10 دسمبر 2023ء کو عاشقانِ رسول کی دینی تحریک دعوتِ اسلامی کے تحت مظفرآباد ڈویژن کی ذمہ داران کا مدنی مشورہ ہوا جس میں نگرانِ مظفر  آباد ڈویژن، ڈویژن سطح کی شعبہ ذمہ داران ، نگرانِ ڈسٹرکٹ ، نگرانِ تحصیل اور جملہ ذمہ دار اسلامی بہنوں کی شرکت ہوئی۔

نگرانِ پاکستان مجلسِ مشاورت اسلامی بہن نے ”احساسِ ذمہ داری اور دینی کاموں کی ضرورت و اہمیت“ کے موضوع پر بیان کیا جس میں انہوں نے اخلاص کے ساتھ دعوتِ اسلامی کا دینی کام کرنے کی ترغیب دلائی۔

دورانِ بیان نگرانِ پاکستان مجلسِ مشاورت نے اسلامی بہنوں کے لئے ہونے والے اجتماعات کے مقامات کی انٹری مکمل کرنے، ماہانہ کارکردگی شیڈول بروقت جمع کروانے، کارکردگی شیڈول کے مطابق دینی کام کرنے اور کروانے کے متعلق مدنی پھول دیئے۔

مظفرآباد شہر کے علاقے ماکڑی میں قائم دعوتِ اسلامی کے جامعۃ المدینہ گرلز میں 9 دسمبر 2023ء کو  ایک سیشن منعقد کیا گیا جس میں طالبات اور معلمات سمیت اسٹاف کی دیگر اسلامی بہنوں کی شرکت ہوئی۔

اس سیشن میں نگرانِ پاکستان مجلسِ مشاورت اسلامی بہن نے سنتوں بھرا بیان کیا اور وہاں موجود طالبات و معلمات کو توبہ کے فضائل بیان کئے نیز دعوتِ اسلامی کی دینی ایکٹیویٹیز میں شرکت کرنے کی ترغیب دلائی۔

سیشن کے اختتام پر اسلامی بہنوں نے نگرانِ پاکستان مجلسِ مشاورت اسلامی بہن سے ملاقات کی جبکہ نگرانِ پاکستان مجلسِ مشاورت نے اُن پر انفرادی کوشش کرتے ہوئے نیکی کی دعوت پیش کی۔

دعوتِ اسلامی اسلامی بھائیوں کے ساتھ ساتھ اسلامی بہنوں کے بھی عقائد و نظریات کی حفاظت کرنے والی عاشقانِ رسول کی دینی تحریک ہے جو وقتاً فوقتاً مختلف کورسز کے ذریعے لوگوں کی تربیت و رہنمائی کرتی رہتی ہے۔

9 دسمبر 2023ء کو مظفر آباد شہر کے فیضانِ صحابیات میں جاری رہائشی کورس میں سیکھنے سکھانے کا حلقہ لگایا گیا جس میں کورس کرنے والی اسلامی بہنوں نے شرکت کی۔

8 دسمبر 2023ء کو پاکستان کے شہر مظفر آباد میں قائم فیضانِ صحابیات میں اسٹاف اسلامی بہنوں کا مدنی مشورہ منعقد ہوا جس میں نگرانِ پاکستان مجلسِ مشاورت نے شرکا کی تربیت و رہنمائی کی۔

اسلامی بہنوں سے گفتگو کرتے ہوئے نگرانِ پاکستان مجلسِ مشاورت اسلامی بہن نے فیضانِ صحابیات میں دینی کاموں کا آغاز کرنے اور دعوتِ اسلامی کے دیگر دینی کاموں کے متعلق چند اہم امور پر مشاورت کی۔

بعدازاں اسٹاف کی اسلامی بہنوں نے دعوتِ اسلامی کے دینی و فلاحی کاموں میں ترقی کے لئے اپنی اپنی رائے پیش کی اور نیتوں کا اظہار کیا۔

ترکیہ کے شہر Istanbul میں عاشقانِ رسول کی دینی تحریک دعوتِ اسلامی کے تحت بزنس کمیونٹی سمیت مختلف شخصیات کی مرکزی مجلسِ شوریٰ کے رکن حاجی محمد امین عطاری سے ملاقات ہوئی۔

اس دوران سیکھنے سکھانے کا حلقہ لگایا گیا جس میں تلاوت و نعت کے بعد رکنِ شوریٰ حاجی محمد امین عطاری نے شرکاکے درمیان سنتوں بھرا بیان کرتے ہوئے انہیں دعوتِ اسلامی کے دینی کاموں میں حصہ لینےاور نیک اعمال کرنے کا ذہن دیا۔(کانٹینٹ:غیاث الدین عطاری)

عالمی سطح پر ہونے والی دعوتِ اسلامی کی دینی و فلاحی ایکٹیوٹیز کا جائزہ لینے کے لئے پچھلے دنوں یورپی ملک Denmark کے سٹی Copenhagen میں قائم فیضانِ جمالِ مصطفیٰ اسلامک سینٹر میں سوئیڈن، ڈنمارک اور اٹلی کے ذمہ دار اسلامی بھائیوں کے لئے الگ الگ میٹنگز منعقد ہوئیں ۔

اس موقع تمام ذمہ دار اسلامی بھائیوں نے اپنے اپنے ممالک میں ہونے والے دینی و فلاحی کاموں کے حوالے سے بریفنگ دی جس پر میٹنگ میں موجود مرکزی مجلسِ شوریٰ کے نگران مولانا حاجی محمد عمران عطاری نے دینی کاموں کو بڑھانے اور اس میں مزید بہتری لانے کے لئے ذہن سازی کی۔

عاشقانِ رسول کی دینی تحریک دعوتِ اسلامی کے زیرِا ہتمام Sweden کے تیسرے بڑے شہر Malmoمیں عظیمُ الشان اجتماع کا انعقاد کیا گیا جس میں شخصیات، ذمہ داران اور مبلغینِ دعوتِ اسلامی نے کثیر تعداد میں شرکت کی۔

اجتماع کے آغاز میں اسلامی بھائیوں نے تلاوتِ قراٰن ِ پاک کی اور حضور سرورِ کونین حضرت محمد مصطفیٰ صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

دعوتِ اسلامی کی دینی ایکٹیویٹیز کے سلسلے میں Sweden کے دورے پر موجود مرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا اور عاشقانِ رسول کی دینی و اخلاقی اعتبار سے تربیت کرتے ہوئے انہیں دعوتِ اسلامی کے دینی و فلاحی کاموں میں اپنا حصہ ملانے کی ترغیب دلائی۔

اس موقع پر نگرانِ شوریٰ کے ہمراہ مرکزی مجلسِ شوریٰ کے اراکینِ مولانا حاجی عبد الحبیب عطاری اور حاجی یعفور رضا عطاری سمیت Sweden کے اہم ذمہ دار اسلامی بھائی بھی موجود تھے۔(کانٹینٹ:غیاث الدین عطاری)

سلطان الہند  حضرت خواجہ مُعینُ الدِّین سیّدحَسَن چشتی اَجمیری عَلَیْہِ رَحْمَۃُ اللہِ الْقَوِی (خواجہ غریبِ نواز)ہند کی سرزمین میں اسلام کا پرچم بلند کرنے، لوگوں کے عقائد و نظریات کی حفاظت کرنے اور لاکھوں لوگوں کو دامنِ اسلام سے وابستہ کرنے والی روحانی شخصیت ہیں۔آپ رحمۃ اللہ علیہ کے سالانہ عرس کے سلسلے میں عاشقانِ رسول کی دینی تحریک دعوتِ اسلامی کے زیرِا ہتمام 13 جنوری 2024ء سے رجب شریف کی چھٹی رات تک عالمی مدنی مرکز فیضانِ مدینہ کراچی میں مدنی مذاکروں کا انعقاد کیا جائے گا۔

مدنی مذاکروں کا آغاز پاکستانی وقت کے مطابق روزانہ رات تقریباً 9 بجے تلاوتِ قراٰن اور نعتِ رسولِ مقبول صلی اللہ علیہ و سلم سے کیا جائے گا جس کے بعد امیرِا ہلِ سنت، بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہمدنی مذاکروں میں شریک عاشقانِ رسول کو مدنی پھولوں سے نوازیں گے۔

معلومات کے مطابق روزانہ مدنی مذاکرے کے شروع میں جلوسِ غریبِ نواز نکالاجائے گا جبکہ روزانہ مدنی مذاکرے کے اختتام پر خلیفۂ امیرِ اہلِ سنت مولانا حاجی عبید رضا عطاری مدنی عاشقانِ رسول سے عام ملاقات فرمائیں گے۔ (کانٹینٹ:غیاث الدین عطاری)

مسلمانوں کو علم دین کی روشنی سے منور کرنے کے عظیم جذبے کے تحت  دینِ اسلام کی عالمگیر تحریک دعوتِ اسلامی کے زیر اہتمام آج مؤرخہ 11جنوری 2024ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی مختلف مقامات پر سنتوں بھرے بیانات فرمائیں گے۔

تفصیلات کے مطابق آج مدنی چینل پر براہِ راست نشر ہونے والے ہفتہ وار اجتماع میں صفوات پیلس سمبڑیال موڑ سمبڑیال پنجاب سے رکن شوری حاجی محمد اظہر عطاری سنتوں بھرا بیان فرمائیں گے۔

اس کے علاوہ فیضان مدینہ نزد شیخاں والا قبرستان لالہ موسی میں نگران پاکستان مشاورت حاجی محمد شاہد عطاری، فیضان مدینہ G-11مرکز اسلام آباد میں رکن شوری حاجی وقار المدینہ عطاری ،کورنگی نمبر 4 رضا ئے مصطفی مسجد میں رکن شوری حاجی محمد برکت علی عطاری، فیضان مدینہ گھمبٹ سندھ میں رکن شوری مولانا حاجی عقیل عطاری مدنی،جامع مسجد سبحانی نزد13نمبر بس اسٹاپ اورنگی ٹاؤن کراچی میں رکن شوری حاجی محمد علی عطاری،مدینہ مسجد پنجابی کلب کھارادر کراچی میں رکن شوری حاجی رفیع عطاری،مدنی مرکز فیضان مدینہ العطار ٹاؤن میر پور خاص میں رکن شوری قاری محمد ایاز عطاری ، اعجاز النجف مارکی نزد الائیڈ بینک موڑ کھنڈا ننکانہ میں رکن شوری عبدالوہاب عطاری،گلشن مدینہ سانگھڑ روڈ نواب شاہ میں رکن شوریٰ حاجی اطہر عطاری ،فیضان اسلام مسجد 84/3لین10خیابان سحر فیز 7 DHAمیں رکن شوری مولانا ابو ماجد حاجی محمد شاہد عطاری مدنی،مرکزی جامع مسجد عثمانیہ (مین نیشنل ہائی وے) میں رکن شوری حاجی سید ابراہیم عطاری، حسن مہتاب مسجد جامعۃ المدینہ چرڑڈیفنس،لاہور کینٹ میں نگران شعبہ پروفیشنلزفورم محمد ثوبان عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

8 جنوری 2024ء  کو ڈسٹرکٹ سرگودھا میں شعبہ رابطہ برائے شخصیات دعوت اسلامی کے تحت مہر محمد یار لالی کے ختم قل کے موقع پر ایصال ثواب اجتماع کا انعقاد کیا گیا جس میں ڈاکٹر فرحت عباس سرجن، انچارج یورالوجی ڈیپارٹمنٹ ڈی ،ایچ،کیواسپتال سرگودھا ، ٹریفک پولیس مہر محسن عباس سمیت دیگر سیاسی شخصیات نے شرکت کی ۔

دعوت اسلامی سرگودھا سٹی کے نگران مولانا ارسلان عطاری مدنی نے بیان کیا نیز شرکا کو نیکی کی دعوت دیتے ہوئے نمازوں کی پابندی کرنے اور ہفتہ وار اجتماع میں شرکت کرنے کی دعوت دی ۔آخر میں مرحوم سمیت تمام امت مسلمہ کی مغفرت کے لئے دعا کروائی۔(رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

دعوتِ اسلامی کے شعبہ رابطہ برائے شخصیات کے  زیرِ اہتمام 8 جنوری 2024ء کو ملتان سٹی میں صوبائی ذمہ دارمحمدلیاقت عطاری نے ڈویژنل ذمہ دارفداعلی عطاری اور سٹی ذمہ دارحاجی محمدمسعودعطاری کےہمراہ کمانڈنٹ پولیس ٹریننگ کالج کا دورہ کیا۔

ذمہ داران نے کمانڈنٹ پولیس ٹریننگ کالج میں ڈی آئی جی گوہرمشتاق بھٹہ،سی پی اوملتان صادق علی ڈوگر ،ایڈیشنل کمشنرارشدخان گوپانگ اورچیف سیکیورٹی آفیسرعلی طاہرودیگر سےملاقات کی۔

دوران ملاقات ذمہ داران نے شخصیات کو دعوت اسلامی کےمختلف شعبہ جات اور فرض علوم پر مشتمل ڈیجیٹل ایپ کے بارے میں معلومات دیں نیز 11جنوری 2024ء کو ملتان میں ہونیوالے ہفتہ وار اجتماع میں شرکت کی دعوت دی۔ساتھ ہی مکتبۃ المدینہ کی مطبوعہ مختلف تصانیف تحفےمیں پیش کیں۔

بعدازاں اسلامی بھائیوں نے سابق چیئرمین شیخ محمدعمران ارشد سےملاقات کی اور ان کےوالد صاحب کےانتقال پرتعزیت وفاتحہ خوانی کی نیز مرحوم کے لئے دعائے مغفرت بھی کروائی۔ (رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

4جنوری  2024ء بروز جمعرات فیضان آن لائن اکیڈمی دعوت اسلامی کے ذیلی شعبہ مدرسۃ المدینہ بوائز کے پاکستان بھر کےڈویژن تعلیمی ذمہ داران کی ماہانہ میٹنگ ہوئی۔

مجلس تفتیش کے رکن محمد عرفان عطاری اور معاون رکن مجلس سید انس عطاری نے ماہانہ مدنی مشورے کے نکات پر گفتگو کی اور شرکا کو 12 دینی کام کرنے کے حوالے سے ترغیب دلائی۔ ساتھ ہی دینی کام کرنے والوں کی حوصلہ افزائی بھی کی۔ (رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)