امت کی خیر خواہی اور مخلوق خدا کی کی تکلیف و بیماری پر مدد  و ہمدردی کرنے کے جذبے سے سرشار عاشقان رسول نے پچھلے دنوں پسرور میں تھیلیسیمیا کے بچوں کے لئے دعوت اسلامی کی جانب سے بلڈ کیمپ ، سول ہسپتال میں لگایا جس میں 145 خون کے بیگ دیئے گئے ۔

بلڈ کیمپ میں ڈی پی او سیالکوٹ ذیشان رضا ، ڈی ایس پی ملک عامر ، صدر با نیاز باجوہ ، سیکریٹری بار رانا شاہد ، ایم ایس سول ہسپتال جنید ، سرجن ولید اور پسرور سرکل کے چھ تھانوں کے ایس ایچ او ز نے وزٹ کیا اور اس نیکی کے کام میں اپنا حصہ ملاتے ہوئے خون دیا ۔

اس موقع پر سندس فاؤنڈیشن کے بانی حاجی سرفراز بھی موجود تھے انہوں نے ڈی پی سیالکوٹ کو دعوت اسلامی کی دینی و فلاحی کاموں کے بارے میں بریف کیا اور تھیلیسیمیا کے بچوں کے لئے دعوت اسلامی کے کام کو خوب سراہا۔(رپورٹ: شعبہ ایف جی آر ایف، کانٹینٹ: محمد مصطفی انیس ) 

22 مئی 2022 ء بروز اتوارکو  گرمی کی شدت کے پیش نظر دعوت اسلامی کے شعبہ FGRF کے تحت سندھ کے شہر ڈہرکی کے بیچ بازار میں ٹھنڈے اور میٹھے پانی پلانے کا خصوصی اہتمام کیا گیا۔ذمہ داران نے کثیر لوگوں کو ٹھنڈا اور میٹھا پانی پلایا ۔(کانٹینٹ: رمضان رضا عطاری)

واربرٹن میں قائم دعوتِ اسلامی کی جامع مسجد فیضانِ غوث اعظم میں شعبہ FGRF کے تحت یکم اپریل 2022ء بروز جمعہ واٹر فلٹر پلانٹ کے افتتاح کے سلسلے میں اجتماع کا انعقاد کیا گیا جس میں رکنِ شوریٰ حاجی محمد اظہر عطاری سلمہ الباری کی خصوصی آمد و بیان ہوا ۔

حاضرین سے گفتگو کرتے ہوئے رکنِ شورٰی نے فرمایا کہ پانی پلانا آسان اور افضل ترین نیکیوں میں سے ہےنیز دعوتِ اسلامی صحرائے تھر سمیت جگہ بجگہ واٹر فلٹر پلانٹ لگانے کے ساتھ ساتھ دیگر فلاحی کاموں میں مصروف عمل ہے۔

بعد ازاں رکنِ شوریٰ حاجی محمد اظہر عطاری سلمہ الباری نے واٹر فلٹر پلانٹ کی افتتاحی تختی کی نقاب کشائی کی۔اس موقع پر مبلغ دعوتِ اسلامی حاجی نصر اقبال عطاری، امیر سنی علماکونسل واربرٹن علامہ اشفاق احمد رضوی، مولانا سجاد احمد سیالوی، مبلغِ دعوتِ اسلامی فرحان رشید عطاری، مولانا محمد عرفان مدنی، جامعۃ المدینہ امینیہ رضویہ کے اساتذہ عظام، چوہدری جاوید اقبال بگڑ، میاں خرم ہنس، رانا عبد الجبار و دیگر سماجی و مذہبی شخصیات سمیت کثیر عاشقانِ رسول نے شرکت کی۔(رپورٹ: محمد رمضان عطاری مدنی مدرس جامعۃالمدینہ، کانٹینٹ:رمضان رضا عطاری)

دعوتِ اسلامی کے شعبہ ایف جی آر ایف کے زیرِ اہتمام ڈائریکٹر جنرل وائلڈ لائف اینڈ پارکس سفاری زو لاہور پنجاب میں شجر کاری مہم کا اہتمام کیا گیا جس میں اسسٹنٹ ڈائریکٹر وسیم بلوچ، سیکورٹی ڈیپارٹمنٹ ذمہ دار محمد عادل عطاری اور آفتاب عطاری سمیت دیگر اسلامی بھائیوں نے شرکت کی۔

اس دوران ذمہ داران نے اسسٹنٹ ڈائریکٹر کو نیکی کی دعوت پیش کرتے ہوئے دعوتِ اسلامی کی دینی و فلاحی خدمات سے آگاہی دی اور انہیں دعوتِ اسلامی کے سنتوں بھرے اجتماعات میں شرکت کرنے کی ترغیب دلائی جس پر انہوں نے اچھی اچھی نیتیں کیں۔بعدازاں مبلغِ دعوتِ اسلامی نے دعا بھی کروائی۔(رپورٹ: کامران عطاری سیکورٹی ڈیپارٹمنٹ پاکستان، کانٹینٹ:غیاث الدین عطاری)

پچھلے دنوں شعبہ فیضان گلوبل ریلیف فاؤنڈیشن ((FGRF دعوت اسلامی کے زیر اہتمام 8 مارچ 2022ء بروز منگل ڈسٹرکٹ ٹنڈو محمد خان میں قائم فوجی فاؤنڈیشن اسکول میں شجر کاری مہم کااہتمام کیا گیا جس میں ذمہ داران ِ دعوتِ اسلامی سمیت اسکول کے پرنسپل عبدالرزاق خاص خیلی، ٹیچرز اور اسٹوڈنٹس نے بھی شرکت کی۔

اس دوران نگرانِ ڈسٹرکٹ فضل عطاری، صوبائی ذمہ FGRF محمد عادل عطاری نے اسٹوڈنٹس کے ہمراہ پودا لگاکر اس مہم کا آغاز کیا اور وہاں موجود اسٹوڈنٹس کو دعوتِ اسلامی کے دینی کاموں میں بڑھ چڑھ کر شرکت کرنے کی ترغیب دلائی جس پر انہوں نے اچھی اچھی نیتیں پیش کیں۔واضح رہے اس موقع پر کم و بیش 150 پودے لگائے گئے ہیں۔(رپورٹ:فضل احمد عطاری رکن کابینہ ٹنڈومحمدخان، کانٹینٹ:غیاث الدین عطاری)

دعوت اسلامی کے شعبہ فیضان گلوبل ریلیف فاؤنڈیشن کے زیر اہتمام 7مارچ 2022ء بروز پیر کہکشاں مارکیٹ سول لائنز ٹاؤن کلفٹن کراچی میں بلڈ کیمپ کا انعقاد کیا گیا جس میں کثیر تعداد میں عاشقان رسول نے امیر اہل سنت دَامَتْ بَرَکَاتُہُمُ الْعَالِیَہ کے فرمان پر عمل کرتے ہوئے اپنا بلڈ ڈونیٹ کیا۔

اس موقع پر رابطہ برائے تاجران ذمہ دار محمدعمران عطاری نے دیگر ذمہ دار اسلامی بھائیوں کے ہمراہ بلڈ کیمپ کا وزٹ کیا اور خون عطیہ کرنے والے عاشقان رسول سے ملاقات کرتے ہوئے ان کی حوصلہ افزائی کی۔(رپورٹ:محمدعمیرعطاری، کانٹینٹ:غیاث الدین عطاری)

گزشتہ دنوں دعوت اسلامی کے شعبہ FGRF کےتحت گریٹر اقبال پارک مینار پاکستان لاہور میں شجرکاری مہم کا اہتمام کیا گیا جس میں ذمہ داراسلامی بھائیوں سمیت دیگر عاشقانِ رسول نے شرکت کی۔

اس موقع پر مرکزی مجلسِ شوریٰ کے رکن حاجی یعفور رضا عطاری نے اسلامی بھائیوں کے ہمراہ پارک میں پودا لگا کر اس مہم کا آغاز کیا اور ملک و قوم کی سلامتی کے لئے دعا کروائی۔

اس کے علاوہ رکنِ شوریٰ نے وہاں موجود عاشقانِ رسول کو شجرکاری مہم سمیت دعوتِ اسلامی کے دیگر دینی و فلاحی کاموں کے بارے میں بتایاجس پر انہوں نے دعوتِ اسلامی کی کاوشوں کو سراہا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں شعبہ FGRF کے ذمہ داران کی میٹنگ ہوئی جس میں شعبے کے اہم اسلامی بھائیوں نے شرکت کی۔

اس میٹنگ میں مرکزی مجلسِ شوریٰ کے اراکین مولانا حاجی عبدالحبیب عطاری اور حاجی محمد امین عطاری نے ذمہ داران سے گفتگو کرتے ہوئے شعبے کے دینی کاموں کی کارکردگی کا اجائزہ لیا۔

رکنِ شوریٰ مولاناحاجی عبدالحبیب عطاری نے ذمہ داران سے اہم امور تبادلۂ خیال کرتے ہوئے شعبے کی ترقی کے حوالے سے مدنی پھول دیئے جس پر انہوں نے اچھی اچھی نیتوں کا اظہار کیا۔(رپورٹ:شعبہ ایف جی آر ایف، کانٹینٹ:غیاث الدین عطاری)

دعوت اسلامی کے شعبہ ایف جی آر ایف کے زیر ِاہتمام تھیلیسیمیا اور دیگر مریضوں کے لئے پاکستان کے مختلف شہروں میں وقتاً فوقتاً بلڈ کیمپ کا انعقاد کیا جاتا رہتا ہےجس میں عاشقانِ رسول اپنے خون کے عطیات جمع کرواتے ہیں۔

اسی سلسلے میں 9 فروری 2022ء بروز بدھ کالیکی منڈی میں بلڈ کیمپ لگایا گیا جہاں علاقہ مکینوں، سیاسی و سماجی شخصیات اور اطراف کے اسلامی بھائیوں نے خون کا عطیہ جمع کروایا۔ خون کے عطیات جمع کروانے والے عاشقان رسول نے دعوت اسلامی کی اس کاوش کو خوب سراہتے ہوئے مدنی چینل کو اپنے تاثرات دیئے۔(رپورٹ: اعظم عطاری رکن ِکابینہ شعبہ اسلامی بھائیوں کے مدرسۃ المدینہ، کانٹینٹ:غیاث الدین عطاری)

دعوت اسلامی کے شعبے FGRF کے تحت نگران ِکابینہ کوٹ مومن مولانا محمد سیف الله عطاری مدنی نےشعبے کے اسلامی بھائیوں کے ہمراہ ریسکیو1122 اسٹیشن تحصیل کوٹ مومن ضلع سرگودھا کا وزٹ کیا۔

اس موقع پر FGRF کی ٹیم نے ریسکیورز کو کوٹ مومن آمد پر خوش آمدید کہتے ہوئے ریسکیو 1122اسٹیشن کی خوبصورتی اور آب وہوا کو بہتر بنانے کے لئے مختلف خوبصورت پودے تحفہ میں دیئے۔

بعدازاں ذمہ دار نے پودے لگانے کےفضائل بیان کرتے ہوئے ریسکیوررزکے لئے نیک خواہشات کا اظہار کیا اور اسلامی بھائیوں کے دعا کروائی۔(رپورٹ: فضیل رضا عطاری، کانٹینٹ:غیاث الدین عطاری) 

شعبہ ایف جی آر ایف دعوتِ اسلامی کے زیرِ اہتمام 24 جنوری 2022ء بروز پیر حسن کالونی بائی پاس واربرٹن میں واٹر فلٹر پلانٹ کا سنگ بنیاد رکھا گیاجس دوران مرکزی مجلسِ شوریٰ کے رکن حاجی اظہر عطاری، جامعۃ المدینہ بوائز کے طلبۂ کرام و اساتذۂ کرام، مذہبی و سماجی شخصیات اور ایس ایچ او سمیت دیگر عاشقانِ رسول موجود تھے۔

اس دوران رکنِ شوریٰ نے دعوتِ اسلامی کی دینی و فلاحی خدمات سے حاضرین کو آگاہ کرتے ہوئے بتایا کہ دعوتِ اسلامی صحرائے تھر میں اب تک 6 سو سے زائد سولر سسٹم پر واٹر پروجیکٹ مکمل کر چکی ہے۔(رپورٹ:محمد رمضان عطاری مدنی مدرس جامعۃالمدینہ و امام و خطیب جامع مسجد فیضانِ غوث اعظم، کانٹینٹ:غیاث الدین عطاری)

موسم سرما میں پریشان حال لوگوں کو ٹھنڈ سے بچانے اور  انسانیت سے ہمدردی کرنے کے لئے شعبہ فیضان گلوبل ریلیف فاؤنڈیشن FGRF (دعوت اسلامی) ملک و بیرون میں گرم کپڑے، جیکٹس اور کمبل تقسیم کررہیں ہے۔

اسی سلسلے میں 16 جنوری 2022ء بروز اتوار FGRF گودام فیضان مدینہ کراچی سے گاڑیاں لوڈ ہوکر کراچی کے تمام ڈسٹرکٹ (ناظم آباد، نارتھ ناظم آباد، جمشید کوارٹر، لیاری، کیماڑی اور دیگرمقامات) پر پہنچیں جہاں فلاحی کاموں کا سلسلہ ہوا۔ ان مقامات پر مستحقین افراد میں ہزاروں کی تعداد میں جیکٹ، گرم کپڑے اور کمبل تقسیم کی گئیں۔