دارالافتاء اہل سنت دعوت اسلامی کے مولانا کفیل عطاری صاحب کے چھوٹے بھائی محمد وقاص عطاری کی مدنی منی پانی کی بالٹی میں ڈوبنے کے  سبب 9 ماہ کی عمر میں انتقال کرگئی۔

اطلاع ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے محمد وقاص عطاری اور ان کے گھر والوں سے تعزیت کی اور انہیں صبر کرنے کی تلقین فرمائی۔ امیر اہل سنت دَامَتْ بَرَکَاتُہُمُ الْعَالِیَہ نےمرحومہ کے لئے ایصال ثواب کیا اور مدنی منی کو آخرت میں اپنے والدین کی نجات کا ذریعہ بننے کے لئے بارگاہ رب العزت عَزَّوَجَلَّ میں دعا کی۔

پچھلے دنوں میر پور کشمیر میں حاجی محمد اشرف کا رضائے الہٰی سے انتقال ہوگیاتھا۔

اسی سلسلے میں جانشین امیر اہل سنت مولانا عبید رضا عطاری مَدَّظِلُّہُ الْعَالِینے نگران میر پور زون و دیگر ذمہ داران کے ہمراہ مرحوم کی رہائش گاہ پہنچے ۔ جہاں انہوں نے حاجی محمد اشرف مرحوم کے بیٹے غلام یاسین، امانت اور پوتے محمد عبید سے تعزیت کی ۔ مرحوم کے ایصال ثواب کے لئے فاتحہ خوانی کا سلسلہ ہوا جس میں جانشین امیر اہل سنت مَدَّظِلُّہُ الْعَالِی نے حاجی محمد اشرف مرحوم کے لئے دعائیں کیں۔جانشین امیر اہل سنت مَدَّظِلُّہُ الْعَالِی نے مرحوم کے لواحقین کو صبر کرنے کی تلقین کی اور مدنی پھول ارشاد فرمائے۔

مدنی چینل کا ایک بہت ہی پیارا سلسلہ ”آداب زندگی“پاکستان وقت کے مطابق ہربدھ کی رات 8:00 بجے شروع ہوجاتا ہے۔ جس میں جانشین امیر اہل سنت مولانا عبید رضا عطاری مدنی مَدَّظِلُّہُ الْعَالِی زندگی سنت رسول صلَّی اللہ تعالٰی علیہ واٰلہٖ وسلَّم اور شرعی تقاضوں کے مطابق گزارنے کے متعلق گفتگو فرماتے ہیں۔

عاشقان رسول اس سلسلے کو لازمی دیکھیں اور اپنی زندگی کو اچھے آداب کے ساتھ گزارنے کی کوشش کریں۔

مجلس رابطہ بالعلماءپنڈی سٹی کے رکن کابینہ حافظ مسعودالحسن رضا عطاری نے چراہ کوٹلی ستیاں روڈ پر واقع مسجد کے امام حافظ قاری محمد بشارت نقشبندی صاحب سے ملاقات کی اور مدنی چینل پر ہونے والے پروگرام دلوں کی راحت دیکھنے کی دعوت پیش کرتے ہوئے مکتبۃ المدینہ سے جاری شدہ کتاب بنام فتاوی اہلسنت تحفے میں پیش کی ۔(رپورٹر ۔خالد مدنی مجلس رابطہ بالعلماء پنڈی اسلام آباد زون )

کرونا وبا نے ساری دنیا کو اپنی لپیٹ میں لیا ہوا ہے جس کی وجہ سے ملک بیرون وملک میں لاک ڈاؤن کا سلسلہ جاری ہیں۔ لاک ڈاؤن کی اس صورتحال میں لوگ مالی پریشانی میں مبتلا ہیں۔ اس صورتحال کو مد نظر رکھتے ہوئے اور فلاحِ انسانیت کے لئے دعوت اسلامی نے دعوت اسلامی ویلفیئر ٹرسٹ کا آغاز کیا۔ اس مجلس نے انسانیت سے ہمدردی کرتے ہوئے پریشان حال لوگوں میں نہ صرف راشن، نقد رقم، پکے ہوئے کھانے تقسیم کئے بلکہ عید کے موقع پر یتیموں، اسپتالوں میں مریضوں  اور اولڈہاؤس میں ضعیف العمر افراد میں گفٹ تقسیم کرتے ہوئے خیر خواہی بھی کی۔ اسی مجلس نے رواں ماہ کراچی میں ہونے والے طیارہ حادثے، تیز آندھی کی وجہ سے سرجانی ٹاؤن کے باڑوں میں لگنی والی آگ، لیاری میں گرنے والی عمارت اور سائٹ ایریا فیکٹری میں لگنے والی آگ کے حادثات میں بھی اپنی مثالی خدمات سر انجام دیں اور غم زدہ لوگوں کا سہارا بنتے ہوئے امدادی کاروائیاں کیں ۔

مجلس دعوت اسلامی ویلفیئر ٹرسٹ کی تمام کارکردگی امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ کی بارگاہ میں پیش کی گئی تو آپ دَامَتْ بَرَکَاتُہُمُ الْعَالِیَہ نے نہایت خوشی کا اظہار کیا۔ امیر اہل سنت دَامَتْ بَرَکَاتُہُمُ الْعَالِیَہ نےاپنے ویڈیو پیغام میں مجلس ویلفیئر کے نگران شفاعت علی عطاری اور مجلس کے تمام اسلامی بھائیوں کے فلاحی کاموں کو سراہتے ہوئے انہیں اپنی دعاؤں سے نوازا۔ امیر اہل سنت دَامَتْ بَرَکَاتُہُمُ الْعَالِیَہ نے مَجْمَعُ الزَّوائِد جلد 8 سے ایک حدیث پاک پڑھ کرسنائی اور ان اسلامی بھائیوں کو فلاحی کام مزید آگے بڑھانے اور ساتھ ساتھ 12 مدنی کاموں میں بھی بڑھ چڑھ کر حصہ لینے کی ترغیب دلائی۔

 دعوت اسلامی کا شعبہ مکتبۃ المدینہ العربیہ اسلامک عربی کتابوں کو شائع کرنے کا عزم رکھتی ہےاور ان کتابوں کو عرب ممالک سے چھپوانے کے لئے کوششیں کررہی ہے۔اس شعبے نے سب سے پہلے درس نظامی کے تمام کتب کو عرب ممالک سے چھپوانےکا بیڑہ اٹھایا ہے۔

مکتبۃ المدینہ العربیہ (دعوت اسلامی) اپنی مختلف کتابوں کو عربی ممالک سے چھپوانے کا عزم رکھتا ہے۔ اس سلسلے میں متعلقہ مجلس کی کاوشیں منظر عام پر آنا شروع ہوچکی ہیں ۔ اَلْحَمْدُ لِلّٰہِ عَزَّ وَجَلَّ حال ہی میں مکتبۃ المدینہ العربیہ نے اَنوارُ القُراٰن فیِ تَوحِیْدِ القُراٰن اور الفتاوَی المُخْتارَۃ مِنَ الْفتاوَی الرَّضوِیۃکو دارالکتب العلمیہ بیروت لبنان سے شائع کروایا ہے جو عنقریب پاکستان میں بھی دستیاب ہوگی جبکہ دُرُوسُ البَلاغَہ، نُورُالاِیضَاح اور التَّعْلیقاتُ الرضویۃ علیَ الہِدایہ و شُرُوحِہا پر کام جاری ہے۔

ان کتابوں کے شائع ہونے کی خبر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ کودی گئی۔ اطلاع ملنے پرآپ دَامَتْ بَرَکَاتُہُمُ الْعَالِیَہ نے اپنے آڈیو پیغام کے ذریعے خوشی کا اظہار کیا اوران کتابوں پر کام کرنے والے مکتبۃ المدینہ العربیہ کے رکن احمد رضا گھانچی مدنی کو اپنی دعاؤں سے نوازا۔ امیر اہل سنت دَامَتْ بَرَکَاتُہُمُ الْعَالِیَہ نےامام غزالی رحمۃ اللہ علیہ کی کتاب” ایُّھاالوَلَد “ سے ایک نصیحت بھی کی ۔ آپ دَامَتْ بَرَکَاتُہُمُ الْعَالِیَہ نے احمد رضا مدنی سمیت مکتبۃ المدینہ العربیہ، المدینہ العلمیہ اور مکتبۃ المدینہ کے اسلامی بھائیوں کو مدنی مذاکرے میں شرکت کرنے، تنظیمی ذمہ داری لینےاور 12 مدنی کاموں میں بڑھ چڑھ کر حصہ ملانے کی ترغیب دلائی۔

دعوت اسلامی کی مجلس  مدنی کورسز کے تحت 12 جون 2020ء بروز جمعۃ المبارک لیہ زون کے اراکین کابینہ کا زوم لنک کے ذریعے مدنی مشورہ ہوا ۔جس میں لیہ زون کے اراکین کابینہ نے شرکت کی۔ مبلغ دعوت اسلامی نگران مجلس مدنی کورسز نے اراکین کابینہ کو اپنی صحت کا خیال رکھنے اور احتیاطی تدابیر اختیار کرنے کے حوالے سے تربیت فرماتے ہوئے اہم نکات پیش کیئے- جبکہ دوسری جانب شرکاء مدنی مشورہ کو اپنی کابینہ کے ڈویژن ذمہ داران کی تقرری مکمل کرنے اور فی ڈویژن ذمہ دار اسلامی بھائی کو ماہانہ چھ ہزار روپے مالیات میں جمع کروانے کا ہدف دیتے ہوئے اہم نکات پیش کیئے۔

سیالکوٹ کے نامور عالم دین استاذ العلماءحضرت علامہ مولانا خاور حسین نقشبندی صاحب 21 شوال المکرم 1441ھ کو 51 سال کی عمر میں سیالکوٹ میں انتقال فرماگئے۔

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ان کے صاحبزادگان حافظ فضیل، جنید خان،محمد ابراہیم خان اورآپ رحمۃ اللہ علیہ کے بھائی قاری نصیر چشتی، قاری عامر خان، عمران خان، قاری غلام مصطفیٰ اویسی اور حافظ عثمان خان سمیت تمام سوگواروں سے تعزیت کی اور صبرو ہمت سے کام لینے کی تلقین فرمائی۔ امیر اہل سنت دَامَتْ بَرَکَاتُہُمُ الْعَالِیَہ نےخاور حسین نقشبندی رحمۃ اللہ علیہ کے درجات کی بلندی اور دینی خدمات رب عَزَّوَجَلَّ کی بارگاہ میں قبول ہونے کے لئے دعائیں کی۔

حضرت مفتی شفقات احمد نقشبندی صاحب(خلیفہ مجاز آستانہ عالیہ حضور شیخ الحدیث علی پور چھٹہ)کی اہلیہ اور حافظ مظہرسعید سعیدی، ظفر سعید سعیدی، اظہر سعید سعیدی اور قمر سعید سعیدی کی والدہ 10 شوال المکرم 1441ھ کو گوجرانوالہ میں رحلت فرماگئی۔

انتقال کی خبر ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے تمام سوگواروں سے تعزیت کی اور صبروہمت سے کام لینے کی تلقین فرمائی۔امیر اہل سنت دَامَتْ بَرَکَاتُہُمُ الْعَالِیَہ نے مرحومہ کے لئے دعائے مغفرت فرمائی اور ایصال ثواب کے لئےایک حدیث پاک بیان فرمایا۔

محمد ظفر فریدی اورمحمد نوید فریدی کے والد محترم حضرت علامہ احمد علی فریدی صاحب 6 شوال المکرم 1441ھ کو 85 سال کی عمر میں جتوئی ضلع مظفر گڑھ میں انتقال فرماگئے۔

انتقال کی خبر ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے تمام سوگواروں سے تعزیت فرمائی اور صبر کرنے کی تلقین کی۔ امیر اہل سنت دَامَتْ بَرَکَاتُہُمُ الْعَالِیَہ نے حضرت علامہ احمد علی فریدی رحمۃ اللہ علیہ کےدرجات کی بلندی کے لئے دعائیں کیں اور ایصال ثواب کے لئے کتاب ”المعجم الاوسط“ سے ایک حدیث پاک پیش کی۔امیر اہل سنت دَامَتْ بَرَکَاتُہُمُ الْعَالِیَہ نے موجودہ صورتحال میں دکھیاروں کی مدد کرنے کی ترغیب دلائی۔ 

خوش نصیب ہے وہ جو کبھی گناہ کربیٹھے تو اپنے گناہ پر شرمندہ ونادِم اوراشک بارہوکر اپنے پرودرگارکی بارگاہ  میں رجوع وتوبہ کرے ۔ اللہ پاک کوراضی کرنافرض وضروری ہے ۔یہ کہنا تھا بانیِ دعوتِ اسلامی مولانا الیاس عطار قادری دَامَتْ بَرَکَاتُہُمُ الْعَالِیَہ کا جو گزشتہ رات مدنی مذاکرے میں گفتگو فرمارہے تھے۔ آپ نے مزید کہا کہ سچے دل سے توبہ کرنا اللہ پاک کور اضی کرنےکا ذریعہ ہے۔

ایک سوال کے جواب میں آپ کا کہنا تھا کہ جانورپر رحم کرنا بہت عمدہ کام اورنیکی ہے۔اس نیکی کی وجہ سے بخشش بھی ہوسکتی ہے۔ کیڑی (چیونٹی) کو بھی بِلاوجہ نہیں مارسکتے۔یہ اللہ پاک کا ذکرکرنےوالی مخلوق ہے۔امیرِ اہلِ سنت نے مزید کہا کہ استاذوہی ہوتاہےجو بگڑے ہوئےکوسنواردے اس لئے استاذکوکمزور ذہن کے طلبہ پر بھی توجہ دینی چاہئے ۔

مدنی مذاکرے کے مزید مدنی پھول:

سوال:حضرت حسن بصری رحمۃ اللہ علیہ کون ہیں ؟

جواب:حضرت حسن بصری رحمۃ اللہ علیہ حضرت مولیٰ علی رضی اللہ عنہ کے خلیفہ،بہت بڑے ولی اللہ اورمسلمانوں کے خیرخواہ تھے۔

سوال:مغفرت سےکیامُراد ہے؟

جواب:مغفرت سےمراد گناہوں کی بخشش اوران پر سزانہ دیناہے

سوال:مُرغ جب بانگ دیتاہے، تو اس وقت کیا دُعاکی جائے ؟

جواب: مرغ جب بانگ دیتاہے تو یہ دُعاپڑھی جائے:اَللّٰھُمَّ اِنِّیْ اَسْئَلُکَ مِنْ فَضْلِکَ۔ ترجمہ:اے اللہ!میں تجھ سے تیرے فضل کاسوال کرتا ہوں۔ حدیث پاک میں اس وقت اللہ پاک کے فضل مانگنے کی ترغیب ہے۔

سوال:کیا کچھ مسلمانوں کا جسم قبرمیں سلامت رہتاہے؟

جواب:جی ہاں!انبیائے کرامعلیہم الصلوۃ و السلام اور اولیائے کرام وعلمائے دین وشہدا وحافظانِ قرآن کہ قرآن ِ کریم پر عمل کرتے ہوں اور وہ کہ اپنے اوقات دُرُود شریف پڑھنے میں گزارتے ہیں ، ان کے بدن کو مٹی نہیں کھاتی۔

سوال:سُرمہ کس وقت لگانا چاہئے ؟

جواب:سُرمہ سوتے وقت لگانا سُنّت ہے۔

سوال:اِس ہفتے کارِسالہ’’میٹھی زبان‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا الٰہی! جو کوئی رسالہ’’میٹھی زبان‘‘ کے 17 صفحات پڑھ یا سُن لے، اُس کو بداخلاقی سے بچااور میٹھی زبان والا بناکربے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

پیر طریقت حضرت پیر سید کبیر علی شاہ جیلانی نقشبندی مجددی صاحب20شوال المکرم 1441ھ کو55 سال کی عمر میں لاہور میں وصال فرماگئے۔

انتقال کی خبر ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے مرحوم کے صاحبزادگان سید احمد مصطفین حیدر شاہ صاحب، سید احمدثقلین شاہ صاحب، سید احمد سبطین شاہ صاحب اور حضرت رحمۃ اللہ علیہ کے بھائی جان حضرت پیر سید شبیر علی شاہ صاحب سمیت تمام لواحقین اور محبین سے تعزیت کی۔ امیر اہل سنت دَامَتْ بَرَکَاتُہُمُ الْعَالِیَہ نےپیر صاحب رحمۃ اللہ علیہ کے درجات کی بلندی کے لئے دعائیں کیں اور ایصال ثواب فرمایا۔