شعبہ روحانی علاج دعوتِ اسلامی کے تحت 9 مئی 2025ء کو ضلع فیصل آباد کے علاقے سدھار بائی پاس کی جامع مسجد فیضانِ عطار میں ”دعائے شفاء اجتماع“ کا انعقاد کیا گیا جس میں علاقے کے اسلامی بھائیوں نے شرکت کی۔

اجتماع کا آغاز تلاوتِ قراٰن و نعت شریف سے کیا گیا جس کے بعد فیصل آباد ڈویژن ذمہ دار مدثر علی عطاری نے ”فکرِ آخرت اور ایمان کی سلامتی“ کے موضوع پر بیان کیا۔

شعبہ روحانی علاج دعوت اسلامی کے تحت 05مئی2025ء کو احمد رضا مسجد  بلدیہ ٹاون کراچی میں دعائے شفا اجتماع ہوا جس میں مقامی عاشقان رسول سمیت ڈسٹرکٹ ذمہ دار عمران عطاری اور سٹی ذمہ دار محمد طارق عطاری نے بھی شرکت کی ۔

دعائے شفا اجتماع میں مبلغ دعوت اسلامی نے حاضرین کے درمیان فکرآخرت اور ایمان کی سلامتی کے متعلق بیان فرمایا جبکہ دعائے شفا اجتماع میں صلوۃ الحاجات ادا کی گئی اور دعائے شفاء کا اہتمام ہوا نیز مریضوں کو تعویذاتِ عطاریہ اور اورادِ عطاریہ پیش کیے گئے اس موقع پر حاضرین کے درمیان امیرِ اہلسنت کا دم شدہ پانی دیا گیا اور ہیپاٹائٹس کے مریضوں کو اوتاہ کا عمل اور استخارے کیے گئے۔( کانٹینٹ:شعیب احمد عطاری)

دعوتِ اسلامی کے مدنی مرکز فیضان مدینہ ایبٹ آباد  میں 28اپریل2025ء بروز پیرکو شعبہ روحانی علاج کے تحت ایک مدنی مشورہ ہوا جس میں روحانی علاج بستہ ذمہ داران ڈویژن ہزارہ سےتعلق رکھنے والے عاشقانِ رسول نے شرکت کی ۔

اس میٹنگ میں نگرانِ شعبہ مولانا انور رضا عطاری مدنی نے شعبہ روحانی علاج کے کاموں کی تربیت کرتے ہوئے دعوتِ اسلامی کے 12 دینی کاموں بالخصوص قافلوں میں سفر کرنے کے متعلق ذمہ داران کی ذہن سازی کی جس پر انہوں نے اچھی اچھی نیتیں کیں۔(رپورٹ: محمد طارق محمود عطاری صوبائی ذمہ دار شعبہ روحانی علاج صوبہ خیبر پختونخوا ، کانٹینٹ:شعیب احمد عطاری)

عالمی مدنی مرکز فیضانِ مدینہ کراچی میں شعبہ روحانی علاج دعوتِ اسلامی کے تحت 3 دن (29،28،27اپریل 2025ء) کو روحانی علاج کورس ہوا جس میں کراچی سٹی  کے مختلف شعبہ جات سے تعلق رکھنے والے عاشقانِ رسول نے شرکت کی ۔

مبلغِ دعوتِ اسلامی محمد ناصر عطاری شعبہ روحانی علاج نے شعبے کی نئی اپڈیٹس سے آگاہی دیتے ہوئے تعویذات لکھنے کے حوالے سے شرکائے کورس کی مختلف امور پر رہنمائی کی نیز دم کرنے اور کاٹ کرنے کا طریقہ بتایا۔

بعدازاں مبلغِ دعوتِ اسلامی نے امت کی غم خواری کا جذبہ دلایا اور اسلامی بھائیوں کو 12 دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں ۔(رپورٹ: سمیر علی عطاری آفس اسسٹنٹ ، کانٹینٹ:شعیب احمد عطاری)

فیضانِ مدینہ سانگھڑ سندھ میں شعبہ روحانی علاج دعوتِ اسلامی کے تحت 3 دن (28,27,26اپریل 2025ء) کو روحانی علاج کورس ہوا جس میں نواب شاہ ڈویژن کے مختلف شعبہ جات سے تعلق رکھنے والے عاشقانِ رسول نے شرکت کی ۔

مبلغِ دعوتِ اسلامی نوید احمد عطاری شعبہ روحانی علاج نے شعبے کی نئی اپڈیٹس سے آگاہی دیتے ہوئے تعویذات لکھنے کے حوالے سے شرکائے کورس کی مختلف امور پر رہنمائی کی نیز دم کرنے اور کاٹ کرنے کا طریقہ بتایا۔

بعدازاں مبلغِ دعوتِ اسلامی نے امت کی غم خواری کا جذبہ دلایا اور اسلامی بھائیوں کو 12 دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں ۔(رپورٹ: سمیر علی عطاری آفس اسسٹنٹ ، کانٹینٹ:شعیب احمد عطاری)

دعوتِ اسلامی کے مدنی مرکز فیضانِ مدینہ ملتان روڈ نزد بلوچ ہوٹل ڈیرہ اسماعیل خان میں 27 اپریل 2025ء کو شعبہ روحانی علاج کے تحت ایک میٹنگ ہوئی جس  میں ڈیرہ اسماعیل خان ڈویژن اور بنو ڈویژن کے بستہ ذمہ داران نے شرکت کی۔

عاشقانِ رسول کی دینی تحریک دعوتِ اسلامی کے تحت حیدرآباد سٹی میں 25 اپریل 2025ء کو شعبہ روحانی علاج کا مدنی مشورہ ہوا جس میں سٹی کے بستہ ذمہ دار اسلامی بھائیوں نے شرکت کی۔

ابتداءً شعبے کے دینی کاموں کے حوالے سے گفتگو کرتے ہوئے صوبائی ذمہ دار امان اللہ عطاری نے مسلمانوں کی پردہ پوشی کرنے اور شعبے کی ترقی میں حصہ لینے کا ذہن دیا۔

25 اپریل 2025ء کو دعوتِ اسلامی کے شعبہ روحانی علاج کے تحت اسلام آباد G-11 میں قائم مدنی مرکز فیضانِ مدینہ میں روحانی علاج کورس منعقد کیا گیا جس میں راولپنڈی ڈویژن شعبہ روحانی علاج کے بستہ ذمہ داران شریک ہوئے۔

بستہ ذمہ داران کی رہنمائی کے لئے شعبے کے صوبائی ذمہ دار مولانا محمد انیس عطاری مدنی نے تعویذات لکھنے کے حوالے سے مختلف امور پر ذمہ داران کی ذہن سازی کی اور انہیں دم و کاٹ کرنے کا طریقہ نیز اس کی چند احتیاطیں بیان کیں۔

نورپور، ضلع پاکپتن کے مدنی مرکز فیضانِ مدینہ میں شعبہ روحانی علاج دعوتِ اسلامی کے تحت 3 دن (25، 26 اور 27 اپریل 2025ء) کا روحانی علاج کورس ہوا جس میں ضلع پاکپتن کے مختلف شعبہ جات سے تعلق رکھنے والے عاشقانِ رسول نے شرکت کی ۔

مبلغِ دعوتِ اسلامی مولانا محمد عثمان عطاری مدنی نے شعبے کی نئی اپڈیٹس سے آگاہی دیتے ہوئے تعویذات لکھنے کے حوالے سے شرکائے کورس کی مختلف امور پر رہنمائی کی نیز دم کرنے اور کاٹ کرنے کا طریقہ بتایا۔

صوبہ سندھ کے شہر شکارپور میں دعوتِ اسلامی  کے شعبہ روحانی علاج کے تحت 19، 20 اور 21 اپریل 2025ء کو روحانی علاج کورس ہوا جس میں لاڑکانہ ڈویژن کے مختلف شعبہ جات سے تعلق رکھنے والے اسلامی بھائیوں نے شرکت کی۔

کورس کے دوران شعبے کے ذمہ دار نوید احمد عطاری نے اسلامی بھائیوں کی رہنمائی کرتے ہوئے انہیں تعویذات لکھنے ، دم کرنے اور کاٹ کرنے کا طریقہ بتایا نیز اس کی چند ضروری احتیاطیں بھی بیان کیں۔

شعبہ روحانی علاج دعوتِ اسلامی کے تحت 15، 16 اور 17 اپریل 2025ء کو مدنی مرکز فیضانِ مدینہ سبی، بلوچستان میں ”روحانی علاج کورس“ کا انعقاد کیا گیا جس میں سبی ڈویژن کے مختلف شعبہ جات سے تعلق رکھنے والے عاشقانِ رسول نے شرکت کی۔

کورس میں شریک اسلامی بھائیوں کی تربیت کے لئے مبلغِ دعوتِ اسلامی نور محمد عطاری نے تعویذات لکھنے کے حوالے سے مختلف امور پر رہنمائی کرتے ہوئے دم کرنے اور کاٹ کرنے کا طریقہ بتایا نیز اس کی چند احتیاطیں بھی بیان کیں۔

مبلغِ دعوتِ اسلامی نے شعبے کے متعلق نئی اپڈیٹس سے آگاہ کیا اور اسلامی بھائیوں کو دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: سمیر علی عطاری آفس اسسٹنٹ ، کانٹینٹ:غیاث الدین عطاری)

10 اپریل 2025ء کو شیخو پورہ موڑ بس اسٹاب گوجرانوالہ میں موجود دعوتِ اسلامی کے شعبہ روحانی علاج کے تحت ”دہرائی اجتماع“ کا انعقاد کیا گیا جس میں ڈسڑکٹ گوجرانولہ اور حافظ آباد کے بستہ ذمہ داران نے شرکت کی۔

اس اجتماعِ پاک میں مبلغِ دعوتِ اسلامی مولانا انیس عطاری مدنی نے حاضرین کو تعویذات کی دہرائی کروائی اور شعبے کے متعلق نئی اپڈیٹس سے آگاہ کیا جبکہ دعوتِ اسلامی کے دینی کاموں میں عملی طور پر حصہ لینے کی ترغیب دلائی۔(رپورٹ: ثقلین علی عطاری، شعبہ روحانی علاج ڈویژن گوجرانوالہ ، کانٹینٹ:غیاث الدین عطاری)