5 اگست 2022ء بروز جمعہ ڈسٹرکٹ اوکاڑہ کی مدینہ کالونی میں واقع دیدار ِمصطفیٰ مسجد میں دعوتِ اسلامی کے شعبہ کفن دفن کے زیرِا ہتمام تدفین کورس کا انعقاد کیا گیا جس میں قرب و جوار کے کثیر اسلامی بھائیوں نے شرکت کی۔

دورانِ کورس ساہیوال ڈویژن ذمہ دار لیاقت علی عطاری نے شرکا کی تربیت کرتے ہوئے انہیں تدفین کے متعلق چند اہم باتیں بیان کیں نیز شرکا کو دعوتِ اسلامی کے 12 دینی کاموں میں بڑھ چڑھ کر حصہ لینے اور محرم الحرام کے مدنی قافلے میں سفر کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:احمد ندیم عطاری شعبہ تعلیم، کانٹینٹ:غیاث الدین عطاری)

4 اگست 2022 ء کو شعبہ کفن دفن کے ذمہ دار عزیر عطاری کے تحت عالمی مدنی مرکز فیضان مدینہ کراچی میں لاہور سے آئے ہوئے اسلامی بھائیوں کو تجہیز و تکفین کورس کروائےجس  میں شعبے کا تعارف ، غسل میت اور تکفین و تدفین کا طریقہ سکھایاگیا۔(رپورٹ: عزیر عطاری رکن مجلس کفن دفن ، کانٹینٹ: محمد مصطفی انیس) 

31 جولائی 2022ء بروز اتوار پنجاب پاکستان کے شہر فیصل آباد میں قائم مدنی مرکز فیضان مدینہ میں شعبہ کفن دفن کے ذمہ داران (جن میں شعبے کے متعلقہ رکنِ شوریٰ حاجی منصور عطاری، نگران شعبہ ، صوبائی اور اوورسیز کے اسلامی بھائی شامل تھے) کا مدنی مشورہ منعقد ہوا۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اس مدنی مشورے میں شعبے کی صوبہ وائز کارکردگی مع تقابلی جائزہ (جنوری 2022ء تا جون 2022ء) لیتے ہوئے شعبے کے 2026ء کے پلان، سابقہ 12ماہ شعبے کی آمدن و خرچ، شعبے کو خود کفیل بنانے اور آمدن کو بڑھانے کے اقدامات، کے پی آئز، ٹاسک مینجمنٹ، تقرری، فیڈبیک، شعبے کے جائزے اور سابقہ مدنی مشوروں کے مدنی پھولوں کے علاوہ دیگر اہم امور کے بارے میں گفتگو کی جن میں سے بعض یہ ہیں:

نگران پاکستان مشاورت نے شعبہ کفن دفن کا تعارف کرواتے ہوئے بتایا کہ موت کے بعد غسل میت دینا، کفن کاٹنا/پہنانا، جنازہ پڑھانا اور تدفین کرنا الحمد للہ  دعوت اسلامی کے اس شعبے کے تحت یہ ساری چیزیں کورس کی صورت میں سکھائی جاتی ہیں۔

شعبہ کفن دفن کے تحت صرف 30 منٹ میں نمازے جنازہ کورس کروایا جاتا ہے۔اسی طرح تدفین کورس کا دورانیہ بھی 30 منٹ ہے جس میں تدفین کاطریقہ کیا ہے؟تدفین کا حکم کیا ہے؟تلقین کا طریقہ اس کے بارے میں بھی اس کورس میں سکھایا جاتا ہے۔اس کے علاوہ 7 دن کے شارٹ کورس آن لائن، جزوقتی کورس کفن دفن نیز ایک دن کا رہائشی کفن دفن کورس، کووڈ کفن دفن کورس جس کا دورانیہ 1 گھنٹا 26 منٹ ہے۔

مزید نگران پاکستان مشاورت نے اس شعبے کی کار کردگی بیان کی کہ پاکستان میں اس شعبے کے تحت جو کورس کروائے گئے ان میں نمازے جنازہ کورس 19ہزار753 ہوئے جن میں کم و بیش 4 لاکھ 40 ہزار 914 اسلامی بھائیوں نے شرکت کرنے کی سعادت حاصل کی جبکہ بیرونے ممالک میں 4 ہزار 97 کورس ہوئے جن میں کم و بیش 59 ہزار155 عاشقانِ رسول نے شرکت کی۔اکتوبر 2021ء تا جون 2022ء تک ٹوٹل 23 ہزار 850کورس ہوئے جس میں کم و بیش 5 لاکھ 69 شرکا نے شرکت کی۔

شعبہ کفن دفن کی ایک ایپ بنام Muslim`s Funeral ایپلی کیشن بھی لانچ کی گئی ہے جس کو ڈاؤن لوڈ کرنے والے اسلامی بھائیوں کی تعداد 50 ہزار سے زائد ہے نیز اس شعبے میں اسلامی اسلامی بہنوں کے درمیان بھی کام کیا جاتا ہے اور ان کے بھی کورسز ہوتے ہیں۔ مدنی مشورے کے آخر میں نگران پاکستان مشاورت نے ذمہ داران سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

اسلامِ آباد کے علاقے جی الیون میں دعوتِ اسلامی کے زیرِ اہتمام ہونے والے مدنی تربیتی کورس کے شرکا کے لئے ایک دن کا کفن دفن اجتماع منعقد کیا گیا جس میں دیگر عاشقانِ رسول کی بھی شرکت رہی۔

دورانِ کورس صوبائی ذمہ دار ظہیر عباس عطاری نے شرکا کی تربیت کرتے ہوئے انہیں کفن دفن سمیت نمازِ جنازہ کے چند ضروری مسائل سکھائے اور انہیں دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:مزمل عطاری شعبہ کفن دفن ، کانٹینٹ:غیاث الدین عطاری)

دعوتِ اسلامی کے تحت 27 جولائی 2022ء بروز بدھ پھولنگر شہر کی ریسکیو 1122 کے آفس میں سیکھنے سکھانے کا حلقہ لگایا گیا جس میں اُن کی دینی و اخلاقی اعتبار سے تربیت کی گئی۔

دورانِ حلقہ شعبہ کفن دفن کے ڈسٹرکٹ قصور ذمہ دار محمد دانش تفسیر عطاری نے وہاں موجود اسلامی بھائیوں کو نمازِ جنازہ کے مسائل سمیت اس کا عملی طریقہ سکھایا۔

اس کے علاوہ ذمہ دار نے اسلامی بھائیوں کو دعوتِ اسلامی کے دینی کاموں میں عملی طور پر حصہ لینے کا ذہن دیا۔آخر میں ریسکیو آفس کے عاشقان رسول نے دعوت اسلامی کی کاوشوں کو سراہا۔(رپورٹ:شعبہ کفن دفن ، کانٹینٹ:غیاث الدین عطاری)

دعوتِ اسلامی کے زیرِ اہتمام 28 جولائی 2022ء بروز جمعرات الٰہ آباد شہر کے علاقے شہزادہ گرین میں واقع جامعۃ المدینہ بوائز میں کفن دفن کے حوالے سے ایک نشست کا انعقاد کیا گیا جس میں طلبۂ کرام سمیت اساتذۂ کرام نے شرکت کی۔

اس نشست میں شعبہ کفن دفن کے ڈسٹرکٹ قصور ذمہ دار محمد دانش تفسیر عطاری نے شرکا کو کفن دفن کا عملی طریقہ بتاتے ہوئے غسلِ میت دینے، کفن کاٹنے اور پہنانے کے متعلق تربیت کی۔بعدازاں ذمہ دار نے شعبے کے دینی کاموں کے لئے جامعۃ المدینہ بوائز کی 5 رکنی مجلس کفن دفن بنائی۔(رپورٹ:شعبہ کفن دفن، کانٹینٹ:غیاث الدین عطاری)

دعوتِ اسلامی کے زیرِ اہتمام 26 جولائی 2022ء بروز منگل قصور شہر فتح پور یونین کونسل قطبہ گاؤں کی جامع مسجد غوثیہ رضویہ میں نمازِ جنازہ کورس کا انعقاد کیا گیا جس میں علاقے کے عاشقانِ رسول نے شرکت کی۔

اس کورس میں ڈسٹرکٹ قصور کے ذمہ دار محمد دانش تفسیر عطاری نے شرکا کو غسلِ میت دینے اور کفن دفن کے چند ضروری مسائل سمیت نمازِ جنازہ کے اراکین و سنتیں بتائیں۔

بعدازاں ذمہ دار نے اسلامی بھائیوں کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر شرکائےکورس نے دعوتِ اسلامی کی اس کاوش کو سراہا۔(رپورٹ:شعبہ کفن دفن، کانٹینٹ:غیاث الدین عطاری)

26 جولائی 2022 ء کو کوٹ رادھا کشن جامع مسجد اقصی میں شعبہ کفن دفن کے تحت سیکھنے سکھانے کے حوالے سے مدنی حلقہ لگایاگیا جس میں ڈسٹرکٹ قصور شعبہ کفن دفن ذمہ دار  ابو محمد دانش تفسیر عطاری نے میت کو غسل دینے کی فضیلت و اہمیت پر بیان کیاساتھ ہی کفن کاٹنے و پہنانے کامسنون طریقہ بتایا ۔نیز نماز جنازہ کے مسائل، جنازے کو کندھا دینے کا سنت طریقہ بھی بیان کیا۔

اس مدنی حلقے میں علاقے کے اسلامی بھائیوں نے شرکت کی اور دعوت اسلامی کے شعبہ کفن دفن کی اس کاوش کو بہت سراہا۔(رپورٹ: ابو محمد محمد دانش تفسیر عطاری ، شعبہ کفن دفن دعوت اسلامی ضلع قصور ، کانٹینٹ: محمد مصطفی انیس) 

26 جولائی 2022 ء کو کوٹ رادھا کشن میں شعبہ کفن دفن کے تحت سیکھنے سکھانے کے حوالے سے مدنی حلقہ لگایاگیا جس میں ڈسٹرکٹ قصور شعبہ کفن دفن ذمہ دار  ابو محمد دانش تفسیر عطاری نے میت کو غسل دینے کی فضیلت و اہمیت پر بیان کیاساتھ ہی کفن کاٹنے و پہنانے کامسنون طریقہ بتایا ۔

اس مدنی حلقے میں علاقے کے اسلامی بھائیوں نے شرکت کی ۔(رپورٹ: ابو محمد محمد دانش تفسیر عطاری ، شعبہ کفن دفن دعوت اسلامی ضلع قصور ، کانٹینٹ: محمد مصطفی انیس) 

دعوتِ اسلامی کے زیرِ اہتمام 22، 23 اور24 جولائی 2022ء بروز جمعہ، ہفتہ، اتوارپاکستان کے شہر قصور میں 3 دن کا مدنی قافلہ راہِ خدا عزوجل کے سفر پر روانہ ہواجس میں مرکزی مجلسِ شوریٰ کے رکن حاجی محمد جنید عطاری مدنی سمیت شعبہ مزاراتِ اولیاء و شعبہ کفن دفن کے اسلامی بھائیوں نے شرکت کی۔

دورانِ مدنی قافلہ رکنِ شوریٰ نےاسلامی بھائیوں کے درمیان سیکھنے سکھانے کا حلقہ لگایا جس میں انہیں سنتیں و آداب سکھائے گئے نیز اپنے اپنے علاقوں میں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد دانش تفسیر عطاری شعبہ کفن دفن ضلع قصور ، کانٹینٹ:غیاث الدین عطاری)

23 جولائی 2022 ءکو عالمی مدنی مرکز  فیضان مدینہ کراچی میں جامعۃ المدینہ کے طلبہ ٔ کرام میں تجہیز و تکفین کے حوالے سے مدنی حلقہ لگایا گیا ۔

شعبہ کفن دفن رکن مجلس فیضان مدینہ عزیر عطاری نے ”غسل میت کی فضیلت و اہمیت “کے بارے میں بیان کیا نیز کفن کاٹنے و پہنانے کا طریقہ سکھایا ۔ ساتھ ہی طلبہ کی دینی واخلاقی اعتبار سے تربیت بھی کی۔(رپورٹ: عزیر عطاری ، رکن مجلس کفن دفن ، کانٹینٹ: محمد مصطفی انیس) 

23 جولائی 2022ء بروز ہفتہ دعوتِ اسلامی کے عالمی مدنی مرکز فیضانِ مدینہ کراچی میں شعبہ کفن دفن کے تحت مدنی مشورہ ہوا جس میں مرکزی جامعۃ المدینہ بوائز فیضانِ مدینہ کراچی کے طلبۂ کرام نے شرکت کی۔

دورانِ مدنی مشورہ شعبہ کفن دفن ذمہ دار عزیر عطاری نے مختلف امور پر گفتگو کرتے ہوئے غسلِ میت کے متعلق کلام کیا اور طلبۂ کرام کو شعبے کے دینی کاموں میں حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ بالعلماء، کانٹینٹ:غیاث الدین عطاری)