اسپیشل پرسنز ڈیپارٹمنٹ دعوتِ اسلامی کے تحت ذمہ داراسلامی بھائیوں نے دینی کاموں کے سلسلے میں  پاکستان کے شہر نواب شاہ کا دورہ کیا جہاں سندھ صوبائی ذمہ دار محمد عابد عطاری نے شہر ذمہ دار جاوید عطاری کے ہمراہ اسپیشل پرسنز سے ملاقات کی۔

اس دوران انہوں نے اسپیشل پرسنز کے درمیان سیکھنے سکھانے کا حلقہ لگایا جس میں مبلغِ دعوتِ اسلامی نےاُن کی تربیت کرتے ہوئے والدین اور اساتذہ کے احترام کے حوالے سےسنتوں بھرا بیان کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں دعوتِ اسلامی کے تحت اسپیشل پرسنز ڈیپارٹمنٹ کے ذمہ داران نے  دینی کاموں کے سلسلے میں گورنمنٹ اسپيشل ایجوکیشن سینٹر شجاع آباد ضلع ملتان کا وزٹ کیا جہاں انہوں نے اسکول ٹیچر رانا مختیار احمد اور شعبہ تعلیم کے ڈویژن ذمہ دار محمد شہزاد عطاری سے ملاقات کی۔

اس دوران مبلغِ دعوتِ اسلامی محمد جمال عطاری مدنی نے اسٹوڈنٹس اور ٹیچر کے ہمراہ اسکول میں پودے لگائےاور آخر میں ملک و قوم کی سلامتی کے لئے دعا کروائی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

گزشتہ دنوں اسپیشل پرسنز ڈیپارٹمنٹ دعوت اسلامی کے تحت عالمی مدنی مرکز فیضان مدینہ کراچی میں اشاروں کی زبان کورس کا انعقاد کیا گیا جس میں کافی تعداد میں ذمہ داران کی شرکت جاری ہے۔

دورانِ کورس مرکزی مجلسِ شوری ٰکے رکن حاجی محمد اطہر عطاری کی آمد ہوئی ۔رکنِ شوریٰ نے شرکائےکورس کی تربیت کرتے ہوئے’’ مبلغ کو کیسا ہونا چاہیئے‘‘کے موضوع پر سنتوں بھرا بیان کیااور اسپیشل پرسنز میں دینی کام کرنے کے حوالے سے ذہن سازی کی جس پر شرکا نے اچھی اچھی نیتوں کا اظہار کیا۔ (رپورٹ: محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

گوجرانوالہ کے علاقے عالم چوک سوئی گیس والے بازار میں ایک اسپیشل پرسن ( ڈیف اسلامی بھائی)  کے گھر پر اجتماعی طور پرمدنی مذاکرہ دیکھنے کا سلسلہ ہوا جس میں کافی تعداد میں اسپیشل پرسنز( گونگے اور بہرے اسلامی بھائیوں)  نے شرکت کی۔

اس دوران ڈویژن ذمہ دار اسپیشل پرسنز ڈیپارٹمنٹ محمد احسان الحق عطاری نے اشاروں کی زبان میں مدنی مذاکرے کی ترجمانی کی نیز مدنی مذاکرے کے اختتام پر ختم گیارہویں شریف کا اہتمام کیا گیا جس میں ڈویژن ذمہ دار نے اشاروں کی زبان میں دعا بھی کروائی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

دعوتِ اسلامی کے تحت نواب شاہ سندھ میں سنتوں بھرے اجتماع کا انعقادکیا گیا جس میں اسپیشل پرسنز سمیت دیگر اسلامی بھائیوں نے شرکت کی۔اس اجتماعِ پاک میں ہونے والے سنتوں بھرے بیان کی اشاروں کی زبان میں جاوید عطاری نے ترجمانی کی اور اسپیشل پرسنز کی تربیت و رہنمائی کی۔

بعدازاں شہر ذمہ دار لیاقت عطاری نے اشاروں کی زبان میں ذکر ودعا کی ترجمانی کی۔اس موقع پر ڈویژن ذمہ دار اسپیشل پرسنز ڈیپارٹمنٹ برائےنابینا اسلامی بھائی موجود تھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

ڈسٹرکٹ گوجرانوالہ میں قائم مدنی مرکز فیضان مدینہ میں اسپیشل پرسنز ڈیپارٹمنٹ دعوت اسلامی کے زیرِ اہتمام اسپیشل پرسنز ( گونگےاور بہرے اسلامی بھائیوں) کا ماہانہ سنتوں بھرے اجتماع کا انعقاد ہواجس میں کثیر تعداد میں اسپیشل پرسنز سمیت دیگر عاشقانِ رسول نے شرکت کی۔

اس موقع پر ڈویژن گوجرانوالہ ذمہ دار محمد احسان الحق عطاری نے اشاروں کی زبان میں سنتوں بھرا بیان کیا۔اس اجتماعِ پاک میں اسپین کے نگران محمد اسید عطاری نے شرکت کی اور آپ شرکائے اجتماع کی دینی و اخلاقی اعتبار سے تربیت کی جس کی اشاروں کی زبان میں ڈسٹرکٹ ذمہ دار گوجرانوالہ محمد وقاص عطاری نے ترجمانی کی۔

اس کے علاوہ اسپیشل پرسنز ( گونگےاور بہرے اسلامی بھائیوں ) نے زیارتِ قراٰنِ پاک کی سعادت حاصل کی نیز زیادہ درود ِپاک پڑھنے والے اسپیشل پرسنزمیں تحائف تقسیم کرنے کا بھی سلسلہ رہا۔(رپورٹ:محمدوقاص عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت 13 فروری 2022ء بروز اتوارفیروزآباد ٹاؤن کے ڈویژن محمودآباد کی حقانی مسجد میں یومِ تعطیل اعتکاف کا اہتمام کیا گیا جس میں کم و بیش 41 اسلامی بھائیوں نے شرکت کی۔

اس دوران ذمہ داران نے علاقے میں نیکی کی دعوت دیتے ہوئے انہیں نماز ِمغرب کے بعد مسجد میں ہونے والے سنتوں بھرےبیان میں شرکت کرنے کی دعوت دی۔بعدنمازِ مغرب مرکزی مجلسِ شوریٰ کے رکن حاجی فضیل رضا عطاری نے سنتوں بھرا بیان کیا۔

اس موقع پر اسپیشل پرسنز ذمہ داران عمران عطاری، یوسف عطاری، محمد شکیل عطاری، قاری جہانگیر عطاری، خادم حسین عطاری، تنویر عطاری، طارق عطاری، اظہر عطاری اورصفدر عطاری بھی موجود تھے۔(رپورٹ:محمد اشفاق علی عطاری ذمہ دار ڈویژن محمود آباد ، کانٹینٹ:غیاث الدین عطاری)

مظفرآباد ڈویژن اپرچھترمیں قائم  مدنی مرکز فیضان مدینہ میں 12ماہ کے عاشقان رسول میں سیکھنے سکھانے کا حلقہ ہوا جس میں اسپیشل پرسنز ڈیپارٹمنٹ کے نگران محمد حنیف عطاری نے شعبے کا تعارف پیش کیا اور اشاروں کی زبان کے کورس کی ترغیب دلائی۔

اسی طرح دوسری جانب مظفرآباد اپر چھتر فیضان مدینہ میں جامعۃ المدینہ کے طلباء میں نگران مجلس محمد حنیف عطاری نے بیان کیا اور اشارے بھی سکھائے ۔

اس موقع پر کشمیر مشاورت کے رکن سلمان عطاری اور ڈویژن ذمہ دار عبد الرزاق عطاری بھی موجود تھے۔(رپورٹ: محمد سمیر ہاشمی ) 

اسپیشل پرسنز ڈیپارٹمنٹ دعوت اسلامی کے تحت کلور کوٹ میں قائم مدرسۃ المدینہ بوائز میں سیکھنے سکھانے کا  حلقہ ہوا جس میں اساتذہ کرام سمیت طلبہ کرام نے شرکت کی ۔

اس دوران صوبائی ذمہ دار پنجاب عمیر ہاشمی عطاری اور سرگودھا ڈویژن ذمہ دار ابو بکر عطاری نے بچوں کو شعبے کا تعارف پیش کیا اور ان کی سماجی و دینی اخلاقیات کے اعتبار سے تربیت کی اور ان کو اسپیشل پرسنز میں دینی کام کرنے کے حوالے سے ذہن دیا اور چند اشارے بھی سکھائے۔(رپورٹ: محمد سمیر ہاشمی )

پچھلے دنوں شعبہ اسپیشل ایجوکیشن پاکستان ذمہ دار احمد اویس عطاری کاڈیف  اسپیشل پرسنز کے کالج گنگ محل گلبرگ ٹاؤن لاہور کا وزٹ کیا۔

جہاں انہوں نے کالج کے ٹیچرزو اسٹاف سے ملاقات کی اور ان کو اسپیشل پرسنز ڈیپارٹمنٹ دعوت اسلامی کا تعارف پیش کرتے ہوئے ان کو ہفتہ وار اجتماع اور مدنی مذاکرے میں شرکت کی دعوت دی۔(رپورٹ: محمد سمیر ہاشمی )

پچھلے دنوں شعبہ اسپیشل پرسنز  کے تحت صوبائی پنجاب ذمہ دار سید عمیرہاشمی عطاری کا سرگودھا ڈویژن میں شیڈول ہوا جہاں انہوں نے سرگودھا ڈویژن ذمہ دار ابو بکر عطاری نے ڈویژن ذمہ دار کے ہمراہ کالا باغ میانوالی مدرسۃ المدینہ برائے نابینا افراد کا وزٹ کیا جس میں انہوں نے نابینا بچوں کی تربیت کی ۔

دوسری جانب میانوالی میں سرگودھا ڈویژن ذمہ دار محمد ابو بکر عطاری کا شیڈول ہوا جہاں انہوں نے ڈسٹرکٹ ذمہ دار مجاہد خان عطاری کے ہمراہ اسپیشل پرسنز سے ملاقات کی۔ ملاقات میں ان کو ہفتہ وار اجتماع اور مدنی مذاکرے میں شرکت کی دعوت پیش کی ۔ (رپورٹ: محمد سمیر ہاشمی ) 

پنجاب پاکستان کے شہر بصیر پور میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں اسپیشل پرسنز کی تربیت کے لئے سیکھنے سکھانے کا حلقہ لگایا گیا۔

اجتماعِ پاک میں ہونے والے نعت و بیان اور صلوۃ و سلام کی ڈویژن ذمہ دار زبیر عطاری نے اشاروں کی زبان میں ترجمانی کی اور اسپیشل پرسنز کو دعوتِ اسلامی کے مدنی ماحول سے ہر دم وابستہ رہنے کا ذہن دیا۔بعدازاں ڈویژن ذمہ دار نے اسپیشل پرسنز کو 3 دن کے مدنی قافلوں میں سفر کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)