلامی بہن نے ”تقسیم کاری“ کے موضوع پر بیان کیا۔

دورانِ بیان نگرانِ پاکستان مجلسِ مشاورت نے اسلامی بہنوں کی متفرق سالانہ کارکردگیوں کا جائزہ لیا جس میں پاکستان سطح کی شعبہ ذمہ داران و صوبائی نگران کے سفر شیڈول ، غیر فعال ذمہ داران کو فعال بنانا ، ماہانہ مدنی مشوروں ، سفر شیڈول ، چند شعبہ جات کی کارکردگیوں کا اہداف سے تقابل کرنا شامل تھا۔

دعوتِ اسلامی کے تحت اسلامی بہنوں کے درمیان ہونے والے دینی کاموں کا جائزہ لینے کے لئے پچھلے دنوں گوجرانوالہ ڈویژن کی ذمہ داران کا آن لائن مدنی مشورہ ہوا جس میں صوبۂ پنجاب کی نگران، گوجرانوالہ ڈوژن نگران، میٹروپولیٹن اور ڈسٹرکٹ نگران اسلامی بہنیں شریک ہوئیں۔

دعوتِ اسلامی کی نگرانِ پاکستان مجلسِ مشاورت اسلامی بہن نے بذریعہ انٹرنیٹ وقت پرشعبہ جات کے دینی کاموں کی کارکردگی دینے اور سالانہ ڈونیشن کے لئے بھرپور کوشش کرنے کا ذہن دیتے ہوئے آئندہ کے اہداف دیئے جس پر انہوں نے اچھی اچھی نیتوں کا اظہار کیا۔

دعوتِ اسلامی کے تحت 13 مارچ 2023ء بروز پیر راولپنڈی ڈویژن کے صدر ٹاؤن میں  ایک مدنی مشورہ ہوا جس میں میٹروپولیٹن معاون نگران، ٹاؤن سطح کی شعبہ ذمہ داران، یوسی نگران اور دیگر اسلامی بہنوں کی شرکت ہوئی۔

اس موقع پر نگرانِ پاکستان مجلسِ مشاورت اسلامی بہن نے ”تقسیم کاری“ کے موضوع پر وہاں موجود تمام اسلامی کی تربیت کی اور انہیں بروقت دینی کاموں کی کارکردگی دینے، دینی کاموں کو بڑھانے نیز تقرریاں مکمل کرنے کی ترغیب دلائی۔

بعدازاں نگرانِ پاکستان مجلسِ مشاورت نے ذمہ دار اسلامی بہنوں نے سالانہ ڈونیشن کے لئے زیادہ سے زیادہ کوشش کرنے کے حوالے سے اہداف اور مدنی پھول دیئے جس پر انہوں نے اچھی اچھی نیتیں کیں۔

صوبۂ سندھ کے ڈویژن سکھر میں عاشقانِ رسول کی دینی تحریک دعوتِ اسلامی کے زیرِ اہتمام سیکھنے سکھانے کا حلقہ لگایا گیا جس میں سکھر کی شخصیات اسلامی بہنوں نے شرکت کی۔

اس حلقے میں مبلغۂ دعوتِ اسلامی نے سنتوں بھرا بیان کرتے ہوئے ماہِ رمضان میں نیک اعمال کرنے اور ماہِ رمضان کیسے گزارا جائے اس پر شرکا کی تربیت و رہنمائی کی۔

اسی طرح مبلغۂ دعوتِ اسلامی نے اسلامی بہنوں کو فیضانِ تلاوتِ قراٰن کرنے کی ترغیب دلائی نیز سالانہ ڈونیشن جمع کرنے اور سنتوں بھرے اجتماع میں شرکت کرنے کا ذہن دیا۔

13 مارچ 2023ء بروز پیر صوبۂ سندھ کے ڈویژن سکھر میں دعوتِ اسلامی کے تحت ایک فزیکل مدنی مشورہ ہوا جس میں ذیلی تا ڈویژن نگران اسلامی بہنیں اور تحصیل کی ڈویژن شعبہ ذمہ داران  شریک ہوئیں۔

مبلغۂ دعوتِ اسلامی نے مدنی مشوے میں شریک ذمہ دار اسلامی بہنوں کی تربیت و رہنمائی کرتے ہوئے اسلامی بہنوں کے 8 دینی کاموں کے متعلق کلام کیا اور دینی کام کرنے کے حوالے سے چند باتیں بتائیں جن میں سے بعض یہ ہیں:٭استقامت کے ساتھ دینی کام کرنا٭مشکلات سے نہ گھبرانا٭تحمل مزاجی سے کام لینا٭احسن طریقے سے دینی کام کرنا۔

آسٹریلیا کے دارالحکومت پرتھ (Perth) میں دعوتِ اسلامی کے تحت ایک مدنی مشورہ ہوا جس میں مقامی ذمہ دار اسلامی بہنوں نے شرکت کی۔

تفصیلات کے مطابق ذمہ دار اسلامی بہن نے 8 دینی کاموں کے حوالے سے گفتگو کرتے ہوئے اسلامی بہنوں کو دینی کاموں میں زیادہ سے زیادہ حصہ لینے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت پچھلے دنوں میلبرن میں ہونے والے دینی کاموں کے بارے میں مختلف موضوعات پر مدنی مشورہ ہوا جس میں نگرانِ میلبرن نے شرکا کی تربیت کی۔

اس دوران نگرانِ میلبرن اسلامی بہن نے مقامی ذمہ دار اسلامی بہنوں سے فنانس ٹیسٹ دینے اور کفن دفن کورس کے حوالے سے فالو اپ لیا نیز رمضانُ المبارک میں اپنے محارم کو 10 دن کا اعتکاف کرنے کے بارے میں اسلامی بہنوں کی ذہن سازی کی۔

گزشتہ روز ریجن سطح پر دعوتِ اسلامی کے مختلف شعبہ جات کی ذمہ دار اسلامی بہنوں کا مدنی مشورہ ہوا جس میں شعبہ مدرسۃالمدینہ بالغات، فنانس ڈیپارٹمنٹ اور شعبہ اصلاحِ اعمال کی اسلامی بہنوں کی شرکت رہی۔

دورانِ مدنی مشورہ ذمہ دار اسلامی بہن نے شرکا سے فنانس ٹیسٹ دینے کے متعلق فالو اپ لیا نیز رسید بکس اور فنانس کارکردگی کا جائزہ لیاجبکہ رمضانُ المبارک میں فیضانِ تلاوت کلاس کے بارے میں تبادلۂ خیال کیا۔

آخر میں شعبہ اصلاحِ اعمال ریجن سطح کی ذمہ داران کی تقرری کرنے اور مدنی مذاکرہ کارکردگی کے حوالے سے کلام کیا گیا۔ 

آسٹریلیا کے جنوبِ مشرقی ساحلوں پر واقع سڈنی شہر میں دعوتِ اسلامی کے تحت اسلامی بہنوں کے درمیان ہونے والے دینی کاموں کا فالو اپ لینے کے لئے مدنی مشورہ ہوا جس میں سڈنی اسٹیٹ ڈویژن نگران اور کابینہ سطح کی شعبہ مشاورتوں نے شرکت کی۔

معلومات کے مطابق اس مدنی مشورے میں چند اہم نکات پر ڈسکشن کی گئی جن میں علاقائی دورہ کی کارکردگیوں کا جائزہ، اپنے محارم کو مدنی قافلوں میں سفر کروانا، شعبہ اصلاحِ اعمال ، مدنی مذاکرہ و رسالہ مطالعہ کی کارکردگی بر وقت جمع کروانا اور ڈونیشن باکسز سمیت دیگر دینی کام شامل تھے۔

دعوتِ اسلامی کے تحت پچھلے دنوں  اسلام آباد جی الیون میں قائم مدنی مرکز فیضانِ مدینہ میں مدنی مشورہ ہوا جس میں رکن شوریٰ و نگران اسلام آباد راولپنڈی ڈویژن مشاورت حاجی وقار المدینہ عطاری نے گھریلو صدقہ بکس اور ڈونیشن بکس کے ذمہ داران کی دینی و اخلاقی اعتبار سے تربیت کی ۔

مزید دورانِ مدنی مشورہ رکن شوریٰ نے اسلامی بھائیوں سے گزشتہ کئے گئے دینی کاموں کی کارکردگی کا جائزہ لیا اور اچھی کارکردگی والے اسلامی بھائیوں کو تحائف سے بھی نوازا ۔علاوہ ازیں شرکا کو 12 دینی کام کرنے اور دعوت اسلامی کے دینی کاموں میں تعاون کےلئے اپنا حصہ ملانے کا ذہن دیا جس پر انہوں نے اچھی اچھی نیتوں کاا ظہار کیا۔( کانٹینٹ:رمضان رضا عطاری)