رابطہ برائے ٹرانسپورٹ ڈیپارٹمنٹ دعوتِ اسلامی کے تحت افریقی مماملک سے آئے ہوئے اسلامی بھائیوں نے 29 نومبر 2024ء کو خالد بن ولید روڈ چنیسر ٹاون کراچی میں واقع بن ابراھیم شوروم میں سیکھنے سکھانے کا حلقہ لگایا ۔

اسلامی بھائیوں نے گفتگو کرتےہوئے بیرونِ ممالک میں ہونے والی دعوتِ اسلامی کی دینی و فلاحی ایکٹیویٹیز کے بارے میں تبادلۂ خیال کیا اور انہیں نیکی کی دعوت پیش کی۔

آخر میں بن ابراھیم شوروم کے اونر محمد ابرھیم موتی والا، AYD ٹریڈرز شوروم کے اونر محمد اسلم ڈھیڈی اور آٹو اسپائر موٹرز کے اونر محمد فرحان نے اپنی نیک خواہشات کا اظہار کیا۔(رپورٹ: عبدالوہاب عطاری زون ذمہ دار ساوتھ سینٹرل، کانٹینٹ:غیاث الدین عطاری)

3 دسمبر 2024ء کو پنجاب پاکستان کے شہر ملتان میں دعوتِ اسلامی کے شعبہ تحفظِ اوراقِ مقدسہ کے تحت مدنی مشورہ ہوا جس میں پاکستان مشاورت اور صوبائی ذمہ دار اسلامی بھائیوں سمیت نگرانِ شعبہ مولانا افضل عطاری مدنی  کی شرکت رہی۔

دعوتِ اسلامی کی مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی نے اسلامی بھائیوں کی رہنمائی کرتے ہوئے 12 دینی کاموں کی کارکردگی کا جائزہ لیااور دینی کاموں کوبڑھانے کے لئے مدنی پھول سے نوازا۔

دورانِ مدنی مشورہ رکنِ شوریٰ نے ٹیلی تھون 2024ء کی کارکردگی پر کلام کیا اور اس میں نمایاں کردار ادا کرنے والے اسلامی بھائیوں کو تحائف دیئے نیز اختتامی دعا بھی کروائی۔

آخر میں تمام ذمہ دار اسلامی بھائیوں نے رکنِ شوریٰ سے ملاقات کی۔(رپورٹ: حافظ نسیم عطاری سوشل میڈیا ڈیپارٹمنٹ پاکستان ، کانٹینٹ:غیاث الدین عطاری)

شعبہ تحفظِ اوراقِ مقدسہ دعوتِ اسلامی کے تحت 1 دسمبر 2024ء کو پنجاب پاکستان کے شہر ملتان میں مدنی مشورہ ہوا جس میں صوبائی ذمہ دار اسلامی بھائیوں نے شرکت کی۔

صوبائی ذمہ دار فہیم عطاری نے دعوتِ اسلامی کے 12 دینی کاموں کے حوالے سے گفتگو کرتے ہوئے ٹیلی تھون 2024ء کی کارکردگی پر کلام کیا اور نمایاں کارکردگی کے حامل اسلامی بھائیوں کو تحائف دیتے ہوئے آئندہ کے اہداف بھی دیئے۔(رپورٹ: حافظ نسیم عطاری سوشل میڈیا ڈیپارٹمنٹ آف پاکستان ، کانٹینٹ:غیاث الدین عطاری)

ڈسٹرکٹ ہری پور، ڈویژن ہزارہ، صوبہ خیبرپختونخوا میں قائم ہری پور تناول میڈیکل سینٹر دربند اڈہ میں رابطہ برائے میڈیکل ڈیپارٹمنٹ دعوتِ اسلامی کے تحت اجتماعِ میلاد کا انعقاد کیا گیا جس میں میڈیکل ڈائریکٹرز،  پیرا میڈیکل اسٹاف اور فارمیسیز مالکان کی شرکت ہوئی۔

اجتماع کے دوران تلاوتِ قراٰن کی کی گئی اور نعت خواں اسلامی بھائیوں نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مبلغِ دعوتِ اسلامی مولانا فاروق عطاری مدنی نے بیان کیاجس میں انہوں نے شرکا کو سیرتِ مصطفیٰ صلَّی اللہ علیہ واٰلہٖ وسلَّم کے بارے میں بتایااور انہیں اس کے مطابق زندگی گزارنے کا ذہن دیا۔اس موقع پر نگرانِ ڈسٹرکٹ سمیت دیگر ذمہ دار اسلامی بھائی بھی موجود تھے۔(رپورٹ: رابطہ برائے میڈیکل ڈیپارٹمنٹ ، کانٹینٹ:غیاث الدین عطاری)

4 دسمبر 2024ء کو گورنمنٹ بہاولپور طبیہ کالج کے پرنسپل پروفیسر ڈاکٹر حکیم چوہدری محمد نعیم احمد نے راوی ٹاؤن، لاہور پنجاب میں دعوتِ اسلامی کے مختلف ڈیپارٹمنٹس مکتبۃ المدینہ اور مکتبۃ المدینہ العربیہ سمیت مدرسۃ المدینہ انوارِ مدینہ کا وزٹ کیا۔

اس دوران حکیم نعیم رانا عطاری نے حکیم چوہدری محمد نعیم احمد کو دعوتِ اسلامی کے مختلف ڈیپارٹمنٹس بالخصوص مدارس المدینہ و جامعات المدینہ کا اجمالی تعارف پیش کیا۔

پروفیسر ڈاکٹر حکیم چوہدری محمد نعیم احمد نے دینی و عصری علوم میں دعوتِ اسلامی کی خدمات کو سراہتے ہوئے اپنی نیک تمناؤں کا اظہار کیا ۔اس موقع پر نگران سب ٹاؤن مولانا محمد رئیس عطاری مدنی سمیت دیگر سطح کے ذمہ دار اسلامی بھائی بھی موجود تھے۔(رپورٹ: شعبہ رابطہ برائے حکیم ، کانٹینٹ:غیاث الدین عطاری)

گزشتہ روز بعض شخصیات اور ایک یونیورسٹی کے بعض اسٹوڈنٹس نے لاہور کے علاقے جوہر ٹاؤن میں قائم دعوتِ اسلامی کے فیضان آن لائن اکیڈمی بوائز کی برانچ کا وزٹ کیا جہاں ذمہ دار اسلامی بھائیوں نے انہیں خوش آمدید کہا۔

اس موقع پر رکنِ شعبہ مولانا محمد رضوان افضل عطاری مدنی نے شخصیات اور اسٹوڈنٹس کو برانچ کا تعارف کرواتے ہوئے وہاں پڑھانے جانے والے دینی علوم کے بارے میں بتایا نیز انہیں بھی فیضان آن لائن اکیڈمی بوائز میں داخلہ لے کر مختلف کورسز کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی بوائز ، کانٹینٹ:غیاث الدین عطاری)

4 دسمبر 2024ء کو فیضان آن لائن اکیڈمی بوائز دعوتِ اسلامی کے تحت ماہانہ آن لائن میٹنگ منعقد ہوئی جس میں گجرانوالہ  اور راولپنڈی ڈویژن کے شفٹ تعلیمی ذمہ دار اسلامی بھائیوں (مفتشین) نے شرکت کی۔

اس میٹنگ میں ڈویژن تعلیمی امور ذمہ دار حافظ جوادعطاری نے مفتشین سے شعبے کے متعلق گفتگو کرتے ہوئے طلبۂ کرام میں مزید بہتری لانے، انگلش لینگویج کورسز میں طلبۂ کرام کو شرکت کروانے اور دیگر تعلیمی معاملات پر مشاورت کی۔

اس کے علاوہ رکنِ شعبہ سیّد انس عطاری نے تجوید و قرأت اور ڈویژن وائز تربیتی سیشنز کے بارے میں رہنمائی کی جس پر تمام ذمہ دار اسلامی بھائیوں نے اچھی اچھی نیتیں کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی بوائز ، کانٹینٹ:غیاث الدین عطاری)

صوبائی دارالحکومت لاہورکے علاقے  جوہر ٹاؤن میں واقع دعوتِ اسلامی کے مدنی مرکز فیضانِ مدینہ میں ہفتہ وار سنتوں بھرے اجتماع کا اہتمام کیا گیا جس میں شخصیات، تاجران اور دیگر شعبوں سے تعلق رکھنے والے اسلامی بھائیوں نے شرکت کی۔

اجتماع کا آغاز معمول کے مطابق تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مرکزی مجلسِ شوریٰ کے رکن حاجی یعقور رضا عطاری نے ”قیامت کی نشانیوں“ کے موضوع پر بیان کیا۔

دورانِ بیان رکنِ شوریٰ نے وہاں موجود اسلامی بھائیوں کی دینی و اخلاقی تربیت کرتے ہوئے انہیں دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔بعدِ اجتماع تمام عاشقانِ رسول نے رکنِ شوریٰ حاجی یعفور رضا عطاری سے ملاقات کی۔(رپورٹ: محمد ابوبکر عطاری معاون رکنِ شوریٰ حاجی یعفور رضا عطاری، کانٹینٹ:غیاث الدین عطاری)

گزشتہ روز نیشنل یونیورسٹی آف ماڈرن لینگویجز (NUML)اسلام آباد کے موجودہ وائس چانسلر میجر جنرل شاہد محمود کیانی (ریٹائرڈ) کی والدہ محترمہ کے انتقال پر دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے دیگر ذمہ داران کے ہمراہ مرحومہ کے نمازِ جنازہ میں شرکت کی۔

رکنِ شوریٰ نے تدفین کے بعد قبر پر اذان دی جبکہ نعت خوانی سمیت صلوٰۃ و سلام کا بھی سلسلہ رہا ۔بعدازاں رکنِ شوریٰ نے وائس چانسلر میجر جنرل شاہد محمود کیانی (ریٹائرڈ) سمیت دیگر اہلِ خانہ سے تعزیت کرتے ہوئے صبر کی تلقین کی۔

اس موقع پر رکنِ شوریٰ کی لیفٹیننٹ جنرل محمد تبسم، میجر جنرل (ریٹائرڈ) محمد افضل، میجر (ریٹائرڈ) محمد طفیل، میجر (ریٹائرڈ) محمد ذوالفقار اور انجینئر طاہر محمود کیانی سے ملاقات ہوئی۔(رپورٹ: محمد دانش عطاری معاون رکنِ شوریٰ حاجی وقار المدینہ عطاری، کانٹینٹ:غیاث الدین عطاری)

25 اکتوبر سے یکم نومبر 2024ء تک پکا قلعہ حیدر آباد سندھ میں حضرت سیدنا سخی عبد الوہاب شاہ جیلانی رحمۃُ اللہِ علیہ کا سالانہ عرس منعقد ہونے جارہا ہے۔

دورانِ عرس دعوتِ اسلامی کے شعبہ مزاراتِ اولیاء کے زیر اہتمام وقتاً فوقتاً محفل نعت کا انعقاد کیا جائیگا۔ دعوت اسلامی کے زیر اہتمام منعقد ہونے والی محفل میں 25 اکتوبر کو بعد نماز عشاء رکنِ شوریٰ مولانا حاجی عبد الحبیب عطاری اور 28 اکتوبر کورات 10:30 بجے شیخ الحدیث مفتی محمد حسان عطاری مدنی مُدَّ ظِلُّہُ العالی خصوصی بیان فرمائیں گے۔ اس کے علاوہ 31 اکتوبر 2024ء کو دوپہر 1:30 تا 2:30 قرآن خوانی ، فاتحہ و دعا کا سلسلہ ہوگا جس میں مدارسُ المدینہ کے طلبائے کرام قرآنِ پاک کی تلاوت کریں گے۔

تمام عاشقانِ رسول سے اس پُر رونق محفل میں شرکت کرنے کی درخواست ہے۔

آقا کریم صلَّی اللہ علیہ واٰلہٖ وسلَّمکی زندگی ہر انسان کے لئے بہترین نمونہ ہے، آپ صلَّی اللہ علیہ واٰلہٖ وسلَّم کی سنت پر عمل کرکے نہ صرف بندہ اپنی زندگی بہتر بناسکتا ہے بلکہ دنیا و آخرت میں سُرخرو بھی ہوسکتا ہے۔

اس ہفتے شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے عاشقانِ رسول کو سنتوں کا عامل بنانے کے لئے 17 صفحات کا رسالہ ”کھانے کی 92 سنتیں اور آداب“ پڑھنے / سننے کے ترغیب دلائی ہے اور پڑھنے / سننے والوں کو اپنی دعاؤں سے نوازا ہے۔

دعائے عطار

جو کوئی 17 صفحات کا رسالہ ”کھانے کی 92 سنّتیں اور آداب“پڑھ لےاُس کو ہمیشہ سنّت کے مطابق کھانے پینےکی توفیق دے اور ماں باپ سمیت اس کی بے حساب بخشش فرما۔ آمین

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اصلاحِ امت اور دینِ اسلام کی تعلیمات کو عام کرنے کے جذبے کے تحت عاشقانِ رسول کی عالمگیر منظم تحریک دعوتِ اسلامی کے زیرِاہتمام ڈھاکہ بنگلہ دیش میں ملکی سطح پر تین دن کا سالانہ عظیم الشان اجتماع منعقد ہونے جارہا ہے۔

یہ اجتماع 14 تا16 فروری 2024ء بنگلہ دیش کے دار الحکومت ڈھاکہ حج کیمپ کے قریب Ashiyan city کے وسیع و عریض میدان میں منعقد ہوگا جس میں ملک بھر سے ہزاروں عاشقانِ رسول شریک ہوں گے۔

ہر سال کی طرح اس سال بھی اجتماع کے تینوں دن تلاوت ونعت، ذکر و اذکار، مختلف ایکٹیوٹیز کے ساتھ ساتھ اراکین شوریٰ اور مبلغین دعوتِ اسلامی کے سنتوں بھرے بیانات ہوں گے۔

اجتماع کی تیاریاں زور و شور سے جاری ہے، اجتماع میں آنے والے عاشقانِ رسول کی سہولت کے لئے بہترین انتظامات کئے جارہے ہیں۔ بنگلہ دیش کے تنظیمی ذمہ داران عاشقانِ رسول میں اس کی دعوت عام کرنے کے ساتھ ساتھ اجتماع گاہ کے انتظامات میں بھی حصہ لے رہے ہیں جس میں ٹینٹ لگانا، بیٹھنے کے لئے مناسب جگہ تیار کرنا، وضو اور استنجا خانے کا قیام، رات میں روشنی کے لئے لائٹوں کا اہتمام کرنا شامل ہے۔