شعبہ کفن دفن دعوتِ اسلامی کے زیرِ اہتمام 20 ستمبر 2022ء بروز منگل ناظم آباد باورچی محلہ کےعاشقانِ رسول کے لئے سیکھنے سکھانے کا حلقہ لگایا گیا۔

اس دوران مبلغِ دعوتِ اسلامی عزیر عطاری (رکنِ شعبہ کفن دفن) نے شرکائے حلقہ کو غسلِ میت کی فضیلت بیان کرتے ہوئے نمازِ جنازہ اور تدفین کورس کرنے کی اہمیت بتائی نیز غسلِ میت دینے کے حوالے سے وہاں موجود عاشقانِ رسول کی ذہن سازی کی جس پر انہوں نے اچھی اچھی نیتوں کا اظہار کیا۔(رپورٹ:شعبہ کفن دفن، کانٹینٹ: غیاث الدین عطاری)

20 ستمبر 2022ء بروز منگل پنجاب کے شہر للیانی ضلع قصور کی مین مارکیٹ کی ایک دوکان میں شعبہ کفن دفن دعوتِ اسلامی کے تحت تدفین کورس ہوا جس میں مقامی تاجران نے شرکت کی۔

‫اس کورس میں شعبے کے ڈسٹرکٹ ذمہ دار محمد دانش تفسیر عطاری نے اسلامی بھائیوں کو تدفین و تلقین کا طریقہ اور چند ضروری مسائل سکھائے نیز دعوتِ اسلامی کی موبائل ایپلیکیشن Muslims Funeral کا تعارف پیش کرتے ہوئے اسے ڈاؤن لوڈ کرنے کا ذہن دیا۔

بعدازاں مبلغِ دعوتِ اسلامی نے شرکائے کورس کو مکتبۃالمدینہ کی مطبوعہ” تجہیز و تکفین کا طریقہ “ اور ”میت کے غسل و کفن کا طریقہ“ پڑھنے کی ترغیب دلائی جس پر وہاں موجود تاجران نے اچھی اچھی نیتوں کا اظہا رکیا۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ ، کانٹینٹ:غیاث الدین عطاری)

پچھلے  دنوں دعوت اسلامی کے شعبہ کفن دفن کے تحت لاہور میں حضرت داتا علی ہجویری رحمۃاللہ علیہ کےمزار شریف پر سیکھنے سکھانے کے حلقے کا انعقاد ہوا جس میں مبلغین نے عرس میں شرکت کرنے والے عاشقان اولیاء کو نماز جنازہ کا عملی طریقہ سیکھایا اور تدفین کورس کروایا جس پر شرکا نے اس اقدام پر دعوت اسلامی کا شکریہ ادا کیا۔(رپورٹ: لیاقت علی عطاری ساہیوال ڈویژن، کانٹینٹ:رمضان رضا عطاری) 

اورنگی ٹاؤن کراچی کی جامع مسجد سبحانی میں عاشقانِ رسول کی دینی تحریک دعوتِ اسلامی کے تحت ہونے والے ہفتہ وار سنتوں بھرے اجتماع کے بعدسیکھنے سکھانے کا حلقہ لگایا گیا جس میں کثیر اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے شرکائے حلقہ کو غسلِ میت اور کفن دفن کے مسائل سکھاتے ہوئے نمازِ جنازہ کے چند ضروری مسائل بتائے۔بعدازاں اسلامی بھائیوں سے بذریعہ لنک ٹیسٹ لیا گیا جس میں کامیاب ہونے والے عاشقانِ رسول کو تحائف دیئے گئے۔(رپورٹ:عزیر عطاری رکن شعبہ کفن دفن، کانٹینٹ:غیاث الدین عطاری)

17 ستمبر 2022ء کو داتا دربار ، لاہور میں شعبہ کفن دفن کے تحت نماز جنازہ و تدفین کورس کروایا گیا جس  میں داتا دربار پر آئے ہوئے زائرین نے شرکت کی ۔

محمد شیراز عطاری مدنی میٹرو پولیٹن ذمہ دار شعبہ کفن دفن نے شرکاء کو نماز جنازہ کے مسائل اور قبر و لحد کے احکام بتائے نیز قبر بنانے کا طریقہ بتایا ساتھ ہی میت کو کفن دینے کا مسنون طریقہ بھی سکھایا ۔ نیز اس موقع پر ضلع ساہیوال ڈسٹرکٹ ذمہ دار لیاقت عطاری بھی موجود تھے۔(رپورٹ : محمد شیراز عطاری مدنی میٹرو پولیٹن ذمہ دار شعبہ کفن دفن فیصل آباد ، کانٹینٹ: محمد مصطفی انیس)

شعبہ کفن دفن دعوتِ اسلامی کے دینی کاموں کے حوالے سے 14 ستمبر 2022ء بروز بدھ نیو کراچی میں قائم جامع مسجد مبارک میں مدنی مشورے کا انعقاد کیا گیا جس میں سینٹرل ڈسٹرکٹ ذمہ دار ریاض عطاری، نیوکراچی ٹاؤن ذمہ دار صدیق عطاری اور یوسی ذمہ داران کی شرکت رہی۔

شعبہ کفن دفن کے سٹی ذمہ دار یاسر عطاری نے ذمہ داران سے گفتگو کرتے ہوئے شعبے کے دینی کاموں کا فالواپ لیا نیز انہیں غسل دینے والے عاشقانِ رسول کی لسٹ بنانے کا ذہن دیا۔

دورانِ گفتگو سٹی ذمہ دار نے 18 ستمبر 2022ء کو مرکزی مجلسِ شوریٰ کے نگران مولانا حاجی محمد عمران عطاری اور 25 ستمبر 2022ء کو رکنِ شوریٰ حاجی منصور عطاری کے مدنی مشورے میں شرکت کرنے کے متعلق چند اہم نکات پر مشاورت کی۔(رپورٹ:عزیر عطاری رکن شعبہ کفن دفن ، کانٹینٹ:غیاث الدین عطاری)

دعوتِ اسلامی کی جانب سے 14 ستمبر 2022ء  کو نیو کراچی مبارک مسجد میں کفن دفن اجتماع کا انعقاد ہوا جس میں نیوکراچی مبارک مسجد کے امامت کورس کے اسلامی بھائیوں نے شرکت کی۔

رکن مجلس کفن دفن عزیر عطاری نے غسل میت کی فضیلت اور نمازِ جنازہ کی اہمیت بتاتے ہوئے غسل میت دینے اور کفن پہنانے کا طریقہ بتایا ۔ آخر میں حاضرین کو فکر آخرت کا ذہن دیتے ہوئے 12 دینی کاموں میں حصہ لینے کی ترغیب دلائی جس پر انہوں نے اچھی اچھی نیتوں کا اظہا کیا۔(رپورٹ: رکن مجلس کفن دفن عزیر عطاری ، کانٹینٹ:رمضان رضا عطاری)

11 ستمبر 2022ء بروز اتوار دعوتِ اسلامی کے تحت اسلام آباد کے علاقے جی الیون میں کفن دفن کورس کا انعقاد کیا گیا جس میں مقامی عاشقانِ رسول نے شرکت کی۔

دورانِ کورس صوبائی ذمہ دار ظہیر عباس عطاری نے عاشقانِ رسول کو کفن دفن کے چند ضروری مسائل سکھاتے ہوئے کفن کاٹنے اور پہنانے کا طریقہ بتایا۔

اسی طرح شرکائے کورس کو نمازِ جنازہ کا طریقہ سکھاتے ہوئے اُن کی دینی و اخلاقی اعتبار سے تربیت کی۔(رپورٹ:مزمل عطاری، کانٹینٹ:غیاث الدین عطاری)

پنجاب پاکستان کے شہر پتوکی کی مین مارکیٹ میں قائم  ایک دکان میں شعبہ کفن دفن دعوتِ اسلامی کے تحت 9 ستمبر 2022ء بروز جمعہ تدفین کورس ہوا جس میں مقامی تاجران سمیت دیگر اسلامی بھائیوں نے شرکت کی۔

ڈسٹرکٹ ذمہ دار شعبہ کفن دفن محمد دانش تفسیر عطاری نے دورانِ کورس اسلامی بھائیوں کی تربیت کرتے ہوئے تدفین کا طریقہ،تلقین اور دعا سکھائی۔

اس کے علاوہ ذمہ دار نے اسلامی بھائیوں کو دعوتِ اسلامی کی موبائل ایپلیکیشن Muslims Funeral کا تعارف پیش کیا اور اسے ڈاؤن لوڈ کرنے کی ترغیب دلائی۔

بعدازاں ڈسٹرکٹ ذمہ دار نے دعوت اسلامی کےشعبے مکتبۃالمدینہ سے شائع ہونے والا رسالے ”تجہیز و تکفین کا طریقہ“ اور”میت کے غسل و کفن کا طریقہ“ کا تعارف پیش کرتے ہوئے انہیں پڑھنے کا ذہن دیا جس پر وہاں موجود تاجران نے خوشی کا اظہار کیا اور اپنے تاثرات پیش کئے۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ، کانٹینٹ:غیاث الدین عطاری)

پچھلے دنوں دعوتِ اسلامی کےتحت 3 دن کا مدنی قافلہ الوفا روڈ کنٹو نمنٹ ٹاؤن کوئٹہ کی جامع مسجد میاں اسماعیل میں گیا جہاں شرکائے مدنی قافلہ نے مختلف دینی ایکٹیویٹیز میں شرکت کی۔

اس دوران مقامی اسلامی بھائیوں کے لئے سیکھنے سکھانے کا حلقہ لگایا گیا جس میں مبلغِ دعوتِ اسلامی نے سنتوں بھرا بیان کرتے ہوئے میت کو غسل دینے، کفن کاٹنے اور پہنانے کا طریقہ سکھایا۔

اس موقع پر کنٹونمنٹ ٹاؤن نگران نورالعینین عطاری اور بلوچستان یونیورسٹی کے اسٹوڈنٹس سمیت تاجر حضرات موجود تھے۔(رپورٹ:امتیاز عطاری صوبائی ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کے تحت کوئٹہ ڈویژن میں سیکھنے سکھانے کا حلقہ لگایا گیا جس میں جامعۃالمدینہ بوائز کے طلبۂ کرام نے شرکت کی۔

اس حلقے میں مبلغِ دعوتِ اسلامی نے طلبۂ کرام کی تربیت کرتے ہوئے انہیں کفن دفن کے چند ضروری مسائل سکھائے اور غسلِ میت دینے، کفن کاٹنے اور پہنانے کا طریقہ بتایا۔

آخر میں مبلغِ دعوتِ اسلامی نے طلبۂ کرام کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہا رکیا۔(رپورٹ:امتیاز عطاری صوبائی ذمہ دار، کانٹینٹ:غیاث الدین عطاری)

6 ستمبر 2022ء بروز منگل عالمی مدنی مرکز فیضانِ مدینہ کراچی میں ہونے والے امامت کورس کے طلبۂ کرام کا مدنی مشورہ منعقد ہوا جس میں شعبہ کفن دفن کے ذمہ دار نے سنتوں بھرا بیان کیا۔

رکنِ شعبہ عزیر عطاری نے غسلِ میت کی فضیلت بیان کرتے ہوئے طلبۂ کرام کو غسلِ میت دینے کی ترغیب دلائی نیز نمازِ جنازہ اور تدفین کورس میں داخلہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ کفن دفن، کانٹینٹ:غیاث الدین عطاری)