جیسے جیسے سائنس ترقی کرتی جا رہی ہے اسی رفتار سے دنیا میں ٹرانسپورٹ کے دھوئیں اور فیکٹریوں کی جانب سے پھیلائی جانےوالی فضائی آلودگی سے زمین کا درجہ حرارت بھی بڑھتا جا رہا ہے جس کے نتیجے میں موسمی حالات میں شدت اور انسانی زندگی پر اس کے مُضِر اثرات مرتب ہوتے جا رہے ہیں۔ گلوبل وارمنگ سے نمٹنے کے لئے دنیا بھر میں شجرکاری پر زور دیا جارہا ہے، اس نیک کام میں دعوتِ اسلامی کی طرف سے بھی بھرپور انداز میں شرکت کا فیصلہ کیا گیا اور بانیِ دعوتِ اسلامی نے مدنی چینل پر ایک ارب پودے لگانے کا اعلان فرمایا۔ ہدف کو علمی جامہ پہنانے کے لئے اب تک WWF، فاریسٹ ڈیپارٹمنٹ اور متعلقہ حکومتی اداروں جانب سے بھی تعاون کا سلسلہ رہا۔

شجرکاری مجلس کی جانب سے دعوتِ اسلامی کے شب وروز کو ملنے والی رپورٹ کے مطابق FGRF کی جانب سے سال 2021 میں 19 لاکھ 35 ہزار سے زائد اور سال 2022میں اب تک 3لاکھ 83 ہزار سے زائد پودے لگادیئے گئے ہیں۔ یعنی اگر ٹوٹل تعداد کی بات کی جائے تو دعوتِ اسلامی کی جانب سے ملک بھر میں اب تک 23 لاکھ 18 ہزار سے زائد پودے لگائے گئے ہیں جوکہ ایک اچھی تعداد ہے۔

اس کے علاوہ دعوتِ اسلامی اربن فاریسٹ پر بھی کام کررہی ہےاور اب تک 12 مقامات پر اربن فاریسٹ پلانٹیشن کی جاچکی ہے۔

شجرکاری مجلس کے ایک ذمہ دار اسلامی بھائی حاجی الطاف عطاری نے شب وروز کو مزید بتایا کہ یکم اگست 2022ء سے شروع ہونے والی شجر کاری مہم کا ہدف 12 لاکھ متعین کیا گیا تھا، لیکن اس وقت ملکِ پاکستان کے بہت سارے شہر زیرِ آب چکے ہیں اور سیلابی صورت حال سے دوچار ہیں، اس وجہ سے شجرکاری مہم بھی متاثر ہوئی ہے۔ حالات معمول پر آنے کے بعد اِن شآءَ اللہ ان علاقوں، شہروں میں بھی شجر کاری مہم کا آغاز کیا جائے گا۔

واضح رہے کہ دعوتِ اسلامی کی شجرکاری مہم کو سراہتے ہوئے چند روز قبل ہی پنجاب اسمبلی میں ایک رکن پنجاب اسمبلی کی جانب سے امیر اہل سنت کو خراجِ تحسین پیش کرنے کی قرارداد بھی پیش کی گئی تھی جسے متفقہ طور پر قبول کیا گیا تھا اور اراکینِ پنجاب اسمبلی نے بانیِ دعوتِ اسلامی علامہ محمد الیاس عطار قادری دامت بَرَکَاتُہمُ العالیہ کو بڑے پیمانے پر شجرکاری کرنے کی خدمات پر خراجِ تحسین پیش کیا۔ (رپورٹ: محمد عمر فیاض عطاری مدنی)

دعوتِ  اسلامی کے شعبہ FGRF کے تحت 23 اگست 2022ء بروز منگل، ڈسٹرکٹ ہری پور مین خان پور روڈ، چیچیاں انٹر چینج، موٹر وے پر شجر کاری کا سلسلہ ہوا جس میں ہزارہ ڈویژن کے نگران غلام مرتضی عطاری ،ڈپٹی کمشنر آف ہری پور،ڈویژنل فارسٹ آفیسر،ایڈیشنل ڈپٹی کمشنر موٹر وے پولیس،ڈسٹرکٹ نگران ہری پور،تحصیل نگران ہری پور،تحصیل نگران خان پور،تحصیل نگران غازی اور دعوت اسلامی کے مختلف شعبہ جات کے ذمہ داران اور محکمہ جنگلات کے ملازمین نے بھی پودے لگائے۔

اس موقع پر شرکا نے شجر کاری کے حوالے سے دعوت اسلامی کا یہ نعرہ بھی دہرایا:پودا لگانا ہے،درخت بنانا ہے۔الحمدللہ دعوت اسلامی کے شعبہ FGRF کے تحت ہری پور ڈسٹرکٹ کے مختلف علاقوں میں یکم اگست 2022 ءسے 23 اگست 2022ء تک ان 23 دنوں میں 2 ہزار سے زائد پودے لگائے جا چکے ہیں۔(کانٹینٹ:رمضان رضا عطاری)

دعوتِ اسلامی کے تحت 24 اگست 2022ء بروز بدھ شعبہ ایف جی آر ایف کے ذمہ دار اسلامی بھائیوں  کی اوتھل ڈپٹی کمشنر لسبیلہ مراد خان کانسی سے میٹنگ ہوئی جس میں ذمہ داران نے انہیں پریشال حال مسلمانوں کے امدادی کاموں کے بارے میں بریفنگ دی نیز دعوتِ اسلامی کے مختلف دینی کاموں سے آگاہ کیا۔

ڈپٹی کمشنر نے دعوتِ اسلامی کی دینی و فلاحی خدمات کو سراہتے ہوئے اپنی نیک خواہشات کا اظہار کیا اور اپنی طرف سے مکمل تعاون کی یقین دہانی کروائی۔اس موقع پر میونسپل کمیٹی اوتھل کے شاہد رضا عطاری مدنی، تحصیل نگران بشیر احمد عطاری اور جہاں زیب عطاری بھی موجود تھے۔(رپورٹ:رابطہ برائے شخصیات بلوچستان، کانٹینٹ:غیاث الدین عطاری)

دعوتِ اسلامی کے تحت شعبہ ایف جی آر ایف کے ذمہ دار اسلامی بھائی کوئٹہ میں حالیہ بارشوں اور سیلاب سے متأثرہ عاشقانِ رسول کی امداد میں مصروفِ عمل ہیں۔

23 اگست 2022ء بروز منگل شعبہ ایف جی آر ایف کے ذمہ داران نے مصیبت زدہ اور پریشان حال اسلامی بھائیوں کے درمیان راشن تقسیم کیا جس پر عاشقانِ رسول نے دعوتِ اسلامی کی اس کاوش کو سراہا اور دعوتِ اسلامی کے لئے اپنی نیک خواہشات کا اظہا رکیا۔اس موقع پر FGRF کے کوئٹہ ڈویژن ذمہ دار محسن رضا عطاری سمیت دیگر ذمہ دار اسلامی بھائی موجود تھے۔(رپورٹ:رابطہ برائے شخصیات بلوچستان، کانٹینٹ:غیاث الدین عطاری)

لوگوں کو دینِ اسلام کی تعلیمات سے آگاہ کرنے اور اُن کی دینی و اخلاقی تربیت کرنے کے ساتھ ساتھ دنیا بھر میں فلاحی کاموں میں حصہ لینے والی عاشقانِ رسول کی دینی تحریک دعوتِ اسلامی کے تحت حالیہ بارشوں کے سبب متأثرین کے درمیان کھانا تقسیم کیا گیا۔

تفصیلات کے مطابق پاکستان کے مختلف شہروں سانگھڑ ڈسٹرکٹ، ٹنڈو آدم، شہدادپور، کھپرو، ورکشاب اور سنجھورو میں ہونے والی حالیہ بارشوں کے سبب پریشان زدہ مسلمانوں کی امداد کے لئے ہزاروں افراد کے درمیان دعوتِ اسلامی کے ذمہ دار اسلامی بھائیوں نے گھر گھر جا کر کھانا تقسیم کیا جس پر لوگوں نے دعوتِ اسلامی کی اس کاوشوں کو سراہا اور دعوتِ اسلامی کے لئے اپنی نیک خواہشات کا اظہار کیا۔اس موقع پر ڈسٹرکٹ نگران سانگھڑ احمدرضا عطاری سمیت دیگر ذمہ دار اسلامی بھائی موجود تھے۔

آپ بھی اس کارِ خیر میں دعوتِ اسلامی کا ساتھ دیں اور پریشان حال مسلمانوں کی امداد کے لئے دعوتِ اسلامی کو ڈونیشن دے کر اپنی آخرت کے لئے ثواب کا ذخیرہ جمع کریں۔(رپورٹ:شعبہ ایف جی آر ایف، کانٹینٹ:غیاث الدین عطاری)

دعوت اسلامی کے شعبہ ایف جی آر ایف کے تحت ڈسٹرکٹ جیل پاکپتن شریف میں شجر کاری مہم کا انعقاد کیا گیا جس میں امام ِعالی مقام امام حسین رضی اللہ عنہ اور ان کے رفقاء سمیت شیخ الاسلام بابا فرید الدین مسعود گنج شکر علیہ الرحمہ کے ایصال ِثواب کے لئے پودے لگائے گئے۔

اس موقع پر ایف جی آر ایف ڈسٹرکٹ پاکپتن کے ذمہ دار پیر فیضان علی چشتی، ایس پی، ڈی ایس پی اور اے ایس آئی سمیت دیگر اہلکار بھی موجود تھے۔بعدازاں مبلغِ دعوتِ اسلامی نے ملک و قوم کی سلامتی کے لئے دعا کروائی۔(رپورٹ:محمد فہیم بلوچ سٹی ذمہ دار حیدرآباد، کانٹینٹ:غیاث الدین عطاری)

دعوتِ اسلامی کے تحت یکم اگست 2022ء بروز پیر پاکستان بھر کے مختلف شہروں میں شجرکاری منایا گیا جس میں کثیر عاشقانِ رسول نے سیکڑوں تعداد میں پودے لگا کر اس مہم کا آغاز کیا۔

اس مہم کو جاری رکھتے ہوئے 2 اگست 2022ء بروز منگل عثمان شاہ ہوڑی تحصیل ھنڈومری میں شعبہ FGRF دعوتِ اسلامی کے تحت شجرکاری کی گئی جس میں وائس چیئرمین راجپوت کاشف اور علاقے کے زمیندار سمیت دیگر عاشقانِ رسول نے شرکت کی۔

اس موقع پر تحصیل نگران توفیق احمد عطاری نے وہاں موجود اسلامی بھائیوں کے ہمراہ ملک و قوم کی ترقی اور سلامتی کے لئے دعا کروائی۔بعدازاں زمیندار اسلامی بھائیوں نے دعوتِ اسلامی کی اس کاوش کو سراہا۔(رپورٹ:توفیق احمد عطاری نگران تحصیل، کانٹینٹ:غیاث الدین عطاری)

درخت اللہ عزوجل کی ایسی نعمت ہے جو ہمیں آکسیجن کے ساتھ ساتھ صاف ستھرا ماحول فراہم کرتا اور ہمارے ملکِ پاکستان کو سرسبز و شاداب بنا تا ہےجو وطنِ عزیز کی آنے والی نسلوں کے لئے بھی بڑی اہمیت کا حامل ہے۔

اسی سلسلے میں دعوتِ اسلامی کے تحت یکم اگست2021ء کی طرح یکم اگست 2022ء بروز پیر یومِ شجر کاری منایا گیا جس میں شعبہ FGRF دعوتِ اسلامی کے تعاون سے کثیر عاشقانِ رسول نے پاکستان بھر کے مختلف شہروں، گاؤں،ڈسٹرکٹ، ٹاؤن، یو سی، وارڈ، مدارس المدینہ، جامعۃا لمدینہ، اسکول، کالجز، یونیورسٹیز، ہسپتالوں اور سرکاری اداروں میں پودے لگائے۔

واضح رہے اس سال 2022ء میں شعبہ FGRF دعوتِ اسلامی کے زیرِ اہتمام صرف ڈسٹرکٹ سینٹرل میں ذمہ دار اسلامی بھائیوں نے کم و بیش 3 ہزار سے زائد پودے لگائے جن میں اراکینِ شوریٰ حاجی سیّد ابراہیم عطاری اور حاجی محمد امین عطاری شامل تھے۔(رپورٹ:محمد فواد عطاری ڈسٹرکٹ سینٹرل شعبہ ایف جی آر ایف، کانٹینٹ:غیاث الدین عطاری)

دعوتِ اسلامی کے تحت یکم اگست 2022ء بروز پیر کراچی کے ایسٹ ڈسٹرکٹ گلشن ٹاؤن میں شجر کاری مہم کا انعقاد کیا گیا جس میں مرکزی مجلسِ شوریٰ کے رکن حاجی سیّد لقمان عطاری سمیت اسپیشل پرسنز نے شرکت کی۔

اس موقع پر رکنِ شوریٰ حاجی سیّد لقمان عطاری نے اسپیشل پرسنز کے ہمراہ پودے لگاکر اس مہم کا آغاز کیا اور ملک و قوم کی ترقی کے لئے عا کروائی نیز وہاں موجود اسلامی بھائیوں کو دعوتِ اسلامی کے دینی کاموں میں عملی طور پر حصہ لینے کا ذہن دیا۔اس موقع پر ڈسٹرکٹ ذمہ دار وسیم عطاری سمیت دیگر عاشقانِ رسول بھی موجود تھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

پاکستان کے ماحول کو خوش گوار بنانے کے لئے دعوتِ اسلامی کے تحت صوبۂ سندھ کے شہر لاڑکانہ میں  میں واقع قائد عوام یونیورسٹی کے Old اور New ہاسٹل میں Plantation Day منایا گیا جس میں اسٹوڈنٹس سمیت ذمہ دار اسلامی بھائی شریک ہوئے۔

اس دوران اسلامی بھائیوں نے پودے لگاکر Plantation کا آغاز کیا اور ہاسٹل میں کم و بیش 100 پودے لگائے نیز ملک و قوم کی سلامتی کے لئے دعا کروائی۔اس موقع پر ڈویژن ذمہ دار شعبہ تعلیم مولانا منصور احمد عطاری مدنی،نگرانِ ڈسٹرکٹ لاڑکانہ فداء حسین عطاری مدنی اور نگرانِ ڈویژن لاڑکانہ محمد عقیل عطاری سمیت دیگر ذمہ داران موجود تھے۔(کانٹینٹ:غیاث الدین عطاری)

دعوتِ اسلامی کے تحت یکم اگست 2022ء بروز پیر پنڈ دادنخان میں شجر کاری مہم کا اہتمام کیا گیا جس میں اسٹنٹ کمشنر پنڈ دادنخان ملک نور زمان، چوہدری امتیاز جٹ، قاری قمر عباس، قاری عبد اللہ، قاری صدام، قاری نیرعباس اور دیگر افسران سمیت اہلِ علاقہ نے شرکت کی۔

اس دوران ذمہ داران نے شجر کاری مہم میں شریک عاشقانِ رسول کو دعوتِ اسلامی کے دینی و فلاحی خدمات کے بارے میں بریفنگ دی جس پر اسسٹنٹ کمشنر نےتأثرات دیتے ہوئے خوشی کا اظہا رکیا اور دعوتِ اسلامی کی کاوشوں کو سراہا۔

اس موقع پر تحصیل نگران طارق محمود عطاری، یو سی نگران قمر عطاری، یو سی نگران پنڈ دادنخان فہیم عطاری اور ربطہ برائے شخصیات کے ذمہ دار محمد عباس عطاری موجود تھے۔(رپورٹ:نیر عباس عطاری تحصیل کار کردگی زمہ دار، کانٹینٹ:غیاث الدین عطاری)

دعوتِ اسلامی کے تحت یکم اگست 2022ء بروز پیر  پاکستان کے شہر ایبٹ آبا دمیں واقع گورنمنٹ ہائی اسکول میں شجر کاری مہم کا انعقاد کیا گیا جس میں پرنسپل مختیار احمد خان سمیت دیگر اسٹاف نے شرکت کی۔

اس دوران مختیار احمد خان کے ہمراہ نگرانِ ڈسٹرکٹ ایبٹ آباد مولانا محمد رمضان عطاری مدنی نے پودالگا کر شجر کاری مہم کا آغاز کیا اور ملک و قوم کی سلامتی کے دعا کروائی۔

بعدازاں وہاں موجود اسلامی بھائیوں نے دعوتِ اسلامی کی اس کاوش کو سراہتے ہوئے اپنی نیک خواہشات کا اظہار کیا۔( کانٹینٹ:غیاث الدین عطاری)