دعوت اسلامی کے شعبہ  مدرسۃ المدینہ بالغات کے زیرِ اہتمام یوکے برمنگھم کے شہر ڈربی میں 26 دن پر مشتمل”مدنی قاعدہ کورس“کا سلسلہ جاری ہے جس میں 14 اسلامی بہنیں شرکت کی سعادت حاصل کر رہی ہیں۔

مدرّسہ اسلامی بہن کورس میں شریک اسلامی بہنوں کو درست مخارج کے ساتھ قراٰنِ پاک پڑھنے اور دیگر شرعی مسائل کے بارےمیں معلومات فراہم کر رہی ہیں۔ اس موقع پر طالبات نے خود سیکھ کر دوسروں کو پڑھانے کی نیتیں بھی پیش کیں۔

دعوت اسلامی کے زیر اہتمام یوکے کے شہر پیٹربرو (Peterborough)میں پہلی بار ذمہ دار اسلامی بہنوں کے لئے مدنی مذاکرہ اجتماع کا انعقاد کیا گیا جس میں ہفتہ وار مدنی مذاکرہ دیکھنے /سننے کے متعلق بیان ہوا۔

اس اجتماع میں 20 ذمہ دار اسلامی بہنوں نے شرکت کی اور مدنی مذاکرہ دیکھنے اور اپنی کارکردگی ذمہ داراسلامی بہنوں کو دینے کی نیت کی۔

دعوت اسلامی کے زیر اہتمام یوکے کے شہر گلاسگو ، ایڈنبرا، لیٹن اور ہونسلوو  میں ہفتہ وار سنتوں بھرے اجتماعات کا انعقاد کیا گیا جن میں تقریباً91 اسلامی بہنوں نے شرکت کی۔

مبلغاتِ دعوتِ اسلامی نے ”قربانی“ کے موضوع پر سنتوں بھرا بیان کیا اور اجتماعِ پاک میں شریک اسلامی بہنوں کو ذوالحجۃا لحرام کے پہلے دس دنوں کے فضائل کے بارے معلومات فراہم کیں نیز دعوت اسلامی کے ساتھ اجتماعی قربانی میں حصہ لینے کا ذہن بھی دیا۔

اسلامی بہنوں کی مجلس شارٹ کورسز کے زیرِ اہتمام کوآئرلینڈ(Ireland) ریجن میں آن لائن 12 دن پر مشتمل”آئیے مدنی کام سیکھیں کورس“ کا انعقاد کیا گیا جس میں مقامی اسلامی بہنوں نے شرکت کی۔

کورس میں شریک اسلامی بہنوں کو مدنی کام سیکھنے کے ساتھ ساتھ اخلاقی اور تنظیمی تربیت کے حوالے سے مدنی پھول سیکھنے کا موقع فراہم کیا گیا۔

اسلامی بہنوں کی مجلس  کفن دفن کے زیرِ اہتمام یوکے کے شہر ٹوٹنگ (Tooting)میں بذریعہ اسکائپ کفن دفن تربیتی اجتماع کا انعقاد کیا گیا جس میں 13 اسلامی بہنوں نے شرکت کی۔

دعوت اسلامی کے زیر اہتمام گزشتہ دنوں اٹلی کی ڈویژن میلان  میں ذمہ دار اسلامی بہنوں کا مدنی مشورہ ہوا جس میں میلان کے علاقے لنیانو کی ذمہ دار اسلامی بہنو ں نے شرکت کی۔

یورپین یونین ریجن کی نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے ان کی تربیت کی اور سالانہ اہداف پر کلام کرتےہوئے اجتماعی قربانی کے لئے بھرپور کوشش کرنے کا ذہن دیا نیز مدنی تحریک کے کاموں میں اضافے کے لئے زیادہ سے زیادہ اسلامی بہنوں پرانفرادای کوشش کرنے کی ترغیب دلائی۔

دعوتِ اسلامی کے زیر اہتمام  یورپین یونین ریجن کے ملک ڈنمارک (Denmark) کے تین علاقوں میں بذریعہ اسکائپ سنتوں بھرے اجتماعات کا انعقاد کیا گی جن میں تقریباً 43 اسلامی بہنوں نے شرکت کی۔

کابینہ نگران اسلامی بہنوں نے " ذوالحجۃ الحرام کے ابتدائی 10 دن کی فضیلت" کے موضوع پر سنتوں بھرے بیانات کئے اور اجتماعات میں شریک اسلامی بہنوں کو حرمت والے مہینے، سب سے افضل ذکر اور گوشت کے طبی فوائد بتائیں نیز دعوت اسلامی کے تحت ہونے والی اجتماعی قربانی میں حصہ لینے کی ترغیب بھی دلائی۔

 دعوتِ اسلامی کے شعبہ مدرسۃ المدینہ بالغات کے زیر اہتمام قراٰنِ کریم کی تعلیمات کو عام کرنے کے جذبے کے تحت یورپین یونین ریجن کے ملک سویڈن (Sweden) میں مدرسۃ المدينہ بالغات کا آغاز کیا گیا ہے

اس مدرسۃ المدینہ بالغات میں اسلامی بہنوں کو تجوید کے ساتھ درست قراٰنِ کریم پڑھنےکے ساتھ ساتھ مختصر دعائیں اور سورتیں بھی یاد کروائی جائیں گی۔

داخلہ کی خواہشمند اسلامی بہنیں نیچے دئیے گئے ای میل پر رابطہ کر سکتی ہیں ۔

دعوت اسلامی کے زیرِاہتمام یورپین یونین ریجن کے ممالک کی نگران اسلامی بہنوں کا بذریعہ اسکائپ  مدنی مشورہ ہوا جس میں یورپین یونین ریجن کی نگران اسلامی بہن نے مدنی مشورے میں شریک اسلامی بہنوں کی کارکردگی کا جائزہ لیتے ہوے ان کی تربیت کی اور مدنی کاموں کو بڑھانے کے متعلق مختلف امور پر نکات دئیے نیز مدنی انعامات کی مدنی تحریک کی کارکردگی کےلئے خوب خوب انفرادای کوشش کرنے کا ذہن دیا۔

دعوتِ اسلامی کے زیر اہتمام 19 جولائی 2020ء کویورپین  یونین ریجن کے ملک جرمنی کے چار ذیلی حلقوں میں بذریعہ اسکائپ ون ڈے سیشن کا انعقاد کیا گیا جن میں تقریباً 52 مقامی اسلامی بہنوں نے شرکت کی۔

مبلغہ دعوت اسلامی نے " ذوالحجۃ الحرام کے ابتدائی 10 دن کی فضیلت" کے موضوع پر سنتوں بھرا بیان کیا اور مدنی حلقوں میں شریک اسلامی بہنوں کو ذوالحجۃ الحرام کے ابتدائی 10 دنوں میں پڑھے جانے والے مختلف اذکار بیان کئے۔

دعوتِ اسلامی کے زیر اہتمام  یورپین یونین ریجن کے ملک بلجئیم ( Belgium) میں بذریعہ اسکائپ سنتوں بھرے اجتماع کا انعقاد کیا گیا جس میں تقریباً 25 مقامی اسلامی بہنوں نے شرکت کی۔

بلجئیم کی کابینہ ذمہ دار اسلامی بہن نے " ذوالحجۃ الحرام کے ابتدائی 10 دن کی فضیلت" کے موضوع پر سنتوں بھرا بیان کیا اور اجتماعِ پاک میں شریک اسلامی بہنوں کو حرمت والے مہینے، سب سے افضل ذکر اور گوشت کے طبی فوائد بتائیں نیز ناخن کاٹنے کی سنتیں اور آداب سے متعلق بھی معلومات فراہم کیں۔

اسلامی بہنوں کی مجلس  شارٹ کورسز کے زیر ِ اہتمام پچھلے دنوں یوگنڈا میں پانچ دن پر مشتمل”فیضانِ طہارت کورس “مکمل (اختتام)ہوا جس میں 15 اسلامی بہنوں نے شرکت کی۔

کورس میں شریک اسلامی بہنوں کو وضو ،غسل ،تیمم کا طریقہ، پاکی ناپاکی کے احکام ، مستعمل پا نی ، نجاستوں کا بیان اور کپڑے پاک کرنے کا طریقہ سکھایا گیا ۔