12 مارچ 2022 ء بروز ہفتہ کروڑپکاکے ایک مقامی اسکول  میں شعبہ اسپیشل پرسنز کے تحت سیکھنے سکھانے کا حلقہ منعقد ہوا جس میں اسپیشل ایجوکیشن سینٹر کروڑپکا کے ورکرز اور ذمہ داران نے شرکت کی ۔

ملتان ڈویژن کے ذمہ دار عثمان عطاری نے وضو کے فرائض ، نماز کے مسائل و نیک اعمال کرنے پر گفتگو کی بعد ازاں اسکول کے اسٹاف کے ساتھ ملکر شجرکاری کی اور امیر اہلسنت کے رسائل اور باتصویر نماز رسالہ بھی تقسیم کیا ۔ (رپورٹ: عثمان عطاری ملتان ڈویژن ، کانٹینٹ: مصطفی انیس) 

گزشتہ دنوں فیصل آباد  میں اسپیشل پرسنز ڈیپارٹمنت دعوت اسلامی کے ذمہ داران محمد ارسلان عطاری اور علی عمران عطاری کا اسپیشل ایجوکیشن اسکول فار ہیرئنگ ایمپئرڈ فیصل آباد کا وزٹ ہوا ۔

اس دوران انہوں نے ٹیچرز اور پرنسپلز سے ملاقات کرتے ہوئے انہیں اسپیشل پرسنز ڈیپارٹمنٹ اور دعوت اسلامی کا تعارف پیش کیا نیز اشاروں کی زبان میں مکتبۃ المدینہ کی شائع ہونے والی کتب ”باتصویر نماز اور آئیے وضو سیکھیں “اور بریل لینگویج میں شائع رسائل کا تعارف پیش کیا ۔

آخر میں بچوں کے ہمراہ سیکھنے سکھانے کا حلقہ لگایا گیا جس میں اشاروں کی زبان میں نماز کا طریقہ اور صفائی کے حوالے سے بچوں کی تربیت کی ۔(رپورٹ: محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: مصطفی انیس)

پاکستان کے قصبےکاہنہ نوضلع لاہور میں اجتماع معراج النبی ﷺ کا انعقاد ہوا جس میں اسپیشل پرسنز کی تربیت کے لئے سیکھنےسکھانے کا  حلقہ لگایا گیا ۔

اس اجتماع پاک میں مرکزی مجلس ِشوری کے رکن حاجی یعفور رضا عطاری نےسنتوں بھرا بیان کرتے ہوئے اسلامی بھائیوں کی تربیت و رہنمائی کی جس کی اشاروں کی زبان میں مبلغِ دعوتِ اسلامی نے ترجمانی کی۔

اس موقع پر ڈویژن لاہور ذمہ دار محمد علی عطاری، مولانا مدثر عطاری مدنی، صوبائی ذمہ دار گلگت عبدالوارث عطاری اور محمد سمیر ہاشمی عطاری سوشل میڈیا ذمہ دار اسپیشل پرسنز موجود تھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری) 

اسپیشل پرسنز ڈیپارٹمنٹ دعوت اسلامی کے تحت پنجاب پاکستان کے علاقے لالیاں ضلع چنیوٹ میں اسپیشل پرسنز کے لئے ماہانہ  سنتوں بھرےاجتماع کا انعقاد کیا گیا جس میں کافی تعداد میں اسپیشل پرسنز کی شرکت رہی۔

اس موقع پر ڈسٹرکٹ نگران نے سنتوں بھرا بیان کرتے ہوئے اُن کی دینی و اخلاقی اعتبار سے تربیت کی جس کی اشاروں کی زبان میں ترجمانی کی گئی۔بعدازاں اسپیشل پرسنز کے درمیان مکتبۃ المدینہ سے شائع ہونے والی کتاب ’’باتصویر نماز‘‘ اور ’’آئیے وضو سیکھئے‘‘ تقسیم کی گئی۔

اس موقع پر صوبائی ذمہ دار پنجاب سیّد عمیر ہاشمی عطاری، ڈویژن ذمہ دار فیصل آباد شاہد عطاری اور چنیوٹ ڈسٹرکٹ ذمہ دار غلام مصطفی عطاری موجود تھے۔ (رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام عالمی مدنی مرکزفیضان مدینہ کراچی  میں 12دن پر مشتمل اشاروں کی زبان کا کورس ہوا جس کی اختتامی نشست میں مرکزی مجلس شوری کے رکن ابو ماجد حاجی محمد شاہد عطاری مدنی نے سنتوں بھرا بیان کیا۔

اس دوران رکنِ شوریٰ نے شرکائے کورس کی اسپیشل پرسنز میں دینی کام کرنے کے حوالے سے ذہن سازی کی اور اچھی اچھی نیتیں کروائیں۔بعدازاں رکنِ شوریٰ نے شرکا کے درمیان اسناد بھی تقسیم کیں۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت  ذمہ داراسلامی بھائیوں نے ساہیوال ڈویژن کا دورہ کیا جس دوران انہوں نے اسپیشل پرسنز (گونگے اور بہرے اسلامی بھائیوں) کے صدر سے ملاقات کی اور انہیں ہفتہ وار سنتوں بھرےاجتماع و مدنی مذاکرے میں شرکت کرنے کی دعوت دی۔

اس کے علاوہ ڈویژن ذمہ دار محمد زبیر عطاری نے دیگر ذمہ داران کے ہمراہ اسپیشل ایجوکیشن اسکول ساہیوال کا وزٹ کیا جہاں انہوں نے اسکول پرنسپل سے ملاقات کرتے ہوئے انہیں اسپیشل پرسنز ڈیپارٹمنٹ کا تعارف پیش کیا نیز اسپیشل بچوں میں سیکھنے سکھانے کا حلقہ بھی لگایا۔اسی طرح ذمہ داران کی DEOاسپیشل ایجوکیشن سے بھی ملاقات ہوئی، ذمہ داران نے DEO کو مدنی مرکز فیضان مدینہ کا وزٹ کرنے کی دعوت دی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ کے تحت رکنِ مرکزی مجلسِ شوریٰ حاجی قاری ایاز عطاری نے اسپیشل پرسنز کے ہمراہ سادات مسجد ریشم گلی لاڑکانہ سندھ مدنی قافلے میں سفر کیا۔

اس دوران رکنِ شوریٰ نے اسپیشل پرسنز سمیت ذمہ داراسلامی بھائیوں کی تربیت کرتے ہوئے انہیں دعوتِ اسلامی کے 12دینی کاموں میں عملی طور پر شمولیت اختیار کرنے کا ذہن دیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں مدنی مرکز فیضانِ مدینہ فیصل آباد میں دعوتِ اسلامی کے تحت اسپیشل پرسنز ڈیپارٹمنٹ کے ذمہ داراسلامی بھائیوں کی ایک میٹنگ ہوئی جس میں فیصل آباد کے اسلامی بھائیوں نے شرکت کی۔

اس میٹنگ میں مرکزی مجلسِ شوریٰ کے رکن حاجی فضیل رضا عطاری نے شعبے کے دینی کاموں کے حوالے سے گفتگو کرتے ہوئے اسلامی بھائیوں کی تربیت و رہنمائی کی اور انہیں احسن انداز سے دعوتِ اسلامی کے دینی کاموں کو کرنے کا ذہن دیا جس پر انہوں نےاچھی اچھی نیتوں کا اظہار کیا۔(کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ کے ذیلی ڈیپارٹ اسپیشل ایجوکیشن کے ذمہ دار اسلامی بھائیوں نے DOفیصل آبا د اسپیشل ایجوکیشن عبد الستار سے اُن کے آفس میں ملاقات کی۔

دورانِ ملاقات ای میٹنگ ہوئی جس میں اسپیشل پرسنز کے اسکولز میں درخت لگانے اور مختلف پروگرامز میں اسپیشل پرسنز نیز ٹیچرز کی ٹریننگ کرنے کے حوالے سے اہم نکات پر مشاورت کا سلسلہ رہا۔

اس موقع پر پاکستان سطح کے ذمہ دار احمد اویس عطاری اور  پنجاب اسپیشل ایجوکیشن ذمہ دار حافظ محمد یاسر عطاری موجو دتھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)

دعوت اسلامی کے اسپیشل پرسنز ڈیپارٹمنٹ کےتحت ذمہ داراسلامی بھائیوں نے دینی کاموں کے سلسلے میں اسپیشل ایجو کیشن سینٹر قصور کا دورہ کیا جہاں انہوں نے پرنسپل سے ملاقات کی۔

اس دوران ضلع قصور کے ذمہ دار محمد سہیل عطاری نے پرنسپل کو دعوت اسلامی اور اسپیشل پرسنز کا تعارف کرواتے ہوئے 27نیک اعمال والا رسالہ دکھایا جس پر انہوں نے اظہار مسرت کیا۔بعدازاں ذمہ دار نے پرنسپل کو اسپیشل پرسنز دعوت اسلامی کی ایپلیکیشن ڈاؤن لوڈ بھی کروائی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)

دعوتِ اسلامی کے زیرِ اہتمام اسپیشل پرسنز ڈیپارٹمنٹ کے ذمہ داراسلامی بھائیوں نے اسپیشل پرسنز(گونگے اوربہرے اسلامی بھائیوں) کے ہمراہ صوبۂ سندھ کے شہر حیدرآباد لطیف آباد نمبر 4 کی ایک مسجد میں رات اعتکاف کیا۔

اس موقع پر ڈویژن ذمہ دار اسپیشل پرسنز ڈیپارٹمنٹ وقار حسین عطاری نے اسپیشل پرسنز کے درمیان سیکھنے سکھانے کا حلقہ لگایا جس میں انہوں نے اشاروں کی زبان میں نماز کی پابندی کے حوالے سے سنتوں بھرا بیان کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)

گزشتہ دنوں دعوتِ اسلامی کے زیرِ اہتمام اسپیشل پرسنز کے صوبۂ پنجاب ذمہ دار سیّد عمیر ہاشمی عطاری اور پنجاب اسپیشل ایجوکیشن ذمہ دار حافظ محمد یاسر عطاری نے دینی کاموں کے سلسلے میں اسپیشل ایجوکیشن سینٹر چک جھمرہ کاوزٹ کیا۔

اس دوران ذمہ داران نے ٹیچرز اور اسٹوڈنٹس سے ملاقات کرتے ہوئے انہیں اسپیشل پرسنز ڈیپارٹمنٹ کا تعارف پیش کیا جس پر انہوں نے دعوتِ اسلامی کی کاوشوں کو سراہا۔

اس کے علاوہ ذمہ داران نے وہاں موجود اسٹوڈنٹس کے درمیان اشاروں کی زبان میں سیکھنے سکھانے کا حلقہ لگایا۔ بعدازاں اسٹوڈنٹس کو مکتبۃ المدینہ سے شائع ہونے والا رسالہ’’آئیے وضو کریں‘‘ تحفے میں دیا گیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ،کانٹینٹ:غیاث الدین عطاری)