دعوت اسلامی کے شعبے FGRF کے تحت نگران ِکابینہ کوٹ مومن مولانا محمد سیف الله عطاری مدنی نےشعبے کے اسلامی بھائیوں کے ہمراہ ریسکیو1122 اسٹیشن تحصیل کوٹ مومن ضلع سرگودھا کا وزٹ کیا۔

اس موقع پر FGRF کی ٹیم نے ریسکیورز کو کوٹ مومن آمد پر خوش آمدید کہتے ہوئے ریسکیو 1122اسٹیشن کی خوبصورتی اور آب وہوا کو بہتر بنانے کے لئے مختلف خوبصورت پودے تحفہ میں دیئے۔

بعدازاں ذمہ دار نے پودے لگانے کےفضائل بیان کرتے ہوئے ریسکیوررزکے لئے نیک خواہشات کا اظہار کیا اور اسلامی بھائیوں کے دعا کروائی۔(رپورٹ: فضیل رضا عطاری، کانٹینٹ:غیاث الدین عطاری) 

شعبہ ایف جی آر ایف دعوتِ اسلامی کے زیرِ اہتمام 24 جنوری 2022ء بروز پیر حسن کالونی بائی پاس واربرٹن میں واٹر فلٹر پلانٹ کا سنگ بنیاد رکھا گیاجس دوران مرکزی مجلسِ شوریٰ کے رکن حاجی اظہر عطاری، جامعۃ المدینہ بوائز کے طلبۂ کرام و اساتذۂ کرام، مذہبی و سماجی شخصیات اور ایس ایچ او سمیت دیگر عاشقانِ رسول موجود تھے۔

اس دوران رکنِ شوریٰ نے دعوتِ اسلامی کی دینی و فلاحی خدمات سے حاضرین کو آگاہ کرتے ہوئے بتایا کہ دعوتِ اسلامی صحرائے تھر میں اب تک 6 سو سے زائد سولر سسٹم پر واٹر پروجیکٹ مکمل کر چکی ہے۔(رپورٹ:محمد رمضان عطاری مدنی مدرس جامعۃالمدینہ و امام و خطیب جامع مسجد فیضانِ غوث اعظم، کانٹینٹ:غیاث الدین عطاری)

موسم سرما میں پریشان حال لوگوں کو ٹھنڈ سے بچانے اور  انسانیت سے ہمدردی کرنے کے لئے شعبہ فیضان گلوبل ریلیف فاؤنڈیشن FGRF (دعوت اسلامی) ملک و بیرون میں گرم کپڑے، جیکٹس اور کمبل تقسیم کررہیں ہے۔

اسی سلسلے میں 16 جنوری 2022ء بروز اتوار FGRF گودام فیضان مدینہ کراچی سے گاڑیاں لوڈ ہوکر کراچی کے تمام ڈسٹرکٹ (ناظم آباد، نارتھ ناظم آباد، جمشید کوارٹر، لیاری، کیماڑی اور دیگرمقامات) پر پہنچیں جہاں فلاحی کاموں کا سلسلہ ہوا۔ ان مقامات پر مستحقین افراد میں ہزاروں کی تعداد میں جیکٹ، گرم کپڑے اور کمبل تقسیم کی گئیں۔ 

بلوچستان کے ضلع ہرنائی میں گزشتہ دنوں شدید زلزلہ آیا جس کے سبب متعدد شہادتیں ہوگئی جبکہ سینکڑوں لوگ زخمی اور بے شمار لوگ بےگھر ہوگئے،اسی سلسلے میں دعوت اسلامی کے شعبہ FGRFکی جانب سے ضلع ہرنائی کے عاشقانِ رسول کے لئے امدادی سرگرمیوں کا سلسلہ رہا۔

FGRF (دعوت اسلامی) کی زیر ِنگرانی مختلف علاقوں، دیہاتوں جس میں ہرنائی شہر اور اطراف جو کہ زلزلے کی وجہ سے شدید متاثر ہوئے اُن میں امدادی کارروائیوں کے لئے FGRF کی مختلف ٹیموں نے رضا کاروں کےہمراہ دور دراز پہاڑی علاقوں میں زلزلہ متاثرین میں پکا ہوا کھانا، پینے کا صاف پانی ،جوسز ، راشن، خیمے ،ڈسپوزل برتن، کمبل اورنقد رقوم تقسیم کیں۔

مزیدذمہ داراسلامی بھائیوں نے زلزلہ متاثرین میں زخمی ہونے والےعاشقانِ رسول کی ہسپتال میں جا کر عیادت اور شہداکے گھروں میں جا کر فاتحہ خوانی و تعزیت کی۔ (رپورٹ: محمد منیر عطاری کوئٹہ زون مدنی چینل عام کریں ڈسٹریبیوشن، کانٹینٹ:غیاث الدین عطاری)

دعوتِ اسلامی عالمِ اسلامی کی تحریک ہے جوامت مسلہ کے لئے دنیا بھرمیں اپنے مختلف شعبہ جات کے ذریعہ دینی وفلاحی کام کرنے میں مصروف عمل ہے اسی کے سبب دنیا بھر سے لوگ دعوت ِاسلامی کی کاوشوں کو خوب سراہتے ہیں ۔

اسی سلسلے میں پچھلے دنوں دعوتِ اسلامی کے شعبہ FGRFکی فلاحی کاوشوں کے پیشِ نظر اسسٹنٹ کمشنر کوٹ مومن حافظ عبدالمنان بیگ کی طرف سے کوٹ مومن تحصیل میں شجرکاری کرنے اور دیگر فلاحی کاموں میں حصہ لینے کی وجہ سےدعوتِ اسلامی کو تعریفی سرٹیفیکیٹ جاری کیا گیا ۔

اس کے علاوہ سپرنٹنڈنٹ آف اے سی آفس کوٹ مومن نصیر احمد کیانی نے دعوتِ اسلامی کی دینی وفلاحی خدمات کو خوب سراہا۔(رپورٹ: فضیل رضا عطاری مدنی رکنِ زون شعبہ مدنی چینل عام کریں ،کانٹینٹ:غیاث الدین عطاری)

گزشتہ دنوں شعبہ FGRF(دعوت اسلامی) کے تحت شجر کاری مہم کے سلسلے میں قبرستان گڑھی اعوان میں پودے لگائے گئے جس میں اسسٹنٹ کمشنر حافظ آباد میاں مراد حسین نیکوکارہ نے پودا لگا کر مہم کا آغاز کیا۔

اس موقع پر حافظ آباد کے نگرانِ کابینہ منظور الحق عطاری، ڈویژن نگران اسلم شہزاد عطاری اور ڈسٹرکٹ کوآرڈینیٹر حافظ آباد محمد مدثر عطاری بھی موجود تھے۔

ذمہ دار اسلامی بھائیوں نے انہیں دعوتِ اسلامی کی دینی وفلاحی خدمات کے حوالے سے بریفنگ دی جس پر اسسٹنٹ کمشنر نےدعوتِ اسلامی کی کاوشوں کو خوب سراہا ۔

مزید اسسٹنٹ کمشنر کا کہنا تھا کہ دعوتِ اسلامی کی دینی خدمات دنیا بھر میں اپنی مثال آپ ہیں مگر دعوت ِاسلامی کی فلاحی خدمات بھی قابل تحسین ہیں ،اگر دیکھا جائے تو شجر کاری کےذریعے اب تک ملک بھر میں دعوتِ اسلامی 22 لاکھ پودے لگا چکی ہے اسی طرح تھیلیسیمیا کے بچوں کو بلڈ دینے کے حوالے سے ملک بھر میں اب تک دعوتِ اسلامی تاریخ رقم کرچکی ہے، دعوتِ اسلامی کے بانی حضرت علامہ مولاناابوبلال محمدالیاس عطارقادری دامت برکاتہم العالیہ کو اللہ عزوجل اپنے مشن میں مزید ترقیاں عطا فرمائے ۔(رپورٹ: محمد ذوالفقار عطاری نگرانِ کابینہ علی پور چٹھہ،کانٹینٹ:غیاث الدین عطاری)

دعوتِ اسلامی کے تحت یکم اگست2021ء سے دنیا بھر میں شجرکاری مہم کا آغاز کیاگیا  جس میں مختلف مقامات پر شجرکاری کی گئی۔اسی سلسلے میں پچھلے دنوں شعبہ FGRF (دعوتِ اسلامی)کے پاکستان سطح کے ذمہ دار محمد الطاف عطاری نے حافظ آباد زون میں شجرکاری کئے گئے مقامات کا وزٹ کیاجس میں کسوکی پولیس اسٹیشن، جناح چوک، گوجرانولہ روڈ، ڈسٹرکٹ جیل اور پولیس لائنز میں شہدا ءگارڈن کی تیاریوں کا جائزہ لیا۔

بعدازاں پاکستان سطح کےذمہ دارنے FGRF حافظ آباد زون کے ذمہ داران کا مدنی مشورہ کرتے ہوئے اسلامی بھائیوں کی تربیت کی۔ (رپورٹ: شعبہ ایف جی آر ایف ،کانٹینٹ:غیاث الدین عطاری)

23اگست2021ء بروزپیر دعوتِ اسلامی  کے تحت امیرِ اہل سنت دامت برکاتہم العالیہ کے فرمان پر عمل کرتے ہوئے شجرکاری کی گئی۔ اس موقع پر پتوکی ضلع قصور لاہور میں FGRF کے ذمہ داران نے شعبہ رابطہ کے ذمہ داران کے ہمراہ دیگر سیاسی و سماجی شخصیات، تاجران اور پولیس اہلکار وں سمیت اسسٹنٹ کمشنر پتوکی کے آفس میں شجرکاری کی جس میں سیاسی شخصیت وصدر انجمن تاجران پتوکی رانا ممتاز علی خان بھی شریک تھے ۔اس موقع پر انہوں دعوتِ اسلامی کی دینی خدمات کا خوب سراہا۔(رپوٹ: علی ریاض عطاری،کانٹینٹ:غیاث الدین عطاری)

پچھلے دنوں دعوتِ اسلامی کے تحت ہفتہ وار اجتماع میں نگران کوٹ مومن کابینہ ودیگر ذمہ داران کاضلعی صدر PTI سرگودھا ومشہور بزنس مین مہر انصر اقبال ہرل، سابقہ ناظم مٹیلہ چوہدری خالد محمود سموراور اہم سیاسی شخصیت چوہدری اظہر عباس گوندل سے ملاقات کا سلسلہ ہوا۔ اس موقع پرسیدالشہداء امام عالی مقام امام حسین رضی اللہ عنہان کے رفقاء،شہدائے اسلام خصوصاً صحابہ کرامعلیھم الرضوان اورشہدائے پاکستان کے ایصال ثواب کیلئے 572 پودے لگانے کا پختہ عزم کیا گیانیز مہر انصر اقبال ہرل نےدعوت اسلامی کو اپنے ٹاؤن والی مسجد کے انتظامات سنبھالنے اور دعوت اسلامی کے ساتھ ہر ممکن تعاون کرنے کی یقین دہانی کرواتے ہوئے مدنی چینل کو اپنے تاثرات بھی دیئے۔

بعد ازاں ملک و قوم کی خوشحالی اور سلامتی کیلئے دعا کروائی گئی۔(رپوٹ: محمد فضیل رضا عطاری،کانٹینٹ:غیاث الدین عطاری )

امیر اہل ِسنت دامت برکاتہم العالیہ کے فرمان پر19اگست2021ء بروز جمعرات سید الشہداء امامِ عالی مقام امام حسین رضی اللہ عنہ اور آپ کے رفقاء کے ایصال ثواب کےلئے عاشقان رسول کے سنتوں کی تربیت کے تین دن کے مدنی قافلوں کی آخری نشست ہوئی ۔

اس موقع پر عاشقانِ رسول کی مدنی تحریک دعوتِ اسلامی کے زیرِاہتمام کوٹ مدنی مرکز فیضانِ مدینہ میں اجتماع ِذکر و نعت بسلسلہ عظمتِ سیدالشہداء امام ِعالی مقام امام حسینرضی اللہ عنہ منعقد کیا گیا جس میں کثیر عاشقان رسول سمیت سیاسی وسماجی شخصیات اور ضلعی صدر PTI مہر انصر اقبال ہرل نے بھی شرکت کی۔

مبلغِ دعوتِ اسلامی نے بیان کرتے ہوئے پاکستان کے امن وسلامتی اور خوشحالی کے لئے دعائیں بھی کروائی ۔

دعوت اسلامی کے شعبہ فیضان گلوبل ریلیف فاونڈیشن( FGRF)کے تحت تقریباً 572 پودے لگا کر پاکستان کو سرسبزوشاداب کرتے ہوئے اس کی آب وہوا کو بہتر کرنے کا پختہ عزم کیا۔ (رپوٹ: محمد فضیل رضا عطاری،کانٹینٹ:غیاث الدین عطاری )

ان دنوں حکومت پاکستان کی طرف  سے سمندر میں مچھلی کے شکارکرنے پر پابندی ہے جس کی وجہ ایسے افراد جن کا ذریعہ معاش مچھلی شکار کرنا ہی تھا وہ پریشانی میں مبتلا ہوگئے۔

ان پریشان حال گھرانوں کی ہمددری اور خیر خواہی کرتے ہوئے دعوت اسلامی کے شعبہ FGRFکے زیر اہتمام کیماڑی کابینہ کے جزیرہ بابا بھٹ شاہ میں راشن تقسیم کرنے کا سلسلہ ہوا ۔ شعبہFGRF کے ذمہ دار محمد فواد عطاری نے دیگر اسلامی بھائیوں کے ہمراہ کشتیوں میں راشن بھر کر جزیرے میں موجود ان ماہی گیروں میں راشن تقسیم کیا۔ ( Content: Mohammad Hussain Attari)

دعوت اسلامی کے شعبہ FGRFکے زیر اہتمام بلوچستان سبی کے گاؤں چانڈیو میں فلاحی کاموں کا سلسلہ رہا۔

ضلعی انتظامیہ، ایڈیشنل ڈپٹی کمشنر، تحصیل دارنصیر احمد، رسالدار لیویز فورس، نائب رسالدار اور دیگر فورس کے جوانوں کے تعاون سے شعبہ FGRF کے نگران شجاعت علی عطاری، نگران کابینہ سبی اور دیگر اسلامی بھائی راشن لیکر چانڈیو گاؤں پہنچے اور متاثرین کو راشن پیش کی۔

آخر میں شعبہ FGRFکی ٹیم نے ضلعی انتظامیہ اور افسران کا تعاون کرنے پر شکریہ بھی ادا کیا۔ (Content: Mohammad Hussain Attari)