گزشتہ جمعہ شعبہ رابطہ برائے شخصیات کے اسلامی بھائیوں نے ڈپٹی کمشنر آفس کورنگی کا دورہ کیا جہاں ڈپٹی کمشنر سلیم اللہ اوڈھو ، ایڈیشنل ڈپٹی کمشنر کاشف ، اسسٹنٹ کمشنر کورنگی فاروق سومرو اور پیپلز پارٹی ڈسٹرکٹ کورنگی کے صدر محمد جاوید سے ملاقات کی ۔

اس ملاقات میں دعوت اسلامی کی خدمات کے بارے میں بتاتے ہوئے ڈی سی آفس میں افطار اجتماع کا اہتمام کرنے کے حوالے سے گفتگو ہوئی اور عالمی مدنی مرکز فیضان مدینہ آنے کی دعوت دی ۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس ) 

پچھلے دنوں فیضان مدینہ  ڈیرہ غازی خان میں افطار اجتماع کا اہتمام کیا گیا جہاں چیف آفیسر ضلع کونسل نے دورہ کیا۔

ذمہ دار اسلامی بھائیوں نےافطاری کے بعد دعوت اسلامی کا تعارف کراتے ہوئےکتاب ”فیضان رمضان“ تحفے میں پیش کی ۔چیف آفیسر کو فیضان مدینہ کے تعمیراتی کام کے بارے میں بتایا جس پر انہوں نے اپنے اچھے تاثرات دیئے ۔ (رپورٹ: شعبہ رابطہ برائے شخصیات ، کانٹینٹ: محمد مصطفی انیس ) 

گزشتہ روز  مدنی مرکز فیضان مدینہ کروڑ پکا میں شخصیات کی خیر خواہی کے لئے افطار اجتماع کا اہتمام کیا گیا جس میں کروڑپکا رنر اپ ایم پی اے نواب رضی اللہ خان ، ڈی ایس پی محمد افضل خان ، اسسٹنٹ ڈائریکٹر لوکل گورنمنٹ رانا منصب علی ، چیئر مین مارکیٹ کمیٹی راؤ محمد عمران ، انچارج ریسکیواسٹیشن کروڑ پکا 1122 احمد شیر ، معروف بزنس مین ملک عبد العزیز بوکا سمیت دیگر سیاسی و سماجی شخصیات نے شرکت کی ۔

اجتماع میں ملتان ڈویژن کے نگران سادات عطاری نے سنتوں بھرا بیان کیا اور اصلاح نفس کے موضوع پر حاضرین سے گفتگو کی اس موقع پر

ڈسٹرکٹ نگران قاری محمد اشرف عطاری ، نگران کروڑپکا راؤحفیظ اللہ عطاری بھی شریک تھے۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس )

گزشتہ دنوں شعبہ رابطہ برائے شخصیات ڈسٹرکٹ و ڈویژن فیصل آباد کے تحت دعوت اسلامی کے مدنی مرکز فیضان مدینہ فیصل آباد میں معروف کاروباری شخصیت محمد قاسم اور اسپیشل سیشن جج اینٹی کرپشن محمد اسلم بھٹی کی آمد ہوئی۔

اسپیشل سیشن جج اینٹی کرپشن محمد اسلم بھٹی نے مدینہ منورہ کی حاضری سے پہلے دعوتِ اسلامی کی مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری سے ملاقات کی۔

اس موقع پر نگران پاکستان مشاورت حاجی محمد شاہد عطاری نے انہیں آدابِ مکہ و مدینہ کے حوالے سے مدنی پھول ارشاد فرمائے جس پر انہوں نے خوشی کا اظہار کیا۔ (رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

گزشتہ دنوں گوجرانوالہ میں شعبہ رابطہ برائے شخصیات کے ذمہ داران کی کوشش سے ایس ایس پی قیوم گوندل  نے فیضان آئن لائن اکیڈمی کے فرض علوم میں ایڈمیشن لے لیا۔

اسی طرح ذمہ داران نے ڈی ایس پی لیگل قیصر امین بٹ، ایس ایچ او عدنان اعجاز اور ایس ایچ او سبزی منڈی توقیر خاں سے ملاقات کی اور انہیں مدنی مرکز فیضانِ مدینہ میں ہونے والے اعتکاف میں شرکت کرنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ:شعبہ اوقات الصلوٰۃ ، کانٹینٹ:غیاث الدین عطاری)

دعوتِ اسلامی کے تحت 6 اپریل 2022ء بروز بدھ شعبہ رابطہ برائے شخصیات کے ذمہ دار اسلامی بھائیوں نے مختلف شخصیات سے ملاقات کی جن میں سینئر چیف انوائرنمینٹ پلاننگ ڈیپارٹمنٹ محمد سلیم جلبانی، ایڈیشنل سیکریٹری ایجوکیشن ڈیپارٹمنٹ شمس الدین شیخ، ڈپٹی سیکریٹری ایجوکیشن ڈیپارٹمنٹ زین العابدین لغاری اور سیکشن آفیسر ایجوکیشن ڈیپارٹمنٹ جاوید رکن الدین شامل تھے۔

اس موقع پر شخصیات نے دعوتِ اسلامی کی عالمی سطح پر ہونے والی دینی و فلاحی خدمات کے حوالے سے مدنی چینل کو اپنے تاثرات دیتے ہوئے چند سوالات ریکاڈ کروائے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری) 

گزشتہ دنوں شعبہ رابطہ برائے شخصیات  دعوتِ اسلامی کے ذمہ دار اسلامی بھائیوں نے دینی کاموں کے سلسلے میں ڈسٹرکٹ اوکاڑہ اور ڈسٹرکٹ ساہیوال کا دورہ کیا جہاں انہوں نے شخصیات سمیت مختلف افسران سے ملاقات کی۔

اس دوران صوبائی ذمہ دار لیاقت عطاری نے شخصیات کو دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتایا جس پر انہوں نے دعوتِ اسلامی کی کاوشوں کو سراہا۔

بعدازاں ذمہ داران نے شخصیات کو دعوتِ اسلامی کے شعبہ مکتبۃ المدینہ سے شائع کردہ کُتُب و رسائل تحفے میں پیش کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

5اپریل 2022ء بروز منگل ڈپٹی سیکریٹری ایجوکیشن ڈیپارٹمنٹ زین العابدین لغاری نے عالمی مدنی مرکز فیضانِ مدینہ کراچی میں ہونے والے مدنی مذاکرے میں شرکت کی۔

اس دوران ڈپٹی سیکریٹری کی ملاقات مرکزی مجلسِ شوریٰ کے رکن حاجی محمد اطہر عطاری سے ہوئی، رکنِ شوریٰ نے انہیں خوش آمدید کہتے ہوئے اُن کے سر پر عمامہ شریف باندھا نیز مکتبۃ المدینہ کی کتاب’’فیضانِ نماز‘‘ تحفے میں پیش کی جس پر انہوں نے خوشی کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں دعوتِ اسلامی کے تحت شعبہ رابطہ برئے شخصیات کے ذمہ دار اسلامی بھائیوں نےدینی کاموں کے سلسلے میں  ڈویژنل کمشنر فیصل آباد زاہد حسین سے ان کے آفس میں ملاقات کی۔

اس دوران ڈویژن نگران طیب عطاری اور سٹی ذمہ دار قاری شوکت عطاری نے ڈویژنل کمشنر کے ہمراہ کمشنر آفس میں شجر کاری کرتے ہوئے پودے لگائے۔بعدازاں ڈویژنل کمشنرنے دعوتِ اسلامی کی عالمی سطح پر ہونے والی دینی و فلاحی خدمات کو سراہتے ہوئے اپنے تاثرات بھی دیئے۔

دوسری جانب ذمہ دار اسلامی بھائیوں نے پتوکی میں پنجاب اسمبلی کے ڈائریکٹر سجاد احمد صدیقی کی والدہ کے انتقال پر اُن سے تعزیت کی اور مرحومہ کی نماز جنازہ میں شرکت کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے تحت پچھلے دنوں شعبہ رابطہ برائے شخصیات کے ذمہ داراسلامی بھائیوں نے رخشان ڈویژن خاران ڈسڑک کے اطراف کلی تاگزی میں سابقہ چیئرمین نور احمد بلوچ، کلی پنڈوک میں زمین دار حافظ طفیل اور تحصیل مسکان قلات کے کلی چبیی میں قاری خدابخش سے ملاقات کی۔

اس دوران ذمہ داران نے شخصیات کو دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتاتے ہوئے انہیں اپنی فصل کا عشر دعوتِ اسلامی کے شعبہ جات کے لئے دینے کا ذہن دیا جس پر انہوں نے اچھی اچھی نیتوں کا اظہا رکیا۔(رپورٹ:رابطہ برائے شخصیات بلوچستان، کانٹینٹ:غیاث الدین عطاری)

گزشتہ دنوں پاکستان کے صوبے بلوچستان میں سب انسپکٹر کشمیر خان منجھو کے والد کی وفات پر شعبہ رابطہ برائے شخصیات دعوتِ اسلامی کے ذمہ داران نے اُن سے اظہارِتعزیت کی۔

ذمہ داراسلامی بھائیوں نے مرحوم کے ایصالِ ثواب کے لئے فاتحہ خوانی کا اہتمام کرتے ہوئے دعا کروائی اور انہیں مرحوم کے لئے زیادہ سے زیادہ ایصالِ ثواب کرنے کا ذہن دیا۔اس موقع پر قاری امیر بخش عطاری اور احمد عطاری بھی موجود تھے۔(رپورٹ:رابطہ برائے شخصیات بلوچستان، کانٹینٹ:غیاث الدین عطاری)

ڈپٹی کمشنر اسلام آباد حمزہ شفقات کے مرحوم چچا چودھری مسعود الزمان کے ایصالِ ثواب اور استقبالِ رمضان کے سلسلے میں دعوتِ اسلامی کے تحت سنتوں بھرے اجتماع کا انعقاد کیا گیا جس میں مختلف شخصیات سمیت شعبہ ہائے زندگی سے تعلق رکھنے والے اسلامی بھائیوں نے شرکت کی۔

اس موقع پر اسلام آباد کے ذمہ دار محمد عامر عطاری نے سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی اور انہیں اپنے مرحوم مین کے ایصالِ ثواب کے لئے زیادہ سے زیادہ عطیات دعوتِ اسلامی کو دینے کا ذہن دیا جس پر انہوں نے اچھی اچھی نیتیں کیں۔بعدازاں مبلغِ دعوتِ اسلامی نے دعا بھی کروائی۔(رپورٹ:رابطہ برائے شخصیات، کانٹینٹ:غیاث الدین عطاری)