26 اکتوبر 2022ء بروز بدھ کوئٹہ میں قائم اسپیشل ایجوکیشن ڈگری کالج میں سیکھنے سکھانے کے حلقے کا انعقاد ہوا جس میں طلبہ و اساتذہ نے شرکت کی۔

مبلغ دعوت اسلامی نے سائن لینگویج میں نماز کے فرائض و شرائط اور استاد کے ادب پر تربیت کی نیز اسٹوڈنٹس کو نیکی کی دعوت پیش کرتے ہوئے دینی ماحول سے وابستہ ہونے اور ہفتہ وار سنتوں بھرے اجتماع میں آنے کا ذہن دیا۔اس کے علاوہ دعوت اسلامی کی فرض علوم پر مشتمل مختلف اپلیکیشنز ڈاؤنلوڈ کروائی اور استعمال کا طریقہ کار بتایا۔( کانٹینٹ:رمضان رضا عطاری)

ڈسٹرکٹ چنیوٹ تحصیل لالیاں میں اسپیشل پرسنز ڈیپارٹمنٹ کے تحت جشن عید میلاد النبی ﷺکے حوالے سے اجتماع میلاد کا انعقاد ہوا جس میں کثیر تعداد میں عاشقان رسول نے شرکت کی۔

اس میں سیاسی ،سماجی کاروباری شخصیات نے بھی شرکت کی۔ محفل نعت کا باقاعدہ آغاز تلاوت قراٰن پاک و نعت رسول مقبول سے کیا گیا بعدازاں مبلغ دعوت اسلامی تحصیل نگران نے سنتوں بھرا بیان کیا جس میں حاضرین کو پیارے آقا ﷺ کی سیرت کے حوالے سے بتاتے ہوئے نمازوں کی پابندی کرنےاور درود پاک پڑھنے کا ذہن دیا نیز اس اجتماع کی اشاروں کی زبان میں ترجمانی کی گئی۔( کانٹینٹ:رمضان رضا عطاری)

پچھلے دنوں  دعوت اسلامی جزوقتی کورس کے تحت جامعۃ المدینہ فیضان اعلیٰ حضرت دارلسلام ٹوبہ میں تربیتی سیشن کا سلسلہ ہواجس میں جامعۃ المدینہ بوائز کے طلبہ و اساتذہ نے شرکت کی۔

فیصل آباد ڈویژن ذمہ دار محمد شاہد عطاری نے سنتوں بھرا بیان کیا۔بعد میں نیکی کی دعوت پیش کرتے ہوئے طلبۂ کرام کو دعوت اسلامی کی ڈیجیٹل سروسز کے حوالے سے بریفنگ دی نیز مختلف جزوقتی کورسز کرنے کی دعوت دی جس پر ہاتھوں ہاتھ اسلامی بھائیوں نے کورس کرنے کی نیت کی۔(رپورٹ: اسپیشل پرسنز ڈیپارٹمنٹ گوجرانولہ ڈسٹرکٹ ، کانٹینٹ:رمضان رضا عطاری)

دعوتِ اسلامی  کے زیر اہتمام پچھلے دنوں کے تحت صوبہ پنجاب میں اسپیشل پرسنز کے کورس میں تربیتی سیشن کا انعقاد ہوا۔اس موقع پر صوبائی مشاورت کے رکن نے شرکائے کورس کی دینی و اخلاقی اعتبار سے تربیت کرتے ہوئے انہیں اشاروں کی زبان کا کورس کرنے اور گونگے بہرے اسلامی بھائیوں میں دینی کا م کرنے کا ذہن دیا۔ (رپورٹ: اسپیشل پرسنز ڈیپارٹمنٹ گوجرانولہ ڈسٹرکٹ ، کانٹینٹ:رمضان رضا عطاری)

21 اکتوبر 2022ء  کو دعوت اسلامی کے شعبہ اسپیشل پرسنز کے تحت کورنگی ڈسٹرکٹ سے 3 دن کا مدنی قافلہ گلشن ٹاؤن میں سفر پر روانہ ہوا جس میں اسپیشل پرسن کے ساتھ ڈسٹرکٹ ذمہ دار محمد شاہد عطاری اورگلشن ٹاؤن کے ٹاؤن ذمہ دار نے سفر کیا۔

مدنی قافلے میں ذمہ داران نے اسپیشل پرسنز کو سائن لینگویج میں نماز کے فرائض و واجبات سکھائے اور ساتھ ساتھ نماز کا پریکٹیکل کروایا نیز انہیں ہفتہ وار سنتوں بھرے اجتماع میں شرکت کرنے اور مدنی مذاکرہ دیکھنے کا ذہن دیا۔ اس کے علاوہ 12 دینی کاموں میں حصہ لینے کی ترغیب بھی دلائی۔( کانٹینٹ:رمضان رضا عطاری)

عاشقان  رسول کی دینی تحریک دعوتِ اسلامی کے زیر اہتمام اسپیشل ایجوکیشن ڈگری کالج میں سیکھنے سکھانے کے حلقے کا انعقاد ہوا جس میں مبلغ دعوت اسلامی نے طلبہ سے ملاقات کی اور انہیں نیکی کی دعوت پیش کرتے ہوئے ہفتہ وارسنتوں بھرے اجتماع میں آنے اور مدنی مذاکرہ دیکھنے کا ذہن دیا نیز طلبہ کومکتبۃ المدینہ کی مطبوعہ کُتب پیش کرتے ہوئےدعوت اسلامی کی موبائل اپلیکیشنز کا تعارف کروایا اور انہیں استعمال کا طریقہ کار بتایا۔( کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے ڈائریکٹر اسپیشل ایجوکیشن بلوچستان سے ملاقات کی۔

اس دوران ذمہ داران نے ڈائریکٹر اسپیشل ایجوکیشن بلوچستان سے دینی کاموں کے سلسلے میں میٹنگ کی جس میں انہوں نے ڈیپارٹمنٹ کے کُتُب، مدرسۃالمدینہ برائے نابینا افراد اور دعوتِ اسلامی کے دیگر شعبہ جات کا تعارف کروایا نیز اسپیشل پرسنز ڈیپارٹمنٹ کی سرگرمیوں کے بارے میں بریفنگ دی۔

دورانِ میٹنگ ذمہ داران نے اسپیشل ایجوکیشن اداروں میں اسٹوڈنٹس لرننگ سیشن اور ٹیچرز ٹریننگ سیشن پر تبادلۂ خیال کیا جس پر ڈاریکٹر نے اپنی نیک خواہشات کا اظہار کیا۔

آخر میں ذمہ داران نے ڈائریکٹر کو عالمی مدنی مرکز فیضانِ مدینہ کراچی اور مدنی مرکز فیضانِ مدینہ کوئٹہ کا وزٹ کرنے کی دعوت دی نیز انہیں ڈیپارٹمنٹ کی کُتُب و ماہنامہ فیضانِ مدینہ تحفے میں پیش کیا گیا۔(رپورٹ:محمد سمیر عطاری اسلام آباد میڈیا ڈیپارٹمنٹ اسپیشل پرسنز دعوت اسلامی، کانٹینٹ:غیاث الدین عطاری) 

عاشقانِ رسول کی دینی تحریک دعوتِ اسلامی کے زیرِ اہتمام 25 اکتوبر 2022ء بروز منگل اسپیشل پرسنز ڈیپارٹمنٹ کے ذمہ داران نے دینی کاموں کے سلسلے میں ڈائریکٹریٹ آف اسپیشل ایجوکیشن بلوچستان بروری روڈ کوئٹہ کا دورہ کیا۔

اس دوران ذمہ دار اسلامی بھائیوں نے ڈائریکٹر جنرل حسن اللہ سے ملاقات کی اور انہیں دعوتِ اسلامی کے مختلف شعبہ جات نیز مدرسۃالمدینہ برائے نابینا افراد کا تعارف کروایا۔

علاوہ ازیں ذمہ داران نے انہیں اسپیشل پرسنز ڈیپارٹمنٹ دعوتِ اسلامی کے تحت ہونے والی سرگرمیوں کے بارے میں بتایا جبکہ اسپیشل ایجوکیشن اداروں میں اسٹوڈنٹس لرننگ سیشن اور ٹیچرز ٹریننگ سیشن پر تبادلۂ خیال کیا گیا۔

مزید ذمہ داران نے ڈائریکٹر جنرل حسن اللہ کو عالمی مدنی مرکز فیضانِ مدینہ کراچی اور مدنی مرکز فیضانِ مدینہ کوئٹہ کا وزٹ کرنے کی دعوت دی۔بعدازاں انہیں اسپیشل پرسنز ڈیپارٹمنٹ کے کُتُب اور ماہنامہ فیضانِ مدینہ تحفے میں پیش کیا گیا۔(رپورٹ:محمد سمیر عطاری اسلام آباد میڈیا ڈیپارٹمنٹ اسپیشل پرسنز دعوت اسلامی، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی  کے تحت ڈسٹرکٹ حافظ آباد تحصیل پنڈی بھٹیاں میں اجتماعِ میلاد کا انعقاد کیا گیا جس میں اسپیشل پرسنز سمیت دیگر اسلامی بھائیوں نے کثیر تعداد میں شرکت کی۔

اس اجتماعِ پاک میں ڈسٹرکٹ گوجرانوالہ ذمہ دار احسان الحق عطاری نے”سیرتِ مصطفیٰ ﷺ“ کے موضوع پر سنتوں بھرا بیان کیا اور وہاں موجود اسپیشل پرسنز کو پیارے آقا ﷺ کی سیرتِ طیبہ کے مطابق اپنی زندگی گزارنے کا ذہن دیا جس پر شرکائے اجتماع نے اچھی اچھی نیتیں کیں۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

گونگے، بہرے اور نابینا افراد میں نیکی کی دعوت عام کرنے اور انہیں دینِ اسلام کی تعلیمات سے آگاہ کرنے کے لئے پچھلے دنوں دعوتِ اسلامی کے تحت اسلام آباد کے اسپیشل پرسنز ڈیپارٹمنٹ ذمہ دار محمد کامران عطاری نے دیگر اسلامی بھائیوں کے ہمراہ گورنمنٹ مڈل اسپیشل ایجوکیشن سینٹر حسن ابدال اٹک کا وزٹ کیا۔

اس موقع پر ذمہ دار محمد کامران عطاری نے گونگے، بہرے اور نابینا کی الگ الگ کلاسوں میں سیکھنے سکھانے کا حلقہ لگایا جس میں انہوں نےاسپیشل پرسنز کو سنتیں و آداب سیکھائے نیز انہیں اسپیشل پرسنز ڈیپارٹمنٹ دعوتِ اسلامی کا تعارف کروایا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ دعوتِ اسلامی کے ذمہ داران نے اسپیشل ایجوکیشن اٹک کا دورہ کیا جہاں انہوں نے گونگے، بہرے اور نابینا بچوں سے ملاقات کی۔

اس موقع پر مبلغ دعوت اسلامی نے بچوں کی تربیت و رہنمائی کرتے ہوئے انہیں نماز کی اہمیت اور نماز کی پابندی کرنے کے حوالےسے بتایا نیز اپنے والدین کا ادب و احترام کرنے کے ساتھ ساتھ صفائی ستھرائی کا خاص خیال رکھنے کا ذہن دیا۔(رپورٹ:بدر عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

اسپیشل پرسنز (گونگے، بہرے اور نابیناافراد) کی دینی و اخلاقی تربیت کرنے اور انہیں اسلامی تعلیمات سے آگاہ کرنے کے لئے دعوتِ اسلامی کے اسپیشل پرسنز ڈیپارٹمنٹ کے زیرِا ہتمام شیخوپورہ میں سنتوں بھرے اجتماع کا انعقاد کیا جس میں اسپیشل پرسنز کی کثیر تعداد نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا جبکہ اسپیشل پرسنز کی آسانی کے لئے مبلغِ دعوتِ اسلامی نے رکنِ شوریٰ کے بیان کی ترجمانی کی۔

رکنِ شوریٰ نے دورانِ بیان اسپیشل پرسنز کو دعوتِ اسلامی کے دینی ماحول سے ہردم وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)