عاشقان رسول کی دینی اصلاح اور ان کے دلوں کو علمِ دین کی طرف راغب کرنے کے ساتھ ساتھ ان کے اندر تبلیغ دین کا جذبہ بیدار کرنے لئے عالمگیر تحریک دعو ت اسلامی کے زیر اہتمام دنیا بھر میں ہر جمعرات بعد نماز مغرب ہفتہ وار سنتوں بھرے اجتماع کا انعقاد کیا جاتا ہے جن میں مبلغین دعوت اسلامی سنتوں بھرا بیان فرماتے ہیں۔ اجتماع کا اختتام پرنیکی کی دعوت کی دھومیں مچانے کے لئے اسلامی بھائی مدنی قافلے میں سفر بھی کرتے ہیں۔

اسی سلسلے میں 9 ستمبر 2021ء کو دنیا بھر میں ہفتہ وار سنتوں بھرے اجتماعات منعقد کئے جائینگے۔ جمعرات کی شب 9:15 بجے مدنی چینل پر براہ راست نشر ہونے والے ہفتہ وار اجتماع میں مرکزی مجلس شوریٰ کے رکن حاجی محمد اسد عطاری مدنی ”راہِ دین کی مشقتیں“ کے موضوع پر سنتوں بھرا بیان فرمائیں گے۔

تمام عاشقان رسول سے درخواست ہے کہ وہ بھی اپنے اپنے شہر میں ہونے والے ہفتہ وار اجتماع ضرور شرکت فرمائیں۔

(رپورٹ: محمد عمر فیاض مدنی، دعوتِ اسلامی کے شب وروز)

7 ستمبر 1974 کا دن مسلمانوں کے لئے ایک تاریخی حیثیت رکھتا ہے کیونکہ اس دن علامہ شاہ احمد نورانی،شیخ الحدیث علامہ مصطفیٰ الازہری، مولانا عبدالستار خان نیازی و دیگر عمائدینِ اہل سنت رحمہم اللہ المبین کی بھرپور کوششوں سے قادیانیوں کو قومی اسمبلی میں ان کے کفریہ عقائد کی بناء پر غیر مسلم اور پاکستان کی چھٹی اقلیت قراردے کر اسلام کے بنیادی عقیدۂ ختم نبوت کو آئینی وقانونی تحفظ فراہم کیا گیا۔

ملکی تاریخ کے اس عظیم روشن ترین تاریخ ساز دن ”7ستمبر“کو عاشقانِ رسول یومِ تحفظِ عقیدۂ ختم نبوت مناتے ہیں، محافلِ نعت منعقد کرتے ہیں، بیانات سننے سنانے کا سلسلہ ہوتا ہے اور ختمِ نبوت کے عقیدے کو قرآن و سنت کی روشنی میں بیان کیا جاتا ہے۔

دعوتِ اسلامی جو کہ عاشقانِ رسول کی ایک بہت بڑی تحریک ہے ،اس کی جانب سے بھی یومِ تحفظِ ختمِ نبوت نہایت ہی مذہبی جوش و خروش سے منایا گیا۔ اس سلسلے میں سب سے پہلے بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عشقِ رسول سے لبریز دلنشین نعرے لکھ کر عُشّاقانِ رسول کو محبتِ رسول کا جام پلایا اور پھر اپنے ایک ویڈیو پیغام میں تمام تاجروں اور دکانداروں سے اپیل کی کہ 7 ستمبر یومِ تحفظ ختم نبوت کی مناسبت سے اپنی دکانوں پر 7فیصد ڈسکاؤنٹ دیں۔ اس پیغام کے ملتے ہیں بہت سارے تاجروں نے لبیک کہا اور اپنی دکانوں کے آگے 7فیصد ڈسکاؤنٹ کے پینافلیکس آویزاں کردیئے۔

عقیدۂ ختمِ نبوت کی اہمیت کو اُجاگر کرنے کے لئے صبح 10 بجے دعوتِ اسلامی کے عالمی مدنی مرکز فیضانِ مدینہ کراچی میں قائم جامعۃ المدینہ میں ایک پُروقار تقریب کا انعقاد کیا گیا جس میں استاذ الحدیث مفتی محمد حسان عطاری مدنی مُدَّظِلُّہُ الْعَالِی نے ”عقیدۂ ختم ِ نبوت“ کے عنوان پر خصوصی بیان فرمایا جسے مدنی چینل پر براہِ راست نشر بھی کیا گیا۔ سینکڑوں طلبہ نے فیضانِ مدینہ میں جبکہ ہزاروں طلبہ نے اپنے اپنے جامعات المدینہ میں اجتماعی طور پر بذریعۂ مدنی چینل اس تقریب میں شرکت کی۔ مفتی حسان عطاری نے قرآن و سنت کی روشنی میں عقیدۂ ختمِ نبوت کو اُجاگر کیا اور طلبہ کونبی کریم ﷺ کے آخری نبی ہونے کے متعلق تفصیلاً آگاہی فراہم کی۔

اس کے علاوہ رات 9 بجے مدنی چینل پر خصوصی پروگرام بنام”آخری نبیﷺ “ کے عنوان سے نشر کیا گیا جس میں شیخ الحدیث و التفسیر مفتی قاسم قادری مَدَّظِلُّہُ الْعَالِی ، نگرانِ مرکزی مجلسِ شوریٰ مولانا حاجی عمران عطاری ، ترجمان دعوتِ اسلامی مولانا حاجی عبدالحبیب عطاری اور مولاناحافظ اشفاق عطاری مدنی نے شرکت کی۔

پروگرام میں بات کرتےہوئے مفتی قاسم صاحب کا کہنا تھا کہ ختمِ نبوت کا عقیدہ قرآن کی کئی آیات سے ثابت ہے اور اس کا منکر کافر ہے۔ خود جن احادیث میں حضور تاجدارِ ختمِ نبوت ﷺ نے اپنے آخری نبی ہونے کا واضح بیان فرمایا ان کی تعداد تین سو سے زائد ہے۔ انہوں نے مزید کہا کہ عقیدۂ ختمِ نبوت دین کی اساس و بنیاد ہے ، جس طرح آنحضرت ﷺ کو نبی ماننا لازمی ہےاسی طرح ان کو آخری نبی ماننا بھی لازمی ہے۔

حاجی عبدالحبیب عطاری نے مدنی چینل کے ناظرین سے بات کرتے ہوئے کہا کہ والدین کی یہ اہم ذمہ داری ہے کہ وہ اپنے بچوں کو جس طرح کلمہ ، نماز، سچ، اچھائی ، برائی وغیرہ کے بارے میں بتاتے ہیں اسی طرح ختمِ نبوت کے بارے میں بھی اپنے بچوں کو خوب اچھی طرح عقائد بتائیں تاکہ ان بچوں کا عقیدہ مضبوط اورمحفوظ ہوجائے۔

اس موقع پر مفتی ِ اہل سنت مفتی قاسم صاحب سے قادیانی فرقے، ان کے مکر و فریب اور باطل اَدِلّہ سے متعلق مختلف سوالات بھی کئے گئے جن کے انہوں نے نہایت تفصیل سے جوابات ارشاد فرمائے۔

نوٹ: مفتی قاسم عطاری مَدَّظِلُّہُ الْعَالِی کا یہ پروگرام دیکھنا ہر عاشقِ رسول کے لئے نہایت ہی مفید ہے جس کو دیکھنے سے عشقِ رسول میں اضافہ اور ایمان مضبوط ہوگا۔ ان شاء اللہ۔ پروگرام کا لنک نیچے دیا گیا ہے۔

Watch Mufti Qasim Attari Program

یومِ دعوتِ اسلامی کے موقع پر فتح جنگ کے مقامی ہال میں اجتماعی طور پر مدنی مذاکرہ دیکھنے کا سلسلہ ہوا جس میں علمائے کرام،صحافی حضرات اور تاجران سمیت کثیرعاشقانِ رسول نے شرکت کی نیز مدنی مذاکرے کے اختتام پر عاشقانِ رسول نےدعوتِ اسلامی کی خدمات کو خوب سراہتے ہوئے تاثرات بھی دیئے۔(رپوٹ: مبشر حسن عطاری مجلس حج و عمرہ واہ کینٹ اٹک زون،کانٹینٹ:غیاث الدین عطاری)

پچھلے دنوں دعوتِ اسلامی کے تحت ٹنڈو آدم میں تین دن کا اصلاحِ اعمال کورس ہوا جس میں جامعۃالمدینہ بوائز کے طلبۂ کرام،امامت کورس اور اساتذۂ کرام نے شرکت کی۔

4ستمبر2021ءبروزہفتہ پتوکی ضلع قصور میں دعوتِ اسلامی کے چالیس سال مکمل ہونےپر گریٹ پیلس شادی ہال میں اجتماعی مدنی مذاکرے کا سلسلہ ہوا جس میں ٹیچرز، اسٹوڈنٹس، وکلا، تاجران اورجامعۃالمدینہ و مدرسۃ المدینہ کے طلبۂ کرام سمیت کثیر عاشقانِ رسول نے شرکت کی۔

اس دوران مجلس مدنی چینل کا بستہ بھی لگایا گیا جس میں موبائل فون میں مفت مدنی چینل کا ڈیٹا ڈاؤن لوڈ کر کے دیا گیا۔(رپوٹ: علی ریاض عطاری مجلس سیکیورٹی ڈیپارٹمنٹ،کانٹینٹ:غیاث الدین عطاری)

قراٰن کا سیکھنا ہر مسلمان پر فرض ہے اسی سلسلے میں  دعوتِ اسلامی نے مختلف مقامات پر مدرسۃالمدینہ اسلامی بھائیوں کے لئے قائم کئے جس میں بڑی عمر کے اسلامی بھائیوں کوفرض علوم کے ساتھ ساتھ تجوید کے ساتھ قراٰنِ پاک کی تعلیم دی جاتی ہے۔پچھلے دنوں ٹھل میں قائم مدرسۃالمدینہ اسلامی بھائیوں کے لئے میں نگران کابینہ عبدالوحید عطاری مدنی ،نگرانِ ڈویژن محمد اویس عطاری اور قاری شہباز عطاری کا جانا ہوا ۔

اس موقع پر ذمہ داران نے اسلامی بھائیوں کی تربیت کرتے ہوئے ان کو مدنی پھول بھی دیئے۔(رپوٹ: قاری عرفان عطاری رکن کابینہ فیضان آن لائن اکیڈمی،کانٹینٹ:غیاث الدین عطاری)

دعوت اسلامی کے زیر اہتمام فیصل آباد کے علاقے ستارہ سپنا سٹی میں ایک تاجر اسلامی بھائی کی رہائش گاہ پر مدنی حلقے کا انعقاد کیا گیاجس میں نگران فیصل آباد زون اور دیگر ذمہ داران سمیت تاجروں نے شرکت کی۔

نگران پاکستان مشاورت حاجی محمد شاہد عطاری نے تاجروں کو نیکی کی دعوت دیتے ہوئے نماز کی اہمیت کے متعلق مدنی پھول ارشاد فرمائے اور انہیں نماز کی پابندی اور درود پاک کی کثرت کرنے کا ذہن دیا۔

آخر میں حاجی محمد شاہد عطاری نے دعا بھی کروائی۔

پچھلے دنوں دعوت اسلامی کے زیر اہتمام Park View cityشاہ پور کانجراہ ملتان میں سنتوں بھرے اجتماع کا انعقاد کیا گیا جس میں کثیر تعداد میں طلبہ، شخصیات اور دیگر اسلامی بھائیوں نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان فرمایا۔ (Content: Mohammad Hussain Attari)

دعوتِ اسلامی کی مرکزی  مجلسِ شوریٰ کے رکن و ترجمان دعوتِ اسلامی مولانا حاجی عبدالحبیب عطاری کے والدِ مرحوم حاجی یعقوب گنگ کی برسی کے موقع پر آج مؤرخہ 6 ستمبر 2021ء بروز پیر رات نمازِ عشاء کے بعد فیضانِ غوثِ پاک،1/92 مین خیابانِ حافظ، خیابانِ سحر ، ڈی ایچ اے، فیز 6 کراچی میں سنتوں بھرا اجتماع منعقد ہوگا۔

اجتماع کا آغاز رات 9 بجے قرآن خوانی سے ہوگا اور ساڑھے 9بجے نعت خوانی شروع ہوگی۔ 9:45 پر حاجی عبدالحبیب عطاری سنتوں بھرا بیان فرمائیں گے اور 10:30 پر دعا کے ذریعے اجتماع کا اختتام ہوجائے گا۔

قرب و جوار کے عاشقانِ رسول اس اجتماع میں شرکت فرماکر ثوابِ دارین حاصل فرمائیں۔ 

دعوتِ اسلامی کے تحت3ستمبر2021ءبروزجمعہ لاہور میں  شعبہ مدنی مذاکرے کا مدنی مشورہ ہوا جس میں نگرانِ ڈویژن مشاورت محمد نصیر عطاری مدنی نے4ستمبر2021ءبروزہفتہ پیراگون اسکول نزد ریلوے پھاٹک پتوکی میں ہونے والے اجتماعی مدنی مذاکرہ کے حوالے مشاورت کی اور انتظامات کے حوالے سےاہم نکات پر گفتگو ہوئی ۔نگرانِ ڈویژن نے انتظامات کی تقسیم کاری کرتے ہوئے جگہےکا وزٹ بھی کیا۔(رپوٹ: علی ریاض عطاری مجلس سیکیورٹی ڈیپارٹمنٹ،کانٹینٹ:غیاث الدین عطاری)

دعوتِ اسلامی کے  قیام کو 40 سال مکمل ہونے پر پاکستان بھرمیں یومِ دعوتِ اسلامی جوش و خروش سے منایا جارہا ہے ۔

اس موقع پر 2ستمبر2021ء بروزجمعرات فیضان اسلام ڈیفنس میں یومِ دعوتِ اسلامی کے حوالے سے سنتوں بھرے اجتماع کاانعقاد ہوا جس میں ڈیفنس و کلفٹن کی سیاسی و سماجی شخصیات سمیت عاشقانِ دعوتِ اسلامی نے کثیر تعداد میں شرکت کی۔

اس اجتماعِ پاک میں خصوصی طور پر نگرانِ ڈیفنس کابینہ نے مدنی پھول دیتے ہوئے شرکا کو ہر ماہ 3 دن مدنی قافلے میں سفر کرنے کا ذہن دیا۔بعد ازاں اجتماعِ پاک کے اختتام پر دعا و صلوٰۃ وسلام کا بھی سلسلہ ہو ا۔(رپوٹ: محمد حماد سوشل میڈیا مجلس ڈیفنس کابینہ،کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کو 40 سال مکمل ہونے پر دنیا بھر میں2ستمبر2021ءبروزجمعرات یومِ دعوتِ اسلامی زوروشور سے منایا گیا۔ الحمدللہ عزوجل اسی سلسلے میں ٹھل میں بھی ہفتہ وار اجتماع بسلسلہ یوم دعوت اسلامی بہترین انداز سے منایا گیا جس میں مبلغِ دعوتِ اسلامی حاجی زاہد عطاری نے سنتوں بھرا بیان کرتے ہوئے دعوتِ اسلامی کے 40سال کے عرصے میں ہونے والی خدمات کو بیان کیا۔

اس اجتماعِ پاک میں صاحبزادہ مولانا محمد شفیع صاحب سمیت تقریباً 200 عاشقان رسول کی شرکت ہوئی۔(رپوٹ: قاری عرفان عطاری رکن کابینہ فیضان آن لائن اکیڈمی ،کانٹینٹ:غیاث الدین عطاری)