پچھلے دنوں مختلف شعبہ ہائےزندگی سے تعلق رکھنے والے عاشقانِ رسول کی تربیت کرنے دینی تحریک دعوتِ اسلامی کے تحت شعبہ رابطہ برائے شخصیات کے ذمہ داران نے کمشنر آفس مالا کنڈ ڈویژن صوبہ خیبرپختونخوا  کا دورہ کیا۔

اس موقع پر ذمہ داران کی PS to Commissioner احسان علی میر خان، Secretary to commissioner محمد علی خان، N/Q Office عمیر خان اور کلرک ارشد خان سے ملاقات ہوئی۔

ذمہ داران نے انہیں نیکی کی دعوت دیتے ہوئے دعوتِ اسلامی کے دینی ماحول سے وابستہ ہونے کی ترغیب دلائی جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت گزشتہ روز شعبہ رابطہ برائے شخصیات کے ذمہ دار اسلامی بھائیوں نے پولیس لائن کبل سوات کے محرر شام خان اور پولیس اسٹیشن کبل سوات کے محرر اسد خان سے ملاقات کی۔

دورانِ ملاقات ذمہ داران نے انہیں نیکی کی دعوت دیتے ہوئے دعوتِ اسلامی کے دینی و فلاحی کاموں کے حوالے سے بریفنگ دی جس پر انہوں نے دعوتِ اسلامی کے بارے میں اپنے تأثرات دیئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں شعبہ رابطہ برائے شخصیات دعوتِ اسلامی پنجاب  کے ذمہ دار اسلامی بھائیوں نے سول جج رانا نوید کے ہمراہ عالمی مدنی مرکز فیضانِ مدینہ کراچی میں ہونے والے مدنی مذاکرے میں شرکت کی۔

اس کے علاوہ سول جج رانا نوید نے امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ اور نگرانِ شوریٰ مولانا حاجی محمد عمران عطاری سے ملاقات کی۔

گزشتہ روز ملک پھول خان اعوان (سابق ایم پی اے فیاض احمد اعوان کے بہنوئی) کے ماموں کے لئے ایصالِ ثواب اجتماع کا انعقاد کیا گیا جس میں مختلف سیاسی و سماجی شخصیات سمیت دیگر عاشقانِ رسول نے شرکت کی۔

تلاوتِ کلامِ پاک اور نعتِ رسولِ مقبول صلی اللہ علیہ و سلم کے بعد نگرانِ ڈسٹرکٹ محمد وسیم عطاری نے سنتوں بھرا بیان کرتے ہوئے شرکا کی تربیت کی اور انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔

پچھلے دنوں صوبہ بلوچستان میں ڈپٹی کمشنر ضلع حب چوکی زاہد خان سے دعوتِ اسلامی کے نگرانِ قلات ڈویژن لیاقت علی عطاری اور نگرانِ ڈسٹرکٹ حب چوکی حاجی گلفام عطاری کی ملاقات ہوئی۔

دورانِ ملاقات ذمہ داران نے ڈپٹی کمشنر کو دعوتِ اسلامی کی عالمی سطح پر ہونے والی دینی و فلاحی خدما ت کے بارے میں بتایا اور عالمی مدنی مرکز فیضانِ مدینہ کراچی کا وزٹ کرنے کی دعوت دی جس پر انہوں نے اپنی نیک خواہشات کا اظہار کیا۔

بعدازاں نگرانِ قلات ڈویژن لیاقت علی عطاری نے ملک و قوم کی سلامتی کے لئے دعا کروائی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

گزشتہ روز کمشنر گجرات ڈویژن چوہدری احمد کمال بیگ کے مرحوم والد کے لئے ایصالِ ثواب اجتماع  کا اہتمام کیا گیا جس میں تمام معاملات ذمہ دارانِ دعوتِ اسلامی کے ذمے تھے جبکہ کثیر تعداد میں افسران اور شخصیات اس اجتماع میں شریک ہوئے۔

مبلغِ دعوتِ اسلامی نے تلاوتِ قراٰنِ پاک سے اس اجتماع کا آغاز کیا اور نعت خواں اسلامی بھائی نے سرکارِ دوعالم صلی اللہ علیہ و سلم کی بارگاہِ اقدس میں نذرانۂ عقیدت پیش کیا۔

مبلغِ دعوتِ اسلامی نے سنتوں بھرا بیان کرتے ہوئے حاضرین کو دینی کے کاموں میں حصہ لینے اور نیکی کی دعوت دینے کا ذہن دیا جس پر انہوں نے اچھی اچھی نیتیں کیں۔اس موقع پر مدرسۃالمدینہ بوائز دعوتِ اسلامی کے بچوں نے مرحوم کے ایصالِ ثواب کے لئے قراٰن خوانی کا اہتمام کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

صوبۂ پنجاب پاکستان کے ضلع وہاڑی میں دعوتِ اسلامی کے تحت 30 جنوری 2023ء بروز پیر شعبہ رابطہ برائے شخصیات کے ذمہ داران نے ممبر قومی اسمبلی چوہدری طاہر اقبال کے چھوٹے بھائی چوہدری زاہد اقبال سے ملاقات کی۔

شعبے کے ڈویژن ذمہ دار فدا علی عطاری ، ڈسٹرکٹ ذمہ دار صدیق عطاری اور محمد سعید عطار ی نے انہیں دعوتِ اسلامی کے مختلف شعبہ جات بالخصوص شعبہ FGRF کے تحت ہونے والے فلاحی کاموں کے بارے میں بریفنگ دی اور مدنی مرکز فیضانِ مدینہ کا وزٹ کرنے کی دعوت پیش کی۔علاوہ ازیں چوہدری زاہد اقبال کو مکتبۃالمدینہ کے کُتُب و رسائل تحفے میں دیئے گئے۔

اسی طرح ذمہ داران نے سابق زونل خطیب ”دربارِ عالیہ بابا فرید گنجِ شکر رحمۃاللہ علیہ“ مولانا مفتی قاضی وہاج احمد قادری سے بھی ملاقات کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

27 جنوری 2023ء بروز جمعہ اسسٹنٹ وائس پریزیڈنٹ بلوچستان عبدُالکریم سومرو نے اپنے بیٹے سب انجینئر پاکستان نیوی فورس شہریار خان کے ساتھ عالمی مدنی مرکز فیضانِ مدینہ کراچی کا دورہ کیا۔جہاں صوبائی ذمہ دار محمد وقار عطاری نے شخصیات  کو فیضانِ مدینہ میں موجودشعبہ جات دکھائے ۔

بعدازاں عبدالکریم سومرو نے اپنے صاحبزادے کے ہمراہ رکنِ شوریٰ حاجی محمد امین عطاری سے ملاقات کی۔دورانِ ملاقات رکنِ شوریٰ نے انہیں خوش آمدید کہتے ہوئے دنیا بھر میں ہونے والے دعوتِ اسلامی کے دینی اور فلاحی کاموں پر مشتمل ڈاکیو منٹری دکھائی جس پر شخصیات نے دینی خدمات کو سراہا اور اپنی نیک خواہشات کا اظہار کیا۔

اس موقع پر ضلع جعفر آباد کےشعبہ رابطہ برائے شخصیات کے ذمہ دار مجیبُ الرحمن عطاری، ان کے بیٹے گورنمنٹ کنٹریکٹر محمد حسنین عطاری اور غلام حسین عطاری بھی ساتھ تھے۔ (رپورٹ: شعبہ رابطہ برائے شخصیات بلوچستان، کانٹینٹ:رمضان رضا عطاری)

پچھلے دنوں شعبہ رابطہ برائے شخصیات (دعوت اسلامی) کے ذمہ دار نے بلوچستان ڈیرہ بگٹی میں ایس پی ڈیرہ بگٹی عطاء الرحمٰن ترین  سے ملاقات کی ۔

دوران ملاقات انہیں دعوت اسلامی کا تعارف کروایا اور فلاحی شعبہ FGRF کی جانب سے حالیہ سیلاب سے متأثر افراد کی فلاحی خدمات کے بارے میں بریفنگ دی جس پر انہوں نے دعوت اسلامی کی خدمات کو خوب سراہا ۔ (رپورٹ : محمد شعیب عطاری شعبہ رابطہ برائے شخصیات ڈیرہ بگٹی بلوچستان / کانٹینٹ: محمد مصطفیٰ انیس) 

پچھلے دنوں شعبہ رابطہ برائے شخصیات (دعوت اسلامی) کے ذمہ دار ضلع اٹک میں یاسر رضوان (اسسٹنٹ کمشنر جنڈ ) سے ملاقات کی ۔

دوران ملاقات انہیں دعوت اسلامی کا تعارف اور اسکے شعبہ جات کے تحت ہونیوالے دینی کاموں کے بارے میں بتایا جبکہ ہفتہ وار سنتوں بھرے اجتماعات و مدنی مذاکروں میں شرکت کرنے کی دعوت دی جس پر انہوں نے اپنی نیک خواہشات کا اظہار کیا۔ (رپورٹ : شعبہ رابطہ برائے شخصیات ضلع اٹک / کانٹینٹ: محمد مصطفیٰ انیس) 

28 جنوری 2023 ء کو اسسٹنٹ کمشنر کورنگی فاروق سومرو اور کوئٹہ سے آئے ہوئے تاجر حضرات نے عالمی مدنی مرکز فیضان مدینہ کراچی کا وزٹ کیا ۔ شعبہ رابطہ برائے شخصیات (دعوت اسلامی ) کے ذمہ داران نے انکا استقبال کیا اور  ملاقات کی ۔

کراچی سٹی ذمہ دار حاجی یعقوب عطاری نے مہمانوں کو دعوت اسلامی کا تعارف اور اسکی خدمات بیان کیں نیز فیضان مدینہ میں موجود شعبہ جات کا وزٹ بھی کراتے ہوئے انہیں دعوت اسلامی کے دینی ماحول سے وابستہ رہنے اور اجتماعات و مدنی مذاکروں میں شرکت کی ترغیب دلائی ۔

اس موقع پر مرکزی مجلس شوریٰ کے اراکین حاجی محمد امین عطاری ، حاجی رفیعُ الشان عطاری اور حاجی سید ابراہیم عطاری سے مہمانوں نے ملاقات کی ۔ (رپورٹ : غلام محبوب عطاری ڈسٹرکٹ کورنگی / کانٹینٹ: محمد مصطفیٰ انیس) 

28 جنوری 2023ء کو عالمی مدنی مرکز فیضان مدینہ کراچی میں ماہِ رجب کے سلسلے میں بلوچستان سے تعلق رکھنے والے عاشقان رسول نے  تین دن کا مدنی قافلہ کیا ، اس دوران قافلے کے شرکاء نے فیضان مدینہ کے اطراف میں نیکی کی دعوت پیش کی ، سیکھنے سکھانے کے حلقے کا اہتمام کیا اور عالمی مدنی مرکز میں ہونیوالے والے مدنی مذاکروں میں بھی شرکت کی۔ (رپورٹ : محمد وقار عطاری شعبہ رابطہ برائے شخصیات بلوچستان / کانٹینٹ: محمد مصطفیٰ انیس)