دعوتِ اسلامی  کے پروفیشنلز ڈیپارٹمنٹ کی جانب سے 30 اپریل 2024ء بروز منگل رات 9:30 بجے ایک آن لائن ٹریننگ سیشن ہونے جارہا ہے جس کا عنوان ” اپنی صلاحیتوں کو اسلام کے لئے کیسے استعمال کریں؟“ ہوگا۔

اس سیشن میں مرکزی مجلسِ شوریٰ کے رکن حاجی وقار المدینہ عطاری آئی ٹی پروفیشنلز،انجینئر،فنا نس ،ای ۔کامرس اسپیشلسٹ اور فری لانسر کے طور پر کام کرنے والے عاشقانِ رسول کی تربیت فرمائیں گے۔مذکورہ شعبہ جات سے وابستہ افراد کو خصوصیت کے ساتھ سیشن جوائن کرنے کی درخواست ہے۔(رپورٹ :رمضان رضا عطاری)

عاشقانِ  رسول کی سنتوں بھری تحریک دعوت اسلامی کی جانب سے 2 مارچ 2024ء بروز ہفتہ مدنی مرکز فیضان مدینہ فیصل آباد میں پروفیشنلز ڈیپارٹمنٹ کے تحت ٹریننگ سیشن ہوا۔

اس ٹریننگ سیشن میں رکن شوریٰ عبدالوھاب عطاری ، ثوبان عطاری اورمختلف ڈیپارٹمنٹس سے پروفیشنلز نے شرکت کی۔

نگران پاکستان مشاورت نے سنتوں بھرا بیان کیا جس میں نگران پاکستان مشاورت حاجی محمدشاہد عطاری نے تربیتی مدنی پھولوں سے نوازتے ہوئے نیکی کرنے اور نیکی کے کاموں میں حصہ لیتے رہنے کے بارے میں ذہن دیانیز دعوت اسلامی کے دینی کاموں کے لئے عطیات جمع کرنے اور دیگر کو اس بارے میں ترغیب دلانے کے اہداف پیش کئے۔

بعدازاں سوال و جواب کا بھی سلسلہ ہوا جس میں نگران پاکستان مشاورت نے اسلامی بھائیوں کی طرف سے ہونےوالے سوالات کے جوابات دیئے۔

علاوہ ازیں شرکا نے نگران پاکستان کے ساتھ مدنی مذاکرے میں بھی شرکت کی ۔بعد مدنی مذاکرہ دہرائی کا حلقہ بھی لگایا گیا جس میں نگران پاکستان مشاورت نے اسلامی بھائیوں سے سوالات کئے اور صحیح جواب دینے والے اسلامی بھائیوں کو انعامات بھی دیئے۔

آخرمیں نگران پاکستان مشاورت نے دعا کروائی اور اسلامی بھائیوں سے ملاقات بھی کی۔(رپورٹ:عبد الخالق عطاری، کانٹینٹ:رمضان رضا عطاری)

دعوت اسلامی کے شعبہ پروفیشنلز فورم محمد ثوبان عطاری 17 اکتوبر 2023ء کو آڈیٹوریم قذافی اسٹیڈیم لاہور میں ای کامرس اینڈ آئی ٹی پروفیشنلز Meetup ہوا جس میں آئی ٹی پروفیشنلز اور دیگر شعبے سے وابستہ افراد نے شرکت کی۔

نگران مجلس شعبہ پروفیشنلز فورم محمد ثوبان عطاری ” Explore You Why “ کے موضوع پر گفتگو کی۔

دعوت اسلامی کے شعبہ پروفیشنلز فورم 18 اکتوبر 2023ء کو شیخ زید ہسپتال لاہور میں اجتماع میلاد کا انعقاد کیا گیا جس میں ڈاکٹرز، میڈیکل اسٹوڈنٹس اور ہسپتال کے دیگر اسٹاف نے شرکت کی۔

نگران مجلس شعبہ پروفیشنلز محمد ثوبان عطاری نے سنتوں بھرا بیان کیا اور خدمتِ انسانیت کے متعلق گفتگو کی۔

دعوتِ اسلامی کے شعبہ پروفیشنلز فورم کے تحت 16 اکتوبر 2023ء کو چیمبر آف کامرس کانفرنس ہال سیالکوٹ میں آئی ٹی اینڈ ای کامرس پروفیشنلز Meet-Up ہوا جس میں آئی ٹی کے شعبے سے وابستہ افراد اور دیگر عاشقان رسول نے شرکت کی۔

نگران مجلس شعبہ پروفیشنلز محمد ثوبان عطاری نے سنتو ں بھرا بیان کیا اور بہترین زندگی گزارنے کے حوالے سے کلام کیا۔

منڈی بہاؤالدین میں قائم پنجاب یونیورسٹی آف ٹیکنا لوجی اجتماعِ میلاد اور ایک مقامی بینکوئیٹ میں پروفیشنلز اجتماع منعقد ہوا جن میں پروفیشنلز، ٹیچرز، اسٹوڈنٹس  اور اسٹاف سمیت دیگر عاشقانِ رسول نے شرکت کی۔

اجتماعات کے شروع میں قراٰنِ پاک کی تلاوت کی گئی اور نعت خواں اسلامی بھائیوں نے سرکارِ مدینہ صلی اللہ علیہ و سلم کی بارگاہِ اقدس میں نذرانۂ عقیدت پیش کیا۔

حاضرین کے درمیان سنتوں بھرے بیانات کرتے ہوئے نگرانِ پروفیشنلز ڈیپارٹمنٹ ثوبان عطاری نے شرکا کی دینی و اخلاقی اعتبار سے تربیت کی اور انہیں دعوتِ اسلامی کےدینی ماحول سے منسلک ہونے کا ذہن دیا۔(کانٹینٹ:غیاث الدین عطاری)

این ایف سی انجینئرنگ یونیورسٹی (NFC Engineering) فیصل آباد کی مرکزی مسجد میں عاشقانِ رسول کی دینی تحریک دعوتِ اسلامی کے تحت میلاد اجتماع کا انعقاد کیا گیاجس میں یونیورسٹی کے ٹیچرز، اسٹوڈنٹس اور دیگر اسٹاف نے شرکت کی۔

اس اجتماعِ پاک میں پروفیشنلز ڈیپارٹمنٹ دعوتِ اسلامی کے نگران ثوبان عطاری نے سنتوں بھرا بیان کیا اور اسلامی بھائیوں کی تربیت و رہنمائی کرتے ہوئے انہیں دعوتِ اسلامی کی دینی و فلاحی خدمات سے آگاہ کیا۔

فیصل آباد چیمبر آف اسمال ٹریڈرز اینڈ اسمال انڈسٹری اورفیصل باد کے ہی علاقے  سدھار میں دعوتِ اسلامی کے تحت جشنِ ولادت کے سلسلے میں اجتماعاتِ میلاد کا انعقاد کیا گیا۔

ان اجتماعات میں دعوتِ اسلامی کے مقامی ذمہ دار اسلامی بھائیوں اور مختلف شعبہ ہائے زندگی سے تعلق رکھنے والے کثیر عاشقانِ رسول نے بھرپور انداز میں شرکت کی۔

قراٰنِ کریم کی تلاوت سے ان اجتماعات کا آغاز کیا گیا اور نعت خواں حضرات نے حبیبِ کبریا حضرت محمد صلی اللہ علیہ و سلم کی بارگاہ میں نعت شریف کا نذرانہ پیش کیا۔

آئی ٹی اور ای کامرس سے تعلق رکھنے والے عاشقانِ رسول کے لئے گزشتہ روز پنجاب کے شہر فیصل آباد میں قائم  دعوتِ اسلامی کے مدنی مرکز فیضانِ مدینہ میں ایک میٹ اپ ہوا جس میں پروفیشنلز سمیت کثیر اسلامی بھائیوں نے شرکت کی۔

میٹ اپ میں شریک پروفیشنلز کی تربیت کے لئےدعوتِ اسلامی کے نگرانِ پروفیشنلز ڈیپارٹمنٹ ثوبان عطاری نےبیان کیا جس میں انہوں نے مختلف Topics پر گفتگو کی اور وہاں موجود اسلامی بھائیوں کو دینِ اسلام کی تعلیمات سے آگاہ کیا ۔

دعوت اسلامی کے شعبہ پروفیشنلز فورم کے تحت 6 جون 2023ء کو ایبٹ آباد پریس کلب میں عظیم الشان پروفیشنلز اجتماع کا انعقاد کیا گیا جس میں مختلف شعبے سے وابستہ پروفیشنلز حضرات اور دیگر شخصیات نے شرکت کی۔

نگران شعبہ پروفیشنلز محمد ثوبان عطاری نے سنتوں بھرا بیان کیا اور شرکا کو سیرت مصطفٰے صلَّی اللہ علیہ واٰلہٖ وسلَّم کامطالعہ کرتے ہوئےاس کے مطابق زندگی گزارنے کی ترغیب دلائی۔

دعوت اسلامی کے شعبہ پروفیشنلز فورم کے زیرِ اہتمام 6 جون 2023ء کو کشمیر روڈ پریس کلب مانسہرہ میں پروفیشنلز اجتماع کا انعقاد کیا گیا جس میں مختلف شعبے کے پروفیشنلز حضرات نے شرکت کی۔

نگران مجلس شعبہ پروفیشنلز فورم محمد ثوبان عطاری نے سنتوں بھرا بیان کرتے ہوئے شرکا کو دینی کاموں میں اپنا وقت صرف کرنےاور علم دین بھی حاصل کرنے کی ترغیب دلائی۔

پچھلے دنوں عالمی مدنی مرکز فیضان مدینہ کراچی میں پروفیشنلز ڈیپارٹمنٹ کی جانب سے زکوٰۃ ورکشاپ کا انعقاد کیا گیا جس میں مختلف شعبہ ہائے زندگی سے تعلق رکھنے والے پروفیشنلز افراد نے شرکت کی۔

ورکشاپ میں دارالأفتاء اہلسنت کے مفتی سعید عطاری مدنی صاحب نے زکوٰۃ کی فرضیت اور دیگر اسکے اہم مسائل بیان کئے جبکہ مفتی صاحب نے شرکا کی جانب سے کئے گئے سوالات کے جوابات بھی دیئے ۔ (رپورٹ : پروفیشنلز ڈیپارٹمنٹ ، کانٹینٹ : محمد مصطفیٰ انیس)