دعوتِ اسلامی ملکِ پاکستان کو سرسبز بنانے  میں حصہ لینے، اسلامی بھائیوں کے عقائد و نظریات کی حفاظت کرنےاور انہیں اسلامی تعلیمات سے آگاہ کرنے والی عاشقانِ رسول کی دینی تحریک ہے۔

اسی سلسلے میں پچھلے دنوں پنجاب پاکستان کے شہر لاہور میں واقع گریٹر اقبال پارک میں دعوتِ اسلامی کے تحت شجرکاری مہم کا اہتمام کیا گیا جس میں مرکزی مجلسِ شوریٰ کے رکن حاجی یعفور رضا عطاری سمیت کثیر عاشقانِ رسول نے پودے لگا کر اس مہم کا آغاز کیا۔اس دوران رکنِ شوریٰ نے ملک پاکستان اور اس میں رہنے والے عاشقانِ رسول کی سلامتی کے لئے دعا کروائی۔

بعدازاں وہاں موجود اسلامی بھائیوں نے گریٹر اقبال پارک اور شاہی قلعہ لاھور میں کم و بیش 5 ہزار سے زائد پودے لگانے کی اچھی اچھی نیتوں کا اظہا رکیا۔ (رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)