عاشقانِ رسول کی دینی تحریک دعوتِ اسلامی کے تحت سیلاب زدگان کے لئے پاکستان کے شہر لاہور میں واقع مدنی مرکز فیضانِ مدینہ جوہر ٹاؤن میں امدادی کیمپ لگایا گیا ہے جس میں وقتاً فوقتاً اراکینِ شوریٰ کی آمد ہوتی رہتی ہے۔

اسی سلسلے میں پچھلے دنوں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اس امدادی کیمپ کا وزٹ کیا اور وہاں موجود اسلامی بھائیوں کی حوصلہ افزائی کی نیز سیلاب زدگان کے لئے جانے والے سامان کا جائزہ لیا۔

بعدازاں رکنِ شوریٰ حاجی یعفور رضا عطاری نے اسلامی بھائیوں کو دعوتِ اسلامی کے دینی کاموں کو اخلاص کے ساتھ کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

گزشتہ روز دعوتِ اسلامی کی مرکزی مجلسِ شوریٰ کے رکن حاجی محمد امین عطاری کی دینی کاموں کے سلسلے میں چنیسر ٹاؤن کراچی میں قائم امدادی کیمپ میں آمد ہوئی۔

اس دوران رکنِ شوریٰ حاجی محمد امین عطاری نے اسلامی بھائیوں کی حوصلہ افزائی کرتے ہوئے انہیں مدنی پھولوں سے نوازا اور سیلاب زدگان کے لئے جمع ہونے والے سامان کے بارے میں فالو اپ لیا جس پر ذمہ داران نے رکنِ شوریٰ کو اس حوالے سے بریفنگ دی۔

بعدازاں رکنِ شوریٰ نے ذمہ دار اسلامی بھائیوں کو اسی طرح دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

سیلاب سے متأثرہ عاشقانِ رسول کے لئے دعوتِ اسلامی کے فلاحی شعبے ایف جی آر ایف کے زیرِ اہتمام پاکستان کے مختلف علاقوں میں امدادی کیمپ لگایا گیا ہے۔

تفصیلات کے مطابق 30 اگست 2022ء بروز منگل پاکستان کے شہر پتوکی میں بھی امدادی کیمپ لگایا گیا جس میں کثیر عاشقانِ رسول وقتاً فوقتاً سیلاب زدگان کی مدد کے لئے راشن، رقم اور ضروریاتِ زندگی کا سامان دے رہے ہیں جو دعوتِ اسلامی کے ذمہ داران کے ذریعے سیلاب متأثرین تک پہنچایا جا رہا ہے۔

واضح رہے سیلاب متأثرین کے لئے دعوتِ اسلامی کے زیرِ اہتمام لگایا گیا یہ امدادی کیمپ آئندہ دنوں میں بھی لگا رہے گا جو اسلامی بھائی اپنے ہم وطن عاشقانِ رسول کی مدد کرنا چاہتے ہیں وہ شعبہ ایف جی آر ایف دعوتِ اسلامی کے اسلامی بھائیوں سے رابطہ کریں۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ اکیڈمی، کانٹینٹ:غیاث الدین عطاری)

پچھلے دنوں اسسٹنٹ کمشنر رب نواز چدھڑ نے دعوتِ اسلامی کی جانب سے سیلاب زدگان کے لئے لگائے گئے امدادی کیمپ کا وزٹ کیا جہاں ذمہ دار اسلامی بھائیوں نے انہیں جمع ہونے والے سامان کو مختلف شہروں میں بھیجنے کے حوالے سے بریفنگ دی۔

اس موقع پر اسسٹنٹ کمشنر نے دعوتِ اسلامی کے ذمہ داران کی کوششوں کو سراہتے ہوئے خوشی کا اظہا رکیا اور اپنی طرف سے مکمل تعاون کی یقین دہائی کروائی جس پر ذمہ داران نے اسسٹنٹ کمشنر کا شکریہ ادا کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں دعوت اسلامی کے تحت میرپورخاص میں شعبہ رابطہ برائے شخصیات اور شعبہ FGRF کے ذمہ دار اسلامی بھائیوں کی ڈپٹی کمشنر میرپورخاص زین العابدین میمن سے ملاقات ہوئی۔

دورانِ ملاقات ذمہ داران نے ڈپٹی کمشنر کو شعبہ FGRF دعوت اسلامی کے تحت ہونے والے سیلاب متاثرین کے امدادی کاموں کے بارے میں آگاہی دی جس پر انہوں نے دعوتِ اسلامی کی اس کاوش کو سراہا نیز ڈپٹی کمشنر نے اپنی طرف سے ہر ممکنہ تعاون کی یقین دہانی کروائی۔اس کے علاوہ ذمہ دار اسلامی بھائیوں نے رؤیتِ ہلال کمیٹی کے رکن مفتی علی اصغر عطاری کے شیڈول کے متعلق اہم امور پر میٹنگ کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے  دنوں ہونے والی بارشوں اور سیلاب سے متأثرین عاشقانِ رسول کی امداد کے لئے دعوتِ اسلامی کے شعبہ ایف جی آر ایف کے تحت ہزارہ ڈویژن ایبٹ آباد ڈسٹرکٹ پھلکوٹ میں امدادی کیمپ لگایاگیا۔

اس کیمپ میں راشن، رقم اور ضروریاتِ زندگی کے سامان جمع کئے جارہے ہیں جو دعوتِ اسلامی کے ذمہ دار اسلامی بھائیوں کے ذریعے سیلاب اور بارش سے متأثرین تک پہنچا دی جائیں گی۔

وہ عاشقانِ رسول جو اس بھلائی کے کام میں حصہ لینا چاہتے ہیں وہ دعوتِ اسلامی کے ذمہ داران سے رابطہ کریں اور اپنی آخرت کے لئے ثواب کا خزانہ حاصل کیجیئے۔(کانٹینٹ:غیاث الدین عطاری)

دعوت اسلامی کی مرکزی مجلس شوریٰ کے رکن حاجی سیّد لقمان عطاری نے پچھلے دنوں دینی کاموں کے سلسلے میں ڈیفنس کراچی کا دورہ کیا جہاں انہوں نے قائم شعبہ ایف جی آر ایف کے مختلف کیمپس کا وزٹ کیا۔

اس دوران رکنِ شوریٰ نے کیمپس میں موجود ذمہ داران کی حوصلہ افزائی کرتے ہوئے انہیں مدنی پھولوں سے نوازا نیز امت کی خیر خواہی کا جذبہ دلایا اور اسی طرح دعوتِ اسلامی کے دینی کاموں کو اخلاص کے ساتھ کرنے کا ذہن دیا۔

واضح رہے ڈیفنس کراچی میں 6 مقامات پر سیلاب زدگان کی امداد کے لئے کیمپس قائم کئے گئے ہیں مخیر حضرات سے تعاون کی اپیل ہے۔ (رپورٹ:محمد حماد رضا شعبہ تعلیم ڈیفنس ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی سیلاب سے متأثرہ اور پریشان حال لوگوں کی امداد کے لئے ہر ممکنہ کوشش کرنے میں مصروفِ عمل ہے۔

اسی سلسلے میں پاکستان کے شہر پتوکی میں شعبہ FGRF دعوتِ اسلامی کے تحت 28 اگست 2022ء بروز اتوار بارشوں و سیلاب سے متأثرہ عاشقانِ رسول کی مدد کے لئے امدادی کیمپ لگایا گیا جس میں سیلاب زدگان کے لئے رقم، راشن اور ضروریات زندگی کا سامان جمع کیا جارہا ہے۔

واضح رہے یہ امدادی سامان پاکستان کے مختلف شہروں میں پہنچا دیا جائے گا جبکہ امدادی کیمپ مصیبت زدہ مسلمانوں کی مدد کرنے کے لئے آنے والے دنوں میں بھی لگا رہے گاجو اسلامی بھائی تعاون کرنا چاہتے ہیں وہ دعوتِ اسلامی کے ذمہ داران سے رابطہ فرمائیں۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت سیلاب زدگان اور پریشان حال لوگوں کی امداد کے لئے پاکستان کے شہر لاہور میں قائم مدنی مرکز فیضانِ مدینہ جوہر ٹاؤن کے باہر کیمپ لگایا گیا۔

تفصیلات کے مطابق دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ذمہ دار اسلامی بھائیوں کے ہمراہ اس امدادی کیمپ کا جائزلیا اور وہاں موجود عاشقانِ رسول کی حوصلہ افزائی کی۔

اس کے علاوہ رکنِ شوریٰ نے عاشقانِ رسول کو امت کی خیر خواہی کا جذبہ دلاتے ہوئے انہیں مدنی پھولوں سے نوازا اور اسی طرح دعوتِ اسلامی کے ساتھ مل کر دنیا بھر کے مسلمانوں کی مدد کرنے کا ذہن دیا۔

واضح رہے حالیہ بارشوں اور سیلاب سے متأڈثرین کی مدد کے لئے دعوتِ اسلامی کے شعبہ FGRF کے تحت پاکستان کے مختلف شہروں میں امدادی کیمپ لگائے جا چکے ہیں جو عاشقانِ رسول مصیبت زدہ مسلمانوں کی مدد کرنا چاہتے ہیں وہ دعوتِ اسلامی کےذمہ داران سے رابطہ کریں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوتِ اسلامی کے فلاحی شعبے FGRF کے تحت مصیبت زدہ و پریشان حال لوگوں کی امداد کے لئے ذمہ دار اسلامی بھائی ہمیشہ کوششیں کرتے رہتے ہیں۔

اسی سلسلے میں پچھلے دنوں ڈسڑکٹ سانگھڑ سمیت پاکستان کے مختلف شہروں بالخصوص کنڈیاری 4چک ورکشاب روڈ دلشاخ المنصورہ کالونی میرپور روڈ پیرومل میں حالیہ بارشوں و سیلاب سے متأثرین عاشقانِ رسول کے درمیان دعوتِ اسلامی کے ذمہ دار اسلامی بھائی وقتاً فوقتاً کھانا تقسیم کر رہے ہیں۔

اس کے علاوہ دعوتِ اسلامی کی جانب سے بےگھر ہونے والے افراد یا جن کے گھر کو نقصان پہنچا ہو انہیں رقم بھی دی جا رہی ہے تاکہ وہ اپنی ضروریات کو پورا کر سکیں۔

اس مشکل وقت میں امت کی خیر خواہی کا جذبہ رکھنے والے صاحب استطاعت عاشقانِ رسول دعوتِ اسلامی کا ساتھ دیں اور اس بھلائی کے کام میں اپنا حصہ ملائیں۔(رپورٹ:احمد رضا عطاری نگرانِ سانگھڑ شہر، کانٹینٹ:غیاث الدین عطاری)

پاکستان کی تاریخ میں پہلی بار ایک ایسا وقت آیا ہے کہ لاکھوں مسلمان اس وقت بےگھر ہو چکے ہیں، ہمارے اہلِ وطن، ہمارے بھائی اور ہماری بہنیں اپنی آنکھوں سے اپنے بچوں، جانوروں اور گھروں کو بہتے ہوئے دیکھ رہے ہیں اور کچھ کر نہیں پا رہے۔

وہ لوگ جو دوسروں کو کھلایا کرتے تھے آج اُن کے پاس کھانے کو کچھ نہیں ہے، جن کی زیرِ نگرانی گھرکے افراد کے ساتھ ساتھ جانور پلا کرتے تھے آج اُن کےسروں پر چھت نہیں ہے۔

معلومات کےمطابق حالیہ بارشوں اور سیلاب کے سبب ہزاروں لوگ بےگھر ہوگئے، لاکھوں لوگ بے روز گار ہوگئے جبکہ سینکڑوں لوگ اس دنیائے فانی سے انتقال کر گئے۔

اس مشکل وقت میں دعوتِ اسلامی کا شعبہ ایف جی آر ایف پاکستان کے مختلف شہروں میں دن رات اِن پریشان حال و مصیبت زدہ مسلمانوں کی مدد کر رہا ہے جس میں کروڑوں روپے کا سامان تقسیم کیا جا چکا ہے اور کروڑوں روپے کا سامان بھیجا جا رہا ہے مگر آفت بہت بڑی ہے مدد سب نے مل کر کرنی ہے۔

اسی سلسلے میں دعوتِ اسلامی 28 اگست 2022ء بروز اتوار (پاکستانی وقت کے مطابق) دوپہر 3 بجے کرنے جا رہی ہے لائیو ٹرانسمیشن (پروگرام) جس کا نام ہے ”مدد کی گھڑی ہے“ ۔ان شاء اللہ مرکزی مجلسِ شوریٰ کے رکن حاجی عبدالحبیب عطاری قراٰن و حدیث کی روشنی میں بتائیں گے کہ ان پریشان حال و مصیبت زدہ مسلمانوں کی مدد کے فضائل کیا ہیں؟ نیز لائیو ٹرانسمیشن کے ذریعے جانیں گے کہ بارشوں و سیلاب سے متأثرہ لوگوں کی کیفیت کیا ہے، انہیں کس چیز کی حاجت ہے اور اُن کے لئےدعائے خیر بھی کی جائے گی۔(کانٹینٹ:غیاث الدین عطاری)

پاکستان کے بہت سارے شہر (صوبہ بلوچستان، صوبہ سندھ، جنوبی پنجاب اور KPK کے بعض علاقے ) اس وقت بارشوں اورسیلاب سے شدید متاثر ہیں۔ کئی مکانات منہدم ہوچکے ہیں جبکہ بہت سے مکانات کو جزوی نقصان پہنچا ہے۔ پورے گاؤں کے گاؤں،گوٹھ کے گوٹھ تباہ ہوکر صفحۂ ہستی سے مٹ چکے ہیں۔کھیت کھلیان تباہ ہوچکے ہیں۔ پانی گھروں میں داخل ہونے سے لوگوں کی قیمتی اشیاء ضائع ہوچکی ہیں۔ مویشی سیلابی ریلے میں بہہ چکے ہیں۔ فوت شدگان کو دفنانے کے لئے کفن موجود نہیں ہے۔ لوگ اپنے نومولود بچوں کو شاپروں میں ڈال کر دفن کرنے پر مجبور ہیں۔ لاکھوں لوگ کھلے آسمان کے نیچے بے یارو مددگار مدد کے منتظر ہیں۔اب تک سینکڑوں لوگ لقمۂ اجل بن چکے ہیں جبکہ ہزاروں افراد زخمی بھی ہوچکے ہیں۔ اگر بروقت ان کی مدد نہ کی گئی تو چند دن بعد لوگ بارش اور سیلاب کے بجائے بھوک اور جراثیم کے باعث بیماریوں سے مرنا شروع ہوجائیں گے۔

مصیبت کی اس گھڑی میں دعوتِ اسلامی کے فلاحی شعبے FGRF کے ہزاروں کارکنان دن رات سیلاب زدگان کی خدمت میں مصروفِ عمل ہیں۔ دعوتِ اسلامی نے سیلابی صورتِ حال سے نمٹنے کے لئے جو پلان ترتیب دیا ہے اس کے تین حصے ہیں۔ پہلے حصے میں متاثرین کو زندہ رکھنے کے لئے پکا ہوا کھانا، پینے کا صاف پانی ،کیش رقم،راشن، ٹینٹ، زخمیوں کے لئے ابتدائی طبی امداد، لائف جیکٹس، جوتے اور کپڑے وغیرہ تقسیم کئے جارہے ہیں۔ دوسرے مرحلے میں متاثرین کے تباہ شدہ گھروں کی تعمیرات کا سلسلہ کرنا ہے اور تیسرے مرحلے میں ان بے یار و مددگار افراد کے لئے روزگار کی بحالی کرنا ہے۔

ترجمان دعوتِ اسلامی و رکنِ شوریٰ حاجی عبدالحبیب عطاری کے مطابق دعوتِ اسلامی اس وقت روزانہ کی بنیاد پر کروڑوں روپے کی امدادی سرگرمیاں کررہی ہے جبکہ ہزاروں افراد تک پکا ہوا کھانا اور پینے کاصاف پانی پہنچارہی ہے۔

اس موقع پر بانیِ دعوتِ اسلامی علامہ مولانا محمدالیا س عطار قادری دامت بَرَکَاتُہمُ العالیہ نے تمام عاشقانِ رسول سے اپیل کی ہے کہ ان دکھیاروں کی خوب مدد کریں اور اللہ کی راہ میں خرچ کرکے ثواب کے حقدار بنیں۔

FGRG دعوتِ اسلامی نے ہیلپ لائن قائم کردی ہے جس پر مالی یا کسی بھی طرح سے امداد کی خواہش رکھنے والےافراد ہم سے رابطہ کرسکتے ہیں ، اس کے علاوہ جنہیں امداد درکار ہے وہ بھی اسی ہیلپ لائن پر کال کرسکتے ہیں، اِن شآءَ اللہ ممکنہ صورت میں دعوتِ اسلامی کے رضاکار آپ کو ریسکیو کرنے کی کوشش کریں گے۔

ہیلپ لائن نمبر:03152678657